Friday 14 June 2013

အရိုက်ခံခဲ့ရ သည်ဆိုသည့် အမျိုး သမီးက ပြင်ဦးလွင် NLD များကို အမှုဖွင့်

Photo: အရိုက်ခံခဲ့ရသည်ဆိုသည့် အမျိုးသမီးက ပြင်ဦးလွင် NLD များကို အမှုဖွင့်
Friday, June 14 , 2013

ပြင်ဦးလွင်မြို့တွင် အမျိုးသားဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည် ခရီးစဉ်အတွင်း NLD လုံခြုံရေးများ၏ ရိုက်နှက်မှုကြောင့် ဆေးရုံတင်လိုက်ရသည် ဆိုသည့် အမျိုး သမီးက ပြင်ဦးလွင် NLD လုံခြုံရေးများကို အမှုဖွင့်လိုက်ပြီ ဖြစ်ကြောင်း ဧရာဝတီသို့ ပြောသည်။

NLD လုံခြုံရေးများ ရိုက်နှက်သဖြင့် ဆေးရုံတက်ခဲ့ရသည့် မခိုင်ဝတ်ရည်သန္တာမောင်သည် ယနေ့ ဆေးရုံက ပြဆင်း လာပြီ ဖြစ်ပြီး ပြင်ဦးလွင်မြို့နယ် ဝက်ဝံ ရဲစခန်းတွင် အမှုဖွင့်ထားကြောင်း သိရသည်။ “ကျမ ဒီနေ့ ဆေးရုံက ဆင်းဆင်း ချင်း ၀က်ဝံရဲစခန်းသွားပြီး အမှုဖွင့်ထားပါတယ်။ စခန်းက စစ်ချက်ယူနေပါပြီ” ဟု မခိုင်ဝတ်ရည်သန္တာမောင်က ပြောသည်။

မခိုင်ဝတ်ရည်သန္တာမောင်သည် ဒဏ်ရာများရရှိ ခဲ့သောကြောင့် ပြင်ဦးလွင်ဆေးရုံတွင် ၃ ရက်အကြာ တက်ရောက် ကုသ ခံခဲ့ရကြောင်း၊ ဇွန်လ ၁၀ ရက်နေ့က ဆေးရုံတက်ခဲ့ရပြီး ၁၃ ရက်နေ့တွင် ပြန်လည် ဆင်းလာခဲ့ခြင်း ဖြစ်ကြောင်း၊ ဆေးရုံ ရှိ တာဝန်ကျ ဆရာဝန်များက ဆေးရုံ တပတ် တက်ခိုင်းသော်လည်း ၎င်းသားငယ်၏ လုံခြုံရေးကို စိုးရိမ်သည့်အတွက် ဆေးရုံတွင် ၃ ရက်သာ နေပြီး အိမ်တွင် ဆက်လက် ကုသလျှက် ရှိကြောင်း သိရသည်။

ဒေါ်အောင်ဆန်းစုကြည်၏ ပြင်ဦးလွင် ခရီးစဉ်အတွင်း ဇွန်လ ၁၀ ရက်နေ့က ပြင်ဦးလွင်မြို့တွင် နားခိုသည့် တော်ဝင်နှင်းဆီခြံ မှ ဒေါ်အောင်ဆန်းစုကြည် အပြန် ယာဉ်တန်း ရှေ့သို့ သွားရောက်ကာ အိတ်ဖွင့်ပေးစာ ပေးပို့သော မခိုင်ဝတ်ရည်သန္တာမောင်ကို NLD လုံခြုံရေးအဖွဲ့က ဟန့်တား ရိုက်နှက်ခဲ့ခြင်းကြောင့် ဆေးရုံတင်ခဲ့ရကြောင်း ကာယကံရှင် အမျိုးသမီးက ပြောသည်။

“ကျမက ၉ ရက်နေ့က မေးခွန်းငါးခု မေးဖို့အတွက် ထပြီး လက်ချောင်း ထောင်တာကိုလည်း သူတို့က မမြင်အောင် ကွယ်ထားတယ်။ အဲဒါနဲ့ နောက်တနေ့ ဒေါ်အောင်ဆန်းစုကြည် ပြန်တဲ့ ယာဉ်တန်းပေါ်မှာ ကျမ ပြောချင်တဲ့ စကားတွေနဲ့ စာရွက် စာတန်းတွေကို ပေးဖို့ လုပ်တဲ့အခါ ဒီမြို့ခံ NLD အဖွဲ့က လူတွေက ကျမကို အုပ်စုလိုက် ဆွဲထိုးတော့တာပဲ။ မိန်းမ တယောက်က လူပုံအလယ်မှာ ကျမအင်္ကျီကို ဆွဲချွတ်တယ်။ ကျမ အင်္ကျီတခြမ်း ပြဲစုတ်ကုန်ပါတယ်။ ယာဉ်တန်းပေါ်မှာ ပါတဲ့ လူတွေက အဲဒီလို မလုပ်ဖို့ အော်ပေမယ့် ဘယ်သူမှ တားလို့ မရဘူး။ ကျမ တော်တော် ရှက်မိပါတယ်” ဟု ရိုက်နှက်ခံရသူ ပြင်ဦးလွင်မြို့မှ မခိုင်ဝတ်ရည်သန္တာမောင်က ရှင်းပြသည်။

မခိုင်ဝတ်ရည်သန္တာမောင်သည် ၎င်း၏အခက်ခဲများကို စာရေးထားပြီး ဒေါ်အောင်ဆန်းစုကြည် ပြင်ဦးလွင်သို့ လာစဉ် ကိုယ်တိုင် လက်ထဲသို့ ထည့်ချင်သောကြောင့် ယာဉ်တန်းရှေ့သို့ သွားခဲ့ခြင်း ဖြစ်ကြောင်း သိရသည်။ “သူ့ကို အားကိုး လို့လေ။ အဲဒါကို ပြင်ဦးလွင် NLD အဖွဲ့တွေက ကျမလက်ထဲက စာကို မပေးဖို့ အတင်း တားဆီးကြတယ်။ ကျမကလည်း အတင်းရအောင် ပေး တယ်။ ဒေါ်အောင်ဆန်းစုကြည်ရဲ့ ကားမှာ မပေးလိုက်နိုင်တဲ့ အတွက် နောက်က မန္တလေးတိုင်းရုံး ကားပေါ်ကို ထည့်ပေးလိုက်တယ်။ ဒါကို ဒီကလူတွေက အဲဒီကားပေါ်က လူတွေကို အဲဒီစာယူမသွားနဲ့၊ ပြန်ချခဲ့ လို့ အော်တဲ့အတွက် စာကို ပြန်ချခဲ့တယ်။ ဒါနဲ့ ကျမလည်း အဲဒီစာကို ရအောင် ပြန်သွားကောက်တော့ ကျမရဲ့ လက်တွေကို ပြင်ဦးလွင် NLD က လူတွေက တက်နင်းတယ်၊ လက်တွေကျိုးမတတ် ကျမ အနင်းခံလိုက်ရတယ်။ ကျမကို အဲဒီလို စာပေးရပါ့မလားဆိုပြီး တယောက်က ကျမဗိုက်ကို အရင်စပြီး ထိုးတယ်။ ကျန်တဲ့လူ ၃ ယောက်က ကျမကို ၀ိုင်းချုပ် ပေးထားတယ်။ ကျမ ဘယ်လိုပဲ အော်ပြီး အကူညီတောင်းတောင်း ကူညီတဲ့သူ မရှိခဲ့ပါဘူး” ဟု မခိုင်ဝတ်ရည်သန္တာမောင်က ရှင်းပြသည်။
မခိုင်ဝတ်ရည်သန္တာမောင် အရိုက်အနှက်ခံနေရသည်ကို ဒေါ်အောင်ဆန်း စုကြည် သိမသွားကြောင်း၊ ယခု လက်ရှိ အချိန်တွင် သိ၊ မသိကိုလည်း မပြောနိုင်သေးကြောင်း မခိုင်ဝတ်ရည်သန္တာမောင်၏ အဆိုအရ သိရသည်။

အဆိုပါ ကိစ္စနှင့် ပတ်သက်ပြီး မန္တလေး NLD တိုင်းရုံးသို့ တိုင်စာများ မရောက်ရှိသေးကြောင်း၊ တိုင်စာ ရောက်ရှိပါက အခြေနေများကို စုံစမ်းပြီး ဆောင်ရွက်သွားမည် ဖြစ်ကြောင်း မန္တလေး NLD တိုင်းရုံးမှ အတွင်းရေးမှူး ဦးတင်ထွန်းဦးက ဧရာဝတီသို့ ပြောသည်။

“ကျနော် အဲဒီနေ့က မြင်လိုက်တာက ဆိုးရွားတဲ့ အခြေအနေတော့ မဟုတ်ဘူး။ အဲဒီ ကောင်မလေးက စာကို ယာဉ်တန်း ထဲမှာပါတဲ့ လုံခြုံရေးကားပေါ်ကို တင်လိုက်တာ။ ကျနော်တို့ စည်းကမ်းချက် အရ လုံခြုံရေးကားပေါ်ကို လက်ဆောင်၊ စာနဲ့ တခြား ပစ္စည်းတွေ လက်ခံလို့ မရဘူးလို့ သတ်မှတ်ထားတယ်။ အဲဒါနဲ့ ကလေးတွေက အဲဒီစာကို ပြန်ချခဲ့လိုက်ပါတယ်။ ကောင်မလေး ကလည်း အဲဒီစာကို ပြန်ကောက်လိုက်တာ မြင်လိုက်တယ်။ အဲဒီအချိန်မှာ နည်းနည်းလေး ရှုပ်ရှုပ်ထွေးထွေး ဖြစ်သွားတာတော့ သိတယ်။ ကျန်တဲ့ နောက်ဆက်တွဲ ပြဿနာတွေကိုတော့ ကျနော်တို့ သေချာ စုံစမ်းရပါအုံးမယ်” ဟု ၎င်းက ဆိုသည်။

NLD မှ ပြင်ဦးလွင်မြို့နယ် အလုပ်အမှုဆောင် ဥက္ကဋ္ဌ ပြည်သူ့လွှတ်တော် ကိုယ်စားလှယ် ဦးကျော်သီဟနှင့် မခိုင်ဝတ်ရည်သန္တာမောင်သည် ပြင်ဦးလွင် တရားရုံးတွင် ကလေးဖခင်အဖြစ် ဖွင့်ဟပြောကြားစေချင်သည့် အမှု ရင်ဆိုင်နေကြရပြီး အမျိုးသမီးဖြစ်သူ၏ ပြောကြားချက်အရ နှစ်ဦး သဘောတူ ချစ်သူ ရည်းစားဖြစ်ခဲ့ကာ အတူနေချိန်တွင် ကလေး ရရှိခဲ့ပြီး တာဝန်မယူခဲ့ကြောင်း၊ အမျိုးသမီးရေးရာသို့ တိုင်တန်းသည့် အချိန်တွင် ကလေး စရိတ်အဖြစ် တလလျှင် ကျပ် ၄ သိန်း ထောက်ပံ့ရန် သဘောတူခဲ့ပြီး ဖြစ်ကြောင်း၊ ယခုအမှု ရင်ဆိုင်ရခြင်းသည် ကလေး မှတ်ပုံတင် လုပ်ဆောင်ရန် အတွက် ဦးကျော်သီဟ၏ မှတ်ပုံတင် နံပါတ် တောင်းဆိုရာ မပေးဘဲ ငြင်းကွယ်သည်ကို မခံနိုင်သည့် အတွက်ကြောင့် ဖြစ်ကြောင်း သိရသည်။

“တကယ်တော့ ကျမမှာ သားတဦးပဲ ရှိတာပါ။ သားက အခုတော့ ၇ တန်းပါ။ ကလေး ကျန်းမာရေး အခြေအနေ မကောင်းတဲ့အတွက် ကျောင်း ၂ နှစ်ဆက် နားခဲ့ရတယ်။ ကျမက ဦးကျော်သီဟကို ကလေးအဖေအဖြစ် တာဝန်ယူ ခိုင်းတာ မဟုတ်ပါဘူး။ လက်ရှိ ကလေး မှတ်ပုံတင် လုပ်ဖို့အတွက် ဖခင်မှတ်ပုံတင် လိုလာလို့ ကျမ သူ့ဆီမှာ မှတ်ပုံတင် နံပါတ် တောင်းတာပါ။ ဒါကို သူက မပေးတဲ့အတွက် ကျမ သားရဲ့ ဘ၀ရှေ့ရေးကို ငဲ့ကွက်ဖို့ တောင်းဆိုတာပါ။ ဒီကိစ္စကို ဒေါ်အောင်ဆန်းစုကြည်ဆီ စာတင်ဖို့ ကြိုးစားတဲ့အတွက် ကျမကို အခုလို သူတို့တွေက လုပ်ကြတာပါ” ဟု မခိုင်ဝတ်ရည်သန္တာမောင်က ပြောသည်။

အဆိုပါ ကိစ္စနှင့် ပတ်သက်၍ ဧရာဝတီက ဦးကျော်သီဟကို ဆက်သွယ်မေးမြန်းရာ ၎င်းသည် ဒေါ်အောင်ဆန်းစုကြည် ပြင်ဦးလွင်သို့ လာစဉ် ကြိုဆိုရေး၊ ဧည့်ခံရေးနှင့် ပြန်ကြားရေး စသည့် တာဝန်များ ယူထားရကြောင်း၊ ဟောပြောပွဲ မစမီကတည်းက ယာဉ်တန်းရှေ့မှ ကြိုပိတ်မည် ဆိုသည့် သတင်းများ ရခဲ့သဖြင့် ဂရုစိုက်ခဲ့ကြောင်း၊ မခိုင်ဝတ်ရည်သန္တာမောင်ကို ရိုက်နှက်ခြင်း လုံးဝ မပြုခဲ့ကြောင်း ပြန်လည် ဖြေကြားခဲ့၍ မခိုင်ဝတ်ရည်သန္တာမောင်နှင့် အမှုဖြစ်နေသည့် ကိစ္စကို ဖြေကြားခြင်း မရှိခဲ့ပေ။

“သူက ဒေါ်အောင်ဆန်းစုကြည် ယာဉ်တန်းလာတာကို အတင်းပိတ်ပြီး စာရွက်တွေ ပေးပါတယ်။ ဒီတွက် ကျနော်တို့က တားဆီးတာလောက်ပဲ ရှိတာပါ။ သူ့ကို ရိုက်နှက်တာတွေ၊ ကိုယ်ထိလက်ရောက် လုပ်တာတွေ တခုမှ မရှိခဲ့ပါဘူး။ မျက်မြင်သက်သေလည်း မရှိဘဲ အရမ်းပြောနေကြတာပါ။ တကယ်လို့ အဲဒီလိုလုပ်တာကို ခိုင်လုံတဲ့ သက်သေ ရှိတယ်ဆိုရင် ရဲစခန်းမှာ သွားပြီး အမှုဖွင့်ဖို့ ပြောထားပါတယ်” ဦးကျော်သီဟက ဧရာဝတီသို့ ပြောသည်။

ယခုအမှုနှင့် ပတ်သက်ပြီး ပုဒ်မ ၅၀၆ (ရုန်းရင်းဆန်ခတ်မှု)၊ ပုဒ်မ ၃၅၄ နှင့် ၃၂၃ (ရိုက်နှက်မှု) တို့ဖြင့် အမှုဖွင့်ထားပြီး တိုင်ကြားသူ မခိုင်ဝတ်ရည်သန္တာမောင်ကို ယနေ့နံနက်တွင် စတင် စစ်ဆေးလျှက် ရှိနေကြောင်း ၀က်ဝံရဲစခန်းမှ တာဝန်ကျသူတဦးက ပြောဆိုခဲ့သည်။

Irrawaddy 
 ပြင်ဦးလွင်မြို့တွင် အမျိုးသားဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည် ခရီးစဉ်အတွင်း NLD လုံခြုံရေးများ၏ ရိုက်နှက်မှုကြောင့် ဆေးရုံတင်လိုက်ရသည် ဆိုသည့် အမျိုးသမီးက ပြင်ဦးလွင် NLD လုံခြုံရေးများကို အမှုဖွင့်လိုက်ပြီ ဖြစ်ကြောင်း ဧရာဝတီသို့ ပြောသည်။

မဒေးကျွန်း ဆန္ဒပြ ခေါင်းဆောင်များ အမူ တရားလို သက်သေ သုံးဦးကို စစ်ဆေး

Photo: မဒေးကျွန်း ဆန္ဒပြ ခေါင်းဆောင်များ အမူ တရားလို သက်သေ သုံးဦးကို စစ်ဆေး
Friday, June 14 , 2013

တရုတ်ကုမ္ပဏီ CNPC ကို ဆန္ဒပြ သဖြင့် ရခိုင်ပြည်နယ် ကျောက်ဖြူမြို့နယ် မဒေးကျွန်းမှ တရားစွဲခံရသူ ခေါင်းဆောင် ၁၀ ဦး အမှုကို ယမန်နေ့က ကျောက်ဖြူ တရားရုံးမှ စစ်ဆေးရာ တရားလို သက်သေ သုံးဦးကို စစ်ဆေးခဲ့သည်။

ကျောက်ဖြူမြို့နယ် တရားသူကြီး ဦးနေ၀င်းက အစိုးရ အရာရှိ (၃) ဦးကို စစ်ဆေးခဲ့ကြောင်း ဆန္ဒပြ ခေါင်းဆောင် ဦးထွန်းကြည်က ပြောသည်။

“ ကျွန်တော်တို့ ၁၀ ယောက် ရုံးကို ၁၁ နာရီခွဲမှာ ရုံးကိုရောက်တဲ့အကြောင်းကို အကြောင်းကြား ပါတယ်။ မြို့နယ် တရားသူကြီး ဦးနေ၀င်းက ကျွန်တော်တို့ကို ခေါ်ပါတယ်။ ပထမ စစ်တာက မြို့နယ်အလုပ်သမားဦးစီးမှူး ဦးရွှေသန်း၊ ၊ မြို့နယ် မီးသတ်ဦးစီးမှူး ဦးစံရွှေထွန်းနဲ့ မြို့နယ်ရဲတပ်ဖွဲ့မှူး ဦးနေ၀င်း (ဒုဦးစီး) တို့ကို စစ်ဆေးပါတယ်။”

စစ်ဆေးရာတွင် တရားခံ ၁၀ ဦးဖက်မှ ရှေ့နေ့ ဦးထိန်းလင်းမှ လိုက်ပါ ဆောင်ရွက်ပေးပြီး အစိုးရ တရားလိုဖက်မှ ရှေ့နေအဖြစ် ဒေါ်လှနုဖြူက ဆောင်ရွက်ခဲ့သည်ဟု ပြောသည်။

သူတို့ကို စစ်ဆေးသည့် အခြေအနေနှင့် ပတ်သက်၍ ဦးထွန်းကြည်က ယခုကဲ့ ပြောသည်။

“ ဟုတ်ကဲ့၊ မြို့နယ်အလုပ်သမား ဦးစီးမှူးနဲ့ မြို့နယ်မီးသတ်ဦးစီးမှူးကို စစ်ဆေးပါတယ်။ သူတို့ကို စစ်ဆေးတဲ့ အခါ မဒေးကျွန်းကို မိမိဆန္ဒထုတ်ဖေါ်ခွင့်ပေးတဲ့ ဧပြီလ၁၈ ရက်နေ့မှာ မြို့နယ် အုပ်ချုပ်ရေးမှူး အပါအ၀င် ဌာန ဆိုင်ရာအကြီးအကဲတွေက မဒေးကျွန်း ဒေသခံတွေနဲ့ ဆွေးနွေးပါတယ်။ ဆွေးနွေးတဲ့အခါမှာ သူတို့တွေက လက်မခံတဲ့အတွက် ဆန္ဒပြပွဲဖြစ်သွားတယ်။ အဲဒီဆန္ဒပြမှုနဲ့ ဖြစ်သွားတာနဲ့ ပတ်သက်ပြီး သူတို့ကို စစ်ဆေးပါ တယ်။ ကျွန်တော်တို့ကိုလဲ ဆန္ဒပြတဲ့အကြောင်းအရာနဲ့ ပတ်သက်ပြီး မေးမြန်း တာတချို့တော့ မနေ့က ရှိခဲ့ပါတယ်” ဟု ဆိုသည်။

ယနေ့တွင် တရားလိုသက်သေ သုံးဦးကို စစ်ဆေးခဲ့ပြီး နောက်ထပ် စစ်ဆေးရန် ကျန်ရှိနေသေးသော တရားလိုသက်သေ ၁၂ ဦးကို ယခုလ ဇွန်လ ၂၄ ရက်နေ့တွင် ထပ်မံ စစ်ဆေး သွားမည်ဟု သိရသည်။

ဆန္ဒပြသဖြင့် တရားစွဲခံရသူများမှာ မဒေးကျွန်းပေါ်ရှိ ကျောက်တန်းရွာမှ ဦးမောင်မောင်မြင့်၊ မောင်မျိုးနိုင်၊ မောင်ယဉ်လှ၊ ပြင်ရွာက ဦးမောင်မောင်စော၊ ဦးမောင်သန်းအေးနဲ့ နောက်တစ်ဦး ရွာမရွာမှ ဦးအောင်သိန်းထွန်း၊ ထွန်းခင်နု၊ ဦးမောင်ဖြူသီးနှင့် ဦးထွန်းကြည်တို့ ဖြစ်ကြသည်။

၎င်းတို့ ၁၀ ဦးကို ဧပြီလ ၁၈ ရက်နေ့က မဒေးကျွန်းရှိ တရုတ်ကုမ္ပဏီ CNPC အား ဆန္ဒပြရာတွင် ဦးဆောင် ပါဝင်သည်ဟု ဆိုကာ မဒေးကျွန်း ရဲစခန်းမှူး ဦးစောဝင်းမှ မေလ ၆ ရက်နေ့က တရားလို လုပ်ကာ တရားစွဲ ဆိုခြင်းဖြစ်သည်။ှ

narinjara
တရုတ်ကုမ္ပဏီ CNPC ကို ဆန္ဒပြသဖြင့် ရခိုင်ပြည်နယ် ကျောက်ဖြူမြို့နယ် မဒေးကျွန်းမှ တရားစွဲခံရ သူ ခေါင်းဆောင် ၁၀ ဦး အမှုကို ယမန်နေ့က ကျောက်ဖြူ တရားရုံးမှ စစ်ဆေးရာ တရားလိုသက်သေ သုံးဦးကို စစ်ဆေး ခဲ့သည်။

မြန်မာအချင်းချင်း မလေးမှာ တိုက်ခိုက်တာတွေ ရပ်တန့်ဖို့ မလေးရှားအစိုးရပြော

မြန်မာအချင်းချင်း မလေးမှာ တိုက်ခိုက်တာတွေ ရပ်တန့်ဖို့ မလေးရှားအစိုးရပြော 
Friday, June 14 , 2013 

မလေးရှားနိုင်ငံရဲ့ မြို့တော် ကွာလာလမ်ပူမြို့ပြင်မှာ မြန်မာနိုင်ငံကလာတဲ့ လူတွေအချင်းချင်းကြား ဖြစ်ခဲ့တဲ့ ပဋိပက္ခတွေနဲ့ သေဆုံးမှုတွေဖြစ်ခဲ့ပြီးနောက် တစ်ဖွဲ့နဲတစ်ဖွဲ့ကြား တိုက်ခိုက်မှုတွေ ရပ်တန့်ဖို့ မလေးရှားအစိုးရက မြန်မာနိုင်ငံသားတွေကို သတိပေးလိုက်ပါတယ်။

လွန်ခဲ့တဲ့ သ တင်း ပတ် နှစ်ပတ် အတွင်း မြန်မာနိုင်ငံကလာတဲ့ လူတွေအချင်းချင်းကြား ဖြစ်ခဲ့တဲ့ ပဋိပက္ခက အနည်းဆုံး ၇ ကြိမ်ရှိခဲ့ပြီး သေဆုံးမှုတွေလည်း ရှိခဲ့ပါတယ်။

 သေဆုံးသူတွေက မွတ်စလင်လူမျိုးတွေ မဟုတ်ဘူးဆိုတာကိုလည်း မလေးရှားနိုင်ငံ ပြည်ထဲရေးဝန်ကြီးက အတည်ပြု ပြောဆိုခဲ့ပါတယ်။

မြန်မာနိုင်ငံမှာ ဖြစ်ခဲ့တဲ့ ပဋိပက္ခကို မလေးရှားနိုင်ငံအထိ သယ်ဆောင် လာကြတာဖြစ်တယ်လို့  မြန်မာနိုင်ငံက ဒုဝန်ကြီးတွေနဲ့ တွေ့ဆုံစဉ်မှာ မလေးရှားပြည်ထဲရေးရာ ဝန်ကြီးက ပြောပါတယ်။ အဲဒီမတိုင်ခင် မြန်မာနိုင်ငံမှာ ဖြစ်ခဲ့တဲ့ ပြဿနာကို မြန်မာနိုင်ငံထဲမှာပဲ ထားရှိဖို့ သတိပေးပြောဆိုခဲ့ဖူးပါတယ်။

မလေးရှားနိုင်ငံ အစိုးရနဲ့ တွေ့ဆုံခဲ့တဲ့ မြန်မာ ဒုနိုင်ငံခြားရေးဝန်ကြီး ဦးဇင်ယော်ကလည်း မလေးရှားနိုင်ငံမှာ ဖြစ်ခဲ့တဲ့ အကြမ်းဖက်မှုတွေဟာ ဘာသာရေးပဋိပက္ခကြောင့်ဖြစ်တာမဟုတ်ပဲ မြန်မာနိုင်ငံက လူဆိုးဂိုဏ်းတွေအကြား ဖြစ်ခဲ့တဲ့ ပြဿနာဖြစ်တယ်လို့ ပြောကြောင်း ကျိုဒိုးသတင်းမှာ ဖော်ပြထားပါတယ်။

ဒီလို အခြေအနေကြောင့် မလေးရှားနိုင်ငံကို ရောက်ရှိနေတဲ့ မြန်မာနိုင်ငံသားတွေကို ကာကွယ်စောင့်ရှောက်ပေးဖို့ မြန်မာဝန်ကြီးက မလေးရှားဝန်ကြီးကို တောင်းဆိုထားပြီး မြန်မာနိုင်ငံသားတချို့ ပြည်တော်ပြန်ဖို့ ဆန္ဒရှိတဲ့အတွက် အမြန်ဆုံးပြန်နိုင်အောင် စီစဉ်ပေးနိုင်မယ်လို့လည်း ဦးဇင်ယော်က ပြောပါတယ်။

မလေးရှားနိုင်ငံမှာ ဖြစ်ခဲ့တဲ့ ပဋိပက္ခကြောင့် မလေးရှားအစိုးရက ဖမ်းဆီးထိန်းသိမ်းမှုတွေလုပ်ခဲ့ပြီး တရားဝင်နေထိုင်ခွင့်လက်မှတ်မရှိတဲ့ မြန်မာနိုင်ငံသား ၂၅၀ ကို ထိန်းသိမ်းထားပါတယ်။ မလေးရှားနိုင်ငံမှာ အလုပ်လုပ်နေတဲ့ မြန်မာနိုင်ငံသား နှစ်သိန်းခွဲကျော်ရှိပြီး အဲဒီထဲက တစ်ဝက်လောက်ဟာ တရားမဝင်နေထိုင်သူတွေ ဖြစ်ကြတယ်လို့လည်း သိရပါတယ်။

ကုလသမဂ္ဂရဲ့အဆိုအရ မလေးရှားနိုင်ငံမှာ ဒုက္ခသည်ဦးရေ တစ်သိန်းကျော်ရှိပြီး အဲဒီထဲမှာ မြန်မာနိုင်ငံသား ကိုးသောင်းကျော် ပါဝင်တယ်လို့ ဆိုပါတယ်။

ဒုက္ခသည်အဖြစ် တရားဝင် အသိအမှတ်ပြုခံထားရတဲ့ မြန်မာနိုင်ငံသားတွေထဲမှာ သုံးသောင်းကျော်က ချင်းလူမျိုး၊ သုံးသောင်းနီးပါးက ရိုဟင်ဂျာတွေဖြစ်ကြပြီး တစ်သောင်းကျော်ကတော့ မြန်မာမွတ်စလင်တွေ ဖြစ်ပါတယ်။

အဲဒါ့အပြင် ရခိုင်ဒုက္ခသည်တွေက ခုနှစ်ထောင်ကျော်ရှိပြီး မွန်လူမျိုးက ၃၄၀၀ ကျော်နဲ့ တခြားလူမျိုး အနည်းငယ်စီ ပါဝင်တယ်လို့လည်း သိရပါတယ်။

radioaustralia.net
ပဋိပက္ခကြောင် မလေးရှားအစိုးရက တရားဝင်နေထိုင်ခွင့်လက်မှတ်မရှိတဲ့ မြန်မာနိုင်ငံသား ၂၅၀ ကို ထိန်းသိမ်းထားပါတယ်။
မလေးရှားနိုင်ငံရဲ့ မြို့တော် ကွာလာလမ်ပူမြို့ပြင်မှာ မြန်မာနိုင်ငံကလာတဲ့ လူတွေအချင်းချင်းကြား ဖြစ်ခဲ့တဲ့ ပဋိပက္ခတွေနဲ့ သေဆုံးမှုတွေဖြစ်ခဲ့ပြီးနောက် တစ်ဖွဲ့နဲတစ်ဖွဲ့ကြား တိုက်ခိုက်မှုတွေရပ်တန့်ဖို့ မလေးရှား အစိုးရ က မြန်မာနိုင်ငံသားတွေကို သတိပေးလိုက်ပါတယ်။

မောင်တောမြို့နယ်အတွင်း ကျောင်းများအားလုံး လုံခြုံရေးဖြင့် ဖွင့်လှစ်

Photo: မောင်တောမြို့နယ်အတွင်း ကျောင်းများအားလုံး လုံခြုံရေးဖြင့် ဖွင့်လှစ်
Friday, June 14 , 2013 

မောင်တောမြို့နယ်အတွင်း စာသင်ကျောင်းများအားလုံး လုံခြုံရေး အပြည့်အ၀ဖြင့် ဖွင့်လှစ်နေပြီး သက်ဆိုင်ရာမှ မြေပြင်အခြေအနေများအား စစ်ဆေးလျက်ရှိကြောင်း မြို့နယ်ပညာရေးမှူးရုံးမှ သတင်းရရှိသည်။

မောင်တောမြို့နယ် အတွင်းရှိ စာသင်ကျောင်းများ အားလုံး ယခုနှစ် စာသင်နှစ်တွင် အပြည့်အ၀ စာသင်ကြားနိုင်ရေး အတွက် မေ ၂၅ ရက်မှ စတင်ကာ ကျောင်းသားလက်ခံခဲ့ပြီး မြို့ပေါ်နှင့် အနီးပတ်ဝန်းကျင် ကျောင်းများတွင် စာသင်ကြားနေကြပြီ ဖြစ်ကြောင်း သိရသည်။

သို့ရာတွင် မြို့နှင့်အလှမ်း ဝေးကွာသော ကျောင်းများတွင်လည်း နယ်မြေလုံခြုံရေး အဖွဲ့များမှ လုံခြုံရေးယူကာ ကျောင်းသား လက်ခံရေးနှင့် စာသင်ကြားရေး လုပ်ငန်းများအား ဆောင်ရွက်နေပြီ ဖြစ်ကြောင်းလည်း သိရသည်။

''မြို့နယ်အတွင်း ကျောင်းတွေအားလုံး ဖွင့်နိုင်ပြီ ဖြစ်ပါတယ်။ တချို့ကျောင်းတွေမှာ ကျောင်းသားလက်ခံဆဲနဲ့ တချို့ကျောင်းတွေမှာတော့ စာသင်ကြားတာ စတင်နေပါပြီ။ အခု ပြည်နယ်က စစ်ဆေးရေးအဖွဲ့တွေနဲ့ ကျောင်းအားလုံး ဖွင့်လှစ်သင်ကြားရေး အတွက် အဆင်ပြေအောင် ဆောင်ရွက်နေပါတယ်။ ဆရာ၊ ဆရာမတွေလည်း တာဝန်ကျရာ ကျောင်းတွေကို သွားကြပါတယ်။ လုံခြုံရေး လိုအပ်တဲ့ ကျောင်းတွေကို လုံခြုံရေး တပ်ဖွဲ့ဝင်တွေက လုံခြုံရေး ယူထားပါတယ်'' ဟု မောင်တောမြို့နယ် ပညာရေးမှူးရုံးမှ ဒုတိယ မြို့နယ်ပညာရေးမှူး ဦးသန်းလှိုင်က ဇွန် ၁၃ ရက် နံနက်ပိုင်းက ပြောကြားသည်။

မောင်တောမြို့နယ်အတွင်း ၂၀၁၂ ခု နှစ် ဇွန် ၈ ရက်တွင် ဖြစ်ပွားခဲ့သည့် အကြမ်းဖက်မှု ဖြစ်စဉ်အတွင်း သေဆုံးခဲ့သူများတွင် ကျောင်းဆရာတစ်ဦး ပါဝင်ခဲ့ပြီး တောင်ကျော် ထွက်ပြေးခဲ့ရသူများထဲတွင် ဆရာ၊ ဆရာမများ ပါရှိခဲ့သဖြင့် ဘင်္ဂါလီကျေးရွာများရှိ ကျောင်းများတွင် တာဝန်ကျဆရာ၊ ဆရာမများ အနေဖြင့် လုံခြုံရေး အနေအထားကြောင့် တာဝန်ကျရာ ကျောင်းများသို့ သွားရောက် တာဝန်ထမ်းဆောင်ခြင်းကို ငြင်းဆန် ခဲ့ကြောင်းလည်း သိရသည်။

သို့အတွက် ၂၀၁၃ ခုနှစ် ဧပြီမှစတင်ကာ မောင်တောမြို့နယ်အတွင်း တာဝန်ထမ်းဆောင်နေသည့် နိုင်ငံ့ဝန်ထမ်းများအား လစာနှစ်ဆ တိုးမြှင့်ပေးအပ် လိုက်ကြောင်းလည်း သိရသည်။

လက်ရှိအနေအထားတွင် စစ်ဆေးရေး အဖွဲ့များ၏ စစ်ဆေးတွေ့ရှိချက်များအရ ကျောင်းအားလုံးသို့ တာဝန်ကျဆရာ၊ ဆရာမများ ရောက်ရှိနေပြီဖြစ်ပြီး ကျောင်းဖွင့် စာသင်ကြားနိုင်ရေးကို စတင်နေပြီ ဖြစ်ကြောင်း၊ နောက်ပိုင်း အခက်အခဲ တစ်စုံတစ်ရာ ဖြစ်လာမည်ဆိုလျှင်လည်း ဆရာဆရာမများအတွက် အဆင်ပြေအောင် စီစဉ်ပေးသွားမည် ဖြစ်ကြောင်းလည်း ဒုတိယမြို့နယ် ပညာရေးမှူး ဦးသန်းလှိုင်က ပြောကြားခဲ့သည်။

EMG

မောင်တောမြို့ရှိ အခြေခံပညာ အလယ်တန်းကျောင်း တစ်ကျောင်းတွင် လုံခြုံရေး တာဝန်ယူနေသည်ကို တွေ့ရစဉ်
မောင်တောမြို့ရှိ အခြေခံပညာ အလယ်တန်းကျောင်း တစ်ကျောင်းတွင် လုံခြုံရေး တာဝန်ယူနေ သည် ကို တွေ့ရစဉ်


မောင်တောမြို့နယ်အတွင်း စာသင်ကျောင်းများအားလုံး လုံခြုံရေး အပြည့်အ၀ဖြင့် ဖွင့်လှစ်နေပြီး သက်ဆိုင်ရာမှ မြေပြင်အခြေအနေများအား စစ်ဆေးလျက်ရှိကြောင်း မြို့နယ်ပညာရေးမှူးရုံးမှ သတင်း ရရှိသည်။

ရိုဟင်ဂျာတွေ အပေါ် ဖိနှိပ်မှု အဆုံးသတ်ဖို့ ဥရောပ ပါလီမန်တောင်းဆို


ရိုဟင်ဂျာတွေ အပေါ် ဖိနှိပ်မှု အဆုံးသတ်ဖို့ ဥရောပ ပါလီမန်တောင်းဆို 
( ဗွီအိုအေ သတင်းဌာနမှ ကူးယူဖေါ်ပြပါသည် )

မြန်မာနိုင်ငံမှာ ရိုဟင်ဂျာမူစလင်တွေကို ဆန့်ကျင်တဲ့ လူ့အခွင့်ရေး ချိုးဖေါက်မှုတွေကို ချက်ချင်း ရပ်ဆိုင်းဖို့  ဥရောပသမဂ္ဂက လွှတ်တော်အမတ်တွေက ပန်ကြားလိုက်ပါတယ်။  ကြာသပတေးနေ့ Brussels မှာကျင်းပတဲ့ MEP လို့ခေါ်တဲ့ ဥရောပသမဂ္ဂ လွှတ်တော်အမတ်တွေရဲ့ အစည်းအဝေးမှာ အခုလိုပြောဆိုလိုက်တာပါ။

ဥရောပသမဂ္ဂလွှတ်တော်အမတ်တွေက ဒီအကြမ်းဖက်တိုက်ခိုက်မှု ကျူးလွန်သူတွေနဲ့ တခြား လူ့အခွင့်အရေး ချိုးဖေါက်သူတွေကို တရားဥပဒေအရ အရေးယူပေးဖို့ မြန်မာအစိုးရကိုရော လူမှု အသိုင်းအဝိုင်းတခုလုံး ကိုပါ တောင်းဆိုခဲ့ပါတယ်။ ဒါ့အပြင် မြန်မာနိုင်ငံမှာ လုံခြုံရေး တာဝန်ယူထားသူတွေကပါ ဒီအကြမ်းဖက်မှု ကျူးလွန်ရာမှာ ပါဝင်နေတယ် ဆိုတဲ့ စွပ်စွဲချက်တွေအတွက် စုံစမ်းစစ်ဆေးပေးဖို့လည်း  ဥရောပသမဂ္ဂအမတ်တွေက ထပ်ပြီး တောင်းဆိုခဲ့ပါတယ်။

ပြီးခဲ့တဲ့ နှစ်တွေအတွင်း ဒီမိုကရေစီပြုပြင်ပြောင်းလဲမှုတွေလုပ်ခဲ့တာအတွက် ဥရောပသမဂ္ဂလွှတ်တော်အမတ်တွေက အသိအမှတ်ပြုတာနဲ့ တချိန်ထဲမှာပဲ  ရိုဟင်ဂျာမူဆလင်တွေရဲ့ အခြေအနေတွေ အပါအဝင် မြန်မာနိုင်ငံတွင်း တင်းမာမှုတွေ ဖြစ်စေတဲ့ အခြေခံ အကြောင်းရင်းတွေအတွက်  အဖြေရှာဖို့လည်း တိုက်တွန်းခဲ့ပါတယ်။

ဥပရောသမဂ္ဂကနေ မြန်မာနိုင်ငံအတွက် ကုန်သွယ်ရေးဆိုင်ရာ အထူးခံစားခွင့်တွေ ပြန်ချထားပေးတာနဲ့ ပါတ်သက်ပြီး  လေးစားလိုက်နာမှု ရှိမရှိ ဥရောပကော်မရှင်ကနေ အနီးကပ်စောင့်ကြည့်ဖို့လည်း  တိုက်တွန်းခဲ့ပါတယ်။   ဥရောပနိုင်ငံများ လွတ်လပ်ရေးနဲ့ ဒီမိုကရေစီအဖွဲ့က  Jaroslav Paska က -

ဥရောပသမဂ္ဂကနေ မြန်မာနိုင်ငံအတွက် ကုန်သွယ်ရေးဆိုင်ရာ အထူးခံစားခွင့်တွေ ပြန်ချထားပေးတာနဲ့ တချိန်ထဲမှာပဲ  မြန်မာနိုင်ငံမှာ လူ့အခွင့်ရေးချိုးဖေါက်မှုတွေ မရှိစေဖို့ ဖိအားတွေ ပေးသင့်တယ်လို့ မစ္စတာ ပါစကာကပြောသွားတာပါ။

ဥရောပသမဂ္ဂလွှတ်တော်အမတ်များအဖွဲ့ရဲ့ အစည်းအဝေး ကနေ  မြန်မာနိုင်ငံ တွင်း ဒီမိုကရေစီရေး ပြောင်းလဲမှုတွေနဲ့ ပါတ်သက်ပြီး အီးယူက အနီးကပ် စောင့်ကြည့်သလို  လာမယ့် ၂၀၁၅ ခုနှစ် ရွေးကောက်ပွဲ အတွက်လည်း အီးယူက စောင့်ကြည့်လေ့လာသူတွေ စေလွှတ်ဖို့လည်း တိုက်တွန်းခဲ့ပါတယ်။ 

http://burmese.voanews.com/content/article/1681542.html
မြန်မာနိုင်ငံမှာ ရိုဟင်ဂျာမူစလင်တွေကို ဆန့်ကျင်တဲ့ လူ့အခွင့်ရေး ချိုးဖေါက်မှုတွေကို ချက်ချင်း ရပ်ဆိုင်း ဖို့ ဥရောပသမဂ္ဂက လွှတ်တော်အမတ်တွေက ပန်ကြားလိုက်ပါတယ်။ ကြာသပတေးနေ့ Brussels မှာကျင်းပတဲ့ MEP လို့ခေါ်တဲ့ ဥရောပသမဂ္ဂ လွှတ်တော်အမတ်တွေရဲ့ အစည်းအဝေးမှာ အခုလိုပြောဆို လိုက်တာပါ။

ဆီးရီးယား အစိုးရ ဓာတုလက်နက် အသုံးပြုမှု အမေရိကန်တွေ့ရှိ

ဆီးရီးယား အစိုးရ ဓာတုလက်နက် အသုံးပြုမှု အမေရိကန်တွေ့ရှိ 
( ဗွီအိုအေ သတင်းဌာနမှ ကူးယူဖေါ်ပြပါသည် )

ဆီးရီးယားအစိုးရဟာ သူပုန်တွေကို တိုက်တဲ့နေရာမှာ ဓါတုလက်နက်တွေ အသုံးပြုတယ်ဆိုတဲ့ ခိုင်လုံတဲ့ သက်သေအထောက်အထားတွေ ရထားတယ်လို့ အမေရိကန်အစိုးရ ပြောကြားလိုက်ပါတယ်။ ဒီလို ဓါတုလက်နက်သုံးတာဟာ သတ်မှတ်ထားတဲ့ သည်းခံနိုင်တဲ့ အတိုင်းအတာကို ကျော်သွားမှာဖြစ်တယ်လို့ သမ္မတ အိုဘားမားက ပြောပါတယ်။ ထောက်လှမ်းရေး သတင်းတွေအရတော့ ၊ ပြီးခဲ့တဲ့နှစ်အတွင်း ဓါတုလက်နက်တွေ အနည်းငယ်သုံးပြီး တိုက်ခိုက်တာတွေ လုပ်ခဲ့တဲ့အတွက် လူ ၁၅၀ လောက် သေဆုံးခဲ့တယ်လို့ အမျိုးသားလုံခြုံရေး ဒု-အကြံပေးအရာရှိ Ben Rhodes က သတင်းထောက်တွေကို ကြာသာပတေးနေ့က ပြောကြားခဲ့ပါတယ်။

အဲဒီ့အရေအတွက်ဟာ အပြည့်အစုံ မဟုတ်နိုင်ဘူးလို့လည်း သူက ပြောပါတယ်။
ဆီးရီးယားအစိုးရက အသုံးပြုတဲ့ ဓါတုလက်နက်တွေ အထဲမှာ Sarin ဓါတ်ငွေ့လည်း ပါနိုင်တယ်လို့ Rhodes က ပြောပါတယ်။ သူပုန်တွေမှာလည်း ဓါတလက်နက်တွေရှိတယ်၊ ဓါတုလက်နက်တွေအသုံးပြုတယ်ဆိုတာနဲ့ ပတ်သက်ပြီးတော့ ခိုင်လုံတဲ့ အတည်ပြုနိုင်တဲ့ သတင်းမရှိဘူးလို့ သူကပြောပါတယ်။

ဆီးရီးယားအစိုးရက ဓါတုလက်နက်တွေအသုံးပြုနေတယ်ဆိုတာကို သူတို့အနေနဲ့ အခိုင်အမာယုံကြည်ထားတယ်လို့ လွန်ခဲ့တဲ့ လအတော်ကြာကတည်းက အမေရိကန်ထောက်လှမ်းရေးတွေကပြောနေခဲ့တာဖြစ်ပါတယ်။ ဒါပေမဲ့ သမ္မတအိုဘားမားအစိုးရကတော့ နောက်ထပ်ဘာလုပ်မယ်ဆိုတာကို မဆုံးဖြတ်ခင်မှာ  သူတို့အနေနဲ့ ခိုင်မာတဲ့ သက်သေ အထောက်အထားတွေကို တွေ့ရဖို့လိုတယ်လို့ ပြောခဲ့ပါတယ်။ 

သမ္မတအိုဘားမားဟာ နိုင်ငံရေးအရရော ၊ စစ်ရေးအရပါ အရေးယူဖို့အတွက် စဉ်းစားနေကြောင်း၊ ဒါပေမဲ့ ဘယ်လောက်အထိ မြန်မြန်လုပ်ပြီး ၊ ဘယ်အတိုင်းအတာအထိ ပါဝင်ပတ်သက်မယ်ဆိုတာတော့ ရှင်းရှင်းလင်းလင်းမသိရသေးဘူးလို့ အိမ်ဖြူတော်က ပြောပါတယ် 

http://burmese.voanews.com/content/article/1681533.html

ဆီးရီးယားအစိုးရဟာ သူပုန်တွေကို တိုက်တဲ့နေရာမှာ ဓါတုလက်နက်တွေ အသုံးပြုတယ်ဆိုတဲ့ ခိုင်လုံတဲ့ သက်သေအထောက်အထားတွေ ရထားတယ်လို့ အမေရိကန်အစိုးရ ပြောကြားလိုက်ပါတယ်။ ဒီလို ဓါတုလက်နက်သုံးတာဟာ သတ်မှတ်ထားတဲ့ သည်းခံနိုင်တဲ့ အတိုင်းအတာကို ကျော်သွားမှာဖြစ်တယ်လို့