ဂျာမနီတိုက်စစ်မှူးများ ဂိုးမြူးနေသည့် အချိန်နှင့် ဘရာဇီးနောက်တန်း ယုံကြည်မှု ပျက်ပြားနေသည့်အချိန် တစ်ထပ်တည်း ကျသွားသည့်အခါ ဥရောပထိပ်သီးတို့က အိမ်ရှင်အသင်းကို ဂိုးဒါဇင်ဝက် ပြတ်သားအောင် အနိုင်ယူပြီး ကမ္ဘာ့ဖလားဗိုလ်လုပွဲ အဆင့်သို့ တက်လှမ်းခဲ့သည်။ပွဲချိန်(၁၁)မိနစ်တွင် ခရူးစ်ကန်တင်ပေးသည့် ထောင့်ကန်ဘောကိုမူလာက ခြေခွင်ဖြင့် အလိုက်သင့်ပိတ်သွင်းပြီး ဂျာမနီအတွက် ဦးဆောင်ဂိုးကို စောစော စီးစီး ရယူခဲ့သည်။ ဂိုးပေးလိုက်သဖြင့် ပြာသွားသော ဘရာဇီးသည် အမှားများ ဆက်တိုက် ကျူးလွန်မိပြီး နောက်ထပ်ဂိုးများ ပေးခဲ့ရခြင်း ဖြစ်သည်။ (၂၃)မိနစ်တွင် ဘရာဇီး ကွင်းလယ်မှ ဘောလုံးပျက်လာသည်ကို ဂျာမနီက လျင်လျင်မြန်မြန် အပေးအယူ ကစားပြီး မူလာချ ပေးသည်ကို ကလိုဆေး ကန်သွင်းရာ ဂိုးသမား ဆီဇာ ပုတ်ထုတ်သော်လည်း ကလိုဆေးကပင် ထပ်ဆင့် ပိတ်သွင်းသဖြင့် ဒုတိယဂိုး ရခဲ့သည်။ အဆိုပါဂိုး သည် ကမ္ဘာ့ဖလား ပြိုင်ပွဲများတွင် ကလိုဆေး၏ (၁၆)လုံးမြောက် သွင်းဂိုးဖြစ်လာပြီး ယခင်ဘရာဇီး တိုက်စစ် မှူးဟောင်း ရော်နယ်လ်ဒို တင်ထားသည့် (၁၅)ဂိုး စံချိန်ဟောင်းကို ဖြတ်ကျော်နိုင်ခဲ့သည်။
