Monday 31 March 2014

သုံးနှစ်သားအစိုးရ နှင့် အပြောင်းအလဲ ဗျူဟာသုံးရပ်

၂၀၁၄ ခု၊ မတ်လ ၃၀ ရက်တွင် မြန်မာ့ဒီမိုကရေစီအကူးအပြောင်း ပုံဖော်နေသည့် သမ္မတဦးသိန်းစိန် အစိုးရ သုံးနှစ်ပြည့်မြောက်သွားပြီ ဖြစ်သည်။ နိုင်ငံရေး၊ စီးပွားရေးနှင့် ဥပဒေရေးရာ လေ့လာသူများက တော့ အစိုးရ ၏ သုံးနှစ်တာကာလ အပြောင်းအလဲ မဟာဗျူဟာကြီးသုံးရပ်အပေါ် မေးခွန်းပေါင်းများစွာဖြင့် ဆန်း စစ်ကြည့်ကြ မည် ဖြစ်သည်။ နိုင်ငံရေး၊ စီးပွားရေးနှင့် အုပ်ချုပ်ရေးယန္တရားများတွင် မည်၍ မည် မျှ ရွေ့ နေ ပါသနည်း။နိုင်ငံရေးအပြောင်းအလဲကိုကြည့်လျှင် အားရကျေနပ်မှု ပြည့်ဝအောင် မပေးနိုင်သော်ညား မြင်သာသည့် အပြောင်း အလဲဟု ဆိုနိုင်ပါသည်။ အာဏာရှင်မှသည် ဒီမိုကရေစီသို့ ပြောင်းလဲနိုင်ခဲ့ခြင်းကြောင့် ဖြစ် သည်။ ဘာပဲဖြစ်ဖြစ် စနစ်ပြောင်းနိုင်ခဲ့ပါပြီ။

သို့သော် ဒီမိုကရေစီ၏အသီးအပွင့်များကို ပြည်သူအများစု ခံစားခွင့်မရသေးကြောင်း မြန်မာ့နိုင်ငံရေး လေ့ လာသူများ အပ်ကြောင်းထပ်အောင် ပြောခဲ့သည်။ ပြောနေဆဲလည်းဖြစ်သည်။ နောင်လည်း ပြောနေရဦး မည်။

အာဏာရှင်စနစ်မှ ဒီမိုကရေစီစနစ်သို့ ရောက်ရှိလာခြင်းမှာ စနစ်အရ ပြောင်းလာသော်လည်း အနှစ်သာ ရအရ အကျင့်ဟောင်းများ နေရာများစွာတွင် တွေ့ကြုံ နေရသည်။ အပြောင်းအလဲဟူသည် အချိန်နှင့်ကု စားရမည်မှန်သော်လည်း အချိန်ထဲတွင် မျောနေသည့် အပြောင်းအလဲသည် ယုံကြည်မှုမဲ့စေသည်။

ဒုတိယမဟာဗျူဟာ အပြောင်းအလဲဖြစ်သည့် စီးပွားရေးကဏ္ဍကို ကြည့်လျှင် နိုင်ငံရေးအပြောင်းအလဲနှင့် တစ်ဘာသာစီဖြစ်သည်။ စစ်အစိုးရလက်ထက်ကတည်းက ကြွေးကြော်ခဲ့သည့် ဈေးကွက်စီးပွားရေးစနစ် သည် ဒီမုိုကရေစီစနစ် တေးသွားအပြောင်း ကကွက်သစ်လာသော်လည်း ထင်သလောက် ပွဲမဖြစ်သေး ချေ။ အခွင့်အလမ်းများ မစားရ၀ခမန်းနှင့် နိုင်ငံ၏ ဂျီဒီပီတက်လာသည့် မြန်မာ့စီးပွားရေးသည် အခြေခံလူ တန်းစားများအဖို့ထူးမခြားနားပင်။ အလုပ်အကိုင်အခွင့်အလမ်းများက မက်လုံးပေးအဆင့်သာရှိပြီး အလုပ် လက်မဲ့ကတော့ များပြားနေဆဲဖြစ်သည်။

နိုင်ငံတကာမှ စီးပွားရေးပိတ်ဆို့မှုများ ရုပ်သိမ်းလာသည့်အတွက် ပြည်ပရင်းနှီးမြှုပ်နှံမှုများ ၀င်လာ သည့် မြန် မာ့ စီးပွားရေးအပြောင်းအလဲသည် သမ္မတသက်တမ်း သုံးနှစ်အတွင်း ဖုတ်လှိုက်ဖုတ် လှိုက် ဖြစ်နေဆဲ ဟု ဆိုနိုင်ပါသည်။ တစ်ဖက်ကကြည့်လျှင် စီးပွားရေးအပြောင်းအလဲ အတက်နှေးနေဆဲ တွင် အစိုးရပုံဖော် သည့် စီးပွားရေးမဟာဗျူဟာကြီးများသည် အရှိန်မြှင့်လိုက်သော်လည်း ပစ်မှတ်မထိ သည့် မြားတွေလည်း ရှိနေကြောင်း စီးပွားရေးပညာရှင်များက ထောက်ပြထားသည်ကိုလည်း တွေ့ရသည်။ အမြင်သာဆုံး မှာ ပြဿနာများစွာ၊ အခက်အခဲများစွာနှင့် တ၀ဲလည်လည်ဖြစ်နေသော စီမံကိန်းကြီးများက သက်သေပြနေ သည်။

အုပ်ချုပ်ရေးယန္တရားကိုကြည့်ပါ။ အစိုးရချထားပေးသည့် တိုင်းနှင့်ပြည်နယ်အလိုက် အုပ်ချုပ်နေသူများဖြင့် စတင်ခဲ့သည့်နောက်တွင် အောက်ခြေ ရပ်/ကျေး အုပ်ချုပ်ရေးမှူးများကို ဒီမိုကရေစီနည်းအရ ပြုပြင်ပြောင်း လဲလာသည်ရှိသော်လည်း နေရာတိုင်းတော့ ပွဲမဖြစ်ခဲ့။ အုပ်ချုပ်ရေးပိုင်းကို အုပ်ချုပ်ရေးအာဏာဖြင့် တစ် ဖက်သတ် လွှမ်းမိုးလိုက်သည်များလည်း ရှိခဲ့သည်။ ဒါတင်မက အုပ်ချုပ်ရေးမှူးများ၏ ခံယူချက်များတွင် အထက်အမိန့်ဆိုသည့် လက်သုံးစကားကို သုံးစွဲတတ်သည့်အကျင့်က လုံးဝပျောက်ကင်းမသွားသေးချေ။ အုပ်ချုပ်ရေးပိုင်းများမှတစ်ဆင့် ဘာသာရေးနှင့် အမျိုးသားရေးများ ရောထွေးကာ နိုင်ငံရေး အမြတ်ထုတ် မည့် ခြေလှမ်းများကို အတိုက်အခံများဘက်ကကြည့်လျှင် တန်းတူညီမျှရေးအတွက် မေးခွန်းထုတ် စရာဖြစ် နေသည်။

သမ္မတ၏ သက်တမ်းသုံးနှစ်ပြည့်မိန့်ခွန်းတွင် ဒီမိုကရေစီနှင့်ဖွံ့ဖြိုးတိုးတက်ရေးကို ပြုပြင်ပြောင်းလဲ မှု လေးရပ်ဖြင့် ဖော်ဆောင်ခဲ့ခြင်းကို အတိုင်းအတာတစ်ခုထိ ကျေနပ်မိသည် ဟု ဆိုသည်။ နိုင်ငံရေး၊ စီးပွားရေး၊ အုပ်ချုပ်ရေးနှင့် ပုဂ္ဂလိကကဏ္ဍ မြှင့်တင်မှုများဖြင့် ဆောင်ရွက်ခဲ့သည့် “နိုင်ငံရေးယဉ်ကျေးမှု အသစ်” ဖြစ် သည်။

သို့သော် လက်တွေ့တွင်မူ အစိုးရ၏ ပြုပြင်ပြောင်းလဲရေးယန္တရားကြီးသည် နိုင်ငံရေးကြွေးကြော် မှု တော် တော်များများပြုလုပ်ခဲ့သည်ကို တွေ့ရပြီး အမှန်တကယ် ဒီမိုကရေစီဖြစ်ထွန်းရေးနှင့် လွတ်လပ် မျှတမှု ကို အခြေခံသည့် တန်းတူညီမျှရေးနှင့် ဝေးနေပြန်သည်။

ပါတီစုံဒီမိုကရေစီအရ လွှတ်တော်အခင်းအကျင်းများကြောင့် အထိုက်အလျောက် ပွင့်လင်းလာသည့် ယနေ့မြန် မာနိုင်ငံသည် ဒီမိုကရေစီဆိုသော်ငြား စနစ်ဟောင်းအစွဲကြောင့် နေရာများစွာတွင် ပွင့်လင်းမြင် သာမှု မရှိသေးပေ။ အဆိုးဆုံးမှာ ပြည်သူများအကြား အကြောက်တရားများ သံမှိုစွဲရိုက်ခံနေရဆဲ ဖြစ် သည်။

လက်ရှိမြန်မာ့နိုင်ငံရေးတွင် တစ်ပါတီအာဏာများ လွှမ်းမိုးနေဆဲဖြစ်ပြီး အာဏာရှင်လက်သုံးစကား များ ဖြစ်သည့် “မြန်မာ့နည်း မြန်မာ့ဟန်များ” ကို ဖက်တွယ်ထားခြင်းသည် အစိုးရကြွေးကြော်နေသည့် သန့်ရှင်းသော အစိုးရ၊ ကောင်းမွန်သောအုပ်ချုပ်ရေးနှင့် အားပြိုင်နေမည်ဖြစ်သည်။ ဆိုရလျှင် ဦးသိန်းစိန် အစိုးရသည် ဖြတ်သန်းခဲ့သည့် သုံးနှစ်တာသင်ခန်းစာကို သမိုင်းအနာတရမဖြစ်အောင် ဆင်ခြင်ရမည်ဖြစ်ပြီး ကျန်သက်တမ်း နှစ်နှစ်အတွင်း လက်ရှိဒီမိုကရေစီအကူးအပြောင်းကို အရှိန်မြှင့် မောင်းနှင်ရန် လိုအပ် မည်ဖြစ်သလို အပြောင်းအလဲကာလတွင် ကြုံတွေ့ရမည့် မျှော်လင့်ခြင်းတစ်ဝက်နှင့် စိန်ခေါ်ခြင်းတစ်ဝက် ကို ရဲရဲရင့်ရင့် ရင်ဆိုင်ဖို့လိုမည်ဖြစ်ကြောင်း မဇ္ဈိမက တိုက်တွန်းရေးသားလိုက်ပါသည်။

အယ်ဒီတာ့အာဘော်
Mizzima - News in Burmese

No comments:

Post a Comment