ကိုထင်ကျော်အား အောက်တိုဘာ ၂၀ ရက်က ကျောက်တံတားတရားရုံးရှေ့တွင် တွေ့ရစဉ်(ဓာတ်ပုံ-အောင်ကျော်ထက်)
မြို့နယ် ၁၂ မြို့နယ်မှ စုစုပေါင်းထောင် ဒဏ် ၁၁ နှစ်နှင့် လေးလချမှတ်ခံထား ရသည့် ကိုထင်ကျော်အား ကြားဖြတ်အစိုးရတင်မြှောက်ကြောင်း သဘောထားထုတ်ပြန်မှုဖြင့် ကျောက်တံတားမြို့နယ်တရားရုံးမှ ပုဒ်မ-၅၀၅(ခ) ဖြင့် အောက်တိုဘာ ၃၀ ရက်တွင် အမိန့်ချမှတ်မည်ဖြစ်ကြောင်း အောက်တိုဘာ ၂၀ ရက် တွင် ရုံးထုတ်စစ်ဆေးပြီးနောက် သတင်းရရှိသည်။
ပြီးခဲ့သည့် ဇူလိုင် ၇ ရက် နံနက် ၁၀ နာရီခန့်တွင် ရန်ကုန်မြို့ ဆူးလေဘုရားအနီး မြို့တော်ခန်းမရှေ့တွင် (MDCF) အဖွဲ့ဝင် ၃၀ ကျော်သည် လူထုခေါင်းဆောင် ဒေါ်အောင်ဆန်းစုကြည်နှင့် တိုင်းရင်းသား ဒီမို ကရေစီအင်အားစုများကို ကြားဖြတ်အစိုးရအဖြစ် ပြည်သူများကတင်မြှောက်ကြောင်း သဘောထား ထုတ်ပြန် ခဲ့ကာ ဆန္ဒထုတ်ဖော်ခဲ့ကြပြီး ယင်းကိစ္စနှင့်ပတ်သက်၍ ကိုထင်ကျော်အား ပုဒ်မ-၅၀၅(ခ)/၃၄၊ အဖွဲ့ဝင် ကိုနောင်နောင်ကိုမူ ပုဒ်မ-၅၀၅(ခ) ဖြင့် အမှုဖွင့်ခဲ့ကြောင်း သိရသည်။
ထို့ကြောင့် ကိုထင်ကျော်နှင့်အတူ ကိုနောင်နောင်ကိုပါ အောက်တိုဘာ ၃၀ ရက်တွင်အမိန့်ချမည်ဟု သိရသည်။
ရုံးထုတ်စစ်ဆေးပြီးနောက် တရားရုံးမှပြန်ထွက်လာစဉ် ကိုထင်ကျော်က "ပြည်သူတွေအနေနဲ့ ခုလက် ရှိမှာကြုံတွေ့နေရတဲ့ ဆင်းရဲဒုက္ခတွေမှ အမြန်ဆုံးလွတ်မြောက်ဖို့အတွက် ကျွန်တော်တို့အားလုံး အစိုးရကို ဆက်လက်ရှုတ်ချမှာပါ" ဟုပြောကြားခဲ့ သည်။
Eleven Media Group
No comments:
Post a Comment