မြန်မာနိုင်ငံ ကြက်ခြေနီအသင်းသည် ရခိုင်ဒေသခံစစ်ဘေးရှောင်ဒုက္ခသည်များအား ကူညီနိုင်ရန် ရခိုင် ပြည်နယ် အစိုးရနှင့် မင်းပြားမြို့၌ မေ ၁၀ ရက်တွင် ညှိနှိုင်းမှုများပြုလုပ်ပြီး သွားရောက်လှူဒါန်းမည်ဖြစ် သည်။ ရခိုင်စစ်ဘေးသင့် ဒုက္ခသည်များကို မြန်မာနိုင်ငံကြက်ခြေနီအသင်းက ကျန်းမာရေးဆိုင်ရာ စောင့် ရှောက်မှုများနှင့် အသက်မွေးဝမ်းကျောင်းဆိုင်ရာလုပ်ငန်းများကို ကူညီထောက်ပံ့ပေးသွားမည်ဖြစ်သည်။
“ အစ်မတို့ ဘာတွေကို ကူညီသွားမယ် ဆိုပြီးတော့ပြည်နယ် အစိုးရနဲ့ အသေးစိတ် ညှိနှိုင်းမယ်။ ကူညီဖို့အတွက် နှုတ်မိန့် အားဖြင့်တော့ ခွင့်ပြုမိန့် ရပြီးသွားပြီ။ အစည်းအဝေးမှာ အသေးစိတ်ပြောပြီးတာနဲ့ အစ်မတို့ ကူညီဖို့ အတွက် ဆက်လက် လုပ်ဆောင်သွား မှာပါ။ အခုလက်ရှိ ကတော့ပြင် ဆင်မှုတွေ လုပ်ဆောင်နေ တယ်။စစ်ဘေးသင့် ဒုက္ခသည်တွေကို အစ်မတို့ တတ်နိုင် သလောက်ကူညီသွားမှာပါ” ဟုမြန်မာနိုင်ငံ ကြက်ခြေနီအသင်းမှ ဒုတိယညွှန် ကြားရေးမှူးဒေါ်စန်း စန်းမော် ကပြောသည်။
မြန်မာနိုင်ငံ ကြက်ခြေနီအသင်းသည် ကျန်းမာရေး ဆိုင်ရာစောင့်ရှောက် မှုများနှင့် အသက်မွေးဝမ်းကျောင်း ဆိုင်ရာ လုပ်ငန်းများကို ရခိုင်ပြည်နယ် အတွင်းရှိ တိုက်ပွဲ များဖြစ်ပွား လျက်ရှိရာ စစ်ဘေး သင့်ဒုက္ခသည် အယောက် ၁၀,၀၀၀ ခန့်အား ကူညီသွားရန် ခန့်မှန်းထားသည် ဟုဒေါ်စန်းစန်းမော် ကပြောသည်။
စစ်ဘေးဒဏ်သင့်ပြည်သူ များထောက်ပံ့ရေးကော်မတီ အဖွဲ့ဝင် ကိုဇော်ဝင်းကလည်း ရခိုင်စစ်ဘေးသင့် ဒုက္ခသည်များကို စားနပ်ရိက္ခာများ ၊ဆေးဝါးများစသည် တို့ကို ကူညီထောက်ပံ့ရန် ဧပြီ ၂၇ ရက်တွင် စတင်ထွက်ခွာသွားလျက်ရှိသည်။
မြန်မာ့တပ်မတော်နှင့် ရခိုင့်တပ်မတော် AA တို့၏ တိုက်ပွဲများကြောင့် ရခိုင်ပြည်နယ် ကျောက်တော် မြို့နယ်တွင် ဒုက္ခသည်လေးရာကျော် တိမ်းရှောင်လျက် ရှိသည်ဟု ဧပြ ၂၂ ရက်တွင်သိရ ပြီး ဒုက္ခသည် လေးရာကျော်ရှိခဲ့ရာမှ ဧပြီ ၂၇ ရက်တွင် ၅၇၀ ကျော်အထိ များပြားလျက် ရှိသည်ဟု စစ်ဘေးဒဏ် သင့်ပြည်သူ များထောက်ပံ့ရေးကော်မတီ အဖွဲ့ဝင် ကိုဇော်ဝင်း ကပြောသည်။
ရခိုင့်တပ်မတော် (AA ) နှင့် မြန်မာ့တပ်မတော်တို့ မတ်လ ၂၉ ရက် နံနက် ၁၂ နာရီခွဲအချိန်နှင့် ၇ နာရီခွဲအချိန်တို့တွင် တိုက်ပွဲနှစ်ကြိမ် တိုင်ဖြစ်ပွား ခဲ့ပြီးမြန်မာ တပ်မတော် ခမရ ၂၈၉ လက်အောက်ခံ တပ်ဖွဲ့ နှင့် AA တို့သည် ရခိုင်ပြည်နယ်၊ ပလက်ဝ အနောက်ဘက်နှင့်ကျောက်တော်မြောက် ဖက်အကြား တွင် ည ၁၂ နာရီခွဲခန့်၌ တစ်ကြိမ်နှင့်နံနက် ၇ နာရီမှ ၁၂ နာရီအထိ တစ်ကြိမ် တိုက်ပွဲ များဖြစ်ပွား ခဲ့သည်။
Mizzima - News in Burmese
No comments:
Post a Comment