Monday 2 March 2015

ပူတင်အစိုးရအပေါ် ဆန့်ကျင်သူ အတိုက်အခံ နိုင်ငံရေးသမား ပစ်သတ်ခံရမှု မကျေနပ်သည့် ရုရှားထောင်ပေါင်းများစွာ မော်စကိုတွင် ချီတက်ဆန္ဒပြ


ရုရှားနိုင်ငံတွင် သောကြာနေ့က ပစ်ခတ်သတ်ဖြတ်ခံလိုက်ရသော အတိုက်အခံခေါင်းဆောင် ဘောရစ်နမ် ဆော့ဗ်ကို ဂုဏ်ပြုသောအားဖြင့် ၎င်းကို ထောက်ခံသူ ရုရှားနိုင်ငံသား ထောင်ပေါင်းများစွာ မြို့တော် မော်စကို တွင် ချီတက်ဆန္ဒပြကြကြောင်း BBC သတင်းဌာနက ရေးသားဖော်ပြသည်။

KNLA နှင့် BGF အပြန်အလှန် ပစ်ခတ်မှုကြောင့် တစ်ဦးသေ၊ နှစ်ဦးဒဏ်ရာရ

ကရင်အမျိုးသားအစည်းအရုံး (KNU) ၏ လက်အောက်ခံ ကရင်လွတ်မြောက်ရေး တပ်မတော် (KNLA) တပ်မဟာ (၆)နှင့် ကရင်ပြည်နယ် နယ်ခြားစောင့်တပ် (BGF) တပ်ရင်းမှ တပ်သားအချို့ ပစ်ခတ်မှုဖြစ်ပွား ခြင်းကြောင့် KNLA မှ တစ်ဦးသေ၊ တစ်ဦးဒဏ်ရာနှင့် BGF မှ တစ်ဦးဒဏ်ရာရခဲ့ကြောင်း KNLA ဌာနချုပ်မှ တာဝန်ရှိသူတစ်ဦးက ပြောကြားသည်။

ဒီမိုကရေစီလိုချင်လျှင် ဗိုလ်ချုပ်ကဲ့သို့ တာဝန်သိသူဖြစ်ရန်လိုကြောင်း ဒေါ်အောင်ဆန်းစုကြည်ပြော

 မြန်မာပြည်သူများ လိုလားတောင်းတနေသည့် ဒီမိုကရေစီစနစ် ရလိုလျှင် ပြည်သူများအနေဖြင့် မိမိတာဝန် မိမိ ထမ်းဆောင်ရန် အဆင့်ဖြစ်နေဖို့ လိုအပ်သည်ဟု ဒေါ်အောင်ဆန်းစုကြည်က ပြောကြားလိုက်သည်။
ဒေါ်အောင်ဆန်းစုကြည်က ဧရာဝတီတိုင်းအတွင်း ဖေဖော်ဝါရီ ၂၈ရက် နှင့် မတ်လ ၁ရက်က ဗိုလ်ချုပ်အောင်ဆန်း မွေးနေ့ နှစ် ၁၀၀ပြည့် ဂုဏ်ပြုပွဲ သွားရောက်စဉ် ဟင်္သာတမြို့၌ ပြောကြားခဲ့ခြင်း ဖြစ်သည်။
"ဒီမိုကရေစီလိုချင်ရင် တာဝန်ထမ်းဆောင်ဖို့ အသင့်ဖြစ်ရမယ်။ ဖေဖေဟာ အင်မတန်တာဝန်သိခဲ့တဲ့ ပုဂ္ဂိုလ်တစ်ယောက်ဖြစ်ခဲ့တယ်" ဟု ဒေါ်အောင်ဆန်းစုကြည်က ပြောခဲ့သည်။

သပိတ်မှောက်ကျောင်းသားစစ်ကြောင်း ရန်ကုန်သို့မဝင်ရန် သံဃာအပါး ၂၀ကျော် မေတ္တာရပ်ခံ မတ် ၂ရက်တွင် ရန်ကုန်ဝင်ရန် ကျောင်းသားများ ဆုံးဖြတ်ထား


သပိတ်စစ်ကြောင်း ရန်ကုန်သို့မဝင်ရန် သုံးဆယ်မြို့၊ မဟာထူပါရုံကျောင်းတိုက်ဆရာတော် ဦးနန္ဒသီရိ ဦးဆောင်သည့် စုစုပေါင်း သံဃာအပါး ၂၀ကျော်က ပင်မသပိတ်စစ်ကြောင်းမှ ကျောင်းသားခေါင်းဆောင်များကို မတ်လ ၁ရက်နေ့ ညနေပိုင်းတွင် မေတ္တာရပ်ခံခဲ့သည်။

တပ်မတော်နှင့် ဖုန်ကြားရှင်တပ်တို့အကြား တိုက်ပွဲများ ပြင်းထန်ပြီးနောက် လောက်ကိုင်-ကုန်ကြမ်း လမ်းအပါအ၀င် တောင်ကုန်း ၆ ခုကို အစိုးရ တပ်က ပြန်သိမ်း

တပ်မတော်နှင့် ဖုန်ကြားရှင်ဦးဆောင်သည့် သောင်းကျန်းသူတို့ အကြား မတ်လ ၁ရက် ညနေပိုင်းက တိုက်ပွဲများ ပြင်းထန်ခဲ့ပြီးနောက်၂၃ မိုင်အနီး စစ်ဗျူဟာအရ အရေးကြီးသော တောင်ကုန်းများနှင့် နယ်နိမိတ်မှတ်တိုင် ၁၂၉ အနီး ပွိုင့် ၁၃၁၉ တောင်ကုန်းအပါအဝင် တောင်ကုန်း ၆ ခုကို တပ်မတော်မှ  ပြန်လည်သိမ်းပိုက်လိုက်ပြီဖြစ်ကြောင်း ကာကွယ်ရေးဦး စီးချုပ်ရုံး၏ ထုတ်ပြန်ချက်အရ သိရသည်။
မတ်လ ၁ ရက် နံနက်ပိုင်းမှာပင် ကိုးကန့်လက်နက်ကိုင်များ စိုးမိုးထားသည့် လောက်ကိုင်-ကုန်ကြမ်းဆက်သွယ်ရေးလမ်းကြောင်းကိုလည်း တပ်မတော်က ပြန်လည်သိမ်းပိုက်နိုင်သဖြင့် လုံခြုံ စိတ်ချစွာ ဖြတ်သန်းသွားလာနိုင်ပြီဟု ထုတ်ပြန်ထားသည်။

ကတိမတည်ဘူးဆိုရင်တော့ သူ့နေရာသူ မရောက်နိုင်ဘူး

( ၁ )
မြန်မာ့အရေးဆုတ်ယုတ်မှု သတင်းတွေ ဒီရက်ပိုင်း ဆက်တိုက် ထွက်ပေါ်နေပါတယ်။
ဒီအထဲမှာ ပညာရေးနယ်ပယ်က သတင်းတွေလည်း ပါခဲ့တယ်။ အမျိုးသားပညာရေး ဥပဒေပြင်ဆင်မှု ဥပဒေကြမ်း ပုံဖျက်ပြောဆိုခံရမှု၊ အခြေခံပညာ စာမေးပွဲမေးခွန်းတချို့ ပေါက်ကြားမှု၊ စာဖြေသူတွေ ပြင်ဆင်ဖြေဆိုခဲ့ရတဲ့ မေးခွန်းသတ်ပုံမှားယွင်းမှု စတဲ့ ရုပ်ပျက်ဆင်းပျက်ကိစ္စတွေ ဖြစ်ခဲ့ပါတယ်။
ဒီသတင်းတွေ မတိုင်ခင်မှာပဲ အမေရိကန် ထိပ်တန်းတက္ကသိုလ် ဂျွန်ဟော့ကင်း (Johns Hopkins) က သူတို့ရဲ့ အစီအစဉ်တွေကို မြန်မာနိုင်ငံက ပြန်ရုပ်သိမ်းသွားပါတယ်။ ဒီလို ပြန်ရုပ်သိမ်းသွားတာကို ပညာရေးဝန်ကြီးဌာန တာဝန်ရှိသူများက အရေးမကြီးသယောင် ပြောဆိုနေပေမဲ့ နာလန်ထူဖို့ ကြိုးစားနေဆဲ မြန်မာ့ပညာရေး လောကအတွက် ကြီးမားတဲ့ဆုံးရှုံးမှု ဖြစ်ပါတယ်။

ရန်ကုန်နှင့် ဧရာဝတီတိုင်းဒေသကြီးတို့အတွင်း စီးဆင်းနေသော ခုနစ်နှစ်ကျော်ကြာ တိမ်ကောခဲ့သည့် ပန်းလှိုင်မြစ် ပြန်လည်တူးဖော်ခြင်းလုပ်ငန်း မတ်လကုန် ပြီးစီးမည်

ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့အတွင်း ဖြတ်သန်းစီးဆင်းသော ခုနစ်နှစ်ကျော်ကြာ တိမ်ကောခဲ့သည့် ပန်းလှိုင်မြစ် ပြန်လည်တူးဖော်ခြင်းလုပ်ငန်း မတ်လကုန်တွင် ပြီးစီးမည်ဖြစ်ကြောင်း သိရသည်။
ပန်းလှိုင်မြစ်သည် ဧရာဝတီတိုင်းဒေသကြီး မဲဇလီ ဒလကျေးရွာမှ လှိုင်မြစ်ဝအထိ အရှည် ၃၄ မိုင်ရှိပြီး လွန်ခဲ့သည့် ခုနစ်နှစ်ကျော်ကတည်းက တိမ်ကောခဲ့ခြင်းဖြစ်ကာ နောင်နှစ်အနည်းငယ်အတွင်း လုံးဝပျောက်ကွယ်တော့မည့် အခြေအနေကြောင့် ပြန်လည်တူးဖော် ခဲ့ခြင်းဖြစ်ကြောင်း သိရသည်။

အဓမ္မပြုကျင့် သတ်ဖြတ်ခံရသော ကချင်ဆရာမနှစ်ဦး အမှုတွင် ဒေသခံရွာသားများ ပါဝင်ပတ်သက် ကျူးလွန်ခြင်း မရှိကြောင်း ကချင်နှစ်ခြင်း ခရစ်ယာန်အဖွဲ့ချုပ် ကြေညာချက်ထုတ်

ရှမ်းပြည်နယ်မြောက်ပိုင်း ပန်းဆိုင်းမြို့နယ် ကောင်းခါးကျေးရွာတွင် အဓမ္မပြုကျင့် သတ်ဖြတ်ခံရသော အကျိုးဆောင် ဆရာမနှစ်ဦး အမှုတွင် ဒေသခံ ရွာသူရွာသားများ ပါဝင်ပတ်သက် ကျုးလွန်ခြင်း မရှိကြောင်း ကချင်နှစ်ခြင်း ခရစ်ယာန်အဖွဲ့ချုပ်က ဖေဖော်ဝါရီ ၂၈ ရက်တွင် သဘောထားကြေညာချက်တစ်စောင် ထုတ်ပြန်ခဲ့ကြောင်း သိရသည်။

ကြွေးတင်ရင် ပြည်သူပဲ ဆပ်ရလိမ့်မယ်

မြန်မာနိုင်ငံအနေနဲ့ ၂ဝ၁၃ ခု နှစ် နှစ်ကုန်အထိ နိုင်ငံတကာနဲ့ ငွေရေးကြေးရေး အဖွဲ့အစည်း ၁၉ ခုဆီက ချေးယူထားတဲ့ ချေးငွေပမာဏဟာ ဒေါ်လာ ၉ ဒသမ ၆ ဘီလျံနီးပါး ရှိပါတယ်။
၁၉၈၈ ခုနှစ်မတိုင်မီ ဦးနေဝင်း လက်ထက်အထိ ပြည်ပကြွေးမြီက အမေရိကန်ဒေါ်လာ ၅ ဘီလျံတင်ရှိခဲ့ပြီး ၁၉၈၈ ခုနှစ်နောက်ပိုင်းကနေ ၂ဝ၁၁ ခုနှစ်အတွင်း ဒေါ်လာ ၃ ဘီလျံကျော်တင်ခဲ့သလို အခုအစိုးရ လက်ထက်မှာတော့ ဒေါ်လာတစ်ဘီလျံအောက်ဆက်ပြီး ချေးထားတဲ့အတွက် စုစုပေါင်း အမေရိကန်ဒေါ်လာ ၉ ဒသမ ၆ ဘီလျံနီးပါး မြန်မာနိုင်ငံ အကြွေးတင်နေတာပါ။
အဲ့ဒီအထဲမှာမှ တရုတ်နိုင်ငံ တစ်နိုင်ငံတည်းက အများဆုံးချေးယူခဲ့ပြီး မြန်မာနိုင်ငံက တရုတ်နိုင်ငံကိုပြန်ဆပ်ရမယ့် အကြွေးပမာဏဟာ ဒေါ်လာလေးဘီလျံကျော် (ကျပ်သန်းပေါင်း ၄,ဝဝဝ,ဝဝဝ ကျော်) အထိ ရှိပါတယ်။