Monday 3 February 2014

ယခုဘဏ္ဍာနှစ်တွင် ဟိုတယ်အခန်း ၁,၇၀၀ ကျော် တိုးလာမည်

၂၀၁၃ ခုနှစ်မှ စတင်ကာ နိုင်ငံရေး၊ စီးပွားရေးအရ မြန်မာနိုင်ငံကိုနိုင်ငံတကာမှ စိတ်ဝင်စားလာသည်နှင့် အတူ မန္တလေးဒေသသို့ ပြည်ပခရီးသွားဝင်ရောက်မှု ယခင်နှစ်များထက် များပြားလာမည်ဟု ခရီးသွား လုပ်ငန်းရှင်များက မျှော်မှန်းထား ကြပြီး ဟိုတယ်သစ် တည်ဆောက်ဖွင့်လှစ်မှု များပြားလာသဖြင့် ယခု ဘဏ္ဍာနှစ်အတွင်း ဟိုတယ်အခန်းအရေအတွက် ၁,၇၀၀ ကျော် တိုးတက်လာမည်ဟု မန္တလေးတိုင်း ဟိုတယ်နှင့် ခရီးသွားညွှန်ကြားမှု ဦးစီးဌာနစာရင်းများတွင် ဖေါ်ပြထားသည်။

၂၀၁၄-၂၀၁၅ ဘဏ္ဍာနှစ် နိုင်ငံခြားရင်းနှီးမြှုပ်နှံမှု ကန်ဒေါ်လာ လေးဘီလီယံ အနည်းဆုံးဝင်ရန်တိုးမြှင့်လျာထား

နိုင်ငံခြားရင်းနှီးမြှုပ်နှံမှုပမာဏလျာထားချက်ကို ၂၀၁၄-၂၀၁၅ ဘဏ္ဍာနှစ် အတွက် လျှော့ချထားခြင်းမရှိဘဲ ကန်ဒေါ်လာ ငါးဘီလီယံအထိတိုးမြှင့်၍သာ လျာထားသည်ဟု အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှု ၀န်ကြီးဌာနမှ ညွှန်ကြားရေးမှူးချုပ် ဦးအောင်နိုင်ဦးက မဇ္ဈိမကို ပြောသည်။

နားထဲကို ရေ သို့မဟုတ် ဆီထည့်လျှင် နားမှိုစွဲသည့် ရောဂါ ဖြစ်နိုင်

Photo: နားထဲကို ရေ သို့မဟုတ် ဆီထည့်လျှင် နားမှိုစွဲသည့် ရောဂါ ဖြစ်နိုင်
Monday, Frbruary 3, 2014

ရာသီဥတု ပူပြင်းတာကြောင့် နားဆီ ခန်းခြောက်တယ် ထင်ပြီး နားထဲကို ရေ ဒါမှမဟုတ် ဆီတစ်မျိုးမျိုး ထည့်တာက နားမှိုစွဲ ရောဂါအပြင် နားကိုက်တာပါ ဖြစ်နိုင်ပါတယ်။

နားဆီက နားပြွန်ထဲမှာ ရှိသလို နားထဲမှာ အဆီကျိတ်တွေနဲ့ နားဖာချေး ထုတ်တဲ့ အကျိတ်တွေလည်း ရှိပါတယ်။ အကျိတ်တွေက ရာသီဥတု ပူလာရင် အဆီ ခြောက်တတ်ပါတယ်။

ရာသီဥတု ပူတဲ့အချိန်တွေမှာ နားထဲကနေ နားဖာချေး အခြောက်လေးတွေ ခါတိုင်းထက် ပိုထွက် လာတတ်ပါတယ်။ အဲသည်လို အချိန်မျိုးတွေမှာ နားကျပ်တာ၊ နားကလော်တာ၊ နားထဲကို ရေ၊ ဆီ၊ နားနဲ့ ပတ်သက်တဲ့ တခြား ဆေးရည်တွေ ထည့်တာမျိုး မပြုလုပ် သင့်ပါဘူး။ ပူပြင်းတဲ့ ရာသီမှာ နားထဲက အဆီတွေက ခြောက်သွေ့တတ်ပေမယ့် ခန်းတယ်လို့တော့ မရှိပါဘူး။ နားပြွန်ထဲမှာ အလိုအလျောက် သန့်ရှင်းရေးလုပ်တဲ့ စနစ်လည်း ရှိပါတယ်။

အဲသည်စနစ်က အတွင်းပိုင်း ရောက်သွားတဲ့ အမှုန်အမွှားတွေကို သယ်ထုတ် ပေးပါတယ်။ သည်စနစ်က နူးညံ့တာကြောင့် နားကလော်ရင် ပျက်သွား တတ်ပါတယ်။ သန့်ရှင်းရေးစနစ် ပျက်သွားရင် နားဖာချေးတွေ အပြင်ကို မထွက်တော့ဘဲ အတွင်းပိုင်းမှာ စုနေတတ်တာကြောင့် နားဖာချေး ပိတ်တဲ့ ပြဿနာတွေ ဖြစ်တတ်ပါတယ်။ တချို့လူတွေမှာတော့ နားဖာချေး လုံးဝ မရှိတော့ တာတွေလည်း ဖြစ်တတ်ပါတယ်။ နားကလော်ပါ များရင်၊ နားကျပ်ပါ များရင် နားထဲမှာရှိတဲ့ အဆီတွေ ထွက်မလာ တတ်တော့ပါဘူး။

အဲသည်အခါမျိုး တွေမှာ နားခြောက် တတ်ပါတယ်။ နားခြောက်လာတဲ့ အခါ နားထဲဖုန်ဝင်ရင် နားအရမ်းယားပြီး တစ်နေ့တည်း လေးငါးခါ နားကျပ်တာမျိုးတွေ ပြုလုပ်လာတတ်ကြပါတယ်။ နားယားတဲ့ ဝေဒနာကို သက်သာဖို့ တွေ့ကရာ တုတ်တွေ၊ စက္ကူတွေ၊ ချိတ်တွေနဲ့ နားကျပ်ပါ များလာရင် နားမှိုစွဲတဲ့ ရောဂါနဲ့ နားကိုက် ရောဂါပါ ခံစား လာရတတ်ပါတယ်။

“နားယားလာလို့ တရားလွန် နားကျပ်တာမျိုး၊ နားပင်းလောက်တဲ့ အထိ နားကျပ်တာမျိုး မလုပ်သင့်ဘူး။ နားစည် ပေါက်သွားမယ် ဆိုရင် နားလေး သွားတတ်ပါတယ်။ နားမှိုစွဲတာတို့၊ နားကိုက် လာတာတို့ ဖြစ်ပြီဆိုရင် ကျွမ်းကျင်တဲ့ ဆရာဝန်နဲ့ သေချာပြသ သင့်တယ်”လို့ အထူးကု ဆရာဝန် ဒေါက်တာ ဦးဝင်းထိုက်ကြည်က ပြောပါတယ်။

(ကုမုဒြာ)
ရာသီဥတု ပူပြင်းတာကြောင့် နားဆီ ခန်းခြောက်တယ် ထင်ပြီး နားထဲကို ရေ ဒါမှမဟုတ် ဆီတစ်မျိုးမျိုး ထည့်တာ က နားမှိုစွဲ ရောဂါအပြင် နားကိုက်တာပါ ဖြစ်နိုင်ပါတယ်။

မြန်မာအမျိုးသားရေးကွန်ရက်က ဖွဲ့စည်းပုံအခြေခံဥပဒေဆိုင်ရာ အသိပညာပေး ဟောပြောပွဲ ပြုလုပ်ခဲ့ပြီး အခြေခံဥပဒေပုဒ်မ ၅၉ အောက်ရှိ ဥပဒေပုဒ်မများကို ရှိရင်းစွဲအတိုင်း ထားရှိသင့်ဟု ထုတ်ပြန်

Photo: မြန်မာအမျိုးသားရေးကွန်ရက်က ဖွဲ့စည်းပုံအခြေခံဥပဒေဆိုင်ရာ အသိပညာပေး ဟောပြောပွဲ ပြုလုပ်ခဲ့ပြီး အခြေခံဥပဒေပုဒ်မ ၅၉ အောက်ရှိ ဥပဒေပုဒ်မများကို ရှိရင်းစွဲအတိုင်း ထားရှိသင့်ဟု ထုတ်ပြန်
 Monday, Frbruary 3, 2014

မြန်မာအမျိုးသားရေးကွန်ရက်က ဖွဲ့စည်းပုံအခြေခံဥပဒေဆိုင်ရာ အသိပညာပေး ဟောပြောပွဲကို ဖေဖော်ဝါရီ ၂ ရက်က ရန်ကုန်မြို့၊ ဗဟန်းမြို့နယ်ရှိ ဗိုလ်စိန်မှန်အားကစားကွင်းတွင် ပြုလုပ်ခဲ့ရာ ၂၀၀၈ ဖွဲ့စည်းပုံအခြေခံဥပဒေပုဒ်မ ၅၉ အောက်ရှိ ဥပဒေပုဒ်မများသည် သာမန်နိုင်ငံသား တစ်ဦးအတွက် ပြဋ္ဌာန်းချက်မဟုတ်ဘဲ နိုင်ငံဦးသျှောင် သမ္မတတစ်ဦးအတွက် ပြဋ္ဌာန်းထားခြင်းဖြစ်ရာ အရှည်ကိုမျှော်ကိုး၍ ရှိရင်းစွဲအတိုင်း ထားရှိသင့်သည်ဟု ထုတ်ပြန်ခဲ့သည်။

အဆိုပါဟောပြောပွဲတွင် မတူကွဲပြားခြင်းနှင့် ငြိမ်းချမ်းရေးပါတီဥက္ကဋ္ဌ ဦးနေမျိုးဝေက စတင်ဟောပြောခဲ့ခြင်းဖြစ်ပြီး ဟောပြောပွဲသို့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ပြည်သူ့လွှတ်တော်ကိုယ်စားလှယ် ဦးအောင်သိန်းလင်း အပါအ၀င် တက်ရောက်သူ တစ်ထောင်ကျော်ရှိကြောင်း မြန်မာအမျိုးသားရေးကွန်ရက် အဖွဲ့ဝင်များ၏ ပြောကြားချက်အရ သိရသည်။

ဦးနေမျိုးဝေက ၂၀၀၈ ဖွဲ့စည်းပုံအခြေခံဥပဒေပါ ပုဒ်မ ၅၉ နှင့် ပတ်သက်ပြီး “ကျွန်တော်တို့ ဒါကိုပြင်ခြင်းအားဖြင့် များစွာအကျိုးယုတ်နိုင်မယ်ဆိုတာ မုချပြောနိုင်တယ်။ အခုဆိုရင် ရေနံကိုရောင်းစားတယ်။ ရေနံကိုရောင်းစားရင် လယ်ကျန်တယ်။ လယ်ယာကိုရောင်းစားရင် ရေကျန်တယ်။ အဲဒီဟာတွေ ရောင်းစားရင် ကျွန်တော်တို့တိုင်းပြည် မြေဧရိယာကတော့ ကျန်နေသေးတယ်။ အခုတော့ တစ်နိုင်ငံလုံးကို ရောင်းစားနိုင်တဲ့ နေရာကို သူတို့က ပြောင်းလဲချင်နေကြတယ်။ အကယ်၍ သမ္မတဖြစ်မယ့် အရည်အချင်းကို လျှော့ပေါ့ပြဋ္ဌာန်းလိုက်မယ်ဆိုရင် အဲဒီနေရာကို ရောင်းစားလိုက်သလိုပဲဖြစ်မယ်။ ဒါကြောင့် နိုင်ငံတော်သမ္မတဖြစ်ရမယ့် အရည်အချင်းသည် အလွန်အရေးကြီးပါတယ်” ဟု ဟောပြောခဲ့သည်။

“ကျွန်တော်တို့အဖွဲ့အနေနဲ့ ဘယ်ပါတီ၊ ဘယ်အဖွဲ့အစည်း၊ လူပုဂ္ဂိုလ်ရဲ့ ကျောထောက်နောက်ခံမှ မယူထားပါဘူး။ ဒီနေ့လုပ်ရတဲ့ပွဲကတော့ ပုဒ်မ ၅၉ ကို အမျိုးသားရေး ရှုထောင့်ကနေပြီး ပြုပြင်ဖို့ကို မလိုအပ်ပဲ မပြုပြင်သင့်ဘူး၊ ထိကိုမထိသင့်ဘူးဆိုတဲ့ ပုံစံမျိုးနဲ့ စီစဉ်ခြင်းဖြစ်ပါတယ်” ဟု ဟောပြောပွဲကို ဦးဆောင်ကျင်းပခဲ့သည့် မြန်မာ့အမျိုးသားကွန်ရက်မှ ကိုသီရိမောင်က ပြောကြားသည်။

မြန်မာအမျိုးသားကွန်ရက်ကို ၂၀၁၃ ခုနှစ် နိုဝင်ဘာလအတွင်းက ဖွဲ့စည်းခဲ့ခြင်းဖြစ်ပြီး သက်တမ်းသုံးလရှိပြီဖြစ်သည်ဟု ကိုသီရီမောင်က ပြောကြားသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ လွှတ်တော်ကိုယ်စားလှယ် ဦးအောင်သိန်းလင်းက “ဒီနေ့လာတာက လာလေ့လာဖြစ်ပါတယ်။ ဒီမှာ လူထုအနေနဲ့ ဘယ်လိုရှိသလဲဆိုတာ လာနားထောင်တာပါ။ ကျွန်တော်အနေနဲ့ကတော့ လွှတ်တော်ထဲမှာဆိုထားတဲ့ ကတိအတိုင်းပဲ ကျွန်တော်တည်ရမယ်။ ပုဒ်မ ၅၉ ပြင်ရေး၊ မပြင်ရေးနဲ့ ပတ်သက်ပြီးကတော့ လွှတ်တော်ထဲမှာ ဖွဲ့စည်းပုံအခြေခံဥပဒေကို ထိန်းသိမ်းကာကွယ်စောင့်ရှောက်ပါ့မယ်လို့ ကတိသစ္စာပြုထားပြီ ဖြစ်တဲ့အတွက် ကျွန်တော်ကတိတည်သွားမှာ ဖြစ်ပါတယ်” ဟု ဦးအောင်သိန်းလင်းက ပြောကြားသည်။

“ကျွန်တော်က ပြည်သူတစ်ယောက်အနေနဲ့ လာနားထောင်တာ ၅၉(စ)နဲ့ပတ်သက်ပြီးတော့ ရုတ်တရက်ပြင်မယ်ဆိုတာ သိပ်မကြိုက်ဘူး။ လူတစ်ယောက်နဲ့တစ်ယောက် ခံယူချက်တော့ မတူဘူးပေါ့။ ၅၉(စ)ကို မပြင်ဘူးဆိုတာကို ပြောမှာဖြစ်တဲ့အတွက် ကျွန်တော်တို့စိတ်ဝင်စားတယ် လာနားထောင်တယ်” ဟု ဟောပြောပွဲသို့ သာကေတမြို့နယ်မှ လာရောက်သူ ဦးမောင်စိုးက ပြောပါသည်။

ဟောပြောပွဲသို့ တက်ရောက်လာသည့် မင်္ဂလာဒုံမြို့နယ်မှ မွန်တိုင်းရင်းသား ဦးရွှေငိုးက “ရွှေနံ့သာကွင်းမှာ လယ်သိမ်းခံထားရတယ်။ ကိုယ့်လယ်ကို ကိုယ်လုပ်နေပေမယ့် ဘယ်သူရတယ်ဆိုတာ အခုအချိန်ထိ မသိရသေးဘူး။ ဒီအမှုက ကိုနေမျိုးဝေနဲ့ ကျွန်တော်တို့အပ်ထားတယ်။ သူလိုက်နေတယ်။ လယ်သိမ်းတဲ့ကိစ္စတွေ သူပြောမလားလို့လာတာ။ အခု တို့နဲ့ဘာမှမဆိုင်ဘူး။ သူ့အကြောင်းသူပြောတာ။ အခုဆွေးနွေးပွဲက သူဘာသာသူ ဆွေးနွေးတာ တို့နဲ့ဘာမှမဆိုင်ဘူး။ တို့လာတာ အားလုံးငါးဆယ်လောက်ရှိတယ်။ ကားသုံးစီးနဲ့လာတာ” ဟု ပြောပြပါသည်။

နိုင်ငံတော်သမ္မတနှင့် ဒုတိယသမ္မတ၏ အရည်အချင်းများနှင့် ပတ်သက်ပြီး ၂၀၀၈ ဖွဲ့စည်းပုံအခြေခံဥပဒေ ၅၉(စ) တွင် မိမိကိုယ်တိုင်သော်လည်းကောင်း၊ မိမိ၏ မိဘတစ်ပါးပါးသော်လည်းကောင်း၊ မိမိ၏ဇနီး သို့မဟုတ် ခင်ပွန်းသော်လည်းကောင်း မိမိ၏ တရားဝင်သားသမီး တစ်ဦးဦးသော်လည်းကောင်း၊ ထိုတရားဝင်သားသမီး တစ်ဦးဦး၏ ဇနီးသို့မဟုတ် ခင်ပွန်းသော်လည်းကောင်း နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက်ရိုသေသူ(သို့မဟုတ်) နိုင်ငံခြားအစိုးရ၏ လက်အောက်ခံဖြစ်သူ သို့မဟုတ် တိုင်းတစ်ပါး၏ နိုင်ငံသားဖြစ်သူများ မဖြစ်စေရ စသည့်အချက်များ ပါဝင်သည်။

ဖေဖော်ဝါရီ ၂ ရက်က ပြုလုပ်သည့် ဖွဲ့စည်းပုံအခြေခံဥပဒေဆိုင်ရာ အသိပညာပေး ဟောပြောပွဲအား တွေ့ရစဉ်

Eleven Media Group
ဖေဖော်ဝါရီ ၂ ရက်က ပြုလုပ်သည့် ဖွဲ့စည်းပုံအခြေခံဥပဒေဆိုင်ရာ အသိပညာပေး ဟောပြော ပွဲအား တွေ့ရစဉ်
မြန်မာအမျိုးသားရေးကွန်ရက်က ဖွဲ့စည်းပုံအခြေခံဥပဒေဆိုင်ရာ အသိပညာပေး ဟောပြောပွဲကို ဖေဖော်ဝါရီ ၂ ရက်က ရန်ကုန်မြို့၊ ဗဟန်းမြို့နယ်ရှိ ဗိုလ်စိန်မှန်အားကစားကွင်းတွင် ပြုလုပ်ခဲ့ရာ ၂၀၀၈ ဖွဲ့စည်းပုံအခြေခံ ဥပဒေပုဒ်မ ၅၉ အောက်ရှိ ဥပဒေပုဒ်မများသည် သာမန်နိုင်ငံသား တစ်ဦးအတွက် ပြဋ္ဌာန်းချက် မဟုတ်ဘဲ နိုင်ငံဦးသျှောင် သမ္မတတစ်ဦးအတွက် ပြဋ္ဌာန်းထားခြင်းဖြစ်ရာ အရှည်ကိုမျှော်ကိုး၍ ရှိရင်းစွဲ အတိုင်း ထားရှိ သင့်သည်ဟု ထုတ်ပြန်ခဲ့သည်။