မြန်မာနိုင်ငံမှ ကလေးလုပ်သားများကို အခြေခံအင်္ဂလိပ်စာနှင့် လူမှုဆက်ဆံရေး ဘာသာများ ကို ဟောင်ကောင် တက္ကသိုလ်မှ ကျောင်း သား၊ ကျောင်းသူ ၃၀ ဦးခန့်က ဇူလိုင်လမှ စ၍ လာရောက် သင် ကြားပေးမည် ဖြစ်ကြောင်း မြန်မာရွေ့လျား ပညာရေးစီမံကိန်း ဒါရိုက်တာ ဦးတင်မောင်မောင်အေး က ပြော ကြားသည်။
ဟောင်ကောင် ကျောင်းသား၊ ကျောင်းသူများသည် အုပ်စုနှစ်ခု ခွဲကာ လာရောက်မည်ဖြစ်ပြီး ပထမအုပ်စု တွင် ကျောင်းသား ၁၃ ဦးနှင့် ပါမောက္ခတစ်ဦး ပါရှိကြောင်း ၎င်း၏ ပြောကြားချက်များအရ သိရသည်။
၎င်းတို့က အခြေခံအင်္ဂလိပ်စာ၊ ကိုယ်လက်သန့်ရှင်းရေး၊ လူမှုဆက်ဆံရေးနှင့် အခက်အခဲများ ဖြေရှင်းနည်း တို့ကို လက်တွေ့နှင့် အနီးစပ်ဆုံး သင်ကြားပေးမည် ဖြစ်ကြောင်း ဦးတင်မောင်မောင်အေးက ဆိုသည်။
ပညာရေး ဝန်ကြီးဌာနက ကျောင်းပြင်ပ ပညာရေးဌာနများ ဖွင့်လှစ်၍ သင်ကြားနေသော်လည်း စာ သင်ကျောင်း များသို့ မလာရောက်သော ကလေးလုပ်သားတို့အတွက် လိုက်လံသင်ကြားသည့် လူမှုအဖွဲ့ အစည်း များလည်း ၂၀၁၀ ပြည့်နှစ် နောက်ပိုင်းတွင် ပေါ်ပေါက်လာသည်။
“ပညာရေးလုပ်တာ ငွေထက် ဆိုင်ရှင်တွေ လက်ခံအောင် ပြောရတာ၊ ကလေးတွေ ပညာသင်ရတဲ့ အကြောင်း ကို နားလည်အောင် ရှင်းပြရတာ၊ စာသင်ပေးတဲ့အခါ ဆိုင်တွေရဲ့ အားလပ်ချိန်ကို ညှိရတာ ခက်တယ်” ဟု ဦးတင်မောင်မောင်အေးက ရှင်းပြသည်။
မြန်မာရွေ့လျား ပညာရေးစီမံကိန်းကို ၂၀၁၄ ခုနှစ် ဇန်နဝါရီလတွင် စတင်ခဲ့ပြီး ရန်ကုန်တိုင်းဒေသကြီး အတွင်း ရှိ စားသောက်ဆိုင်နှင့် လက်ဖက်ရည်ဆိုင် များတွင် အလုပ်လုပ်ကိုင်နေသော ကလေးလုပ်သား များ၏ ကျောင်းပြင်ပ ပညာရေးအတွက် စီစဉ်ခဲ့ခြင်း ဖြစ်သည်။
The Voice Weekly
No comments:
Post a Comment