တောင်ကြီးမြို့ ရေ အေးကွင်းရပ်ကွက် အရှေ့မြို့ ပတ်လမ်းရှိ လက်ဆောင်ပစ္စည်း အရောင်းဆိုင်တစ်ဆိုင် ကို မေလ ၁၈ ရက် ည ၇ နာရီခန့်တွင်လူငယ်တစ်စုက ဆိုင်ကယ်များဖြင့် ရောက်လာကာ တုတ်၊ ဓားများ ဖြင့် ၀င်ရောက်ရိုက်ခုတ်မှု ဖြစ်ပွား ခဲ့ကြောင်း သတင်းရရှိသည်။
‘‘လူ ၁၅ ယောက်၊ အယောက်၂၀ လောက်ရှိမယ်။ အလူမီနီယံ ချောင်းတွေ၊ ဓားရှည်တွေ၊ တုတ် တွေ၊ ခဲလုံးအကြီးတွေနဲ့ ဆိုင်ဝ ကနေအော်ဆဲကြီး ၀င်ခုတ်ကြတာပါ။ တရုတ်လူမျိုးတွေချည်းပါပဲ။ ဆိုင်ထဲမှာ ရှိနေတဲ့ ကျွန်မ တူလေးနှစ်ယောက်နဲ့ သူငယ်ချင်း သုံးယောက်စလုံး ဒဏ်ရာတွေ ရကုန်ပါတယ်’’ဟု လက်ဆောင် ပစ္စည်းအရောင်းဆိုင်ပိုင်ရှင် မမိုး မိုးက ပြောသည်။
ဆိုင်ထဲဝင်ခုတ်သည့် လူ ငယ်အုပ်စုနှင့် မည်သည့်ရန်ငြိုး ရန်စမှ မရှိသည့်အပြင် အကြောင်းမဲ့ ရန်ရှာကာ ၀င်ရောက်စော်ကား ခုတ်ခြင်းဖြစ်သည်ဟု မမိုးမိုးက ဆက်လက်ပြောကြားသည်။
ဆိုင်ရှင် မမိုးမိုးကိုယ်တိုင်က ကာကွယ်ကာအော်ဟစ်ခြင်း၊ ကိုယ်ဖြင့် ကာထားပေးခြင်းတို့ကြောင့် ၎င်း၏ တူနှစ်ဦးမှာ ခေါင်းနှင့် မျက်လုံးအောက်တို့တွင် ဓားပြတ်ရှဒဏ်ရာများရရှိခဲ့ပြီး တူနှစ်ဦး၏ သူငယ်ချင်း နှစ်ဦးမှာ ထိုးကြိတ်ဒဏ်ရာ၊ အရိုက်ခံရသည့် ဒဏ်ရာများရရှိခဲ့သည်ဟု အခင်းဖြစ်ပွားချိန်တွင် ဆိုင်ထဲ၌ အတူရှိနေသည့် မမိုးမိုး၏ ညီမ မငယ်ငယ်က ပြောသည်။
‘‘မင်းမဲ့စရိုက်ဆန်ဆန်ပဲ။ ရုပ်ရှင်ကားတွေထဲက လမ်းသရဲတွေ လိုဝင်လာပြီးတော့ သောင်းကျန်းသွားတယ်။ နောင်ဒီလို စော်ကားမှုမျိုးတွေမဖြစ်အောင်လို့ သက်ဆိုင်ရာ ရဲစခန်းမှာ အမှုဖွင့်ထားတယ်’’ ဟု မငယ်ငယ်က ဆိုသည်။
ဒဏ်ရာရရှိသူများအနက် မမိုးမိုး တူနှစ်ဦး၏ အခြေအနေ မှာ စိုးရိမ်ရသည့်အတွက် တောင်ကြီးမြို့ စ၀်စံထွန်း ဆေးရုံကြီး အရေးပေါ် ကုသဆောင်တွင် တက်ရောက်ကုသနေရကြောင်း သိရသည်။
နယ်မြေခံရပ်တပ်ဖွဲ့က ပြစ်မှုကျူးလွန်သူများအား ညတွင်းချင်းလိုက်လံဖမ်းဆီးခဲ့ရာ လေးဦးကို ဖမ်းဆီးရမိ ထားပြီဖြစ်ကြောင်း ရေအေးကွင်းရပ်ကွက် အုပ်ချုပ် ရေးမှူး ဦးစိုင်းခမ်းလောဝ်ကပြောသည်။
‘‘ကွင်းဆက်တရားခံတွေကို ဒီနေ့လိုက်ဖမ်းနေတယ်။ ဒီလိုအဖြစ်မျိုး လက်လည်းမခံနိုင်ဘူး’’ ဟု ဦးစိုင်းခမ်းလောဝ် က ပြော သည်။
ယင်းဖြစ်စဉ်ကို တောင်ကြီးမြို့ အမှတ်(၂)နယ်မြေရဲစခန်းတွင် အမှုဖွင့်ထားပြီး ပြစ်မှုကျူးလွန်သူများ အားလုံး ဖမ်းမိစေရေးအတွက် အပူတပြင်းစုံစမ်းစစ်ဆေး လျက်ရှိသည်ဟု အမှတ်(၂)စခန်းမှ တာဝန်ခံ ရဲအရာရှိ က ပြော ကြားသည်။
တောင်ကြီးမြို့တွင် အုပ်စု ဖွဲ့ဓားခုတ်မှုများ မကြာခဏဖြစ် ပွားနေပြီး ပြီးခဲ့သည့် မေလ ၁၆ ရက်ကလည်း တောင်ကြီးမြို့ ကန်ရှေ့ရပ်ကွက် ဗိုလ်ချုပ်လမ်းပေါ်ရှိ ပလက်ဖောင်းခုံပေါ်တွင် ယခုဖြစ်စဉ်နှင့် အလား သဏ္ဌာန် တူအုပ်စုဖွဲ့ ဓားခုတ်မှုဖြစ်ပွားခဲ့ သည်။
ဓားခုတ်ခံရသူများမှာ နားရွက်ပြတ်ရှခဲ့ပြီး ပြစ်မှုကျူးလွန်သူများကို ဖမ်းဆီးရမိခြင်း မရှိသေးကြောင်း တောင်ကြီးမြို့ မြို့မရဲစခန်းမှ သတင်းရရှိသည်။
7Day DAILY
No comments:
Post a Comment