Photo - CNBC
ပြင်သစ်ရေနံကုမ္ပဏီကြီး Total ၏ အမှုဆောင် အရာရှိချုပ် ခရစ္စတိုဖာ ဒီမာဂျရီသည် ရုရှားနိုင်ငံတွင် ဖြစ်ပွားသည့် လေယာဉ် မတော်တဆမှု တစ်ခုအတွင်း သေဆုံးသွားကြောင်း သိရသည်။
မော်စကိုရှိ လေဆိပ်တာဝန်ရှိ အမျိုးသမီး အီလီနာ ခရိုင်လိုဗာက “အောက်တိုဘာ (၂၀)ရက် ညပိုင်းက လေယာဉ်တစ်စီးဟာ ဆီးနှင်းရှင်းလင်းတဲ့ ကိရိယာ တစ်ခုကို ဝင်တိုက်ခဲ့ပါတယ်။ လေယာဉ်အမှုထမ်း (၃)ဦးနဲ့ ခရီးသည်(၁)ဦး သေဆုံးပါတယ်။ သေဆုံးတဲ့ ခရီးသည်ဟု Totalရဲ့ အကြီးအကဲ ဒီမာဂျရီဖြစ်ေ ကြာင်း ကျွန်မ အတည်ပြုပါတယ်”ဟု ပြောကြားခဲ့သည်။
ဒီမာဂျရီသည် ဥရောပ၏ တတိယ အကြီးဆုံး ရေနံကုမ္ပဏီကြီး Total ၏ အမှုဆောင်အရာရှိချုပ် တာဝန်ကို (၂၀၀၇)ခုနှစ်တွင် စတင်ထမ်းဆောင်ခဲ့သည်။ ဒီမာဂျရီ သေဆုံးမှု သတင်းကို Total ကလည်း သီးခြား ထုတ်ပြန် ကြေညာခဲ့သည်။
ရုရှား၏ အရေးပေါ် အခြေအနေ ထိန်းသိမ်းစီမံရေး ဝန်ကြီးဌာနက Falcon-50 အမျိုးအစား လေယာဉ် တစ်စီး သည် မော်စကို စံတော်ချိန် ညသန်းခေါင် ဝန်းကျင်တွင် ပျက်ကျခဲ့ကြောင်း သိရသည်။ လေယာဉ် သည် ပြင်သစ်နိုင်ငံ၊ ပဲရစ်မြို့တော်သို့ ဦးတည်ပျံသန်းခဲ့ခြင်း ဖြစ်ပြီး လေယာဉ်အမှုထမ်း (၃)ဦးစလုံးသည် လည်း ပြင်သစ်နိုင်ငံသားများ ဖြစ်ကြသည်။
အသက်(၆၃)နှစ်ရှိ ဒီမာဂျရီသည် ရေနံနှင့် စွမ်းအင်လုပ်ငန်းတွင် ကမ္ဘာသိ ထင်ရှားကျော်ကြားသည့် ပုဂ္ဂိုလ်တစ်ဦး ဖြစ်သည်။ ၎င်းသည် Total ကုမ္ပဏီတွင် ဝန်ထမ်းလုပ်သက် တစ်ဘဝလုံးစာ မြှုပ်နှံခဲ့သူ ဖြစ်ပြီး ၎င်းသေဆုံးခြင်းက Totalအတွက် ကြီးမားသည့် ဆုံးရှုံးမှုတစ်ရပ်လည်း ဖြစ်လာသည်။
Shell ရေနံကုမ္ပဏီ၏ ဥက္ကဋ္ဌဟောင်း ဂျွန်ဟော့ဖ်မိုင်စတာက “ပြောရမယ်ဆိုရင် ဒါဟာ ရေနံလုပ်ငန်း တစ်ခုလုံးနဲ့ ဒီလုပ်ငန်း နယ်ပယ်ရဲ့ အနာဂတ် မျှော်လင့်ချက်တွေအတွက် ထိုးနှက်ချက် တစ်ရပ်ပါ။ Total အတွက် သူလုပ်ဆောင်ခဲ့သမျှဟာ အားလုံး လေးစား အားကျရတဲ့ အခြေအနေမျိုး ရှိခဲ့ပါတယ်”ဟု ပြောကြားခဲ့သည်။
ဒီမာဂျရီသည် ၎င်း၏ အမှုဆောင်ချုပ် တာဝန်ထမ်းဆောင်မှု ကာလအတွင်း Total ကုမ္ပဏီ အနေဖြင့် ကုလ သမဂ္ဂက အီရတ်နိုင်ငံတွင် အကောင်အထည် ဖော်နေသည့် လောင်စာနှင့် စားနပ်ရိက္ခာ အစီအစဉ်တွင် အကျင့်ပျက် ခြစားမှုများ ရှိခဲ့ကြောင်း စွပ်စွဲမှုများကို အောင်အောင်မြင်မြင် တွန်းလှန် ရပ်တည်နိုင်ခဲ့သည်။
Ref: BBC
No comments:
Post a Comment