အောင်တံခွန် (၃) သင်္ဘော နစ်မြုပ်ရသည့် အ ကြောင်းရင်းမှန်ကို မပြောဘဲ မမှန်မကန်ပြောဆိုမှုများမှာ ပြည်သူ များမကြိုက်သည့်အတွက် အဖြစ် မှန်ဖော်ထုတ်သွားရန် ပြည်သူ့ လွှတ်တော်ဥက္ကဋ္ဌ သူရဦးရွှေမန်း ကပြောကြားလိုက်သည်။
မတ်လ ၁၉ ရက်က ပြုလုပ် သော ပြည်သူ့လွှတ်တော်အစည်း အဝေးတွင် အောင်တံခွန် (၃) သင်္ဘော နစ်မြုပ်မှုနှင့် ပတ်သက်၍ ပို့ဆောင်ရေးဝန်ကြီးဌာန ဒုတိယ ၀န်ကြီး ဦးဟံရှိန်က လာရောက် ရှင်းလင်း တင်ပြရာ၌ ရာသီဥတုအခြေအနေကြောင့် နစ်မြုပ်ခဲ့ရ ကြောင်း ပြောကြားခဲ့ပြီးနောက် ရခိုင်တိုင်းရင်းသား ပြည်သူ့လွှတ် တော်ကိုယ်စားလှယ်များ၏ ဆွေး နွေးမှုများအပြီးတွင် သူရဦးရွှေ မန်းက လွှတ်တော်၌ ယခု ကဲ့သို့ ပြောကြားခဲ့ခြင်းဖြစ်သည်။
အောင်တံခွန်သင်္ဘော နစ် မြုပ်ရသည့် အကြောင်းရင်းကို ရခိုင်ပြည်သူများမကျေနပ်သည်ကို လွှတ်တော် တွင် ဆွေးနွေးလိုက်သည့်အခါမှ သိရှိရကြောင်းနှင့် မမှန်မကန်ပြောဆိုမှုများကို ရခိုင်ပြည်သူများ သာမက အခြားသော တိုင်းရင်းသားများလည်း မကြိုက်နှစ်သက်ကြောင်း သူရ ဦးရွှေမန်း က ပြည်သူ့လွှတ်တော်၌ ပြောကြားခဲ့သည်။
‘‘ပြောမယ်ဆိုရင် ဒီလိမ်ညာ ပြောဆိုမှုတွေ၊ မမှန်မကန်ပြောဆို မှုတွေ ပြည်သူတွေ မကြိုက်ဘူး။ ရခိုင် တိုင်းရင်းသားပဲဖြစ်ဖြစ်၊ ဘယ်လို တိုင်းရင်းသားပဲ ဖြစ်ဖြစ် လိမ်ညာ ပြောဆိုနေတာတွေကို ဘယ်သူမှ မကြိုက်ဘူး။ အဖြစ်မှန် ဖော်ထုတ်တဲ့နေရာမှာ အဖြစ်မှန် ရရှိအောင် ဆောင်ရွက်သွားဖို့ ဆို တဲ့ဟာလည်း ဒီနေ့ဆွေးနွေးတဲ့ အခါမှာရရှိတဲ့ သင်ခန်းစာပဲဖြစ်ပါ တယ်’’ ဟု သူရဦးရွှေမန်းက ပြောသည်။
မတ်လ ၁၃ ရက် ညပိုင်းက ရခိုင်ပြည်နယ်၊ မြေပုံမြို့နယ်မှ အရှေ့တောင် မိုင် ၆၀ ခန့်အကွာ ငပသုန် ကျွန်းနှင့် မြောက်ကြိမ် ကျွန်းကြားတွင် အောင်တံခွန် (၃) သင်္ဘောသည် လှိုင်းဒဏ်ကြောင့် ဦးပိုင်း ရေ၀င် ခဲ့ကြောင်း၊ ရေစုပ် စက်ဖြင့် ရေထုတ်ခဲ့သော်လည်း ရေ၀င်မှုအခြေအနေကို ထိန်းသိမ်း နိုင်ခြင်းမရှိ သောကြောင့် ယင်းည ၇ နာရီခွဲခန့်တွင် နစ်မြုပ်ခဲ့ကြောင်း ပို့ဆောင်ရေးဝန်ကြီး ဌာန ဒုဝန်ကြီးက ပြည်သူ့လွှတ်တော်တွင် ရှင်း လင်းတင်ပြခဲ့သည်။
သို့သော် သင်္ဘောနစ်မြုပ်မှု နှင့် ပတ်သက်၍ ရခိုင်အမျိုးသား ပါတီမှ ပြည်သူ့လွှတ်တော်ကိုယ် စားလှယ် များက ပြန်လည်ဆွေး နွေးရာတွင် အောင်တံခွန်သင်္ဘော သည် နှစ်ပေါင်း (၂၀)ကျော် သက်တမ်းရှိကာ ပင်လယ်ပြင်သို့ ထွက်ရန် ကြံ့ခိုင်မှုမရှိကြောင်း၊ ခရီးသည်နှင့် ကုန်များကို သတ်မှတ်ထားသည်ထက် ပိုမိုတင် ဆောင်ထားပြီး အရေးပေါ် အသက်ကယ်ဆယ်ရေးပစ္စည်း ကိရိယာများလည်း ပြည့်စုံလုံလောက်မှုမရှိကြောင်း ထောက်ပြဆွေးနွေးခဲ့ကြသည်။
‘‘အစိုးရဘက်က အားနည်း ချက်ဖြစ်တယ်။ လူတွေရဲ့ အ သက်အိုးအိမ်စည်းစိမ်ကို လျစ် လျူရှုတာလည်း ဖြစ်တယ်’’ ဟု သင်္ဘောနစ်မြုပ်ရသည့် အကြောင်းရင်းနှင့် ပတ်သက်ပြီး ရခိုင်ပြည်နယ်၊ မြေပုံမြို့နယ် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဖေသန်းက လွှတ်တော်သို့ တင်ပြခဲ့သည်။
ထို့အတူ ရခိုင်အမျိုးသား ပါတီမှ ပြည်သူ့လွှတ်တော်ကိုယ် စားလှယ်များကလည်း ရခိုင်ပြည် နယ်သည် ရေလမ်းခရီးကို အဓိ ကထားအသုံးပြုရသည့် ပြည်နယ် တစ်ခုဖြစ်သည့်အတွက် ခရီးသွား ပြည်သူများ အတွက် လုံခြုံစိတ်ချ ရသည့် ရေယာဉ်များကို စီစဉ်ပေး ရန်နှင့် ရေယာဉ်သစ်များမရရှိ သေးသည့် အချိန်တွင် လက်ရှိရေ ယာဉ်များကို ကြံ့ခိုင်မှုပြည့်ဝ အောင်နှင့် ခရီးသွားပြည်သူများ၏ အသက်ဘေး အန္တရာယ်ဆုံးရှုံးမှု များမဖြစ်ပေါ်စေရန် တိကျသည့်လုပ်ဆောင်မှုများကို သက်ဆိုင်ရာဝန်ကြီးဌာနက လုပ်ဆောင်သွားရန် တင်ပြဆွေးနွေးခဲ့ကြသည်။
အောင်တံခွန်သင်္ဘော နစ် မြုပ်မှုအကြောင်းရင်းကို ဖြစ်စဉ် ဖြစ်ရပ်ပေါ်ပေါက်ရေး စုံစမ်းရေး ကော်မရှင် တစ်ရပ်ဖွဲ့ရန် အရေး ကြီးအဆိုတစ်ရပ်ကို မတ်လ ၁၆ ရက်က လွှတ်တော်သို့ တင်သွင်းခဲ့ရာ လက်မခံ ခဲ့သော်လည်း မတ်လ၁၉ ရက်တွင် ပစ္စည်းဆုံးရှုံးမှုနှင့် လျော်ကြေးပေးရေး စုံစမ်းစစ် ဆေးရေးကော်မရှင် ဖွဲ့စည်းရန် အတည်ပြုလိုက်သည်။
ထို့အပြင် သင်္ဘောနစ်မြုပ် မှုကြောင့် သေဆုံးသူဦးရေ အတိ အကျဖော်ထုတ်နိုင်ရန် ကျောက် ဖြူမြို့ ဒေသခံများစုပေါင်း၍ စုံ စမ်းစစ်ဆေးရေးအဖွဲ့ ဖွဲ့စည်း လိုက်ကြောင်း ကျောက်ဖြူမြို့ နယ်၊ ရခိုင်အမျိုးသား တိုးတက် ရေးပါတီဥက္ကဋ္ဌ ဦးရန်မျိုးအောင် က ပြောသည်။
7Day DAILY
No comments:
Post a Comment