Friday 24 July 2015

ယခုနှစ် နှစ်ဝက်ကာလတွင်ပင် အီရန်က လူပေါင်း ၇၀၀နီးပါး ကိုသေဒဏ်ဖြင့် ကွပ်မျက်ခဲ့


နိုင်ငံတကာလွတ်ငြိမ်းချမ်းသာခွင့်အဖွဲ့ကြီးမှ ထုတ်ပြန်လိုက်သည့် အစီရင်ခံစာအရ ၂၀၁၅ခုနှစ်၏ ပထမနှစ်ဝက်ကာလတွင်ပင် အီရန်က လူပေါင်း ၆၉၄ယောက်ကို ကွပ်မျက်သုတ်သင်ခဲ့သောကြောင့် နိုင်ငံ၏ သေဒဏ်အသုံးပြုမှု သမိုင်းကြောင်းတွင် မကြုံစဖူး မြင့်တက်မှုပင်ဖြစ်သည်ဟု ဆိုသည်။

ယခုနှစ် ယခုအချိန်အထိ လူပေါင်း ၇၀၀နီးပါးကို ကွပ်မျက်လိုက်သည့်အတွက် အီရန်မှာ လွတ်ငြိမ်းချမ်းသာခွင့်အဖွဲ့ကြီးက အစီရင်ခံခဲ့သည့် ယမန်နှစ်က ကမ္ဘာနှင့်အ၀န်း သေဒဏ်ဖြင့် သုတ်သင်ခံရသည့်အရေအတွက် ၇၄၃ယောက် ကိုကျော်လွန် သွားတော့မည့် လမ်းကြောင်းပေါ်တွင် ရှိနေသည်။

ပေါင်ချိန် ခေါ် လွှတ်တော်ဥက္ကဋ္ဌ ဦးခင်အောင်မြင့် ရွေးကောက်ပွဲဝင်မည်


သမာသမတ်ကျပြီး ပေါင်ချိန်ကဲ့သို့ အရည်အချင်းရှိခြင်းကြောင့် လာမည့်ရွေးကောက်ပွဲတွင် ထပ်ပြိုင်ဦးမည်ဟု အမျိုးသားလွှတ်တော်ဥက္ကဋ္ဌ ဦးခင်အောင်မြင့်က ကြေညာလိုက်သည်။လာမည့် ရွေးကောက်ပွဲတွင် လက်ရှိ မဲဆန္ဒနယ်ဖြစ်သော မန္တလေးတိုင်း၊ ပျော်ဘွယ်နှင့် ရမည်းသင်းမြို့နယ် ကိုယ်စားပြုကာ အမျိုးသားလွှတ်တော်ကိုယ်စားလှယ်လောင်းအဖြစ် ထပ်မံယှဉ်ပြိုင်မည်ဟု ဇူလိုင် ၂၄ အမျိုးသားလွှတ်တော် အစည်းအဝေးအပြီး ဦးခင်အောင်မြင့်က ပြောဆိုလိုက်ခြင်းဖြစ်သည်။

"ကျွန်တော့ကို ထောက်ခံမဲပေးခြင်း၊ မပေးခြင်းကိစ္စအတွက် ဘာမှ မပြောလိုပါဘူး။ မဲဆန္ဒရှင်ပြည်သူများရဲ့ အမြောက်အမြင်ကြီးမားတဲ့ဆုံးဖြတ်ချက်ကို ကျေနပ်စွာ ခံယူသွားမည်ဖြစ်ပါကြောင်း ပြောကြားအပ်ပါတယ်” ဟု ဦးခင်အောင်မြင့်က ပြောသည်။