Monday 10 February 2014

စိန်ခေါ်မှုများကြားမှ ရခိုင့်အနာဂတ်အတွက် ရခိုင်အမျိုးသားညီလာခံ ကျင်းပမည်

Photo: စိန်ခေါ်မှုများကြားမှ ရခိုင့်အနာဂတ်အတွက် ရခိုင်အမျိုးသားညီလာခံ ကျင်းပမည်
Monday, February 10, 2014

စိန်ခေါ်မှုများနှင့် ရင်ဆိုင်နေရသော်လည်း ရခိုင့်အနာဂတ်အတွက် သေနကဗျူဟာရေးဆွဲချမှတ်နိုင် ရန် ရခိုင်အမျိုးသားညီလာခံ ကျင်းပမည်ဖြစ်ကြောင်း သိရသည်။

“လက်နက်ကိုင်အင်အားစု၊ ဒီမိုကရေစီအင်အားစု၊ တတ်သိပညာရှင်တွေ ပြည်သူတွေအားလုံး ရခိုင် တွေရှေ့ဆက်ဘယ်လိုသွားမလဲဆိုတဲ့ သေနကဗျူဟာတစ်ခု ရေးဆွဲချမှတ်နိုင်ဖို့ အရေးကြီးတယ်။ ဒါမှ ရခိုင်ရဲ့အနာဂတ်ဟာ ရေရာမယ်၊ ထွန်းလင်းလာမယ်” ဟု ရခိုင်တိုင်းရင်းသားများ တိုးတက်ရေး ပါတီမှ အထွေထွေ အတွင်းရေးမှူး ဦးဦးလှစော က ပြောပါသည်။

စစ်အစိုးရလက်ထက် စီးပွားရေး၊ နိုင်ငံရေး၌ ပြဿနာ အမြောက်အများ ကြုံတွေ့ခဲ့ရကြောင်း၊ ပွင့် လင်းလာသည့်ခေတ်၌လည်း Islamisation ဘာသာရေးပဋိပက္ခနှင့်ကြုံတွေ့ရကြောင်း၊ ရခိုင်ပြည်၌ သယံဇာကြွယ်ဝ သော်လည်း ရခိုင်လူမျိုးများ ဆင်းရဲနေသည်မှာ စိန်ခေါ်မှုတခုဖြစ်နေပြီး ရခိုင်ပြည်နယ်သည် အခြားဒေသထက် ထူးခြားသည့် စိန်ခေါ်မှုများနှင့် ရင်ဆိုင်နေရကြောင်း၊ ရခိုင်အမျိုးသား ညီလာခံ ကျင်းပနိုင်ရန် technical ပိုင်း၌သာ အခက်အခဲရှိကြောင်း ဦးဦးလှစော က ပြောပါသည်။

ရခိုင်အမျိုးသားညီလာခံကို ၁) ရခိုင်အမျိုးသားသွေးစည်းညီညွှတ်ရေး ၂) အမျိုးသား တန်းတူရေး နှင့် တရားမျှတရေး ၃) လုံခြုံငြိမ်းချမ်းပြီး ဖွံ့ဖြိုးတိုးတက်သည့် ရခိုင်လူ့ဘောင်သစ်တစ်ရပ် ပေါ်ထွန်း ရေး − ဟူသည့် ရည်ရွယ်ချက် ၃ ရပ်ဖြင့် ၂၀၁၄ ဧပြီလ ၂၇ ရက်မှ မေလ ၁ ရက်နေ့အထိ ရခိုင်ပြည် ကျောက်ဖြူ မြို့၌ ကျင်းပမည်ဖြစ်သည်။ 

ရခိုင်အဖွဲ့အစည်းများ လုံခြုံအေးချမ်းစွာ နေထိုင်နိုင်ရေးအတွက် လူမျိုးရေးဆန်သည့် ပဋိပက္ခ၊ ဘာသာရေးဆန်သည့် ပဋိပက္ခများ အဆုံးသတ်နိုင်ရန် စာတမ်းပြုစုမည်ဖြစ်ကြောင်း၊ စီးပွားရေး လူမှုရေး ကျန်းမာရေး ပညာရေးစသည့် ကဏ္ဍများကို ဆွေးနွေးမည်ဖြစ်ကြောင်း ဆို၏။

ညီလာခံ၌ အစိုးရနှင့် အပစ်ခတ်ရပ်စဲထားခြင်း မရှိသေးသည့် ရခိုင်တပ်မတော်(AA)လည်း ပါဝင် မည် ဖြစ်သည်။ အစိုးရက စစ်မှန်သည့် ငြိမ်းချမ်းရေး အမှန်တကယ် လိုလားပါက အပစ်ခတ် မရပ် သေးသော်လည်း ပါဝင်ခွင့်ပြုသင့်သည်ဟု ရခိုင်တပ်မတော်မှ ဒု−ဗိုလ်မှူးကြီး ကျော်ဟန် က ပြောပါ သည်။

“တိုင်းပြည်နဲ့လူမျိုးအတွက် အလုပ်လုပ်နေတဲ့အတွက် ပြည်သူတွေကိုလည်း ပါဝင်စေချင်တယ်။ ပဋိပက္ခတွေကို အတူတူပူးပေါင်းအဖြေရှာဖို့အတွက် ပါဝင်ခွင့်မပေးဘူးဆိုရင် အမျိုးသားညီလာခံက ပြည့်စုံတဲ့ညီလာခံမဟုတ်ဘူး။ တကယ်လို့ ရလဒ်ကောင်းတခုထွက်လာလို့ အစိုးရနဲ့ငြိမ်းချမ်းရေး ဆွေးနွေးရင်လည်း ငြိမ်းချမ်းရေး အစစ်အမှန်မဟုတ်ဘူး။ အပစ်ခတ် မရပ်ထားတဲ့ ရခိုင်တပ်မတော် ပါဝင်ပေမဲ့ အစိုးရဘက်က ညီလာခံပြုလုပ်ဖို့ ခွင့်ပြုမယ်လို့ ထင်ပါတယ်။”

ရခိုင်အမျိုးသားညီလာခံ ဖြစ်မြောက်ရေးအတွက် ပြည်တွင်းပြည်ပ ရခိုင်ခေါင်းဆောင်များက စတုတ္ထ အကြိမ်မြောက် အစည်းအဝေးကို ထိုင်းနိုင်ငံ ချင်းမိုင်မြို့၌ ဖေဖော်ဝါရီလ ၇ ရက်မှ ၉ ရက်နေ့အထိ ကျင်းပခဲ့သည်။ ဖေဖော်ဝါရီလ ၁၀ ရက်နေ့၌ သတင်းစာရှင်းလင်းပွဲတရပ် ကျင်းပသည်။

ရခိုင်အမျိုးသားညီလာခံ ဖြစ်မြောက်ရန်အတွက် ညှိနှိုင်းရေးကော်မတီက မြန်မာငြိမ်းချမ်းရေး စင်တာ(MPC)နှင့် ဖေဖော်ဝါရီလ ၁၅ ရက်နှင့် ၂၀ ရက်အတွင်း တွေ့ဆုံမည်ဟု သိရပါသည်။

Panglong(Burmese)
စိန်ခေါ်မှုများနှင့် ရင်ဆိုင်နေရသော်လည်း ရခိုင့်အနာဂတ်အတွက် သေနကဗျူဟာရေးဆွဲ ချမှတ်နိုင် ရန် ရခိုင်အမျိုးသားညီလာခံ ကျင်းပမည်ဖြစ်ကြောင်း သိရသည်။

ထိုင်း ၀န်ကြီးချူပ်ဟောင်း သက်ဆင်နှင့် ထိုင်းအစိုးရ ၀န်ကြီးတချို့ ရန်ကုန်တွင် တွေ့မည်

ထိုင်း ၀န်ကြီးချူပ်ဟောင်း သက်ဆင် ရှင်နာဝပ်, ရန်ကုန်မြို့, ချက်ထရီယံ ဟိုတယ်, ထိုင်းအစိုးရ အဖွဲ့, ဗိုလ်ချုပ်မှူးကြီး မင်းအောင်လှိုင် 
ရန်ကုန်မြို့သို့ ရောက်ရှိနေသည့် ထိုင်း ၀န်ကြီးချုပ်ဟောင်း သက်ဆင် ရှင်နာဝပ်ကို လက်ရှိ ထိုင်း ဒု ၀န်ကြီးချူပ် အပါအ၀င် ထိုင်း အစိုးရ ၀န်ကြီးများက လာရောက် တွေ့ဆုံမည် ဖြစ်ကြောင်း သိရသည်။

ဆိုင်ကယ်လိုင်စင်လုပ်မည့်နေ့ ဖေဖော်ဝါရီ ၁၇ ရက်ကို ရွှေ့၊ ကုန်ကျစရိတ် ကြေညာ

Photo: ဆိုင်ကယ်လိုင်စင်လုပ်မည့်နေ့ ဖေဖော်ဝါရီ ၁၇ ရက်ကို ရွှေ့၊ ကုန်ကျစရိတ် ကြေညာ
Monday, February 10, 2014

မြန်မာပြည် အနှံ့အပြားက လိုင်စင်မဲ့ဆိုင်ကယ်တွေကို မှတ်ပုံတင်လုပ်ပေးမယ့် နေ့ရက်ကို လာမယ့် ဖေဖော်ဝါရီ ၁၇ ရက်ကို ရွှေ့ဆိုင်းလိုက်ကြောင်းနဲ့ ဆိုင်ကယ် အမျိုးအစားအလိုက် ကုန်ကျမယ့် မှတ်ပုံတင်ကြေးကို ကုန်းလမ်းပို့ဆောင်ရေး ညွှန်ကြားမှု ဦးစီးဌာနက ဖေဖော်ဝါရီ ၁၀ ရက် ဒီနေ့မှာ ထုတ်ပြန် ကြေညာပါတယ်။

မူလက လိုင်စင်မဲ့ဆိုင်ကယ်တွေကို လာမယ့် ဖေဖော်ဝါရီ ၁၀ ရက်နေ့ကနေ ဇွန် ၃၀ ရက်နေ့အထိ အခွန်ကောက်ခံပြီး မှတ်ပုံတင်လုပ်ပေးမယ်လို့ ကုန်းလမ်းသယ်ယူ ပို့ဆောင်ရေး ၀န်ကြီးဌာန ထုတ်ပြန်ထားပြီး အခု ရက်ရွှေ့လိုက်တာပါ။

မှတ်ပုံတင်လုပ်ဖို့အတွက် အကောက်ခွန်နဲ့ ပြည်တွင်းအခွန် ၁၀ ရာခိုင်နှုန်း ပေးရမှာ ဖြစ်ပြီး ထိုင်းနိုင်ငံထုတ် ဆိုင်ကယ်ဆိုရင် မော်ဒယ်အမျိုးအစားအလိုက် အနိမ့်ဆုံး ကျပ် ၅ သောင်းကျော်ကနေ အမြင့်ဆုံး ကျပ် ၁ သိန်း ၄ သောင်းနီးပါး ကုန်ကျမယ်လို့ ဆိုပါတယ်။

အိန္ဒိယနိုင်ငံထုတ်ဆိုရင် အနိမ့်ဆုံး ၅ သောင်းနီးပါးကနေ အမြင့်ဆုံး ကျပ် ၁ သိန်း ၃ သောင်းနီးပါး ကုန်ကျမယ်လို့ ဖော်ပြထားပါတယ်။

လက်ရှိ မြန်မာနိုင်ငံထဲကို တရုတ်၊ ထိုင်းနဲ့ အိန္ဒိယနိုင်ငံလုပ် ဆိုင်ကယ်တွေနဲ့ ဗီယက်နမ် နိုင်ငံလုပ် ဆိုင်ကယ်တွေ ၀င်ရောက်နေပါတယ်။

အစိုးရဟာ ပြည်တွင်းရောက်နေတဲ့ လိုင်စင်မဲ့ဆိုင်ကယ် ၃ သန်းနီးပါးကို ၈ ကြိမ် လိုင်စင် ပြုလုပ်ပေးခဲ့ပြီး ဖြစ်ပါတယ်။

DVB
မြန်မာပြည် အနှံ့အပြားက လိုင်စင်မဲ့ဆိုင်ကယ်တွေကို မှတ်ပုံတင်လုပ်ပေးမယ့် နေ့ရက်ကို လာမယ့် ဖေဖော် ၀ါရီ ၁၇ ရက်ကို ရွှေ့ဆိုင်းလိုက်ကြောင်းနဲ့ ဆိုင်ကယ် အမျိုးအစားအလိုက် ကုန်ကျမယ့် မှတ်ပုံတင်ကြေးကို ကုန်းလမ်းပို့ဆောင်ရေး ညွှန်ကြားမှု ဦးစီးဌာနက ဖေဖော်ဝါရီ ၁၀ ရက် ဒီနေ့မှာ ထုတ်ပြန် ကြေညာပါတယ်။

မဟာမြတ်မုနိ ရုပ်ရှင်တော်မြတ်ကြီးသမိုင်း

Photo: မဟာမြတ်မုနိ ရုပ်ရှင်တော်မြတ်ကြီးသမိုင်း
Monday, February 10, 2014

မဟာမုနိ ရုပ်ရှင်တော်မြတ်ကြီးသည် မန္တလေးမြို့၏ အထင်ကရ နေရာ တစ်ခု ဖြစ်သည်။ ဂေါတမ မြတ်စွာဘုရားက ရင်ငွေ့တော် (၇)ကြိမ် ပေးခဲ့သဖြင့် သက်တော် ရှိ်သည်ဟု ယုံကြည်ကြသည်။

ဘိုးတော်ဘုရား(ဗဒုံမင်း)လက်ထက် ၁၇၈၄ ခုနှစ်တွင် အိမ်ရှေ့မင်းသား ဦးပေါ်ကရခိုင် မှပင့်ဆောင်ခဲ့သည်။

သမိုင်း

မူလ ရခိုင်မင်းဆက်၏ အဦးပိုင်း စန္ဒာသူရိယမင်းလက်ထက်တွင် မြတ်ဗုဒ္ဓသည် ရခိုင်သို့ ကြွချီလာကာ တရားရေအေးတိုက်ကြွေးလေသည်။ မဇ္ဇျိမသို့ မပြန်မှီ မင်းနှင့် ပြည်သူတို့၏တောင်းဆိုမှုကြောင့် ကိုယ်စားတော်ကိုးကွယ်ရန်အတွက် ရုပ်ပွားတော်တစ်ဆူသွန်းလုပ်ရန် သဘောတူလေသည်။ သို့ဖြင့် မဟာမုနိအပါအ၀င် ရုပ်ပွားတော်လေးဆူကို သွန်းလုပ်သော်လည်း ကျန်သုံးဆူမှာ ပြည့်စုံခြင်းမရှိခဲ့ပေ။

(ဇလွန်ပြည်တော်ပြန် လည်းအပါအ၀င်ဖြစ်) မဟာမုနိရုပ်ရှင်တော်မြတ်ကြီးကို ဗုဒ္ဓဘုရားကိုယ်တိုင် လက်ဖ၀ါးတော်ဖြင့် ရင်ငွေ့တော်(၇)ကြိမ်ပေးခဲ့သည့် အတွက် သက်တော်ရှိသည်ဟု ယုံကြည်ကြလေသည်။

အငြင်းပွားဖွယ်မှာ မြတ်ဗုဒ္ဓသည် မဇ္ဇျိမဒေသမှ လွဲလျှင် ကျန်နေရာများသို့ ကြွချီခြင်းမရှိဟူသော သမိုင်းဆိုင်ရာ အငြင်းပွားမှု နှင့် ရုပ်ပွားတော်၊ဆင်းတုတော် ထုလုပ်ကိုးကွယ်ခြင်းမှာ အာသောကမင်းကြီး လက်ထက်လွန်သည်အထိ အိန္ဒိယတွင်ပင် ထွန်းကားခြင်းမရှိသေးခြင်းတို့ကြောင့် မဟာမုနိ ရုပ်ရှင်တော်မြတ်ကြီး၏ သမိုင်းနှင့် သက်တမ်းမှာ သံသယဖြစ်ဖွယ်ရှိသည်ဟု သတ်မှတ်ကြသည်။

mmteashop
မဟာမုနိ ရုပ်ရှင်တော်မြတ်ကြီးသည် မန္တလေးမြို့၏ အထင်ကရ နေရာတစ်ခု ဖြစ်သည်။ ဂေါတမ မြတ်စွာ ဘုရားက ရင်ငွေ့တော် (၇)ကြိမ် ပေးခဲ့သဖြင့် သက်တော် ရှိ်သည်ဟု ယုံကြည်ကြသည်။ 

ထိုင်းတော်ဝင် ရေတပ်ပိုင် စစ်သင်္ဘောသုံးစင်း သီလဝါ ဆိပ်ကမ်းသို့ ကမ်းကပ်မည်

ထိုင်းတော်ဝင် ရေတပ်မတော်ပိုင် စစ်သင်္ဘော သုံးစင်းသည် ချစ်ကြည်ရေး ခရီးစဉ်အဖြစ် မြန်မာနိုင်ငံ ရန်ကုန်မြို့ရှိ သီလဝါ ဆိပ်ကမ်းသို့ ကမ်းကပ်မည် ဖြစ်ကြောင်း မြန်မာနိုင်ငံဆိုင်ရာ ထိုင်းတော်ဝင်သံရုံးက ဖေဖော်ဝါရီ ၉ ရက်တွင် သတင်းထုတ်ပြန်ခဲ့သည်။

ဉာဏပစ္စည်းမူပိုင်ခွင့် သတင်းအချက်အလက်ဌာန UMFCCI တွင် ဖွင့်မည်

ဉာဏပစ္စည်း မူပိုင်ခွင့်ဆိုင်ရာ သတင်းအချက်အလက် ဌာနကို စီးပွားရေး လုပ်ငန်းရှင်များနှင့် အများပြည်သူ လေ့လာနိုင်ရန် ယခုနှစ်အတွင်း ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှု လုပ် ငန်းရှင်များအသင်းချုပ် (UMFCCI)တွင် ဖွင့်လှစ်မည် ဖြစ်ကြောင်း UMFCCI လူ့စွမ်းအားရင်းမြစ် ဖွံ့ဖြိုး တိုးတက်ရေးဌာနမှ ဒုတိယ အမှုဆောင်အရာရှိ ဒေါ်ဇာဇာတင်ထွဋ်က The Voice သို့ ပြောကြား သည်။

အာဖဂန် စစ်သားများ အမေရိကန်မှ ထောက်ပံ့ကူညီမှုများ ရုတ်သိမ်းသွားမည်ကို ပူပန်နေ

Photo: အာဖဂန် စစ်သားများ အမေရိကန်မှ ထောက်ပံ့ကူညီမှုများ ရုတ်သိမ်းသွားမည်ကို ပူပန်နေ
Monday, February 10, 2014

တာလီဘန်များကို တိုက်ခိုက်နေသည့် အာဖဂန် စစ်သားများ အနေဖြင့် သောင်းကျန်းမှုများကို ထိန်းသိမ်းရင်ဆိုင်ရာတွင် ယုံကြည်မှုများ ရှိလာနေသော်လည်း ရှေ့တန်းမှ တိုက်ခိုက်နေသူများသည် အမေရိကန်မှ ထောက်ပံ့မှုများ ရုတ်သိမ်းသွားမည်ကို ပူပန်လျှက် ရှိသည်။

အမေရိကန်မှ ၂၀၁၄ နောက်ပိုင်း စစ်တပ်အင်အား အနည်းငယ်ကို ဆက်လက်ချထားရန် ခွင့်ပြုမည့် အပြန်အလှန် လုံခြုံရေး သဘောတူညီမှု စာချုပ် ချုပ်ဆိုရန် အာဖဂန် သမ္မတ ဟာမစ်ကာဇိုင်း၏ သဘော မတူညီမှုကြောင့် ယခုကဲ့သို့ စိုးရိမ်ပူပန်မှုများ ထွက်ပေါ်လာခြင်း ဖြစ်သည်။ အာဖဂန် တပ်ဖွဲ့များမှ ယခုကဲ့သို့ စိုးရိမ်ပူပန်မှုကို ဖော်ပြပြီး သမ္မတအား သဘောတူညီမှု စာချုပ် လက်မှတ်ရေးထိုးရန် တောင်းဆိုခြင်း ဖြစ်သည်။

“ တကယ်လို့ နိုင်ငံတကာ အဖွဲ့အစည်းတွေသာ ထွက်သွားရင် တာလီဘန်တွေ အသာစီးရသွားမယ်ဆိုတာ မေးစရာတောင် မလိုပါဘူး။ အခုဆို အဲ့ဒီ ကိစ္စဟာ စစ်သားတိုင်းအတွက် စိုးရိမ်ပူပန်စရာ ဖြစ်နေပြီ ” ဟု ဇဘူလ် ခရိုင်မှ တပ်ရင်း၏ ဗိုလ်မှုးကြီး မိုဟာမက်ဒေါ့စ်က အင်တာဗျူးတစ်ခုတွင် ပြောကြားသွားသည်။ လတ်တလော ကာလများတွင် ယင်းကိစ္စအတွက် ထင်မြင်ချက်များကို စစ်သားများမှ ဒေသတွင်း တီဗွီ အင်တာဗျုးများတွင် လည်းကောင်း၊ သတင်းစာများ၏ ပြည်သူ့အသံ ကဏ္ဍများတွင် လည်းကောင်း ဖော်ပြလျက် ရှိသည်။ အာဖဂန်အစိုးရမှ ၎င်းကိစ္စအား ပြောဆိုခြင်းကို တရားဝင် ပိတ်ပင်ထားခြင်း မရှိသော်လည်း ပြောဆိုမှု တစ်ချို့တွင် တင်းကျပ်စွာ အရေးယူလျှက်ရှိသည်။

“ တစ်ခြားသူတွေကလည်း သဘောတူစာချုပ်ကို လက်မှတ် ရေးထိုးစေချင်သလို ကျွန်တော်တို့လည်း စာချူပ်ရေးထိုးဖို့ကို တောင်းဆိုပါတယ် ” ဟု ဗိုလ်ချုပ် မိုမန်ကတာဝါဇိုင်း ပြီးခဲ့သော လအတွင်း ပြောကြားခဲ့ပြီးနောက် မကြာမီတွင် ကာကွယ်ရေး ဝန်ကြီးဌာနမှ သူ့အား ခေါ်ယူပြီး ရုံးသို့ လာရောက် အလုပ်လုပ်ရန် မလိုတော့ဟု ပြောဆိုခဲ့ကြောင်း သိရသည်။ တရားဝင် ထုတ်ပယ်ခြင်း မရှိသေးသော်လည်း မကြာခင် ထုတ်ပြန်သွားမည်ဟု မျှော်လင့်ရသည်။ “ ဒါအတွက် တော်တော် ခေါင်းကိုက်သွားတယ် ” ဟု မိုမန်မှ ပြောဆိုခဲ့သည်။ ဗိုလ်ချုပ် မိုမန်အနေဖြင့် ၎င်းကဲ့သို့ ပြဿနာ ကြုံခဲ့သော်လည်း အခြားသော စစ်သားများကမူ ဆက်လက် ပြောဆိုလျှက် ရှိသည်။

“ အမေရိကန်တွေ ထွက်သွားရင် အာဖဂန်ကတော့ ကန္တာရထဲမှာ ဝံပုလွေတွေကြားထဲက အထီးကျန် သိုးတစ်ကောင် ဖြစ်ကျန်တော့မှာပဲ ” ဟု ဗိုလ်ကြီးအဆင့်ရှိ အဗ္ဗဒူဇဟာမှ အင်တာဗျူးတွင် ပြောဆိုခဲ့သည်။ သဘောတူညီမှု စာချုပ်အတွက် ကာကွယ်ရေးဝန်ကြီး ဘစ်မီလာခန်းမိုဟာမက်ဒီမှ စစ်တပ် ထိပ်ပိုင်း ခေါင်းဆောင်များနှင့် ပြီးခဲ့သောလ နှောင်းပိုင်းတွင် ဆွေးနွေးခဲ့ကြသည်။

ပြီးခဲ့သော ဆယ်စုနှစ်များအတွင်း အမေရိကန်မှ လူပေါင်း ၃၅၂၀၀၀ရှိ အာဖဂန် လုံခြုံရေး တပ်ဖွဲ့အတွက် ဒေါ်လာ ဘီလျံ ၅၀ ကျော် သုံးစွဲခဲ့သည်။ ၎င်းတပ်ဖွဲ့များကို ထိန်းသိမ်းရန် တစ်နှစ်လျှင် ဒေါ်လာ ၄ ဘီလျံကျော် ကုန်ကျမည် ဖြစ်ပြီး အာဖဂန် အစိုးရအနေဖြင့် လာမည့်နှစ်အနည်းငယ်အတွက် ၁၂ ရာခိုင်နှုန်း သုံးစွဲနိုင်မည်ဟု အမေရိကန်မှ ခန့်မှန်းထားသည်။ အာဖဂန်အနေဖြင့် နှစ်နိုင်ငံ သဘောတူညီမှု စာချုပ်ကို လက်မှတ်ရေးထိုးမှု မရှိလျှင် အမေရိကန်အနေဖြင့် ဘဏ္ဍာရေး အကူအညီပင် ပေးအပ်ရန် လွယ်ကူမှု မရှိပေ။

“ တကယ်လို့ ဘယ်သူမှ ကျွန်တော်တို့ကို လစာမပေးဘူးဆိုရင် ပါကစ္စတန်ရဲ့ အကူအညီနဲ့ တာလီဘန်တွေဟာ ကျွန်တော်တို့ ထက်တောင် ပိုပြီး အင်အားကြီး လာပါလိမ့်မယ် ” ဟု ဗိုလ်ကြီး မိုဟာမက်နာဘီမှ ပြောခဲ့သည်။ အာဖဂန် အများစုမှ တာလီဘန်များသည် ပါကစ္စတန်မှ ထောက်ပံ့မှုများ ရရှိနေသည်ဟု ယုံကြည်ကြသည်။ ပါကစ္စတန်မှ ၎င်း ပြောဆိုချက်များကို ငြင်းဆိုလျှက်ရှိသည်။

မြန်မာ့ခေတ်
တာလီဘန်များကို တိုက်ခိုက်နေသည့် အာဖဂန် စစ်သားများ အနေဖြင့် သောင်းကျန်းမှုများကို ထိန်းသိမ်းရင်ဆိုင်ရာတွင် ယုံကြည်မှုများ ရှိလာနေသော်လည်း ရှေ့တန်းမှ တိုက်ခိုက်နေသူများသည် အမေရိကန်မှ ထောက်ပံ့မှုများ ရုတ်သိမ်းသွားမည်ကို ပူပန်လျှက် ရှိသည်။

နိုင်ငံတစ်ဝန်းမှ အောက်ဆီဂျင် ကုသိုလ်ပြုရေးအဖွဲ့ ၅၀ ကျော် တွေ့ဆုံ

နိုင်ငံတစ်ဝန်းရှိ ဇီဝိတဒါန အောက်ဆီဂျင် ကုသိုလ်ပြု လှူဒါန်းသည့်အဖွဲ့ ၅၀ ကျော်၏ ပထမဆုံး တွေ့ဆုံဆွေးနွေးပွဲကို ဖေဖော်ဝါရီလ ၈ ရက်နေ့က ရန်ကုန်မြို့ တောင်ဥက္ကလာပမြို့နယ် (၁၂) ရပ်ကွက် မာဃဓမ္မာရုံတွင် ကျင်းပပြုလုပ်ခဲ့ကြောင်း မာဃ အောက်ဆီဂျင် အလှူပေးရေးအဖွဲ့ ဥက္ကဋ္ဌ ဦးသောင်းထွန်းက ပြောကြားသည်။

စီးပွားရေးပါမောက္ခကို ပင်စင်ပေး၍ တက္ကသိုလ်ဆရာအသင်း ကန့်ကွက်

ရန်ကုန်အဝေးသင်တက္ကသိုလ် စီးပွားရေးပညာဌာနပါမောက္ခ၊ ဌာနမှူး ဒေါက်တာဒေါ်ကျင်ဌေးကို ပညာ ရေးဝန်ကြီးဌာနက မယူမနေရ ပင်စင်ပေးခဲ့ခြင်း အမိန့်ကြော်ငြာစာအပေါ် ပြင်းပြင်းထန်ထန် ကန့်ကွက် ကြောင်း တက္ကသိုလ်ဆရာ၊ ဆရာမများအသင်းက ဖေဖော်ဝါရီ ၉ ရက်တွင် ထုတ်ပြန်ကြေညာလိုက် သည်။

မြန်မာ့ ဆက်သွယ်ရေး လုပ်ကိုင်ခွင့်ရ ရတနာပုံ ကုမ္ပဏီကို ဆက်သွယ်ရေး လိုင်စင်ချထားပေးမည်

မြန်မာနိုင်ငံ ဆက်သွယ်ရေး ဝန်ဆောင်မှုလုပ်ငန်းများ လုပ်ကိုင်ခွင့်ရ ပြည်တွင်း အော်ပရေတာ တစ်ခုဖြစ် သည့် Yatanarpon Public Co.,Ltd. ကို ဆက်သွယ်ရေး လုပ်ငန်း ဆောင်ရွက်ခွင့် လိုင်စင်ပေးရန် စီစဉ်လျက် ရှိနေကြောင်း ဆက်သွယ်ရေးနှင့် သတင်းအချက်အလက် နည်းပညာ ဝန်ကြီးဌာနမှ တာဝန်ရှိသူ တစ်ဦး၏ ပြောကြားချက် အရသိရသည်။

ကိုယ်တွင်း သွေးလှည့် ပတ်မှု ကောင်းမွန် စေရန်

Photo: ကိုယ်တွင်း သွေးလှည့် ပတ်မှု ကောင်းမွန် စေရန်
Monday, February 10, 2014 

အထိုင်များတဲ့ ဘဝ နေထိုင်မှု ပုံစံ၊ အစာစားနည်း အလေ့အထ အမှားနဲ့ သက်သောင့် သက်သာ နေလွန်းမှု စတဲ့ အချက်တွေက ကျန်းမာရေး မကောင်းတဲ့ ဘဝကို ရရှိ စေနိုင်တဲ့ အချက် တွေပါ။

လက်ရှိ အချိန်မှာ လူအများစုဟာ ကွန်ပျူတာ ရှေ့မှာ အချိန်ကြာကြာ ထိုင်တတ်ပြီး လေ့ကျင့်ခန်း လုပ်ရမှာ ပျင်းရိ အချိန် ဆွဲတတ်တဲ့ အတွက် ခန္ဓာကိုယ်တွင်း သွေးလှည့် ပတ်မှု လျော့နည်း နေတတ် ပါတယ်။ သွေးလှည့်ပတ်မှု မကောင်းတာကြောင့် လက်တွေ၊ ခြေထောက်တွေ အေးစက် တာနဲ့ သွေးကြောထုံးတာ စတာတွေ အဖြစ်များသလို အမြဲ ပင်ပန်း နွမ်းနယ် နေတတ် ပါတယ်။

အပူ၊ အအေး ကုထုံးသုံးပါ

ရေချိုးတဲ့အခါ ကြက်သီးနွေး ရေနဲ့ ချိုးပြီး ရေအေးနဲ့ ထပ်မံ ချိုးပေးတာက သွေးလှည့်ပတ်မှုကို ပိုမို ကောင်းမွန် စေပါတယ်။ ရေက အလွန်ပူနေရင် အပူလောင် တတ်တာကြောင့် မချိုးခင် ရေကို အရင်ဆုံး စမ်းသပ် ကြည့်ရပါမယ်။

အသက်ရှူသွင်း၊ ရှူထုတ် လေ့ကျင့်ခန်းလုပ်ပါ

လူအများစုမှာ အသက် ရှူတာကို ပုံမှန်ပဲလုပ်ပြီး လေ့ကျင့်ခန်း တစ်ရပ် အနေနဲ့ လုပ်ဆောင် တာမျိုး မရှိကြပါဘူး။ သွေးလှည့်ပတ်မှု ကောင်းမွန် စေဖို့အတွက် အသက်ပြင်းပြင်း ရှူရှိုက်တဲ့ လေ့ကျင့်ခန်းကို လုပ်ဆောင် ပေးသင့်ပါတယ်။ ဆိုလိုတာက အဆုတ်တွေထဲ အထိ အပြည့် ရောက်သွားအောင် အသက်ဝဝ ရှူသွင်းပေးရမှာ ဖြစ်ပါတယ်။ ဒီလို အသက်ပြင်းပြင်း ရှူပေး တာကြောင့် သွေးထဲကို အောက်ဆီဂျင် ပိုမို ရောက်ရှိစေပြီး သွေးထဲက အညစ်အကြေး တွေကို ဖယ်ရှားနိုင်ကာ သွေးလှည့် ပတ်မှုကို တိုးတက် ကောင်းမွန် စေပါတယ်။

စိတ်ဖိစီးမှု လျှော့ချပါ

စိတ်ဖိစီးမှုဟာ သွေးလှည့်ပတ်မှု စနစ်ကို ထိခိုက်စေတဲ့ အချက်တစ်ချက် ဖြစ်ပါတယ်။ လူတစ် ယောက်က စိတ်ဖိစီးမှု များနေရင် ခြေ၊ လက်အစွန် အဖျားတွေ အပါအဝင် အဓိက ကိုယ်တွင်း အင်္ဂါ အစိတ်အပိုင်း တွေကိုလည်း သွေးလှည့်ပတ်မှု လျော့နည်း တတ်ပါတယ်။ လက်နဲ့ ခြေထောက် တွေက အထိခိုက်ဆုံး နေရာတွေပါ။ ဒါကြောင့် သွေးလှည့်ပတ်မှု ပိုကောင်းမွန် စေဖို့ အကောင်းဆုံး နည်းက စိတ်ဖိစီးမှုကို ရှောင်ရှားဖို့ ဖြစ်ပါတယ်။ အသက်ပြင်းပြင်းရှူတဲ့ လေ့ကျင့်ခန်းနဲ့ တရားထိုင်တဲ့ အလေ့အထ တွေကို နေ့စဉ်မှန်မှန် လုပ်ဆောင် ပေးတာကြောင့် စိတ်ဖိစီးမှုကို လျော့ကျစေကာ သွေးလှည့်ပတ်မှု စနစ်ကို ထိခိုက် စေနိုင်ပါတယ်။

ခြေထောက်ကို မြှင့်ထားပါ

သွေးလှည့်ပတ်မှု ကောင်းမွန်ဖို့ရာ အတွက် တခြား ထိရောက်တဲ့ နည်းတစ်နည်းက ခြေထောက် တွေကို ခဏလောက် မြှင့်ထားပေးဖို့ပဲ ဖြစ်ပါတယ်။ အိပ်ရာပေါ်မှာ လှဲနေရင်း ခြေထောက် အောက်မှာ စောင်ထူထူထားပါ။ ခေါင်းမှာ ခေါင်းအုံး မခံဘဲ မွေ့ရာပေါ် လှဲနေရင် သင့်ကိုယ်တွင်းကို သွေးလှည့်ပတ်မှု ကောင်းမွန် စေပါတယ်။

လေ့ကျင့်ခန်းလုပ်ပါ

သွေးလှည့်ပတ်မှု ကောင်းမွန်ဖို့ အတွက် အသေချာဆုံး နည်းက ကိုယ်လက်လှုပ်ရှား လေ့ကျင့်ခန်း လုပ်ဆောင်တာပဲ ဖြစ်ပါတယ်။ ဒီနေ့ခေတ်မှာ လူအများစုဟာ အထိုင်များတဲ့ ဘဝ နေထိုင်မှု ပုံစံအတိုင်း နေထိုင်ကြပြီး ကိုယ်လက် လှုပ်ရှားမှုကို မလုပ်ကြတာ များပါတယ်။ လမ်းလျှောက်တာ၊ ရေကူးတာနဲ့ ပြေးတာတို့လို ပုံမှန် လေ့ကျင့်ခန်းတွေ လုပ်တာကြောင့် ခန္ဓာကိုယ်အနှံ့ သွေးလှည့်ပတ်မှု ကောင်းစေပါတယ်။ အစပိုင်းမှာ လေ့ကျင့်ခန်းကို ဖြည်းဖြည်းနဲ့ မှန်မှန်ပဲ လုပ်ဆောင် ရပါမယ်။

သင့်တော်သော အစားအသောက်စားပါ

တချို့ အစားအသောက် တွေကလည်း သွေးလှည့် ပတ်မှုကို ကောင်းစေ ပါတယ်။ အမျှင်ဓာတ် ပါဝင်မှုများတဲ့ အစားအသောက် တွေက ကိုယ်တွင်း စနစ်မှ အဆီတွေကို ဖယ်ရှားပေးပြီး သွေးလှည့်ပတ်မှု စနစ်ကို ပိုမို ကောင်းမွန် စေပါတယ်။

ဇွန်
မြ၀တီ
အထိုင်များတဲ့ ဘဝ နေထိုင်မှု ပုံစံ၊ အစာစားနည်း အလေ့အထ အမှားနဲ့ သက်သောင့် သက်သာ နေလွန်းမှု စတဲ့ အချက်တွေက ကျန်းမာရေး မကောင်းတဲ့ ဘဝကို ရရှိ စေနိုင်တဲ့ အချက် တွေပါ။

လိုင်းကားစီးလက်မှတ်စနစ် ပြန်လည်ကျင်းသုံးရန် မထသ (ဗဟို) စီစဉ်

Photo: လိုင်းကားစီးလက်မှတ်စနစ် ပြန်လည်ကျင်းသုံးရန် မထသ (ဗဟို) စီစဉ်
Monday, February 10, 2014 

စာရေးသူတို့ငယ်ငယ်က လိုင်းကားစီးရာတွင် ခရီးအကွာအဝေးကို လိုက်၍ ၁၀ ပြား၊ ၁၅ ပြား၊ ပြား ၂၀၊ ၂၅ ပြားစသည်ဖြင့် အကြွေစေ့များပေး၍စီးခဲ့ကြရသည်ကို ယနေ့တိုင် မှတ်မိနေဆဲဖြစ်သည်။ ယာဉ်စီးခပေးပြီးတိုင်း ယခင်ခေတ်အခေါ် စပယ်ယာက ဗြက်လက် နှစ်လုံးခန့်၊ အရှည်နှစ်လက်မခန့်ရှိသော စက္ကူကြမ်း ယာဉ်စီးခလက်မှတ်လေးများကို ပြန်ပေးတတ်ကြသည်။ ယာဉ်စီးခပေးပြီးပြီ၊ မပေးရသေးဘူး ဆိုသော ပြဿနာ စကားများ မကြားဖူးပေ။ စပယ်ယာတိုင်း အကြွေနှင့် လက်မှတ်အုပ်လေးများထည့်ရန် အတွက် အိတ်ကိုယ် စီလွယ်ကြရသည်။

ဂိတ်ရောက်သည်နှင့် စပယ်ယာက လက်မှတ်အုပ်လေးများကို ဂိတ်မှူး ရုံအတွင်းသွားတင်ရသည်။ ဂိတ်မှူးက တင်ပြလာသော လက်မှတ်အုပ်လေးများမှ စီနီယာနံပါတ်များကို သူ့ဇယား ကွက်နှင့်သူမှတ်၍ စပယ်ယာကို ပြန်ပေးလိုက်သည်။ ညနေစောင်းဂိတ်သိမ်းသည်နှင့် ယင်းကားတစ်စီး၏ ဝင်ငွေကို တွက်ချက်နိုင်သည်။ ထိုအပေါ်မှရာခိုင်နှုန်းအားဖြင့် ယာဉ်လိုင်း၊ ယာဉ်ပိုင်ရှင်၊ ယာဉ်မောင်း၊ ယာဉ် နောက်လိုက်တို့ တွက်ချက်ရရှိကြ သည်။ ယာဉ်လိုင်းတစ်ခုလုံး၏ ဝင်ငွေ၊ခရီးသွားလာမှု ဦးရေတို့ရရှိပြီး နေ့စဉ် ခရီးသွားလာသူဦးရေ ဝင်ငွေကို မှန်ကန်စွာ တွက်ချက်နိုင်ခဲ့သည်။ ယာဉ်လက်မှတ်ပြန်ပေးသည့် စနစ်ကို ၁၉၉၃ ခုနှစ်လောက်အထိ ကျင့်သုံး လာခဲ့သည်ဟု မှတ်မိခဲ့သည်။ ထိုခေတ် က အောက်ဆိုက်ကား၊ ကြားကားဟူ၍အသုံးအနှုန်းလုံးဝမကြားမိပေ။ ယင်းလက်မှတ် ပြန်ပေးသည့်စနစ်ပျောက်ပြီး ယာဉ်စီးခများကိုလည်း အကြွေခေတ်မှ ငွေစက္ကူပေးရသည့် ခေတ်ဖြစ်လာသည်ဟု ခန့်မှန်းမိသည်။

ဆယ်စုနှစ်နှစ်စုမျှရှိပြီ ဖြစ်သည်။ ခရီးသွားလာမှု နှုန်းထားများလည်း အလွန်မြင့်မားလာခဲ့သည်။ လက်မှတ် ပေးသည့်စနစ် မရှိသည့်အတွက် ကားတစ်စီး၏ တစ်နေ့တာ အမှန် ဝင်ငွေကို သိရှိရန်ခက်ခဲမှုများရှိလာ သည်။ ယခုအခါ ယာဉ်စီးခလက်မှတ် ပြန်ပေးသည့်စနစ် ပြန်လည်ကျင့်သုံး နိုင်ရေး မထသ(ဗဟို)အနေဖြင့် တိုင်းဒေသကြီးအစိုးရထံ ခွင့်ပြုချက်တင်ပြ ရန် စီစဉ်နေပြီဖြစ်ကြောင်း တစ်နှစ် တစ်ခါကျင်းပသည့် မီဒီယာများနှင့် တွေ့ဆုံပွဲမှ သိရသည်။
မထသ(ဗဟို)ဥက္ကဋ္ဌ ဦးလှအောင်က “အခုကယာဉ်နောက်လိုက်၊ ယာဉ်မောင်းတွေပြောတဲ့ ဝင်ငွေပဲ ဖြစ်နေတယ်။ ယာဉ်ပိုင်ရှင်ကလည်း သူတို့ပြောသမျှပဲရတယ်။ ခရီးသည် စီးနင်းမှုကိန်းဂဏန်း၊ ဝင်ငွေ အမှန် တိတိကျကျသိရမှသာ ယာဉ်ပိုင်ရှင်၊ ယာဉ်လုပ်သားတွေရဲ့ဝင်ငွေကို တွက် ချက်ပေးလို့ရမှာပါ” ဟုဆိုခဲ့သည်။ ယခုအခါ ယာဉ်ပိုင်ရှင်များအဖို့ လိုင်းကားတစ်စီး၏ အမှန်ဝင်ငွေကို တွက်ချက်ရန် ခက်ခဲလာမှုကြောင့် တစ်နေ့လျှင် ပုတ်ပြတ်ငွေကျပ် ၃၅၀၀၀၊ ၄၀၀၀၀ ဖြင့် ပုတ်ပြတ် သဘောမျိုးဖြင့် ပေးထားကြသည်။ အထူးလိုင်းကားကြီးများ၌ ပိုင်ရှင်သို့မဟုတ် ပိုင်ရှင်၏ စိတ်ချရသောလူ တစ်ဦးက ယာဉ်၏အတက်အဆင်း ပေါက်နှင့် ကပ်လျက်ရှိသော ခုံတွင်ထိုင်လိုက်ပါလျက် ဂိတ်စဂိတ်ဆုံး အတက်ခရီးသည်စာရင်းကို တာလီ
ခြစ်ကြသည်ကိုလည်း သုံးလေးကြိမ်မကမြင်ဖူးခဲ့သည်။
သို့ကြောင့်လည်း ယခုအခါ လိုင်းကားကြီးထောင်သူတို့အဖို့ သူများ ပြန်ပေးမှရနေသည့် အနေအထားမှ တွက်ခြေကိုက်သော ဆီဆိုင်လုပ်ငန်း၊ Toll Gate လုပ်ငန်း၊ အဝေးပြေးယာဉ် လိုင်းလုပ်ငန်းများသို့ အကွက်ချ ပြောင်းရွှေ့ လုပ်ကိုင်လာကြသည်ကိုလေ့လာမိသည်။ အထူးသဖြင့် ယာဉ်ငယ်လိုင်းလေးများအနေဖြင့် ပုတ်ပြတ်ပေးထားရမှုအပေါ် တွက်ခြေကိုက်ရန်အတွက် သတ်မှတ်နှုန်းထက် ပိုမိုကောက်ခံလာ ကြသည်။ ယာဉ်တွင်ကပ်ထားရမည့်စီးခနှုန်းများကို နည်းအမျိုးမျိုးဖြင့် အကာအကွယ် ပြုထားကြသည်။ ဖြုတ်ထားကြသည်။ နေ့စဉ်နှင့်အမျှခရီးသည်နှင့် ယာဉ်နောက်လိုက်တို့ အချင်းများနေကြရသည်။ မထသ (ဗဟို)သို့ တိုင်စာပေါင်းမြောက်မြားစွာတက်လျက်ရှိသည်။ တာဝန်ရှိသူ တို့က ကွင်းဆင်း၍ လည်းကောင်း၊ ခေါ်ယူ စစ်ဆေးသည့် အခါ၌လည်းကောင်း ပေးသည့် ပြစ်ဒဏ်ကိုမူ မကွယ်မဖြောင့် ခံယူကြသည်။ ပြစ်ဒဏ်ပြီးသည်နှင့် ထိုနည်းလည်းကောင်းပင် တောင်းမြဲတောင်း လျက်ရှိနေသည်။

အခြားသော နိုင်ငံများတွင်ခရီးသည်တင် ယာဉ်လိုင်းများကို E-Ticket စနစ်ဖြင့် လုပ်ဆောင်နေ သည်ကို လေ့လာတွေ့ရှိရသည်။ ခရီးသည်နှင့် ယာဉ်လုပ်သားတို့ ပြဿနာကြီးကြီးမားမားမရှိ။ အဆင် ပြေကြသည်။ လေ့လာအတုယူသင့်ပါသည်။ မထသမှ တာဝန်ရှိသူများသာမက ခေါ်သင့်ခေါ်ထိုက်သော ယာဉ်မောင်း၊ ယာဉ်လုပ်သားတို့ဖြင့် သွားရောက်လေ့လာမှုပြုသင့်သည်။ မြန်မာနိုင်ငံ၌ လက်မှတ်စနစ် ဖျက်သိမ်းခဲ့သည်မှာ နှစ်ပေါင်း ၂၀ မျှ ကြာခဲ့ပြီဖြစ်ခြင်းကြောင့် လည်း ကောင်း၊ ယာဉ်လိုင်းများနှင့် ယာဉ် စီးရေ ပိုမိုများပြား လာခြင်းကြောင့်လည်းကောင်း၊ တစ်ဆင့်ချင်း ပြန်လည်စတင်ရမှာ ဖြစ်သည်။ နောက်ဆုံးအဆင့်အနေဖြင့် နိုင်ငံ တကာအဆင့်မီ E-Ticket စနစ်သို့ အရောက်သွားရမည် ဖြစ်သည်။ သို့မှသာ ယာဉ်ပိုင်ရှင်များ၏ ဝင်ငွေအမှန်၊ ယာဉ်လုပ်သားတို့၏ ဝင်ငွေအမှန်၊ နေ့စဉ်ခရီးသွားဦးရေ မှန်ကန်မှုတို့ရရှိမည်ဖြစ်ပြီး ထိုမှ ကဏ္ဍအလိုက် ပြည်သူတစ်ဦးချင်း၏ ဝင်ငွေများသိရှိပြီး နိုင်ငံတော်၏ စီးပွားရေး ကိန်းဂဏန်း စီမံကိန်းများ ရေးဆွဲရာ၌ အထောက်အကူ ဖြစ်လာမည်ကို ယုံကြည်လျက် မထသ (ဗဟို)၏ လိုင်းကားစီးလက်မှတ်စနစ် ပြန်လည် ကျင့်သုံးရန် စီစဉ်နေမှု အပေါ် ထောက်ခံရေးသားလိုက်ရပါသည်။

MOI Webportal Myanmar
စာရေးသူတို့ငယ်ငယ်က လိုင်းကားစီးရာတွင် ခရီးအကွာအဝေးကို လိုက်၍ ၁၀ ပြား၊ ၁၅ ပြား၊ ပြား ၂၀၊ ၂၅ ပြားစသည်ဖြင့် အကြွေစေ့များပေး၍စီးခဲ့ကြရသည်ကို ယနေ့တိုင် မှတ်မိနေဆဲဖြစ်သည်။ ယာဉ်စီးခပေးပြီးတိုင်း ယခင်ခေတ်အခေါ် စပယ်ယာက ဗြက်လက် နှစ်လုံးခန့်၊ အရှည်နှစ်လက်မခန့်ရှိသော စက္ကူကြမ်း ယာဉ်စီးခလက်မှတ်လေးများကို ပြန်ပေးတတ်ကြသည်။ ယာဉ်စီးခပေးပြီးပြီ၊ မပေးရသေးဘူး ဆိုသော ပြဿနာ စကားများ မကြားဖူးပေ။ စပယ်ယာတိုင်း အကြွေနှင့် လက်မှတ်အုပ်လေးများထည့်ရန် အတွက် အိတ်ကိုယ် စီလွယ်ကြရသည်။

အစားအစာ ပူပူကို ပလတ်စတစ် ပန်းကန် ခွက်ယောက် များတွင် ထည့်သွင်း စားသုံးခြင်းက ကျောက်ကပ် ကျောက် တည် စေနိုင်

Photo: အစားအစာ ပူပူကို ပလတ်စတစ် ပန်းကန် ခွက်ယောက် များတွင် ထည့်သွင်း စားသုံးခြင်းက ကျောက်ကပ် ကျောက် တည် စေနိုင်

ပလတ်စတစ် အသုံးဆောင်များသည် လွယ်လင့်တကူ အသုံးပြုနိုင်ခြင်း၊ စွန့်ပစ် နိုင်ခြင်းကြောင့် ယနေ့ခေတ် ကာလတွင် တွင်ကျယ် လာသော ပစ္စည်းများ ဖြစ်သည်။

ပလတ်စတစ် ပန်းကန် များသည် ပျော်ပွဲစား ထွက်ရာတွင် လည်းကောင်း၊ အလွယ်စာ များကို ထုတ်ပိုးရာတွင်လည်း ကောင်းလွယ် လင့်တကူ အသုံးပြု လာကြသည်။

သုတေသန တစ်ရပ်တွင် ဖော်ပြထားမှုအရ မယ်လမင်း ပစ္စည်းများ၊ ပလတ်စတစ် အသုံး အဆောင်များတွင် အစားအစာပူပူကို ထည့်သွင်း အသုံးပြုခြင်းသည် ကျောက်ကပ် ကျန်းမာရေးကို ထိခိုက် စေကြောင်း သိရှိရသည်။ ထိုင်ဝမ် သုတေသီများက ပလတ် စတစ် ပန်းကန်များတွင် အပူချိန်မြင့်သော အစားအစာကို ထည့်သွင်း စားသုံး ခြင်းသည် ကျောက်ကပ် ကျောက်တည် စေနိုင်ကြောင်းကို လေ့လာနိုင် ခဲ့သည်။ လေ့လာမှုတွင် ခေါက်ဆွဲ ပူပူ စားသုံးသူများကို လေ့လာ ခဲ့ခြင်း ဖြစ်သည်။ အုပ်စု နှစ်စုခွဲ၍ လေ့လာ ခဲ့ခြင်း ဖြစ်ပြီး ပထမအုပ်စုကို ပလတ်စတစ် ပန်းကန်ထဲတွင် စားသုံးစေခဲ့ပြီး ဒုတိယ အုပ်စုတွင် ကြွေပန်းကန် များကို အသုံးပြု စေခဲ့သည်။ စားသုံး ပြီးချိန်နှစ်နာရီ တိုင်းတွင် ဆီးနမူနာ များကို ရယူခဲ့ပြီး၁၂ နာရီကြာသည် အထိ ခြောက်ကြိမ်တိုင် ရယူခဲ့သည်။

သုံးပတ်ကြာသည့် အခါအုပ်စု နှစ်စု အသုံးပြုသည့် ပန်းကန် အမျိုး အစားကို ပြောင်းလဲပြီး ပြန်လည်၍ ဆီးနမူနာ ရယူခဲ့သည်။ ထို့နောက်ရလဒ် များကို ထုတ်ပြန်ခဲ့ရာ ပလတ်စတစ် ပန်းကန် များကို အသုံးပြုပြီး ခေါက်ဆွဲပူပူ များကို စားသုံးသူများတွင် ဆီးနမူနာ၌ ပလတ် စတစ် ကွန်ပေါင်း 8.5 microgram ပမာဏကို တွေ့ရှိခဲ့ပြီး ကြွေပန်းကန် အသုံးပြု စားသုံးသူ များ၏ ဆီးနမူနာတွင်မူ အန္တရာယ်ရှိသော အဆိုပါ ကွန်ပေါင်းများကို မတွေ့ရှိခဲ့ကြောင်း ထုတ်ပြန် ထားသည်။ ထိုင်ဝမ်၊ Kaohsiung Medical University မှသုတေသီ Dr. Chia Fang Wu က အစားအစာ ပူပူကို ပလတ်စတစ် ပန်းကန် ခွက်ယောက် များတွင် ထည့်သွင်း စားသုံးခြင်းသည် ကျောက်ကပ်တွင် ပလတ်စတစ် ကွန်ပေါင်းများကို အနည်ထိုင် စေကြောင်း၊ ပလတ်စတစ်ခွက်နှင့် အပူချိန် မြင့်သော အစားအစာများ ပေါင်းစပ် လိုက်ပါက ကြာလာလျှင် ကျောက်ကပ်တွင်းဝယ် ကျောက်တည် လာနိုင်ကြောင်း၊ ခဏတာ အချိန် အတွင်း၌ အဆိုပါ အာနိသင်က သိသာ ထင်ရှားမည် မဟုတ်သော်လည်း ကြာလာသည်နှင့် ဆီးသွားရ ခက်ခဲခြင်း၊ ဆီးကျောက် တည်ခြင်းများကို တွေ့ကြုံရ နိုင်ပြီးခွဲ စိတ်ရသည့် အခြေ အနေသို့ပင်ရောက်ရှိ နိုင်ကြောင်း ရှင်းပြ ထားပါသည်။

သို့သော်လည်း ကြွေပန်းကန် ခွက်ယောက် များကို အသုံးပြုခြင်းကမူ အဆိုပါ အာနိသင်ကို မတွေ့ရဘဲ အစား အစာပူပူများ ထည့်သွင်းရန် သင့်တော်ကြောင်း၊ တိရစ္ဆာန်များတွင် လေ့လာ မှုအရ ပလတ်စတစ်က ကျောက်ကပ် ပျက်စီးခြင်း၊ ကျောက်တည်ခြင်းနှင့် ကင်ဆာ ရောဂါများကို ဖြစ်စေနိုင်သည် ကိုတွေ့ ရှိခဲ့ပြီး ဖြစ်ကြောင်း ဖော်ပြ ထားသည်။

ယခု လေ့လာမှုကို Journal JAMA Internal Medicine တွင် ဖော်ပြထားခြင်း ဖြစ်သည်။

ငြိမ်းအေး

Ref: ANI

Health Updates Journal
ပလတ်စတစ် အသုံးဆောင်များသည် လွယ်လင့်တကူ အသုံးပြုနိုင်ခြင်း၊ စွန့်ပစ် နိုင်ခြင်းကြောင့် ယနေ့ခေတ် ကာလတွင် တွင်ကျယ် လာသော ပစ္စည်းများ ဖြစ်သည်။

လုဒ်မယ်တော်ပွဲတော်ရက်အတွင်း မြန်မာ့မီးရထားမှ အထူးအစီအစဉ်ဖြင့် အထူးရထားများ ပြေးဆွဲလျက်ရှိ

Photo: လုဒ်မယ်တော်ပွဲတော်ရက်အတွင်း မြန်မာ့မီးရထားမှ အထူးအစီအစဉ်ဖြင့် အထူးရထားများ ပြေးဆွဲလျက်ရှိ
Monday, February 10, 2014 

နှစ်စဉ် စည်ကားသိုက်မြိုက်စွာ ကျင်းပလျက်ရှိသော ခရစ်ယာန် ဘာသာဝင်တို့၏ အထွတ်အမြတ်ဖြစ် ရာ ဆုတောင်းပြည့် လုဒ်မယ်တော် သခင်မပွဲတော်ကို (၁၁၂)ကြိမ်မြောက် အဖြစ်ပဲခူးတိုင်းဒေသကြီးညောင်လေးပင်
မြို့တွင် ဖေဖော်ဝါရီ ၇ ရက်မှ ၉ ရက် အထိ ကျင်းပခဲ့သည်။ ယခု(၁၁၂)ကြိမ်မြောက် ပွဲတော်တွင် ယခင်နှစ်များနှင့်မတူ ဝေးလံ ဒေသများဖြစ်သော ကချင်ပြည်နယ်၊ ချင်းပြည်နယ် ခရစ်ယာန်ဘာသာ ဝင်တိုင်းရင်းသားလူမျိုးများ ၉၀၀ ကျော်ခန့် လာရောက်ခဲ့ကြပြီး အခြားဒေသများမှလည်း လာရောက်ခဲ့ကြ သည်။

သို့ပါ၍ အထူးအစီအစဉ်အနေဖြင့် ကချင်ပြည်နယ်၊ ချင်းပြည်နယ်နှင့် အခြားနေရာဒေသများရှိ ခရစ်ယာန်
ဘာသာဝင်များ၊ လုဒ်မယ်တော်ပွဲတော်ရက်အတွင်း သွားလာရေးအဆင် ပြေချောမွေ့စေရန်အတွက် မြန်မာ့မီး
ရထားဝန်ကြီးဌာန၏ ညွှန်ကြားမှုဖြင့် ဦးဆောင်ညွှန်ကြားရေးမှူး၊ အထွေထွေမန်နေဂျာ(သွားလာ၊ စီးပွား)တိုင်း
တာဝန်ခံ(တိုင်းအမှတ် ၆/၇)ရန်ကုန် တိုင်းဒေသကြီးတို့၏ ကြီးကြပ် ဆောင်ရွက်မှုတို့ဖြင့် ဖေဖော်ဝါရီ ၄ ရက်တွင် ကချင်ပြည်နယ်၊ ချင်းပြည်နယ်မှ ခရစ်ယာန်ဘာသာဝင်များကို မြစ်ကြီးနား-ရန်ကုန်အထူးရထား ဖြင့်လည်း ကောင်း၊ ဖေဖော်ဝါရီ၆ရက် တွင် ရန်ကုန်- ညောင်လေးပင်အထူး ရထားဖြင့်လည်းကောင်း၊ ဖေဖော်ဝါရီ ၉ ရက်တွင် ညောင်လေးပင်-ရန်ကုန် အထူးရထားများဖြင့်လည်းကောင်း ပြေးဆွဲခဲ့သကဲ့သို့ဖေဖော်ဝါရီ ၁၂ ရက် တွင်လည်း ရန်ကုန်မြို့မှ မြစ်ကြီးနား မြို့သို့ အထူးရထားဖြင့် ဘုရားဖူးအပြန်ခရီးသွားများအတွက်အဆင် ပြေစေရန်အတွက် ပြေးဆွဲပေးမည်ဖြစ်ကြောင်း သိရသည်။ 

ယခင်နှစ် များက မြန်မာ့မီးရထားအနေဖြင့် ယခုကဲ့သို့ဆောင်ရွက်ခဲ့ခြင်းမရှိဘဲ ယခုနှစ်တွင် အထူးရထား များပြေးဆွဲပေးခဲ့ ၍ အနယ်နယ်အရပ်ရပ်မှ လုဒ်မယ်တော်သခင်မ ဝတ်ပြုဆုတောင်းပွဲ ကျင်းပရေး ဂိုဏ်းချုပ်၊ ဂိုဏ်းအုပ်များ နှင့်ဆုတောင်းပွဲလာ ခရစ်ယာန်ဘာသာ ဝင်ခရီးသွားများနှင့် ခရီးသွားပြည်သူများအဆင်ပြေ ချောမွေ့ကြောင်း နိုင်ငံတော်နှင့် မြန်မာ့မီးရထား ဝန်ကြီးဌာနနှင့်တိုင်းဒေသကြီးအဆင့် ဌာနဆိုင်ရာ များကို အထူးကျေးဇူးတင် ဝမ်းသာ ပါကြောင်းနှင့် နောင်ကိုလည်း ယခုကဲ့သို့ အထူးရထားများ ပြေးဆွဲပေးနိုင်ပါရန် ဆန္ဒပြုပါကြောင်း ခရစ်ယာန်ဘာသာဝင်များက ရင်ဖွင့်စကားပြောကြားခဲ့ကြောင်း သိရသည်။

MOI Webportal Myanmar
နှစ်စဉ် စည်ကားသိုက်မြိုက်စွာ ကျင်းပလျက်ရှိသော ခရစ်ယာန် ဘာသာဝင်တို့၏ အထွတ်အမြတ်ဖြစ် ရာ ဆုတောင်းပြည့် လုဒ်မယ်တော် သခင်မပွဲတော်ကို (၁၁၂)ကြိမ်မြောက် အဖြစ်ပဲခူးတိုင်းဒေ သကြီးညောင်လေးပင်မြို့တွင် ဖေဖော်ဝါရီ ၇ ရက်မှ ၉ ရက် အထိ ကျင်းပခဲ့သည်။ ယခု(၁၁၂)ကြိမ်မြောက် ပွဲတော်တွင် ယခင်နှစ်များနှင့်မတူ ဝေးလံ ဒေသများဖြစ်သော ကချင်ပြည်နယ်၊ ချင်းပြည်နယ် ခရစ်ယာန်ဘာသာ ဝင်တိုင်းရင်းသားလူမျိုးများ ၉၀၀ ကျော်ခန့် လာရောက်ခဲ့ကြပြီး အခြားဒေသများမှလည်း လာရောက်ခဲ့ကြ သည်။

ပြည်ပကုမ္ပဏီများမှ ရောင်းချမည့် ဆင်းကတ်များကို ၎င်းတို့၏ ကွန်ရက်ရှိသည့် နိုင်ငံများအထိ သယ်ဆောင် အသုံးပြုနိုင်မည်

Photo: ပြည်ပကုမ္ပဏီများမှ ရောင်းချမည့် ဆင်းကတ်များကို ၎င်းတို့၏ ကွန်ရက်ရှိသည့် နိုင်ငံများအထိ သယ်ဆောင် အသုံးပြုနိုင်မည်
=================

ရန်ကုန် ဖေဖော်ဝါရီ  ၉

ဆက်သွယ်ရေး အော်ပရေတာများအဖြစ် လုပ်ကိုင်ခွင့်ရရှိထားသည့် ပြည်ပအခြေစိုက် ကုမ္ပဏီများက ရောင်းချမည့် ဆင်းကတ်များကို ပြည်တွင်းနိုင်ငံတွင်သာမကဘဲ ၎င်းတို့၏ ကွန်ရက်ရှိနေသည့် ပြည်ပနိုင်ငံ များအထိ သယ်ဆောင်အသုံးပြုနိုင်မည်ဖြစ်ကြောင်း တယ်လီနောနှင့် အော်ရီဒူးကုမ္ပဏီမှ သိရသည်။ ပြည်ပ နိုင်ငံများတွင် အသုံးပြုနေသည့် မိုဘိုင်းဖုန်းများအနေဖြင့် မြန်မာနိုင်ငံတွင် အသုံးပြုမည်ဆိုပါက မိမိတို့၏ ကုမ္ပဏီကွန်ရက် ဖြန့်ကြက်ထားသည့် နိုင်ငံများမှ ကွန်ရက်တူ မိုဘိုင်းဖုန်းများကိုသာ သယ်ဆောင် အသုံးပြုနိုင်မည် ဖြစ်ကြောင်း ဖေဖော်ဝါရီ ၅ ရက်က နေပြည်တော် သင်္ဂဟဟိုတယ်တွင် ကျင်းပခဲ့သည့် သတင်းစာရှင်းလင်းပွဲတွင် တယ်လီနော မြန်မာအမှုဆောင် အရာရှိချုပ် Mr.Petter Furberg  က ပြောကြားခဲ့သည်။ 

“မြန်မာနိုင်ငံကနေ ပြည်ပနိုင်ငံတွေကို သယ်ဆောင်အသုံးပြုလို့တော့ရမယ်။ ဒါပေမယ့် ကျွန်တော်တို့ ကွန်ရက် ဖြန့်ကြက်ထားတဲ့နေရာတွေကိုပဲ ယူဆောင်သွားလို့ရမှာပါ။ အလားတူပဲ ပြည်ပနိုင်ငံ တွေကနေမြန်မာနိုင်ငံကို မိုဘိုင်းဆင်းကတ်ယူလာမယ်ဆိုရင် တယ်လီနော ဆင်းကတ်တွေကို ယူဆောင် လာမှသာ အဆင်ပြေပါလိမ့်မယ်။ နောက်ပိုင်းမှာတော့ တဖြည်းဖြည်းနဲ့ ကွန်ရက်မရှိ သေးတဲ့နိုင်ငံ တွေမှာလည်း ကွန်ရက်ရရှိအောင် သူတို့နိုင်ငံတွေကဆက်သွယ်ရေး အော်ပရေတာတွေနဲ့ သဘောတူညီမှုယူပြီးတော့ လုပ်ဆောင်ပေးသွားမှာပါ”  ဟု ၎င်းက ပြောကြားသည်။ 

အဆိုပါ ကုမ္ပဏီများမှာ ဖေဖော်ဝါရီ ၅ ရက်မှစတင်ကာ မြန်မာနိုင်ငံတွင် တရားဝင်လုပ်ကိုင်ခွင့် ရရှိသွားခဲ့ပြီး ပြည်တွင်းဆက်သွယ်ရေး ကုမ္ပဏီများနှင့်အပြိုင် ဈေးကွက်ယှဉ် ပြိုင်မှုပြုလုပ်ရတော့မည် ဖြစ်ကြောင်း သိရသည်။ “အခုဆိုရင် မြန်မာနိုင်ငံရဲ့ ဆက်သွယ်ရေးဈေးကွက်မှာ ပြိုင်ဆိုင်မှုက အရှိန်အဟုန် ပြင်းသထက် ပြင်းလာပါပြီ။

 ပြည်သူတွေအတွက် အကောင်းဆုံး ဝန်ဆောင်မှုပေးနိုင်တဲ့ ကုမ္ပဏီကသာ အောင်မြင်မှုရရှိနိုင်မှာပါ။ ပြည်ပကုမ္ပဏီတွေအနေနဲ့ မြန်မာနိုင်ငံမှာ လုပ်ကိုင်ခွင့်လိုင်စင်ရရှိဖို့ အတွက် ယှဉ်ပြိုင်ခဲ့ရသလို လုပ်ငန်း လိုင်စင်ရရှိပြီးတော့ လည်း ဈေးကွက်ထဲမှာ ဆက်လက်ယှဉ်ပြိုင်နေရဦး မှာပါ”  ဟု တယ်လီနောအမှုဆောင် အရာရှိချုပ် Mr.Petter Furberg က ပြောကြားသည်။ မိုဘိုင်းဖုန်းဘေလ်များအနေ ဖြင့်လည်း ကုမ္ပဏီတစ်ခုနှင့် တစ်ခုတူညီမှုမရှိဘဲ အပြိုင် အဆိုင်ဈေးနှုန်း လျှော့ချမှုများဖြစ်လာနိုင်သည်။ မြန်မာနိုင်ငံတွင် ဆက်သွယ်ရေး လုပ်ငန်းများလုပ်ဆောင်ရန် အတွက် ပြည်ပကုမ္ပဏီများအနေဖြင့် စတင်ကာ ပြင်ဆင်နေ ကြသကဲ့သို့ မြန်မာနိုင်ငံ အခြေစိုက်ဆက်သွယ်ရေး ကုမ္ပဏီများအနေဖြင့်လည်း ပြည်ပကုမ္ပဏီများနှင့် ဈေးကွက် ယှဉ်ပြိုင် နိုင်ရန်အတွက် အကောင်းဆုံးပြင်ဆင် လုပ်ဆောင်လျက်ရှိကြောင်း သိရှိရသည်။
ဆက်သွယ်ရေး အော်ပရေတာများအဖြစ် လုပ်ကိုင်ခွင့်ရရှိထားသည့် ပြည်ပအခြေစိုက် ကုမ္ပဏီများက ရောင်းချမည့် ဆင်းကတ် များကို ပြည်တွင်းနိုင်ငံတွင်သာမကဘဲ ၎င်းတို့၏ ကွန်ရက်ရှိနေသည့် ပြည်ပနိုင်ငံ များအထိ သယ်ဆောင် အသုံးပြုနိုင် မည်ဖြစ်ကြောင်း တယ်လီနောနှင့် အော်ရီဒူးကုမ္ပဏီမှ သိရသည်။ ပြည်ပ နိုင်ငံများတွင် အသုံးပြုနေသည့် မိုဘိုင်းဖုန်းများအနေဖြင့် မြန်မာနိုင်ငံတွင် အသုံးပြုမည်ဆိုပါက မိမိတို့၏ ကုမ္ပဏီကွန်ရက် ဖြန့်ကြက်ထားသည့် နိုင်ငံများမှ ကွန်ရက်တူ မိုဘိုင်းဖုန်းများကိုသာ သယ်ဆောင် အသုံးပြုနိုင်မည် ဖြစ်ကြောင်း ဖေဖော်ဝါရီ ၅ ရက်က နေပြည်တော် သင်္ဂဟဟိုတယ်တွင် ကျင်းပခဲ့သည့် သတင်းစာရှင်းလင်းပွဲတွင် တယ်လီနော မြန်မာအမှုဆောင် အရာရှိချုပ် Mr.Petter Furberg က ပြောကြားခဲ့သည်။ 

ဆိုင်ကယ်လိုင်စင်ထုတ်ပေးမည်ကို မျှော်လင့်နေခြင်းကြောင့် မန္တလေးမြို့တွင် ဆိုင်ကယ်အရောင်းအဝယ် အေးနေ

Photo: ဆိုင်ကယ်လိုင်စင်ထုတ်ပေးမည်ကို မျှော်လင့်နေခြင်းကြောင့် မန္တလေးမြို့တွင် ဆိုင်ကယ်အရောင်းအဝယ် အေးနေ
Monday, February 10, 2014 

မန္တလေးတွင် ရောင်းအားကောင်း လျက်ရှိသော တရုတ်နိုင်ငံထုတ် လိုင် စင်မဲ့ဆိုင်ကယ်များကို ဖေဖော်ဝါရီလ ပထမအပတ်အတွင်း၌ လိုင်စင်ချ ထားပေးမည်ဆိုသည့် သတင်းကြောင့် မန္တလေးမြို့ရှိ လိုင်စင်ရှိဆိုင်ကယ် ဈေးကွက်မှာ ရပ်တန့်လုနီးပါး ဈေးကွက်အေးခဲ့ကြောင်း ဆိုင်ကယ် အရောင်းအဝယ် ပြုလုပ်သူများက ပြောသည်။

“လိုင်စင်ချပေးမယ်ဆိုကတည်းက ကျွန်တော်တို့ အရောင်းရပ်သွားတာ ဝယ်သူကိုမရှိသလောက်ဘဲ၊ ဆိုင်ကယ် ဈေးနှုန်းကို လျှော့ရောင်းတာမျိုးတော့ မရှိပါဘူး။ အရောင်းအဝယ်ရပ်သွားတာမျိုးပဲရှိတာပါ” ဟု ချမ်းအေးသာစံ
မြို့နယ်အတွင်း ဖွင့်လှစ်ရောင်းချနေသော ဆိုင်ကယ်အရောင်းအဝယ်ပြုလုပ်သူ ကိုဇော်ကြီးက ပြောသည်။ လိုင်စင်မဲ့ဆိုင်ကယ်များ လိုင်စင်ချပေးမည်ဆိုသောကြောင့် လိုင်စင်မပါသော ဆိုင်ကယ်များ ကုန်သည်ပွဲစား များ ဝယ်ယူထားကြပြီဖြစ်သည်။
နယ်စပ်ဝင်ပေါက်များတွင် နိုင်ငံတော်သို့ တရားဝင်အခွန်မဆောင်ဘဲနည်းလမ်းမျိုးစုံဖြင့် ပြည်တွင်းသို့ သယ် ယူပြီး လိုင်စင်မဲ့ဆိုင်ကယ်ရောင်းချနေသည့် ဈေးကွက်ရှိနေကြောင်း၊ ဥပဒေနှင့် မညီသော်လည်း စစ်ဆေး အရေးယူမှု အားနည်းခြင်းကြောင့်ထိုဈေးကွက်မှာ ရှင်သန်ဆဲဖြစ်သည်ဟု တရားဝင် အခွန်ဆောင်ရောင်းချသည့်
ဆိုင်ကယ်အရောင်းကုမ္ပဏီများကပြောသည်။ တရားမဝင်ဈေးကွက် ဆက်လက်ရှင်သန်နေခြင်းသည် မန္တလေးမြို့ အတွင်း တရားဝင်ရောင်းချနေသော ဆိုင်ကယ်ကုမ္ပဏီများကို ဈေးကွက်ထိခိုက်ကြောင်း သိရသည်။ 

၂၀၁၂ ခုနှစ်က အကောက်အခွန်မဲ့ တင်သွင်းလာပြီး လိုင်စင်မဲ့စီးနင်းနေ ကြသော ဆိုင်ကယ်၊ ဘက်ထရီဆိုင်ကယ်၊ သုံးဘီးဆိုင်ကယ်တို့ကို မန္တလေး မြို့တွင်တရားဝင်မှတ်ပုံတင်လိုင်စင်လုပ်ပေးခဲ့ကြောင်း၊ ပြည်တွင်းအခွန်၊အကောက်ခွန်၊ ကုန်းလမ်းပို့ဆောင် ရေး(က.ည.န)၊ နယ်မြေခံရဲတပ်ဖွဲ့၊ မြို့တော်စည်ပင် စသည့်အဖွဲ့ငါးဖွဲ့ဖြင့် ရုံးပိတ်ရက်များတွင်ပါ လုပ်ဆောင်ပေးခဲ့ရကြောင်း သိရသည်။

“မန္တလေးမှာ ၂၀၁၂ ခုနှစ် ဇွန်လ၅ ရက်မှစပြီး လိုင်စင်လုပ်ပေးခဲ့တယ်။ အခွန်နှုန်းထားတွေက ကာလတန်ဖိုးရဲ့ ငါးရာခိုင်နှုန်း ကုန်သွယ်ခွန် ငါးရာခိုင်နှုန်း စုစုပေါင်း ၁၀ ရာခိုင်နှုန်း ပေး သွင်းရတယ်။ က.ည.န မှတ်ပုံတင်ခ ကျပ်၂၂၅၀၀၊ အာမခံငွေကျပ်၂၂၀၀၊ ဘဏ်ငွေသွင်းငွေကျပ် ၅၀၀ သတ်မှတ်ခဲ့တာပါ ၊ လိုင်စင်လာ လုပ်တဲ့သူတွေရော ဝန်ထမ်းတွေရော နေပူမိုးရွာထဲမှာ ညမှောင်တဲ့အချိန်ထိ လုပ်ပေးခဲ့တာပါ” ဟု အခွန်ဝန်ထမ်းတစ်ဦးက၂၀၁၂ခုနှစ်အတွေ့အကြုံများကို ပြောသည်။ မန္တလေးမြို့တွင် တရားမဝင် မောင်းနှင် နေသော လိုင်စင်မဲ့ဆိုင်ကယ် အစီးရေမှာ ၂၀၀၀၀ ခန့်ရှိသည်ဟု မန္တလေး က.ည.န ရုံးမှ စာရင်းများ အရ သိရသည်။

MOI Webportal Myanmar
မန္တလေးတွင် ရောင်းအားကောင်း လျက်ရှိသော တရုတ်နိုင်ငံထုတ် လိုင် စင်မဲ့ဆိုင်ကယ်များကို ဖေဖော် ဝါရီလ ပထမအပတ်အတွင်း၌ လိုင်စင်ချ ထားပေးမည်ဆိုသည့် သတင်းကြောင့် မန္တလေးမြို့ရှိ လိုင်စင် ရှိဆိုင်ကယ် ဈေးကွက်မှာ ရပ်တန့်လုနီးပါး ဈေးကွက်အေးခဲ့ကြောင်း ဆိုင်ကယ် အရောင်းအဝယ် ပြုလုပ်သူ များက ပြောသည်။

ဆေးလိပ်က အမျိုးသား အင်္ဂါကို တိုစေ

Photo: ဆေးလိပ်က အမျိုးသား အင်္ဂါကို တိုစေ
Monday, February 10, 2014 

တကယ့် ပေါက်ပေါက် ရှာရှာ ဆေးပညာရှင်တို့ လေ့လာ တွေ့ရှိထားမှု တစ်ခု ဖြစ်ပါတယ်။

လေ့လာတွေ့ ရှိချက် ကတော့ ဆေးလိပ် သောက်ခြင်းရဲ့ ဆိုးကျိုး တစ်ချက် ကတော့ အမျိုးသားကို လိင်အင်္ဂါကို တိုစေခြင်း ဖြစ်တယ်လို့ ဆိုပါတယ်။

ဆေးလိပ်က အဆုပ်ကိုပဲ ထိခိုက် စေတာ မဟုတ်ပါဘူး။ ခန္ဓာ ကိုယ်တွင်း သွေးလည်ပတ်မှုကို အနှောက်အယှက် ပေးပါတယ်။ အထူးသဖြင့် အမျိုးသားတို့ အင်္ဂါကို သွေးမရောက်အောင် ညစ်ထား တတ်ပါတယ်။ ဒါကြောင့် elastic ဖြစ်နှုန်း ကျဆင်းပြီး နဂိုရှိရင်း ထက်တောင် တိုသွား တယ်လို့ လေ့လာ ထားကြ ပါတယ်။ နှစ်ရှည်ကြာ စွဲသောက်သူ အပေါ် လေ့လာချက် အရ ၁ စင်တီမီတာ တိုသွားတယ်လို့ ဆိုပါတယ်။

ဒါတင်မက အင်္ဂါသို့ ရောက်အောင် သွားတဲ့ ဟိုမုန်း တွေကိုလည်း သေဖို့ အကြောင်းပိုများ ပါတယ်။ မျိုးပွားနိုင်တဲ့ သွေးဆဲလ်တွေ ကိုလည်း သေဆုံးပြီး ကလေးရနိုင်ချေ နည်းသွား ပါတယ်။ အကယ်၍ ရရင်လည်း ရတဲ့ ကလေး အပေါ် သက်ရောက် မှု အနည်းနဲ့အများ ရှိနိုင်တယ်လို့ ဆိုပါတယ်။ ဥပမာ- ကလေး ကြီးထွားမှု မမှန်ခြင်း လိုမျိုး ဖြစ်ပါတယ်။

သုတေသနတို့ရဲ့ နောက်ထပ် တွေ့ရှိချက် ကတော့ အမျိုးသားတို့ ဆေးလိပ် သောက်သုံးခြင်းဟာ နှလုံးကို ထိခိုက်ခြင်းထက် အင်္ဂါထိခိုက်မှုကို ပိုမို တိုက်ရိုက် ဆက်စပ် စေကြောင်း သိရပါတယ်။

Ref: medic-facts
မြ၀တီ
တကယ့် ပေါက်ပေါက် ရှာရှာ ဆေးပညာရှင်တို့ လေ့လာ တွေ့ရှိထားမှု တစ်ခု ဖြစ်ပါတယ်။

ဂျာမနီ မြန်မာ ကုန်သွယ်ရေး တိုးမြှင့်ဖို့ ပြင်

ဂျာမနီ သမ္မတ Joachim Gauck ရွှေတိဂုံ စေတီကို သွားရောက် ဖူးမြှော်စဉ်
ဂျာမနီ သမ္မတ Joachim Gauck မြန်မာနိုင်ငံကို ဒီကနေ့ တနဂင်္နွေနေ့မှာ ရောက်ရှိ လာပါတယ်။

မြန်မာရေပိုင်နက်မှာ မီးလောင်လှေက နိုင်ငံခြားသားတွေကို ကယ်ဆယ်

မီးလောင်ပေါက်ကွဲမှုက လွတ်မြောက်လာသူတွေ
ထိုင်းနိုင်ငံ ဖူးခက်ခရိုင် က ထွက်ခွာလာတဲ့ KS ဘလူးစတားကုမ္ပဏီပိုင် စက်တပ် ရွက်လှေတစီး မြန်မာ ရေပိုင်နက်အတွင်း မီးလောင်ပေါက်ကွဲမှု ဖြစ်ပွားခဲ့ပါတယ်။

ဆွစ်ဇာလန်နိုင်ငံမှာ လူဝင်မှုကန့်သတ်ဖို့ မဲခွဲဆုံးဖြတ်

Photo: ဆွစ်ဇာလန်နိုင်ငံမှာ လူဝင်မှုကန့်သတ်ဖို့ မဲခွဲဆုံးဖြတ်
Monday, February 10, 2014 

ဥရောပ သမဂ္ဂ အီးယူရဲ့ လူဝင်မှု ကြီးကြပ်ရေး ဆိုင်ရာ လွတ်လပ်စွာ ပြောင်းရွေ့နေထိုင်ခွင့်နဲ့ ပတ်သက်လို့ ဆွစ်ဇာလန်က လူထုဆန္ဒခံယူပြီး ကန့်သတ်လိုက်တဲ့ အတွက် နှစ်ဖက် ဆက်ဆံရေးကို ပြန်လည် သုံးသပ်သွားမယ်လို့ အီးယူက ပြောပါတယ်။

ဆွစ်ဇာလန်မှာ ကျင်းပခဲ့တဲ့ လူထုဆန္ဒခံယူပွဲမှာ အီးယူအတွင်း ရွေ့ပြောင်းနေထိုင်သူတွေကို ခွဲတမ်းနဲ့ သတ်မှတ်မယ့် အဆိုကို ပွတ်ကာသီကာ အနိုင်ရခဲ့တာ ဖြစ်ပြီး အဲဒီ အဆိုကို ကျေးလက်က ထောက်ခံကာ မြို့ကြီးတွေမှာ ကန့်ကွက်ခဲ့တာ တွေ့ရပါတယ်။

ဆွစ်ဟာ အီးယူနိုင်ငံမဟုတ်ပေမယ့်ဥရောပနဲ့ စီးပွားရေးဆက်ဆံမှုများ တဲ့အတွက် အဲဒီနိုင်ငံတွေနဲ့ နယ်ခြားဖွင့်ထားရေးသဘောတူ ထားပါတယ်။
အခုရလဒ်အပေါ် အစိုးရနဲ့ လုပ်ငန်းရှင်တွေက စိုးရိမ်နေကြပါတယ်။ နိုင်ငံခြားရေး ၀န်ကြီး ဒီဒီရေ ဘာ့ခ်တ်လာ က ဥရောပ သမဂ္ဂ အဖွဲ့ဝင် နိုင်ငံတွေကို လှည့်လည်ပြီး အခု ဆန္ဒခံယူပွဲနဲ့ ပတ်သက်လို့ တစုံတရာ အဖြေရှာနိုင်ဖို့ ဆွေးနွေးမယ့် အစီအစဉ်ကို ပြောကြားခဲ့ပါတယ်။

တကယ်တော့ အခု ရလဒ်အပေါ် အီးယူက ဘယ်လောက်လောက် ပြင်းပြင်း ထန်ထန်တုန့်ပြန်မလဲဆိုတာ စောင့်ကြည့်ရမှာဖြစ်ပါတယ်။

ဒီလို လူဝင်မှုကြီးကြပ်ရေးခွဲတမ်းကို ကန့်သတ်လိုက်လို့ ရေရှည်မှာ ဖြစ်လာမယ့် အကျိုးဆက်တွေဟာ လူတွေကို ဝင်ရောက်ဖို့ လက်ခံလိုက်တာနဲ့ စာရင် ပိုဆိုးလာမလား ဆိုတာလည်း စောင့်ကြည့်ဖို့လိုမယ်လို့ ဆွစ်ဇာလန်ရှိ ဘီဘီစီ သတင်းထောက်က ပြောပါတယ်။

BBC
ဥရောပ သမဂ္ဂ အီးယူရဲ့ လူဝင်မှု ကြီးကြပ်ရေး ဆိုင်ရာ လွတ်လပ်စွာ ပြောင်းရွေ့နေထိုင်ခွင့်နဲ့ ပတ်သက်လို့ ဆွစ်ဇာလန်က လူထုဆန္ဒခံ ယူပြီး ကန့်သတ်လိုက်တဲ့ အတွက် နှစ်ဖက် ဆက်ဆံရေးကို ပြန်လည် သုံးသပ်သွားမယ်လို့ အီးယူက ပြောပါတယ်။

ထိုင်းအခြေစိုက် ၊ ဖူးခက် A.F.S ကုမ္ပဏီပိုင် နိုင်ငံခြား စက်တပ် အပျော်စီး ရွက်လှေမီးလောင်ပေါက်ကွဲမှုဖြစ်ပွား

PhotoPhoto
ကော့သောင်းမြို့နယ် အက်ဒမန်ပင်လယ် ၊ကျွန်းမဲ အနီး ထိုင်းအခြေစိုက် ၊ ဖူးခက် A.F.S ကုမ္ပဏီပိုင် နိုင်ငံခြား စက်တပ် (၃)ထပ် အပျော်စီး ရွက်လှေ တစ်စီး ဖေဖေါ်ဝါရီ ၉ ရက် ၊နံနက် (၁) နာရီ ခန့် ကပင်လယ်ပြင် အတွင်း ရေယာဉ်စက်ခန်း အတွင်း မှ မီးလောင်ပေါက်ကွဲ နှစ်မြုပ်မှု တစ်ခုဖြစ်ပွားသည်။

ဂျာမဏီသမ္မတ ရန်ကုန်တက္ကသိုလ်မှာ မိန့်ခွန်းပြောကြားမည်

Photo: ဂျာမဏီသမ္မတ ရန်ကုန်တက္ကသိုလ်မှာ မိန့်ခွန်းပြောကြားမည်
Monday, February 10, 2014 

သမ္မတ ဦးသိန်းစိန်ရဲ့ ဖိတ်ကြားချက်အရ ဂျာမဏီသမ္မတ ရိုအာဟင်းမ်ဂေါ့(က်) Joachim Gauck နဲ့အဖွဲ့ဟာ မနေ့က မြန်မာနိုင်ငံကို ရောက်ရှိလာခဲ့ကြပါတယ်။

ဂျာမဏီသမ္မတနဲ့အတူ အစိုးရ၀န်ကြီးအဖွဲ့ဝင်တွေ၊ လွှတ်တော်အမတ်တွေ၊ စီးပွားရေးလုပ်ငန်းရှင်တွေ ပါဝင်တဲ့ ကိုယ်စားလှယ်အဖွဲ့ဝင် ၁၅၀ ကျော် လိုက်ပါလာခဲ့ကြပါတယ်။

ဂျာမဏီသမ္မတဟာ ခရီးစဉ်အတွင်း ဖေဖော်ဝါရီ ၉ ရက် ညနေပိုင်းမှာ ရွှေတိဂုံစေတီတော်ကို သွားရောက်ကြည်ညိုခဲ့ပါတယ်။ ဖေဖော်ဝါရီ ၁၀ ရက် ဒီကနေ့မှာ သမ္မတဦးသိန်းစိန်၊ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်တို့နဲ့ တွေ့ဆုံမယ်လို့ သိရပါတယ်။ ဖေဖော်ဝါရီ ၁၁ ရက်မှာတော့ မြန်မာနိုင်ငံ ကုန်သည်များနဲ့ စက်မှုလက်မှုလုပ်ငန်းရှင်များအသင်းချုပ် UMFCCI မှာကျင်းပမယ့် ဂျာမဏီ - မြန်မာ စီးပွားရေးဖိုရမ်ကို တက်ရောက်ကြမှာဖြစ်ပါတယ်။

ဒါ့ပြင် ဂျာမဏီသမ္မတ ရိုအာဟင်းမ်ဂေါ့(က်)ဟာ ရန်ကုန်မြို့မှာ ဂျာမဏီကုန်သည်ကြီးများနဲ့ စက်မှုလုပ်ငန်းအသင်း GCCI ရဲ့ကိုယ်စားလှယ်ရုံးခွဲကို ဖွင့်လှစ်ပေးမှာဖြစ်ပြီး၊ ရန်ကုန်တက္ကသိုလ်မှာလည်း မိန့်ခွန်းပြောကြားမယ်လို့ သိရပါတယ်။

ဥရောပသမဂ္ဂ EU က မြန်မာနိုင်ငံအပေါ် ပိတ်ဆို့အရေးယူမှုအများစုကို ဖြေလျှော့ပေးလိုက်ပြီးတဲ့နောက် ၂၀၁၂ ခုနှစ်အတွင်း ဂျာမဏီနိုင်ငံခြားရေးဝန်ကြီး Westerwelle မြန်မာနိုင်ငံကို ပထမဆုံးအကြိမ်ရောက်ရှိခဲ့ပြီး၊ သမ္မတ ဦးသိန်းစိန်နဲ့ အစိုးရအဖွဲ့၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်တို့နဲ့ တွေ့ဆုံသွားခဲ့ပါတယ်။ ၂၀၁၃ ခုနှစ်မှာတော့ ဂျာမဏီ ကုန်သည်ကြီးများနဲ့ စက်မှုလုပ်ငန်းအသင်း (GCCI) နဲ့ မြန်မာနိုင်ငံ ကုန်သည်ကြီးများနဲ့ စက်မှုလုပ်ငန်းအသင်း UMFCCI တို့ ရန်ကုန်မှာ GCCI ကိုယ်စားလှယ်ရုံးခွဲဖွင့်ဖို့ သဘောတူ လက်မှတ်ရေးထိုးခဲ့ကြပါတယ်။

GCCI ကိုယ်စားလှယ် ရုံးခွဲအနေနဲ့ မြန်မာနိုင်ငံ အလတ်စားနဲ့ အသေးစားလုပ်ငန်းများဆိုင်ရာ ဥပဒေကို အပြီးသတ်အတည်ပြုနိုင်ရေး ကူညီဆောင်ရွက်ပေးမယ်လို့လည်း သိရပါတယ်။

ဂျာမနီသမ္မတ ဂျိုဝါချင်ဂေါက်ခ်ရဲ့ အခုခရီးစဉ်ဟာ ပထမဆုံး မြန်မာနိုင်ငံခရီးစဉ်ဖြစ်ပါတယ်။ ဂျာမဏီသမ္မတနဲ့အဖွဲ့ဟာ ဖေဖော်ဝါရီ ၁၂ ရက်နေ့မှာ မြန်မာနိုင်ငံက ပြန်လည်ထွက်ခွာမယ်လို့ သိရပါတယ်။

RFA Burmese
သမ္မတ ဦးသိန်းစိန်ရဲ့ ဖိတ်ကြားချက်အရ ဂျာမဏီသမ္မတ ရိုအာဟင်းမ်ဂေါ့(က်) Joachim Gauck နဲ့အဖွဲ့ဟာ မနေ့က မြန်မာနိုင်ငံကို ရောက်ရှိလာခဲ့ကြပါတယ်။

ဘဏ်အကောင့်အတုလုပ်ပြီးမော်တော်ယာဉ်တင်သွင်းခွင့် ပါမစ် လျှောက်ထားမှုများရှိနေ

မော်တော်ယာဉ်တင်သွင်းသူအချို့သည် ဘဏ်အကောင့် အတုလုပ်ပြီး မော်တော်ယာဉ် တင်သွင်းခွင့် ပါမစ် လျှောက်ထားမှု များရှိနေကြောင်း ကားလောကအတွင်းမှ သိရှိရသည်။

Homs မြို့က လူ၆ဝဝကျော်ကို ကယ်ထုတ်နိုင်ခဲ့

Photo: Homs မြို့က လူ၆ဝဝကျော်ကို ကယ်ထုတ်နိုင်ခဲ့
Monday, February 10, 2014 

ဆီးရီးယားမှာ အစိုးရတပ်တွေ ဝိုင်းထားတဲ့ ဟုမ်းစ် မြို့က အသက်ကြီးရင့်တဲ့ အမျိုးသားကြီးတွေ ၊ အမျိုးသမီးနဲ့ ကလေး လူအယောက် ခြောက်ရာကျော်ကို ကယ်ထုတ် နိုင်ခဲ့တယ်လို့ လခြမ်းနီ အဖွဲ့ အကြီးအကဲ Khaled Erksoussi က ပြောပါတယ်။

ဒါ့အပြင် အစားအစာ ရိက္ခာထုပ် ၆ဝ လောက်နဲ့ ဂျုံမှုန့် ၁၅ဝဝ ကီလို ဂရမ် လောက်ကိုလည်း မြို့ထဲမှာ ပိတ်မိနေတဲ့ လူတွေအတွက် ယူဆောင်သွားပေးနိုင်ခဲ့တယ်လို့ ဆိုပါတယ်။

အမြောက် ၊ ဗုံးနဲ့ သေနတ် ပစ်ခတ်သံတွေကြားက ရဲရင့်စွာ ဖြတ်သန်း ကယ်ထုတ်ခဲ့ရတယ်လို့လည်း ဆီးရီးယား လခြမ်းနီ အဖွဲ့က ပြောပါတယ်။

သူ့အနေနဲ့ အကောင်းဖက်က ရှုမြင်ပြီး အပစ်ရပ်ရေး နောက်ထပ်ရက်တိုးကာ လူ ရှစ်ရာ ၊ ကိုးရာလောက်ကို ထပ်မံ ကယ်ထုတ် နိုင်လိမ့်မယ်လို့ ထင်မြင်ကြောင်းလည်း Khaled Erksoussi က ဆိုသွားခဲ့ပါတယ်။

အတိုက်အခံရေး တက်ကြွ လှုပ်ရှားသူတွေ ပြောတာကတော့ ကယ်ထုတ်လာတဲ့ အမျိုးသား တော်တော်များများကို အစိုးရ တပ်ဖွဲ့တွေက ဖမ်းဆီး ခေါ်ဆောင် သွားတယ်လို့ ဆိုပါတယ်။

ဘီဘီစီ (မြန်မာပိုင်း)
ဆီးရီးယားမှာ အစိုးရတပ်တွေ ဝိုင်းထားတဲ့ ဟုမ်းစ် မြို့က အသက်ကြီးရင့်တဲ့ အမျိုးသားကြီးတွေ ၊ အမျိုးသမီးနဲ့ ကလေး လူ အယောက် ခြောက်ရာကျော်ကို ကယ်ထုတ် နိုင်ခဲ့တယ်လို့ လခြမ်းနီ အဖွဲ့ အကြီးအကဲ Khaled Erksoussi က ပြောပါတယ်။

သီလ၀ါ အထူးစီးပွားရေးဇုန်သို့ ကမ္ဘာ့နိုင်ငံ အသီးသီးမှ ရင်းနှီးမြှုပ်နှံမှုအမျိုးမျိုး ၀င်ရောက်လာနိုင်ပြီး စားသောက်ကုန်ထုတ်လုပ်သည့် လုပ်ငန်းများနှင့် အထည်ချုပ်လုပ်ငန်းများ ဦးစွာဝင်ရောက်လာနိုင်ဟု ဂျပန်ဘက်က ခန့်မှန်းထား

Photo: သီလ၀ါ အထူးစီးပွားရေးဇုန်သို့ ကမ္ဘာ့နိုင်ငံ အသီးသီးမှ ရင်းနှီးမြှုပ်နှံမှုအမျိုးမျိုး ၀င်ရောက်လာနိုင်ပြီး စားသောက်ကုန်ထုတ်လုပ်သည့် လုပ်ငန်းများနှင့် အထည်ချုပ်လုပ်ငန်းများ ဦးစွာဝင်ရောက်လာနိုင်ဟု ဂျပန်ဘက်က ခန့်မှန်းထား
Monday, February 10, 2014

၂ဝ၁၅ ခုနှစ်တွင် ဖွင့်လှစ်မည့် သီလဝါ အထူးစီးပွားရေးဇုန် စီမံကိန်းတွင် ကမ္ဘာ့နိုင်ငံ အသီးသီးမှ ရင်းနှီးမြှုပ်နှံမှု အမျိုးမျိုး ဝင်ရောက်လာနိုင်ကြောင်း မြန်မာနိုင်ငံဆိုင်ရာ ဂျပန်သံရုံး၊ စီးပွားရေးဌာနမှ သံမှူး Mr. Hideaki MATSUO ကဆိုသည်။

“သီလဝါ အထူးစီးပွားရေးဇုန် အပိုင်း (က)ကို ၂ဝ၁၅ မှာ ဖွင့်လှစ်မှာဖြစ်ပါတယ်။ သီလဝါ အထူးစီးပွားရေးဇုန်ဟာ အချိန်တိုအတွင်း တိုးတက်လာမယ်လို့လည်း မျှော်မှန်းထားပါတယ်။ ဒါ့အပြင် တစ်ကမ္ဘာလုံးက တိုင်းပြည်အသီးသီးက ရင်းနှီးမြှုပ်နှံမှုအမျိုးမျိုး ဝင်လာမယ်လို့ ခန့်မှန်းထားပါတယ်။ ဘယ်လိုလုပ်ငန်းမျိုးအနေနဲ့ ဝင်လာဖို့ကို သတ်မှတ်တာမျိုး မရှိပါဘူး” ဟု ၎င်းကပြောကြားသည်။

ထို့ပြင် သီလဝါအထူးစီးပွားရေးစီမံကိန်း ဖွင့်လှစ်ပြီးပါက စားသောက်ကုန်ထုတ်လုပ်သည့် လုပ်ငန်းများနှင့် အထည်ချုပ်လုပ်ငန်းများ အရင်ဆုံး ဝင်ရောက်ရင်းနှီး မြှုပ်နှံလာနိုင်သည်ဟု ဂျပန်နိုင်ငံက ခန့်မှန်းထားကြောင်း Mr.Hideaki MATSUO က ပြောကြားသည်။

“သီလဝါ အထူးစီးပွားရေးဇုန် စီမံကိန်းဟာ joint လုပ်ထားတာဆိုတော့ ဘယ်လိုလုပ်ငန်းမျိုးတွေပဲ ဝင်လာပါဆိုတာမျိုးတော့ မရှိပါဘူး။ ကျွန်တော်ထင်တာကတော့ ရှပ်အင်္ကျီဖိနပ်တွေ စတာတွေကနေ စားသောက်ကုန်ထုတ်လုပ်တဲ့ လုပ်ငန်းများ အရင်ဆုံး ဝင်ရောက်လာနိုင်တယ်လို့ ကျွန်တော်ထင်ပါတယ်” ဟုလည်း ၎င်းကပြောကြားသည်။

အဆိုပါ သီလဝါအထူးစီးပွားရေးဇုန်အပိုင်း (က)ကို ၂ဝ၁၃ ခုနှစ် နိုဝင်ဘာ ၃ဝ ရက်နေ့က စတင်ဖွင့်လှစ် တည်ဆောက်ခဲ့ပြီး သီလဝါ အထူးစီးပွားရေးဇုန် စီမံကိန်းတွင် ဂျပန်ဘက်မှ ၄၉ ရာခိုင်နှုန်းနှင့် မြန်မာဘက်မှ ၅၁ ရာခိုင်နှုန်း ပါဝင်ကြောင်း၊ မြန်မာနိုင်ငံဘက်မှ ၅၁ ရာခိုင်နှုန်းအထိ မြှုပ်နှံခွင့် ရသော်လည်း အစိုးရသို့ ၁ဝ ရာခိုင်နှုန်း ပေးအပ်ရမည်ဖြစ်သဖြင့် မြန်မာနိုင်ငံသားများအတွက် ရှယ်ယာရောင်းချရာတွင် ၄၁ ရာခိုင်နှုန်းသာ ရောင်းချပေးနိုင်မည်ဖြစ်ကြောင်း သီလဝါ အထူးစီးပွားရေးဇုန် အများပိုင်ကုမ္ပဏီဥက္ကဋ္ဌ ဦးဝင်းအောင်က ပြောကြားသည်။

၂ဝ၁၄-၂ဝ၁၅ ဘဏ္ဍာနှစ် မြန်မာနိုင်ငံတွင် အများဆုံး ရင်းနှီးမြှုပ်နှံမည့် ထိပ်တန်းနိုင်ငံများမှာ ဂျပန်၊ ကိုရီးယားနှင့် ထိုင်းနိုင်ငံတို့ ဖြစ်လာနိုင်ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်မှ သုံးသပ်ထားသည်။

“ထားဝယ်အထူးစီးပွားရေးဇုန် ကိစ္စနဲ့ ပတ်သက်ပြီး မြန်မာအစိုးရနဲ့ ထိုင်းအစိုးရက ဝင်ရောက်ရင်းနှီးမြှုပ်နှံပေးဖို့ ဂျပန်ဘက်ကို အကူအညီ တောင်းခံထားပါတယ်။ ဒီထားဝယ်အထူးစီးပွားရေးဇုန်မှာ ဂျပန်ပါမလား မပါဘူးလားဆိုတာ ထိုင်း၊ မြန်မာ၊ ဂျပန်အစိုးရတို့ ဆွေးနွေးနေကြပါတယ်။ အာဆီယံတိုင်းပြည်တွေအနေနဲ့ ကြည့်မယ်ဆိုရင် ထားဝယ်ဆိပ်ကမ်းဟာ တကယ့်ကို အရေးပါတဲ့ ဆိပ်ကမ်းတစ်ခု ဖြစ်ပါတယ်။ အဓိကပြဿနာက ထားဝယ်ဒေသက အရမ်းကို ကြီးမားနေပါတယ်။ သီလဝါထက် ၁ဝ ဆလောက် ကြီးပါတယ်။ အခုကတော့ ၂ဝ၁၅ မှာ သီလဝါ အထူးစီးပွားရေးဇုန် ဖွင့်ဖို့ကို အဓိက အာရုံထားနေပါတယ်။ ၂ဝ၁၅ သီလဝါ အထူးစီးပွားရေးဇုန် ဖွင့်ပြီးသွားရင် တခြားတိုင်းပြည်တွေက ရင်းနှီးမြှုပ်နှံမှုတွေ လာပြီဆိုရင်တော့ ထားဝယ်ဘက်ကို လုပ်ဖြစ်မယ်လို့ မှန်းထားပါတယ်။ အခုလောလောဆယ်မှာတော့ ၂ဝ၁၅ မှာ သီလဝါ အထူးစီးပွားရေးဇုန် ဖွင့်ဖုို့ကိုပဲ ဦးတည်ထားပါတယ်” ဟု မြန်မာနိုင်ငံဆိုင်ရာ ဂျပန်သံရုံး စီးပွားရေးဌာနမှ သံမှူး Mr.Hideaki MATSUO က ပြောကြားသည်။

၂ဝ၁၃ ခုနှစ် ဇန်နဝါရီ ၁ ရက်မှ ဒီဇင်ဘာ ၃၁ ရက်အထိ မြန်မာနိုင်ငံ ရင်းနှီးမြှုပ်နှံမှု ကော်မရှင်မှ နိုင်ငံခြားသား သီးသန့်လုပ်ကိုင်သော လုပ်ငန်းများနှင့် မြန်မာနိုင်ငံနှင့် ဖက်စပ်လုပ်ကိုင်ခွင့်ရသော လုပ်ငန်းများသို့ ထုတ်ပေးခဲ့သည့် ပါမစ်စုစုပေါင်း ၁၁၈ ခုရှိကြောင်း၊ ယင်းကဲ့သို့ ခွင့်ပြုပေးခဲ့သည့် လုပ်ငန်းများထဲတွင် စီးကရက်ထုတ်လုပ်သည့်လုပ်ငန်း၊ အဖျော်ယမကာလုပ်ငန်း၊ ကားဝန်ဆောင်မှုလုပ်ငန်း၊ စားသောက်ကုန်လုပ်ငန်း၊ အိုင်တီဝန်ဆောင်မှုလုပ်ငန်း၊ ဝါးအချောထည်လုပ်ငန်းနှင့် ဆေးဝါးလုပ်ငန်းတို့ဖြစ်ကြောင်း သိရသည်။

သီလ၀ါ အထူးစီးပွားရေးဇုန် စီမံကိန်း မြေနေရာအား တွေ့ရစဉ်

Eleven Media Group
သီလ၀ါ အထူးစီးပွားရေးဇုန် စီမံကိန်း မြေနေရာအား တွေ့ရစဉ်
၂ဝ၁၅ ခုနှစ်တွင် ဖွင့်လှစ်မည့် သီလဝါ အထူးစီးပွားရေးဇုန် စီမံကိန်းတွင် ကမ္ဘာ့နိုင်ငံ အသီးသီးမှ ရင်းနှီးမြှုပ်နှံမှု အမျိုးမျိုး ဝင်ရောက်လာနိုင်ကြောင်း မြန်မာနိုင်ငံဆိုင်ရာ ဂျပန်သံရုံး၊ စီးပွားရေးဌာနမှ သံမှူး Mr. Hideaki MATSUO ကဆိုသည်။

သင့်ကို နာမကျန်း ဖြစ်စေနိုင်သော အလေ့အထ ငါးမျိုး

Photo: သင့်ကို နာမကျန်း ဖြစ်စေနိုင်သော အလေ့အထ ငါးမျိုး
Monday, February 10, 2014 

တစ်နေ့တာ အလေ့အထများစွာက သက်ရှည်ကျန်းမာရေးနဲ့ ဆက်စပ်မှု ရှိနေကြပါတယ်။ အောက်ပါ အခြေအနေတွေက သင့်ကို နာမကျန်းဖြစ်စေနိုင်တဲ့ အရာတွေ ဖြစ်တယ်ဆိုတာ အံ့အားသင့်ဖွယ်ရာ တွေ့ရှိရပါတယ်။

၁။ တုပ်ကွေး ကာကွယ်ဆေး ထိုးရမှာကို ကြောက်ရွံ့မှု
တုပ်ကွေး ကွေးပြီးချိန်မှာ ပြင်းထန်တဲ့ ရောင်ရမ်းမှုတွေ ဖြစ်တဲ့အခါတိုင်း သွေးကြောတွေကို ထိခိုက်စေနိုင်တဲ့ ဓာတုပစ္စည်းတွေ ထွက်ရှိလာပါတယ်။ ဒီလိုဖြစ်တာ မကြာခဏ ဆိုရင် နောက်ပိုင်းမှာ ရောင်ရမ်းမှုနဲ့ ဆက်စပ်နေတဲ့ ရောဂါ (ဥပမာ- နှလုံးရောဂါ) ဖြစ်နိုင်ခြေ မြင့်တက်လာနိုင်ပါတယ်။

၂။ အဆင်မပြေသော အလုပ်အချိန် ဇယား
အကြီးမားဆုံး စိတ်ဖိစီးမှု ဖြစ်စေတဲ့ အချက်တစ်ချက်ဟာ ငွေရေးကြေးရေး အခြေအနေလည်း မဟုတ်၊ လက်ထပ်ဖို့ အရေးလည်း မဟုတ်ပါဘူး။ ပုံမှန်လုပ်ရမယ့် တစ်နေ့တာ အချိန်ဇယား ပျက်ကွက်တာပဲ ဖြစ်ပါတယ်။ အလုပ်များနေလို့ ပုံမှန်ထက် တစ်နာရီလောက် နောက်ကျပြီးမှ နေ့လယ်စာ စားရတာတောင် စိတ်ဖိစီးမှု ဟော်မုန်း ကော်တီဇော အဆင့်မြင့်တက်လာပြီး ခန္ဓာကိုယ်ရဲ့ ပုံမှန်အခြေအနေကို အဟန့်အတား ဖြစ်စေနိုင်ပါတယ်။ ဒါကြောင့် နေ့စဉ် အချိန်မှန်မှန် စားနိုင်၊ အိပ်နိုင်၊ လေ့ကျင့်ခန်း လုပ်နိုင်အောင် ကြိုးစားသင့်ပါတယ်။

၃။ သစ်သီးနှင့်ဟင်းသီးဟင်းရွက် ရွေးချယ်မှု မှားခြင်း
အပင်ထွက်ပစ္စည်းတွေကို လယ်မြေကနေ ဆိုင်တွေဆီ ပို့ဆောင်နေတဲ့ အတောအတွင်းမှာပဲ ရောဂါ ကာကွယ်နိုင်တဲ့ ဒြပ်ပေါင်းများစွာ ဆုံးရှုံးသွားပါတော့တယ်။ ဒါကြောင့် ဒေသထွက် အသီးအနှံနဲ့ ဟင်းသီးဟင်းရွက်တွေ၊ ရာသီပေါ် အသီးအနှံတွေကို တတ်နိုင်သမျှ ဝယ်စားသင့်ပါတယ်။ တကယ်လို့ မဖြစ်နိုင်ရင် အေးခဲအောင် လုပ်ထားတဲ့ အပင်ထွက် ပစ္စည်းတွေကို ဝယ်ပါ။

၎။ သင်၏ အထိုင်များသော အလုပ်
အားကစားကို အပြင်းအထန် လုပ်ရင်တောင် တစ်နေ့တာလုံး အထိုင်များ ပါက သွေးတွင်း သကြားဓာတ်၊ ကိုလက်စထရောနဲ့ သွေးဖိအားတို့ကို ထိခိုက်စေနိုင်ပါတယ်။ ဒါကြောင့် အထိုင်များတဲ့ အလုပ်ကို လုပ်ရသူဖြစ်ရင် တစ်နေ့လုံး နည်းနည်းချင်းစီ လှုပ်ရှားမှု လုပ်နိုင်မယ့် နည်းလမ်းတွေကို ရှာဖွေသင့်ပါတယ်။

၅။ သင့်ခြေဖနောင့် နာကျင်မှု
ဒေါက်ဖိနပ်အချွန်ကို စီးတာက သက်သောင့်သက်သာ မရှိမှန်း သိပေမယ့် နာကျင်မှုဟာ ရောင်ရမ်းမှုရဲ့ လက္ခဏာတစ်ရပ်ဖြစ်ပြီး ဒါက နာတာရှည်ရောဂါနဲ့ ဆက်စပ်နေတာမျိုး ဖြစ်ကောင်း ဖြစ်နိုင်ပါတယ်။ ဒါကြောင့် နာတာရှည် ရောင်ရမ်းမှု မဖြစ်အောင် သက်သောင့်သက်သာရှိတဲ့ ဖိနပ်တွေကို စီးသင့်ပါတယ်။

ဇွန်
Ref:RD
ပိုပိုဇော်(သဘာဝအားအင်)
တစ်နေ့တာ အလေ့အထများစွာက သက်ရှည်ကျန်းမာရေးနဲ့ ဆက်စပ်မှု ရှိနေကြပါတယ်။ အောက်ပါ အခြေအနေတွေက သင့်ကို နာမကျန်းဖြစ်စေနိုင်တဲ့ အရာတွေ ဖြစ်တယ်ဆိုတာ အံ့အားသင့်ဖွယ်ရာ တွေ့ရှိရပါတယ်။

အဒီဘာယော၏ သွင်းဂိုးဖြင့် အဲဗာတန်ကို အနိုင်ရခဲ့သည့် တော့တင်ဟမ်

Photo: အဒီဘာယော၏ သွင်းဂိုးဖြင့် အဲဗာတန်ကို အနိုင်ရခဲ့သည့် တော့တင်ဟမ်
Monday, February 10, 2014 

ပရီးမီးယားလိဂ် ပွဲစဉ် (၂၅) တော့တင်ဟမ်နှင့် အဲဗာတန် ပွဲစဉ်တွင် အိမ်ရှင်အသင်းက တိုက်စစ်မှူး အဒီဘာယော၏ တစ်လုံးတည်းသော သွင်းဂိုးဖြင့် အနိုင်ရရှိသွားခဲ့သည်။

တော့တင်ဟမ်တွင် လောရစ်၊ ဝေါ့ကား၊ ဒေါ်ဆန်၊ ဗာတိုဂျန်၊ ရို့စ်၊ လန်နွန်၊ ပေါ်လင်ဟို၊ ဘန်တာလပ်၊ အဲရစ်ဆန်၊ ဒမ်ဘီလီ၊ အဒီဘာယော တို့ ပွဲထွက်ပါဝင်ခဲ့သည်။

အဲဗာတန်တွင် ဟောင်းဝပ်၊ ကိုးလ်မန်း၊ ဘိန်းစ်၊ ဒစ္စတင်၊ ဂျဂီရယ်ကာ၊ ဘယ်ရီ၊ မက္ကာသီ၊ အော့စမန်၊ ပီးနား၊ မီရာလက်စ်၊ နေးစမစ်တို့ ပါဝင်ကစားခဲ့သည်။

ပွဲချိန် ၃ မိနစ်တွင် အဲဗာတန်မှ လီယွန်အော့စမန် တော့တင်ဟမ် နောက်ခံလူကို ကျော်ဖြတ်ပြီး ကန်သွင်းသည့် ဘောလုံးမှာ ဂိုးတိုင်ဘေး ကပ်ထွက်သွားခဲ့သည်။ ၇ မိနစ်တွင် အော့စမန်ကပင် မြေမကျဘော ကန်သွင်းရာ တော့တင်ဟမ် ဂိုးသမား လောရစ် ပုတ်ထုတ်ကာကွယ်ခဲ့ရသည်။

၉ မိနစ်တွင် အော့စမန်က နောက်ထပ် အခွင့်အရေး ထပ်မံရရှိခဲ့ပြီး ထောင့်ကန်ဘောမှ ခေါင်းတိုက်သွင်းရာ တော့တင်ဟမ် ဂိုးသမားက ကာကွယ်ခဲ့ရသည်။ ၃၆ မိနစ်တွင် မီရာလက်စ်က ဒေါ်ဆန်ကို ကျော်ဖြတ်ပြီး အသင်းဖော်များကို မပေးဘဲ တိုက်ရိုက်ကန်သွင်းရာ ဂိုးဘားပေါ် ကျော်သွားခဲ့သည်။ တော့တင်ဟမ် အတွက် တစ်လုံးတည်းသော ဂိုးကို ၆၅ မိနစ်တွင် အဒီဘာယောက ဘယ်ခြေဖြင့် ကန်သွင်းယူခဲ့ခြင်း ဖြစ်သည်။ နောက်ပိုင်းတွင် တော့တင်ဟမ်က အနိုင်ရလဒ်ကို ထိန်းကစားသွားခဲ့ပြီး ပွဲအပြီးတွင် အဲဗာတန်ကို အဒီဘာယော၏ တစ်လုံးတည်းသော ဂိုးဖြင့် အနိုင်ရရှိသွားခဲ့သည်။

Ref: Goal
Soccer Myanmar
ပရီးမီးယားလိဂ် ပွဲစဉ် (၂၅) တော့တင်ဟမ်နှင့် အဲဗာတန် ပွဲစဉ်တွင် အိမ်ရှင်အသင်းက တိုက်စစ်မှူး အဒီဘာယော၏ တစ်လုံးတည်းသော သွင်းဂိုးဖြင့် အနိုင်ရရှိသွားခဲ့သည်။

မန္တလေးတိုင်း ဒေသကြီးတွင် ၂ဝ၁၃ ခုနှစ်အတွင်း မီးလောင် ဆုံးရှုံးမှု ယခင်နှစ်ထက် ပိုမိုမြင့်မား

မန္တလေးတိုင်း ဒေသကြီးရှိ ခရိုင် ခုနစ် ခရိုင်အတွင်း ၂ဝ၁၂ ခုနှစ်တွင် ၁၆၄ ကြိမ် မီးလောင်မှု ဖြစ်ပွားခဲ့ရာ ငွေကျပ် ၁၆၇ ဒသမ ၃၃၅ သန်းခန့်နှင့် ၂ဝ၁၃ ခုနှစ်တွင် ၂၄၈ ကြိမ် မီးလောင်မှု ဖြစ်ပွားခဲ့ရာ ငွေကျပ် ၁၂၂၇ ဒသမ ၇၄၆ သန်း မီးလောင် ဆုံးရှုံးခဲ့ပြီး ၂ဝ၁၃
ခုနှစ်အတွင်း မီးလောင်ကျွမ်းမှုသည် ယခင်နှစ်က မီးလောင်မှု အကြိမ်ထက် ၈၄ ကြိမ်ပိုများခဲ့ကာ ဆုံးရှုံးမှုတန်ဖိုး မြင့်မားခဲ့သည်။ 

Sochi အိုလံပစ်မှာ နော်ဝေနိုင်ငံ ရွှေအများဆုံးနဲ့ဦးဆောင်

Photo: Sochi အိုလံပစ်မှာ နော်ဝေနိုင်ငံ ရွှေအများဆုံးနဲ့ဦးဆောင်
Monday, February 10, 2014 

ရုရှားနိုင်ငံ၊ ဆိုချီမြို့မှာ ကျင်းပနေတဲ့ ဆောင်းရာသီအိုလံပစ် အားကစား ပြိုင်ပွဲမှာတော့ နော်ဝေးနိုင်ငံမှာ ဆုတံဆိပ် ၇ ခု ရထားပြီး ဆုတံဆိပ်အများဆုံးနဲ့ ပြိုင်ပွဲကို ဦးဆောင်နေပါတယ်။ နော်ဝေးနိုင်ငံက ရွှေတံဆိပ် (၂) ခု၊ ငွေ (၁) ခု နဲ့ ကြေး (၄) ခု ရထားပါတယ်။

အဲဒီနောက်မှာတော့ နယ်သာလန်က ရွှေတံဆိပ် (၂) ခု၊ ငွေ (၁) ခု ကြေး (၁) ခု နဲ့ ဒုတိယနေရာမှာရှိနေပြီး အမေရိကန်ကတော့ ရွှေ (၂) ခု ကြေး (၂) ခု နဲ့ တတိယနေရာမှာ လိုက်နေပါတယ်။

တနင်္ဂနွေနေ့က ကျင်းပခဲ့တဲ့ ပြိုင်ပွဲတွေမှာတော့ အရင်အိုလံပစ်ရွှေတံဆိပ် ဆုရှင် (၂) ယောက်က အခုနှစ်ပြိုင်ပွဲမှာလည်း သူတို့အရင်ရခဲ့တဲ့ပြိုင်ပွဲတွေမှာ အနိုင်ရပြီးတော့ သူတို့ရဲ့ ရွှေတံဆိပ်ဆုတွေကို ကာကွယ်နိုင်ခဲ့ပါတယ်။

ဆလိုဗက်ကီးယားနိုင်ငံက Anastasiya Kuzmina က ၇.၅ ကီလိုမီတာ biathalon ပြိုင်ပွဲမှာ ရွှေတံဆိပ်ရခဲ့သလို ဂျာမဏီနိုင်ငံက ဖိလစ် လော့ခ်ကလည်း အမျိုးသား လူဂါပြိုင်ပွဲမှာ ရွှေတံဆိပ် ဆက်တိုက်ယူပေးခဲ့ပါတယ်။

ဒါ့အပြင် အ်ိမ်ရှင် ရုရှားနိုင်ငံအတွက် ပထမဆုံးရွှေတံဆိပ်ကိုတော့ ရေခဲပြင် စကိတ်အလှစီး အသင်းလိုက်မှာ Evgeni Plushenko နဲ့ Julia Lipnitskaia တို့က ယူပေးခဲ့ပါတယ်။ ရုရှားသမ္မတ ဗလာဒီမီယာ ပူတင်လည်း ICEBERG အားကစားကွင်းကြီးကို လာရောက်ပြီး အားပေးသွားခဲ့တာ တွေ့ခဲ့ရပါတယ်။ ဒါ့အပြင် ပိုလန်၊ နယ်သာလန်၊ သြစတြီးယားနဲ့ ဆွစ်ဇာလန်နိုင်ငံတွေကလည်း ရွှေတံဆိပ်တွေ ရခဲ့ပါတယ်။

RFA

အမျိုးသမီး snowboard slopestyle နောက်ဆုံးပွဲစဉ်မှာ နော်ဝေးနိုင်ငံက အားကစားမယ် Silje Norendal ယှဉ်ပြိုင်စဉ်။ (ဖေဖော်ဝါရီ ၉၊ ၂၀၁၄)
အမျိုးသမီး snowboard slopestyle နောက်ဆုံးပွဲစဉ်မှာ နော်ဝေးနိုင်ငံက အားကစားမယ် Silje Norendal ယှဉ်ပြိုင်စဉ်။ (ဖေဖော်ဝါရီ ၉၊ ၂၀၁၄)
ရုရှားနိုင်ငံ၊ ဆိုချီမြို့မှာ ကျင်းပနေတဲ့ ဆောင်းရာသီအိုလံပစ် အားကစား ပြိုင်ပွဲမှာတော့ နော်ဝေးနိုင်ငံမှာ ဆုတံဆိပ် ၇ ခု ရထားပြီး ဆုတံဆိပ်အများဆုံးနဲ့ ပြိုင်ပွဲကို ဦးဆောင်နေပါတယ်။ နော်ဝေးနိုင်ငံက ရွှေတံဆိပ် (၂) ခု၊ ငွေ (၁) ခု နဲ့ ကြေး (၄) ခု ရထားပါတယ်။

ဂျာမန်သမ္မတ မြန်မာနိုင်ငံခရီးစဉ်စတင်

Photo: ဂျာမန်သမ္မတ မြန်မာနိုင်ငံခရီးစဉ်စတင်
Monday, February 10, 2014 

မြန်မာနိုင်ငံကို အစိုးရဧည့်သည်တော်အဖြစ်နဲ့ ၃ ရက်ကြာ အလည်ခရီး လာရောက်တဲ့ ဂျာမဏီသမ္မတ Joachim Gauck ဟာ တနင်္ဂနွေနေ့မှာ ရောက်ရှိလာပြီဖြစ်ပါတယ်။ သမ္မတ Gauck ဟာ ရွှေတိဂုံဘုရားကို သွားရောက်ခဲ့ပါတယ်။

သမ္မတဦးသိန်းစိန်ရဲ့ဖိတ်ကြားချက်နဲ့လာရောက်တဲ့ ဂျာမဏီသမ္မတ Gauck ဟာ သမ္မတဦးသိန်းစိန်နဲ့ရော မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်နဲ့ပါ တွေ့ဆုံဖို့ ရှိပါတယ်။ ဒါ့အပြင် အင်္ဂါနေ့မပြန်ခင်မှာ ရန်ကုန် တက္ကသိုလ်မှာလည်း မိန့်ခွန်းပြောကြားဖို့ စီစဉ်ထားပါတယ်။

မြန်မာနိုင်ငံဟာ ဒီမိုကရေစီလမ်းကြောင်းပေါ် ရဲရဲဝံ့ဝံ့ လျှော်လှမ်းလာတာ တွေ့ရတဲ့အတွက် ချီးကျူးကြောင်း ရွှေတိဂုံဘုရားသွားဖူးစဉ်မှာ ပြောကြားခဲ့ပြီး တိုးတက်မှုတွေ တွေ့နေရတဲ့အတွက် ဂျာမဏီနိုင်ငံက အမေရိကန်ဒေါ်လာ ၆၈၂ သန်းနဲ့ ညီမျှတဲ့ ယူရိုငွေ သန်း ၅၀၀ ဖိုး အကြွေးလျှော်ပစ်ဖို့ ဆုံးဖြတ်ခဲ့တယ်လို့ ပြောကြားခဲ့ကြောင်း DPA သတင်းမှာဖေါ်ပြထားပါတယ်။

၁၉၈၆ ခုနှစ်ကစပြီး ဂျာမဏီသမ္မတအနေနဲ့ ပထမဆုံး လာရောက်ခဲ့တဲ့ ဒီခရီးစဉ် အတွင်း တနင်္လာနေ့မှာ အတိုက်အခံပါတီဖြစ်တဲ့ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ငြိမ်းချမ်းရေးနိုဘယ်လ်ဆုရှင် ဒေါ်အောင်ဆန်းစုကြည်နဲ့ တွေ့ဆုံဖို့ စီစဉ်ထားပြီး တနင်္လာနေ့မှာပဲ နေပြည်တော်မှာ သမ္မတ ဦးသိန်းစိန်နဲ့ တွေ့ဆုံမှာဖြစ်သလို Goethe Institut လို့ခေါ်တဲ့ ဂျာမဏီယဉ်ကျေးမှုမြှင့်တင်ရေး ဌာန တခုဖွင့်လှစ်ဖို့ပါ လုပ်ဆောင်မှာ ဖြစ်ပါတယ်။ ဂျာမဏီသမ္မတ ဦးဆောင်ပြီး အစိုးရ၀န်ကြီးအဖွဲ့ဝင်တွေ၊ လွှတ်တော်အမတ်တွေနဲ့ စီးပွားရေးခေါင်းဆောင်တွေ ပါဝင်တဲ့ ကိုယ်စားလှယ်အဖွဲ့ဟာ ဂျာမဏီ - မြန်မာ စီးပွားရေးဖိုရမ်ကိုလည်း တက်ရောက်ဖို့ရှိတယ်လို့လည်း ဆိုပါတယ်။

မြန်မာအပေါ် အီးယူဥရောပသမဂ္ဂရဲ့ ပိတ်ဆို့ဒဏ်ခတ် အရေးယူမှုတွေ လျှော့ပေါ့ပေးခဲ့ချိန်ကစပြီး ဂျာမနီဟာ မြန်မာနိုင်ငံကို ဖွံ့ဖြိုးတိုးတက်မှု ဆိုင်ရာ အကူအညီတွေ အများအပြားပေးလာခဲ့တဲ့ နိုင်ငံတနိုင်ငံလည်းဖြစ်ပါတယ်။ 

ဂျာမဏီသမ္မတဟာ မြန်မာနိုင်ငံကို မလာရောက်ခင် အိန္ဒိယနိုင်ငံကို ၆ ရက်ကြာ သွားရောက်ခဲ့တာ ဖြစ်ပါတယ်။

RFA

ဂျာမဏီသမ္မတ Joachim Gauck (ယာ) ရွှေတိဂုံဂေါပကအဖွဲ့နှင့်တွေ့ဆုံစဉ်။ (ဖေဖော်ဝါရီလ ၉၊ ၂၀၁၄)
ဂျာမဏီသမ္မတ Joachim Gauck (ယာ) ရွှေတိဂုံဂေါပကအဖွဲ့နှင့်တွေ့ဆုံစဉ်။ (ဖေဖော်ဝါရီလ ၉၊ ၂၀၁၄)
မြန်မာနိုင်ငံကို အစိုးရဧည့်သည်တော်အဖြစ်နဲ့ ၃ ရက်ကြာ အလည်ခရီး လာရောက်တဲ့ ဂျာမဏီသမ္မတ Joachim Gauck ဟာ တနင်္ဂနွေနေ့မှာ ရောက်ရှိလာပြီဖြစ်ပါတယ်။ သမ္မတ Gauck ဟာ ရွှေတိဂုံဘုရားကို သွားရောက်ခဲ့ပါတယ်။