ယနေ့ နိုင်ငံတော်သည် ပါတီစုံ စနစ်ဖြင့် နိုင်ငံရေး၊ အုပ်ချုပ်ရေး၊ စီးပွားရေး ပြုပြင်ပြောင်းလဲမှုများ ဆောင်ရွက် ခဲ့သည်မှာ (၃)နှစ်ကျော်ခဲ့ပြီ ဖြစ်ကြောင်း၊ ဖြတ်သန်း ခဲ့ရသည့် အတွေ့အကြုံများ အရလည်းကောင်း၊ အတိတ် သမိုင်းကြောင်းအရ လည်းကောင်း ရှေ့လျှောက် လှမ်းရမည့် လမ်းကြောင်း ခိုင်မာစေရန် တည်ငြိမ် အေး ချမ်းရေး၊ စည်းလုံး ညီညွတ်ရေးနှင့်ဖွံ့ဖြိုး တိုးတက်ရေး တို့အား တပ်မတော်၏ အမျိုးသားရေးမူ အနေဖြင့် ရပ်တည် ဆောင်ရွက်သွား မည်ဖြစ်ကြောင်းဖြင့် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် သည် ယနေ့နံနက် ၁ဝနာရီတွင် ရန်အောင်မြင်ခန်းမ၌ မန္တလေး တပ်နယ်မှ အရာရှိ၊ စစ်သည်၊ မိသားစုများအား တွေ့ဆုံ အမှာစကား ပြောကြားရာတွင် ထည့်သွင်း ပြောကြားခဲ့သည်။
တွေ့ဆုံပွဲသို့ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ၏ဇနီး ဒေါ်ကြူကြူလှ၊ ကာကွယ်ရေး ဦးစီးချုပ် (လေ) ဗိုလ်ချုပ်ကြီး ခင်အောင်မြင့်၊ ကာကွယ်ရေး ဦးစီးချုပ်ရုံးမှ တပ်မတော် အရာရှိကြီး များ၊ အလယ်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် စိုးထွဋ်နှင့် တပ်နယ်မှ အရာရှိ/ စစ်သည်၊ မိသားစု များ တက်ရောက် ကြသည်။
ထိုသို့တွေ့ဆုံရာတွင် တပ်မတော် ကာကွယ်ရေး ဦးစီးချုပ်က တည်ငြိမ် အေးချမ်းမှုတွင် တရားဥပဒေ စိုးမိုးရေးအတွက် နိုင်ငံသား အားလုံးသည် စည်းမျဉ်း ဥပဒေများ အပေါ် အလေးထား လိုက်နာရန် လိုသကဲ့သို့ လက်နက်ကိုင် ပြဿနာများ သည်လည်း တပ်မတော်၏ ငြိမ်းချမ်းရေးမူ (၆)ချက်နှင့်အညီ အေးချမ်းမှုရရန် လိုကြောင်း၊ တရား ဥပဒေစိုးမိုးမှု၊ တည်ငြိမ် အေးချမ်းမှုမရှိဘဲ တိုင်းပြည်ဖွံ့ဖြိုး တိုးတက်မှု အပြည့်အဝ မရနိုင်ကြောင်း၊ အလားတူ စည်းလုံးညီညွတ်မှု မရှိခဲ့၍ တိုင်းပြည် သူတစ်ပါး လက်အောက် ကျရောက်ခဲ့ရကြောင်း၊
ကိုလိုနီဘဝ နယ်ချဲ့တို့၏ သွေးခွဲ အုပ်ချုပ်မှုကြောင့် တိုင်းရင်းသား စည်းလုံးညီညွတ်မှု ပျက်ပြားခဲ့ရပြီး လွတ်လပ်ပြီး ခေတ်တွင်လည်း နိုင်ငံရေး အယူဝါဒ ကွဲပြားမှု များကြောင့် အချင်းချင်း စည်းလုံးညီညွတ်မှု မရခဲ့ကြောင်း၊ လက်ရှိတွင်လည်း မညီညွတ်မှု များကြောင့် ရှေ့တိုးမည့် ခြေလှမ်းများ တွန့်ဆုတ် နေရကြောင်း၊ ထို့အပြင် တပ်နှင့် ပြည်သူ အကြား သွေးကွဲအောင် လုပ်ဆောင်မှု များလည်း ရှိနေကြောင်း၊
ပြည်သူထဲက ပေါက်ဖွားလာသည့် ပြည်ထောင်စု တပ်မတော် ဖြစ်သည် နှင့်အညီ ပြည်သူနှင့် တညီတညွတ်တည်း ဖြစ်စေရန် အသိတရားဖြင့် ထိန်းသိမ်းဆောင်ရွက်ရန် လိုကြောင်း၊ တစ်ဖက်မှလည်း တိုင်းပြည်ဖွံ့ဖြိုး တိုးတက်ရေးအတွက် အလုပ်လုပ်ကြရန် လိုကြောင်း၊ ဒီမိုကရေစီစနစ် ဖော်ဆောင်နိုင်ရန် တည်ဆောက်ထားသည့် အခြေခံ အဆောက်အအုံများကို တိုင်းပြည်ဖွံ့ဖြိုး တိုးတက်မှုအတွက် အကျိုးရှိအောင် အသုံးချရန် လိုကြောင်း၊ တိုင်းပြည်ဖွံ့ဖြိုး တိုးတက်မှု နှင့်အတူ တပ်မတော် ကိုလည်း တိုင်းပြည်နှင့် ကိုက်ညီသည့် နိုင်ငံတော် ကာကွယ်ရေး အတွက် လုံလောက်သော စွမ်းပကားရှိသည့် ခေတ်မီ တပ်မတော် တစ်ရပ်အဖြစ် တည်ဆောက် ရ မည် ဖြစ်ကြောင်းဖြင့် ပြောကြားသည်။
အမှာစကား ပြောကြားအပြီးတွင် တပ်မတော် ကာကွယ်ရေး ဦးစီးချုပ်က အားကစား ပစ္စည်းများနှင့် စားသောက်ဖွယ်ရာများ ပေးအပ်ရာ တာဝန်ရှိသူ တို့က လည်းကောင်း၊ တပ်မတော် ကာကွယ်ရေး ဦးစီးချုပ်၏ဇနီး ဒေါ်ကြူကြူလှက မိခင်နှင့် ကလေး စောင့်ရှောက်ရေး အသင်း ရန်ပုံငွေ ပေးအပ်ရာ တာဝန်ရှိသူ တစ်ဦးက လည်းကောင်း အသီးသီး လက်ခံ ရယူသည်။
ထို့နောက် တပ်မတော် ကာကွယ်ရေး ဦးစီးချုပ်နှင့် အဖွဲ့ဝင်များသည် တွေ့ဆုံပွဲသို့ တက်ရောက်လာသည့် အရာရှိ/ စစ်သည်၊ မိသားစုများအား ရင်းရင်းနှီးနှီး လိုက်လံ နှုတ်ဆက်သည်။
ဆက်လက်၍ မွန်းလွဲပိုင်းတွင် တပ်မတော် ကာကွယ်ရေး ဦးစီးချုပ် နှင့်ဇနီး ဦးဆောင်သည့် အဖွဲ့သည် မဟာအောင်မြေ မြို့နယ်ရှိ မဟာဝိသုဒ္ဒါရုံ တိုက်သစ်သို့ ရောက်ရှိပြီး နိုင်ငံတော် သြဝါဒါစရိယ စုဒ္ဒသမ ရွှေကျင်သာသနာပိုင် မဟာဝိသုဒ္ဒါရုံ တိုက်သစ် ဇယမေဒနီ ဝါဆိုကျောင်း ဆရာတော်ကြီး အဘိဓဇမဟာ ရဋ္ဌဂုရု အဘိဓဇ အဂ္ဂမဟာ သဒ္ဓမ္မ ဇောတိက ဘဒ္ဒန္တအဂ္ဃိယ အား ဖူးမြော်ကြည်ညိုကာ နဝကမ္မ အလှူငွေနှင့် လှူဖွယ်ပစ္စည်းများ ဆက်ကပ် လှူဒါန်းသည်။
ထို့နောက် ဆရာတော်ကြီး၏ ကျန်းမာရေးနှင့် သာသနာရေး ဆိုင်ရာများ မေးမြန်း လျှောက်ထားကာ လိုအပ်ချက်များအား ညှိနှိုင်း ဆောင်ရွက် ပေးခဲ့ကြောင်း သတင်း ရရှိသည်။
မြ၀တီ
No comments:
Post a Comment