Tuesday 21 January 2014

ဘယ်အချိန်ဟာ အိမ်ထောင်ပြုဖို့ အသင့်တော်ဆုံးလဲ။ ။ ။


တစ်ယောက်နဲ့ တစ်ယောက် မေတ္တာမျှတဲ့ အဆင့်ကနေ ဇနီးနဲ့ခင်ပွန်း အဖြစ်ပြောင်းလဲပစ်ဖို့ ဘယ်အချိန်ဟာ အသင့်တော် ဆုံးပါလဲ။ ချစ်သူတွေ တစ်စုံတွဲနဲ့ တစ်စုံတွဲတော့ တူကြမှာမဟုတ်ပါဘူး။ သင့်တို့အတွက် အချိန်တန်ပြီ လို့ ခံစားမိလိုက်တဲ့ အချိန်မှာ အိမ်ထောင်ပြုသင့်ပါတယ်။ အရေးကြီးတာက လူမှုပတ်ဝန်းကျင် လည်းမဟုတ်သလို၊ သင့်မိသားစုလည်း မဟုတ်ပါဘူး။ အရေးကြီးဆုံးက သင်တို့နှစ်ယောက်ပါပဲ။
သင်တို့ချစ်သူနှစ်ဦးက အရူးအမူးဖြစ်လာကြတဲ့အချိန်၊ တစ်ယောက်နဲ့တစ်ယောက် သေချာပြီဆိုတဲ့အချိန်၊ ခြေအစခေါင်းအဆုံး၊ နဖူးကအစ ခြေမအဆုံး ချစ်တတ်လာကြတဲ့အချိန် လက်ထပ်လိုက်သင့်ပါတယ်။ တစ်ဦးတည်း တစ်ဖက်သတ် ဖြစ်နေလို့တော့ မရပါဘူး။ နှစ်ဦးစလုံးဟာ ထပ်တူညီမျှလာတဲ့ တစ်နေ့ပေါ့။ သင့်ချစ်သူဟာ လူသန်းပေါင်းများစွာထဲကမှ သင့်အတွက် တစ်ဦးတည်းသောတစ်ယောက် ဖြစ်တယ်လို့၊ သူ့လိုလူ မရှိနိုင်တော့ဘူးလို့ ခံစားလာရပြီ ဆိုရင် လက်ထပ်ဖို့ အသင့်တော်ဆုံး အချိန်ပါပဲ။ မေတ္တာမျှ လို့ အဖန်ဖန် အထပ်ထပ် ချိန်းတွေ့လာခဲ့ပြီးမှ သူ့ကို မယူတော့ဘူးဆိုရင်တော့ သင့်လောက် မိုက်မဲတဲ့သူ ဒီကမ္ဘာမှာ ရှိတော့မှာ မဟုတ်ပါဘူး။

အိမ်ထောင်ပြုခြင်း ရဲ့ အဓိပ္ပါယ်ကို ကောင်းကောင်း သဘောပေါက်ဖို့ အရွယ်ရောက် ရင့်ကျက်နေပြီ၊ အိမ်ထောင်ပြုဖို့ အဆင်သင့်အခြေအနေလဲ ရှိနေပြီ၊ သင့်ချစ်သူကို အပြည့်အ၀ တာဝန်ယူဖို့သင့် နေပြီ ဆိုရင် သင့်ချစ်သူကို ငွေရေးကြေးရေးအရရော၊ စိတ်ခွန်အားပေးတာရော ထောက်ပံ့ပေးလိုက်ပါ။ အိမ်ထောင်ပြု တယ်ဆိုတာ တကယ့်ကို အပြောင်းလဲကြီးတစ်ရပ်၊ ရိုးမြေကျတဲ့အထိ သူနဲ့ သင့်ရဲ့ဘ၀ကို အေးအတူပူအမျှ ဝေငှ နေထိုင်သွားကြရမှာ ဖြစ်တယ်လို့ သင်သဘောပေါက်နားလည် ထားရမှာပါ။

သင်တို့နှစ်ယောက်သာ အသိတရားရှိတဲ့သူတွေ၊ တစ်ယောက်နဲ့တစ်ယောက် အမှန်တကယ် မေတ္တာမျှနေကြ တဲ့သူတွေဆိုရင် အပြန်အလှန် လေးစားမှုရှိပါ။ အငြင်းပွား စကားများကြတဲ့ အခါမှာလည်း လူကြီးဆန်ဆန် ဖြေရှင်းပါ၊ ရင်ဖွင့်ပါ၊ ၆နှစ်သား ကလေးတွေလို အတွေးမသိမ်ပါနဲ့။ သဘောထားမတိုက် ဆိုင်မှုဆိုတာ ဘ၀မှာ ကြုံတွေ့နေကျ အရာတစ်ခု ဖြစ်ပါတယ်။ မတွေ့ကြုံ ချင်ဘဲ ရှောင်ပုန်းလို့ရတဲ့ အရာတစ်ခုမဟုတ်ပါဘူး။ သင့်တို့နှစ်ယောက်က တစ်ဖွဲ့တည်း၊ တစ်ဘက်တည်းလေ။ တစ်ယောက်က တစ်ယောက်ထက် သာတယ် နိုင်တယ်ဆိုတာလည်း မဖြစ်ရဘူး။ ရိုးသားမှုရှိရမယ်။ ပွင့်လင်းရမယ်။ တစ်ယောက်ရဲ့ အိပ်မက်တွေ၊ ယုံကြည်ချက်ပျောက်ဆုံးမှုတွေ၊ ပြုမိတဲ့ အမှားတွေကို နောက်တစ်ယောက်က ဝေငှ ခံစားနိုင်စွမ်း ရှိရမယ်။

အိမ်ထောင်ပြုဖို့ အဆင်သင့်ဖြစ်ပြီလား၊ အချိန်အတော်ကြာ စောင့်ခဲ့ရပြီးပြီလား။ သင့်ရဲ့ ဘ၀မှာ အလုပ်အကိုင် အတည်တကျနဲ့ အခြေတကျ ဖြစ်နေပြီလား။ ပြင်းပြတဲ့ ရည်မှန်းချက် ပန်းတိုင်တစ်ခုကိုရော သိမြင်နေပြီလား။ မိသားစုဆိုတာဖြစ်လာရင်၊ ကလေးတွေရလာရင် ဘာတွေရှိထား သိထားသင့်တယ်ဆိုတာကို သိရဲ့လား။ ပတ်ဝန်းကျင်လူအသိုင်းအ၀ိုင်းကြောင့်ပဲ ဖြစ်ဖြစ်၊ မိသားစု ဖိအားတွေကြောင့်ပဲဖြစ်ဖြစ်၊ အသက်ကြီးလာပြီလေ ဆိုတဲ့ အသိကြောင့်ပဲ ဖြစ်ဖြစ် အတင်းကြီး လုပ်ယူပြီး အိမ်ထောင်ပြုတာမျိုးလဲ မဖြစ်သင့်ပါဘူး။

အဲ့ဒီ့တော့ အိမ်ထောင်ပြုဖို့ အသင့်တော်ဆုံး အသက်အရွယ်ဆိုတာ မရှိပါဘူး။ သင်တို့ ချစ်သူနှစ်ယောက်သာ ဘယ်အချိန်ဟာ အသင့်တော်ဆုံးဆိုတာ သိကြမှာပါ။ အသေအချာပါပဲ ဆိုတဲ့တစ်နေ့၊ မင်းလောက် ကိုယ့်အပေါ် ဘယ်သူမှ မကောင်းဘူး ဆိုတဲ့ တစ်နေ့မှာ လက်ထပ်လိုက်ပါ။ အဲ့ဒီ့လို ချစ်သူမျိုးဆိုတာ အသက်အရွယ် မရွေးဖြစ်နိုင်ပါတယ်။ ပုံသေသတ်မှတ်ချက် ဘောင်အကန့် ဆိုတာမရှိပါဘူး။ အရေးကြီးတာက သင့်တို့ ချစ်သူနှစ်ယောက် ဟာ တစ်စိတ်တည်းတစ်ဝမ်းတည်း ဖြစ်ဖို့ပါပဲ။ ဒီလိုဖြစ်နေပါပြီ ဆိုရင်တော့ ဒီဆောင်းပါးရဲ့ ခေါင်းစဉ်လေးကို အတူတူဖြေကြည့် လိုက်ကြပါဦးနော်။

Trend Myanmar

No comments:

Post a Comment