နာမည်ကျော် လူမှုကွန်ရက်ကြီးဖြစ်သည့် Facebook သည် နာမည်ကျော်ကြားသူများ အတွက် iOS app သစ်တစ်မျိုးကို မိတ်ဆက်ပေးခဲ့သည်။
Facebook Mentions ဟုခေါ်သည့် app သစ် နာမည်ကျော်ကြားသူများ အဖြစ် အတည်ပြုခြင်း ခံထားရသူ များသာ အသုံးပြုခွင့် ရရှိမည် ဖြစ်သည်။ Mentions ကို အသုံးပြုသူများသည် Twitter ပုံစံ post များကို တွေ့မြင်ရမည် ဖြစ်ပြီး လူပြောများသည့် အကြောင်းအရာများကိုလည်း ရှာဖွေနိုင်မည် ဖြစ်သည်။ Feature အများစုသည် Facebook တွင် ပါဝင်သည့် feature များအတိုင်း တူညီသော်လည်း ပရိသတ်များနှင့် တိုက်ရိုက် အမေးအဖြေ ပြုလုပ်နိုင်မည့် option ကို Mentions တွင် ထည့်သွင်းပေးထားသည်။
Mentions ကို iOS အတွက်သာ ဖြန့်ချိထားပြီး Android ဗားရှင်းအတွက် Facebook က တစ်စုံတစ်ရာ ပြောကြား မှု မရှိသေးပေ။ လက်ရှိတွင် အဆိုပါ Mentions app ကို အမေရိကန်ရှိ နာမည်ကျော်ကြားသူ များကို အတည်ပြုထားသည့် account များဖြင့်သာ အသုံးပြုနိုင်သေးသည်။ သို့သော်လည်း အခြားနိုင်ငံရှိ နာမည်ကျော်ကြားသူများ အသုံးပြုနိုင်ရန် Facebook က လာမည့် လအနည်းငယ်အတွင်း ခွင့်ပြုပေးသွား မည် ဟု သိရသည်။
Ref: TheVerge
Internet Journal
No comments:
Post a Comment