ဆီးရီးယားအရေး ကိစ္စပြေလည်မှု ရရှိရေးလမ်းကြောင်းသည် နိုင်ငံရေး နည်းလမ်းသာလျှင် ဖြစ်ကြောင်း၊ စစ်ရေးနည်းလမ်း တစ်ရပ် မဟုတ်ကြောင်း သြဂုတ်လ ၇ ရက်နေ့ အစောပိုင်းတွင် ဒမက်စကတ် သို့ ရောက်ရှိစဉ် Jalili က ပြောကြားခဲ့ပါသည်။ ဆီးရီးယား နိုင်ငံတွင်းရှိ လက်နက်ကိုင် သူပုန်များအား စစ်ဘက်ဆိုင်ရာ ထောက်ပံ့မှု များပေးနေသော နိုင်ငံများအားလည်း Jalili က ပြင်းထန်စွာ ပြစ်တင်ရှုတ် ချခဲ့ပါသည်။ အီရန်ဘုရားဖူး ၄၈ ဦး ပြန်ပေးဆွဲ ခံရသောကိစ္စ နှင့်ပတ်သက်၍ ၄င်းဘုရားဖူးများ အနေဖြင့် မိသားစုများထံသို့ ဘေးကင်းလုံခြုံစွာ ပြန်လည်ရောက်ရှိ စေရေးအထောက် အကူဖြစ်သည့် ဖြစ်နိုင်သမျှ နည်းလမ်းအားလုံးကို အီရန်နိုင်ငံက ဆောင်ရွက်သွား မည်ဖြစ်ကြောင်း ၄င်းက ပြောကြားခဲ့ပါသည်။
Jalili သည် လက်ဘနွန်မှတစ်ဆင့် ဆီးရီးယားသို့ ရောက်ရှိလာခဲ့ခြင်းဖြစ်ကာ တူရကီ အရာရှိများနှင့် တွေ့ဆုံဆွေးနွေးရန် တူရကီနိုင်ငံ သို့လည်းသွား ရောက်မည်ဟု မျှော်လင့်ရကြောင်း သိရှိရပါသည်။ ဆီးရီးယား နိုင်ငံအနေဖြင့် အကြမ်းဖက် သမားများနှင့် အကြမ်းဖက် ဝါဒအား အမြစ်ပြတ် ချေမှုန်းရန် ဆုံးဖြတ်ချက် ချထားကြောင်း သြဂုတ်လ ၇ ရက်နေ့တွင် Jalili တွေ့ဆုံဆွေးနွေးစဉ် ဆီးရီးယား သမ္မတဘတ်ရှာအယ်လ် အာဆတ် က ပြောကြားခဲ့ပါသည်။
No comments:
Post a Comment