နိုင်ငံတော်သမ္မတအရည်အချင်း သတ်မှတ်ချက် ပုဒ်မ ၅၉(စ)ကို ပယ်ဖျက်သင့်ကြောင်း ချင်းတိုင်းရင်းသား လွှတ်တော်ကိုယ်စားလှယ်က ပြည်ထောင်စုလွှတ်တော်မှာ ဒီနေ့ ဆွေးနွေးခဲ့ပါတယ်။
ဖွဲ့စည်းပုံအခြေခံဥပဒေပြင်ဆင်နိုင်ရေး အကောင်အထည်ဖော်မှုကော်မတီရဲ့အစီရင်ခံစာအပေါ် ၄ရက် မြောက်နေ့ အဖြစ် လွှတ်တော်ကိုယ်စားလှယ် ၂၄ဦးက ဆွေးနွေးရာ အမျိုးသားလွှတ်တော် ကိုယ်စားလှယ် ဦးဇုန်လှယ်ထန်းက အခုလိုဆွေးနွေးခဲ့တာဖြစ်ပါတယ်။
"၅၉(စ)လည်းပယ်ဖျက်သင့်ပါတယ်၊ တပ်မတော်သားတွေ ဆွေးနွေးတဲ့ဟာ သမ္မတသည် စံနမူနာဖြစ်သင့် တယ်ဆိုတာတော့ အတိုင်းအတာတစ်ခုအထိ လက်ခံပါတယ်၊ ဒါပေမဲ့ အရွယ်ရောက်ပြီးသား အိမ်ထောင်ကျ ပြီးသား သူတွေအထိ ဘယ်သူ့မှ ကိုယ့်မှာတာဝန်မရှိတော့ပါဘူး"
တပ်မတော်သားလွှတ်တော်ကိုယ်စားလှယ် ၇ဦးအပါအ၀င် အမျိုးသားဒီမိုကရေစီအဖွဲ့ချုပ်၊ ချင်းတိုးတက်ရေး ပါတီ၊ အမျိုးသားဒီမိုကရေစီအင်အားစုနဲ့ ပြည်ခိုင်ဖြိုးပါတီတွေက ကိုယ်စားလှယ် ၂၄ ဦး ဆွေးနွေးခဲ့ကြ တာဖြစ်ပါတယ်။
ဖွဲ့စည်းပုံအခြေခံဥပဒေပြင်ဆင်နိုင်ရေးအကောင်အထည်ဖော်မှုကော်မတီရဲ့အစီရင်ခံစာအပေါ် လွှတ်တော် ကိုယ်စားလှယ် တစ်ရာကျော်က လာမယ့် နိုဝင်ဘာလ ၂၅ရက်နေ့ထိ ဆွေးနွေးကြမှာဖြစ်ပါတယ်။
RFA Burmese
No comments:
Post a Comment