Tuesday 15 April 2014

ထာဝရငြိမ်းချမ်းရေးအတွက် သဘောထားကွဲနေသော KIO/KIA


ဧပြီလ ၁၅ ရက် ၂၀၁၄ ခုနှစ်

အစိုးရ၏ ပစ်ခတ်ရပ်စဲရေး ကြိုးပမ်းဆောင်ရွက်မှုများမှာ အားရစရာဟု ဆိုရပေမည်။ MPC တွင် အစိုးရနှင့် တိုင်းရင်းသား အဖွဲ့အစည်းများ ဧပြီလ ပထမပတ်အတွင်း တစ်ပြည်လုံးအတိုင်းအတာဖြင့် အပစ်အခတ်ရပ်စဲရေး တွေ့ဆုံဆွေးနွေးမှု အတိုင်းအတာကိုကြည့်ပြီး ပြည်သူများ အားမလို အားမရ ဖြစ်မိသည်။ အစိုးရ၏ ထာဝရငြိမ်းချမ်းရေး ရရှိရေး ကြိုးပမ်းချက်ကို KIO/KIA အဖွဲ့က လက်မခံနိုင်သည်ကိုလည်း အံ့သြမိသည်။

အစိုးရက တစ်ပြည်လုံးအတိုင်းအတာဖြင့် ပစ်ခတ်ရပ်စဲရေးလက်မှတ်ရေးထိုးပြီး ထာဝရငြိမ်းချမ်းရေး ရရှိရန် ရည်မှန်းချက် လမ်းပြမြေပုံအတိုင်း နိုင်ငံရေးဆွေးနွေးပွဲများ ဆက်လက်ဆောင်ရွက်လိုသည်။ ငြိမ်းချမ်းရေးကို အစိုးရက လိုလားသကဲ့သို့ ပြည်သူတွေကလည်း လိုလားသည်။ ခေတ်အဆက်ဆက် တိုင်းပြည်ဖွံ့ဖြိုးတိုးတက်မှု နောက်ကျခဲ့ခြင်းမှာ ငြိမ်းချမ်းရေးကို အောင်မြင်စွာ တည်ဆောက်နိုင်မှု မရှိခြင်းကြောင့်ဖြစ်သည်။ နောက်ဆုံးတော့ ပြည်သူတွေသာ ဒုက္ခရောက်ပြီး ဆင်းရဲတွင်း နက်လာသည်။ တိုင်းပြည်လည်း တိုးတက်မှုမရှိခြင်းကြောင့် အာဆီယံနိုင်ငံများတွင် မျက်နှာမလှဖြစ်ခဲ့ရသည်။

စကားများရန်ဖြစ်ရာမှ ဓါးနှင့်ထိုးခဲ့၍ သေဆုံး

ရန်ကုန်၊ ဧပြီ ၁၄
၁၄.၄.၂၀၁၄ရက်နေ့ ၁၇၀၀ အချိန်ခန့်တွင် ကြည့်မြင်တိုင်မြို့နယ်၊ အေးရွာ
ရပ်ကွက်နေ မလွင်လွင်ငြိမ်းမှ ၎င်းသည် နေအိမ်တွင်ရှိနေစဉ် မောင်ဖြစ်သူ
အောင်ဇော်မိုးမှာ အေးရွာရပ်ကွက်၊ သီတာအေးဘုန်းကြီးကျောင်းအနောက်
လမ်း၌ ဓါးထိုးခံရကြောင်းကြားသိရသဖြင့် သွားရောက်ကြည့်ရှုခဲ့ရာ
မောင်ဖြစ်သူအား ၀ဲရင်အုံထိုးသွင်းဒဏ်ရာ(၁)ချက်ရရှိထားသည်ကို
တွေ့ရှိရပါသည်။ ဖြစ်စဉ်အားစုံစမ်းရာ မောင်ဖြစ်သူ အောင်ဇော်မိုးနှင့် တစ်ရပ်ကွက်တည်းနေ
အောင်မျိုး၊ (၃၀)နှစ်၊ အေးရွာရပ်ကွက်၊ ကြည့်မြင်တိုင်မြို့နယ်နေသူတို့သည် ကလေးများရန်ဖြစ်သည့်ကိစ္စနှင့်ပတ်သက်၍စကားများရန်ဖြစ်စဉ် အောင်မျိုးမှ
အသင့်ပါလာသော အရိုးအသွား(၈)လက်မခန့်ရှိ ဓါးဦးချွန်ဖြင့်ထိုးခဲ့သဖြင့် ဒဏ်ရာရရှိခဲ့ခြင်းဖြစ်ကြောင်း သိရှိရပါသည်။

ဒေါ်စု ပြင်သစ်ရောက်

Photo: ဒေါ်စု ပြင်သစ်ရောက်
Tuesday, April 15,2014

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ဒီကနေ့ ပြင်သစ် စံတော်ချိန် နေ့လည် ၁၂ နာရီလောက်မှာ ပြင်သစ်နိုင်ငံကို ရောက်ရှိနေပါပြီ။ ဒီညနေပိုင်းမှာပဲ ပြင်သစ် သမ္မတ ဖရန်ဆွာ အော်လွန်းနဲ့ တွေ့ဆုံမှာ ဖြစ်ပါတယ်။ ဒီနောက်မှာရော ဘာအစီအစဉ်တွေ ရှိပါသေးလဲ ဆိုတာကိုတော့ ပြင်သစ်မှာ နေထိုင်ကြတဲ့ မြန်မာအသိုင်းအဝိုင်းက မခင်ဇင်မင်းက အခုလိုပြောပါတယ်။

“ဒီနေ့ နိုင်ငံခြားရေးဝန်ကြီးဌာနရဲ့ Program -  သူတို့ပြောချက်အရ သမ္မတနဲ့တွေ့မှာက ဒီနေ့ညနေ ၆ နာရီ၊ ၄၀ မှာ တွေ့မယ်။ မနက်ဖြန်ကတော့ အစီအစဉ်တွေ များတယ်။ ဒေါ်စုက နိုင်ငံခြားရေးဝန်ကြီးဌာနတို့၊ သမ္မတနဲ့လည်းတွေ့မယ်လေ။ သမ္မတအိမ်တော်မှာ နောက်ပြီးတော့ သူက အဓိက-က ပြင်သစ်စစ်တပ်ရဲ့ မြင်းတပ်မတော်ပေါ့နော်၊ ဘာကြောင့်လဲဆိုတော့ ဘုရင်ခံ အခမ်းအနားတွေ ဘာတွေကျရင် ပြင်သစ်က မြင်းတပ်မတော်ကို သုံးတုန်းပဲလေ။ အဲဒီကိုလည်း သူ သွားဖို့ရှိတယ်။ နောက် ပြင်သစ်ကဆို စစ်တပ်ရဲ့ သေနာပတိချုပ် အကြီးအကဲကြီးတွေနဲ့လည်း တွေ့ဖို့ ရှိပါတယ်။ အဲဒါတွေ အကုန်လုံးကတော့ မနက်ဖြန်မှ တွေ့မှာ။

“အန်တီစုက လာတယ်ဆိုပေမယ့် သူ့ရဲ့ ပရိုဂရမ်တွေက အရမ်းကို ကြပ်နေတယ်။ ကြပ်နေတဲ့အခါကျတော့ သူက ဘာပြောသလဲဆိုတဲ့အခါကျတော့ အစကတော့ တွေ့ချင်တယ်ပေါ့နော်။ မြန်မာတွေနဲ့လည်း အမှတ်တရ နှုတ်ဆက်ချင်တယ်ဆိုတဲ့အခါကျတော့ သူက ဘယ်လိုမှကို မတွေ့ဖြစ်ဘူး-တဲ့။ ပြီးတော့ သူက ချက်ခြင်းပဲ ၁၆ ရက်နေ့ကို ပြန်မယ်။ ပြန်မယ်ဆိုတော့ ၁၄၊ ၁၅၊ ၁၆ - သုံးရက်လို့ ပြောပေမယ့် တကယ်တန်း သူရတာကတော့ ၁ ရက်ပဲ ရတယ်။”

ပြင်သစ်အခြေစိုက် မြန်မာအသိုင်းအဝိုင်းက မခင်ဇင်မင်း ပြောပြပေးခဲ့တာ ဖြစ်ပါတယ်။

မသိင်္ဂီထိုက် (ဗွီအိုအေ မြန်မာပိုင်း)
အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ဒီကနေ့ ပြင်သစ် စံတော်ချိန် နေ့လည် ၁၂ နာရီလောက်မှာ ပြင်သစ်နိုင်ငံကို ရောက်ရှိနေပါပြီ။ ဒီညနေပိုင်းမှာပဲ ပြင်သစ် သမ္မတ ဖရန် ဆွာ အော်လွန်းနဲ့ တွေ့ဆုံမှာ ဖြစ်ပါတယ်။ ဒီနောက်မှာရော ဘာအစီအစဉ်တွေ ရှိပါသေးလဲ ဆိုတာ ကိုတော့ ပြင်သစ်မှာ နေထိုင်ကြတဲ့ မြန်မာအသိုင်းအဝိုင်းက မခင်ဇင်မင်းက အခုလိုပြောပါတယ်။

ရခိုင်ပဋိပက္ခတင်ပြသူ Reuters သတင်းထောက် ၂ ဦး ပူလစ်ဇာဆုရရှိ

Photo: ရခိုင်ပဋိပက္ခတင်ပြသူ Reuters သတင်းထောက် ၂ ဦး ပူလစ်ဇာဆုရရှိ
Tuesday, April 15,2014

၂၀၁၄ ခုနှစ်အတွက် နိုင်ငံတကာသတင်းဆိုင်ရာ ပူလစ်ဇာဆု (Pulitzer Prize)  ကို မြန်မာနိုင်ငံက ရိုဟင်ဂျာ မူစလင်တွေ အကြမ်းဘက်ခံရတဲ့ သတင်းရေးသားတဲ့ ရိုက်တာသတင်းဌာနက သတင်းထောက် ၂ ဦးကို ချီးမြှင့်လိုက်ပါတယ်။

Jason Szep နဲ့ Andrew Marshall တို့ ၂ ဦးရေးသားတဲ့ သတင်းတွေဟာ ပြတ်သားရဲရင့်တယ်လို့ ဆုရွေးချယ်ရေး အဖွဲ့က ပြောပါတယ်။   ရိုဟင်ဂျာတွေဟာ မြန်မာနိုင်ငံကနေ ထွက်ပြေးနေကြပြီး တခါတလေမှာတော့ လူကုန်ကူးသူတွေရဲ့ သားကောင်အဖြစ်ကိုပါ ရောက်ခဲ့ရတဲ့သတင်းတွေကို  သူတို့က ရေးသား ခဲ့ကြတာ ဖြစ်ပါတယ်။

၂၀၁၄ ခုနှစ်အတွက် အထူးဆုဖြစ်တဲ့ လူထုဝန်ဆောင်မှု ပူလစ်ဇာဆုကိုတော့  အမေရိကန်က Washington Post နဲ့ ဗြိတိန်က Guardian သတင်းစာ ၂ စောင်က ပူးတွဲ ဆွတ်ခူးခဲ့ပါတယ်။  ဒီသတင်းစာကြီး ၂ စောင်က အမေရိကန်အစိုးရရဲ့ လျှို့ဝှက်ထောက်လှမ်းမှုတွေနဲ့ ပတ်သက်ပြီး  ပြည်ပကို ထွက်ပြေးခိုလှုံခဲ့တဲ့ အမျိုးသား ထောက်လှမ်းရေး အေဂျင်စီ NSA က ဝန်ထမ်းဟောင်း Edward Snowden ရဲ့ ထုတ်ဖေါ်မှုပေါ် အခြေခံတဲ့ သတင်းတွေ ရေးသားခဲ့တာမို့  အမေရိကန်သမ္မတက သူ့နိုင်ငံရဲ့ ထောက်လှန်းမှုတွေကို ကန့်သတ်ခဲ့ရတဲ့အထိ ကိုယ်ရေးလွတ်လပ်ခွင့်ဆိုင်ရာ အခြေအတင် ငြင်းခုံမှုတွေ ဖြစ်ပွါးခဲ့တာပါ။

အထူးသတင်းအတွက် ဆုကိုတော့  ဘောစ်စတွန်မာရသွန်ဗုံးဖေါက်ခွဲမှုနဲ့  ဗုံးဖေါက်ခွဲသူကို လိုက်ရှာတဲ့ အကြောင်း ရေးသားတဲ့ Boston Globe က ရခဲ့ပါတယ်။  ကင်ညာနိုင်ငံ Westgate mall မှာ အကြမ်းဖက် အတိုက်ခိုက်ခံရတဲ့  အထူးသတင်းမှတ်တမ်းနဲ့ ဓါတ်ပုံအတွက် ဆု ၂ ခု ဆွတ်ခူးခဲ့တဲ့ သတင်းဌာနကတော့ The New York Times ပါ။

ပူလစ်ဇာဆုဟာ အမေရိကန်နိုင်ငံအတွက် သတင်းနဲ့အနုပညာဆိုင်ရာ ထိပ်တန်းဆုအဖြစ် သတ်မှတ်ကြပါတယ်။  ဒီဆုတွေကို နယူးရောက် Columbia တက္ကသိုလ်ကကြီးမှုးပြီး ထုတ်ဝေသူ Joseph Pulitzer  အထိမ်းအမှတ်နဲ့ ၁၉၁၇ ခုနှစ်မှာ စတင်ပေးအပ်ခဲ့တာပါ။  ဆုအမျိုးအစား ၂၀ ခွဲထားပြီး ဆုတခုအတွက် ငွေသား ဒေါ်လာ တသောင်း ချီးမြှင့်ပါတယ်။  လူထုဝန်ဆောင်မှု ပူလစ်ဇာဆုအတွက်တော့ ရွှေတံဆိပ်ဆု ချီးမြှင့်တာဖြစ်ပါတယ်။

ဗွီအိုအေ (မြန်မာဌာန)

ရခိုင်ပဋိပက္ခအကြောင်း သတင်းရေးသူ Jason Szep နဲ့ Andrew Marshall တို့နှစ်ယောက်ရဲ့ ပူလစ်ဇာဆုရရှိတဲ့ ထုတ်ပြန်ချက်
ရခိုင်ပဋိပက္ခအကြောင်း သတင်းရေးသူ Jason Szep နဲ့ Andrew Marshall တို့နှစ်ယောက်ရဲ့ ပူလစ်ဇာဆုရရှိတဲ့ ထုတ်ပြန်ချက်

၂၀၁၄ခုနှစ်အတွက် နိုင်ငံတကာသတင်းဆိုင်ရာ ပူလစ်ဇာဆု (Pulitzer Prize) ကို မြန်မာနိုင်ငံက ရိုဟင်ဂျာ မူစလင်တွေ အကြမ်းဘက်ခံရတဲ့ သတင်းရေးသားတဲ့ ရိုက်တာသတင်းဌာနက သတင်းထောက် ၂ ဦးကို ချီးမြှင့်လိုက်ပါတယ်။

မြန်မာနိုင်ငံ လက်နက်တင်ပို့မှု တားမြစ်ချက် EU သက်တမ်းတိုး

Photo: မြန်မာနိုင်ငံ လက်နက်တင်ပို့မှု တားမြစ်ချက် EU သက်တမ်းတိုး
Tuesday, April 15,2014

မြန်မာနိုင်ငံကို လက်နက်တင်ပို့မှုတွေ တားမြစ်ထားတဲ့ အရေးယူ ဒဏ်ခတ်မှုအစီအစဉ်ကို ဥရောပသမဂ္ဂ (EU) က နောက်ထပ်တနှစ် သက်တမ်းတိုးဖို့ ဆုံးဖြတ်လိုက်ပါတယ်။
 
မြန်မာနိုင်ငံအပေါ် ကန့်သတ်တားမြစ်ချက်တွေကို ၂၀၁၅ ခုနှစ်၊ ဧပြီလ ၃၀ ရက်နေ့အထိ ထပ်မံ သက်တမ်း တိုးလိုက်တဲ့အကြောင်း Luxembourg မှာ ကျင်းပနေတဲ့ EU နိုင်ငံခြားရေးရာနဲ့ လုံခြုံရေးဆိုင်ရာ အစည်းအဝေးက အင်္ဂါနေ့မှာပဲ ဆုံးဖြတ်ခဲ့တာပါ။ သက်တမ်းတိုးလိုက်တဲ့ အရေးယူဒဏ်ခတ်မှု အစီအစဉ်မှာတော့ ပြည်တွင်းက ဖိနှိပ်တဲ့လုပ်ရပ်တွေမှာ အသုံးချနိုင်မယ့် လက်နက်နဲ့ စစ်ပစ္စည်းတင်ပို့မှုတွေ မလုပ်ဖို့ တားမြစ်ချက်တွေ ပါဝင်တယ်လို့လည်း ကြေညာချက်က ဖော်ပြခဲ့ပါတယ်။
 
မြန်မာနိုင်ငံမှာ ဆယ်စုနှစ်တွေနဲ့ချီပြီး စစ်တပ်က အုပ်ချုပ်နေတာတွေ အဆုံးသတ်ခဲ့ပြီး ပြုပြင်ပြောင်းလဲမှုတွေ လုပ်ဆောင်ဖို့ ကတိကဝတ်တွေနဲ့ သမ္မတဦးသိန်းစိန်ဦးဆောင်တဲ့အစိုးရ တက်လာပြီးနောက်မှာတော့ EU နဲ့ အမေရိကန် ပြည်ထောင်စု အပါအဝင် အနောက်နိုင်ငံတွေက ဒဏ်ခတ်မှုအများစုကို ဖယ်ရှားပေးခဲ့တာပါ။
 
ဒါပေမဲ့ လူ့အခွင့်အရေး ချိုးဖောက်မှုအခြေအနေတွေအပေါ် စိုးရိမ်မကင်းမှုတွေနဲ့အတူ မြန်မာနိုင်ငံကို စစ်လက်နက် တင်ပို့တာ၊ စစ်ဖက်ဆိုင်ရာ ဆက်ဆံရေးတွေမှာတော့ အနောက်နိုင်ငံတွေက သတိထားနေကြဆဲ ဖြစ်ပါတယ်။ ဒါပေမဲ့လည်း ပြုပြင်ပြောင်းလဲရေး အစီအစဉ်တွေကို အားပေးတဲ့ အနေနဲ့ ဖွံ့ဖြိုးမှုနိမ့်ကျတဲ့ တိုင်းပြည်တွေကို ပေးအပ်နေတဲ့ ကုန်သွယ်ရေး အထူးခံစားခွင့်ရ နိုင်ငံတခုအဖြစ်နဲ့ EU နဲ့ အမေရိကန် ပြည်ထောင်စုတို့က မြန်မာနိုင်ငံကို ပြန်လည် လက်ခံထားပါတယ်။

ဗွီအိုအေ (မြန်မာဌာန)

ဆွိဒင်၊ ဗြိတိန် နဲ့ ဒိန်းမတ် နိုင်ငံခြားရေးဝန်ကြီးများအား EU နိုင်ငံခြားရေးဝန်ကြီးများအစည်းအဝေးမှာ တွေ့ရစဉ်။ (ဝဲမှယာ)
ဆွိဒင်၊ ဗြိတိန် နဲ့ ဒိန်းမတ် နိုင်ငံခြားရေးဝန်ကြီးများအား EU နိုင်ငံခြားရေးဝန်ကြီးများအစည်းအဝေးမှာ တွေ့ရစဉ်။ (ဝဲမှယာ)

မြန်မာနိုင်ငံကို လက်နက်တင်ပို့မှုတွေ တားမြစ်ထားတဲ့ အရေးယူ ဒဏ်ခတ်မှုအစီအစဉ်ကို ဥရောပသမဂ္ဂ (EU) က နောက်ထပ်တနှစ် သက်တမ်းတိုးဖို့ ဆုံးဖြတ်လိုက်ပါတယ်။

ရေပက်ကစားစဉ် ပါးနမ်းမိခဲ့သည့် ကိစ္စနှင့် ပတ်သက်၍ နှစ်ဘက်မိသားစု စကားများ ရန်ဖြစ်ခဲ့ကြရာမှ ခဲတံချွန်ဓါးနှင့်ဆွဲခြစ်ခဲ့သဖြင့် သေဆုံး

၁၄.၄.၂၀၁၄ ရက်နေ့ ၁၆၀၀ အချိန်တွင် ရန်ကုန်တိုင်း ဒေသကြီး ဆိပ်ကြီးခနောင်တိုမြို့နယ်ေ န ဒေါ် လွင်လွင်မာ မှ ၎င်းသည် နေအိမ်တွင်ရှိနေစဉ် တူဖြစ်သူ ဇော်လင်းထွန်းမှ တစ်လမ်းတည်းနေ မလမင်းတွယ်တာ အား ရေပက်စဉ် ပါးနမ်းသကဲ့သို့ ဖြစ်ခဲ့သဖြင့် မလမင်းတွယ်တာ၏ အစ်မဖြစ်သူ မဇင်မီမီထွန်း(ခ)ဇင်မီလေး၊ (၂၉)နှစ်၊ (ဘ)ဦးစိုးဝင်းမှ တူဖြစ်သူအား ပါးရိုက်ခဲ့ကြောင်း၊ ထိုသို့ရိုက်ခဲ့သည့် ကိစ္စနှင့် ပတ်သက်၍ မဇင်မီမီထွန်း(ခ)ဇင်မီလေးနှင့် ဇော်လင်းထွန်း၏မိခင် ဒေါ်တင်တင်မော်၊ အစ်မဖြစ်သူ မအိဖြူ၊ အဖွားဖြစ်သူ ဒေါ်သန်းရှင်တို့ စကားများကြစဉ် မဇင်မီမီထွန်း(ခ)ဇင်မီလေးမှ အရိုးအသွား(၄)လက်မ ခန့်ရှိ ခဲတံချွန်ခေါက်ဓါးနှင့်လှီးခဲ့သဖြင့် ဒေါ်တင်တင်မော်တွင် ၀ဲရင်ဘတ်၊ ၀ဲပါး၊ ၀ဲလက်ကောက်ဝတ်နှင့် လည်ပင်းတို့၌ ပြတ်ရှဒဏ်ရာ(၁)ချက်စီရရှိခဲ့ကြောင်း၊ ထိုသို့ဒဏ်ရာရရှိခဲ့သဖြင့် ဒေါ်တင်တင်မော်အား ဆိပ်ကြီးခနောင်တိုမြို့နယ် ဆေးရုံသို့ တင်ပို့ကုသခဲ့ရကြောင်းနှင့် ယင်းသို့ပြစ်မှုကျူးလွန်သူ မဇင်မီမီထွန်း (ခ)ဇင်မီလေးအား အရေးယူပေးပါရန်တိုင်တန်းလာခဲ့ပါသည်။
Photo: လေယာဉ် ရှာဖွေဖို့ လူမဲ့ ရေငုပ်သင်္ဘော အသုံးပြု
Tuesday, April 15,2014

ပျောက်ဆုံးနေတဲ့ မလေးရှား လေယာဉ်ကို ပထမဆုံး အကြိမ် လူမဲ့ ရေငုပ်သင်္ဘော အသေးစားကို သုံးပြီး ရှာဖွေဖို့ စီစဉ်နေကြပါတယ်။

အဲဒီ ရေငုပ် သင်္ဘောဟာ ပျောက်ဆုံး လေယာဉ်ရဲ့ လေယာဉ် ပျံသန်းမှု မှတ်တမ်းတင် ကိရိယာ Black Box ကနေ ထုတ်လွှတ်တဲ့ အချက်ပြ အသံလှိုင်း လာရာ နေရာလို့ ယူဆရတဲ့ သြစတြေးလျ ကမ်းခြေ အနီးက အိန္ဒိယ သမုဒ္ဒရာ ရေအောက် ကြမ်းပြင်ကို လျှပ်တိုက် သွားမှာ ဖြစ်ပါတယ်။

လေယဉ် ရှာဖွေရေး ဆိုင်ရာ သြစတြေးလျ တာဝန်ခံ အရာရှိ တစ်ယောက် ကတော့ အခုချိန်လောက် ဆိုရင် Black Box မှာ ပါတဲ့ ဘက်ထရီအား ကုန်လောက်ပြီလို့ ထင်ရကြောင်း ပြောပါတယ်။

ရှာဖွေရေး လုပ်နေတဲ့ လက်ရှိ နေရာအတွင်းမှာ ဆီတွေကို တွေ့ရတယ်လို့ ဆိုပေမယ့် ဒါဟာ ပျောက်ဆုံးနေတဲ့ မလေးရှား လေယာဉ် MH370 က ဟုတ် မဟုတ် စမ်းသပ်နိုင်ဖို့ ရက်အတန် ကြာလိမ့်ဦးမယ်လို့ သူက ဖြည့်စွက် ပြောပါတယ်။

ဘီဘီစီ (မြန်မာပိုင်း)
ပျောက်ဆုံးနေတဲ့ မလေးရှား လေယာဉ်ကို ပထမဆုံး အကြိမ် လူမဲ့ ရေငုပ်သင်္ဘော အသေးစားကိုသုံးပြီး ရှာဖွေဖို့ စီစဉ်နေကြပါတယ်။