ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) နှင့် ပြည် တွင်း ဒီမိုကရေစီအင်အားစု အဖွဲ့အစည်း ငါးဖွဲ့တို့ ထိုင်းနိုင်ငံ ချင်းမိုင်မြို့တွင် သြဂုတ် ၂၉ ရက်က တွေ့ဆုံဆွေးနွေးစဉ်
ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ(UNFC)နှင့် ပြည်တွင်း ဒီမိုကရေစီအင်အားစု အဖွဲ့အစည်း ပြည်တွင်းငြိမ်းချမ်းရေးအတွက် အပြန်အလှန်ဆက်စပ်မှု ရှိ/မရှိ ပူးပေါင်း ဆောင်ရွက်သွား မည်ဖြစ်ကြောင်း နှစ်ရက်ကြာ တွေ့ဆုံဆွေးနွေးမှုအပြီး သြဂုတ် ၃၀ ရက်တွင် ကြေညာချက် ထုတ် ပြန်လိုက်သည်။
“ဆုံးဖြတ်ချက်အနေနဲ့ လွန်ခဲ့တဲ့ ဇူလိုင် ၃ ရက်မှာ ဒီကိစ္စနဲ့ပတ်သက်ပြီး ဆုံးဖြတ်ထားတယ်။ အဲဒါကို ထပ်မံ အတည်ပြုဆုံးဖြတ်တယ်။ ဒီလုပ်ငန်းစဉ်တွေကို လူထုပိုမိုပါဝင် နားလည်မှုရှိအောင် ထပ်မံပြီး ဒီလိုတွေ့ဆုံ ဆွေးနွေးမှုတွေ လုပ်သွားဖို့ အဆင်ပြေတဲ့နေရာ ဆက်လုပ်သွားဖို့ ချမှတ်ထားတယ်”ဟု UNFC အထွေထွေ အတွင်းရေးမှူး နိုင်ဟံသာက ပြောသည်။
ပြီးခဲ့သည့် ဇူလိုင် ၃ ရက်က ထိုင်း-မြန်မာနယ်စပ် မဲဆောက်မြို့၌ UNFC နှင့် ပြည်တွင်းဒီမိုကရေစီ အင်အားစုများ တွေ့ဆုံဆွေးနွေးပွဲတွင် တစ်နိုင်ငံလုံးအပစ်အခတ်ရပ်စဲရေး လက်မှတ် ထိုးရာ နိုင်ငံရေးဆွေးနွေးမှုအတွက် တိကျသည့် အာမခံချက်ရှိရန်၊ ပင်လုံစိတ်ဓာတ်ကို အခြေ ခံသော ပြည်ထောင်စု ညီလာခံကြီးတစ်ရပ် ကျင်းပရန်၊ ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးနှင့်အတူ ဒီမိုကရက် တစ်ဖက် ဒရယ် ပြည်ထောင်စုဖွဲ့စည်းပုံ အခြေခံဥပဒေ ပေါ်ပေါက်ရေးအတွက် ကြိုးပမ်းဆောင် ရွက် သွားရန်၊ ငြိမ်းချမ်းရေးလုပ်ငန်းစဉ်တွင် ပြည်သူလူထုပါဝင်မှုကို ပိုမိုမြှင့်တင်ဆောင်ရွက်သွားရန်တို့ အပါအ၀င် အချက် ငါးချက် သဘောတူချမှတ်ခဲ့ခြင်းဖြစ်သည်။
“ဆွေးနွေးပွဲက အားရတယ်။ ကနေ့ တစ်ဆို့နေတဲ့ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေး မှာ ပြည် တွင်းမှာ လွှတ်တော်ထဲကနေ ပြင်ဆင်တဲ့နည်းက သိပ်လက်တွေ့မကျဘူး။ အကောင်အထည်ဖော်မှု မလွယ်ဘူး။ အဲဒါကြောင့် အစိုးရနဲ့ တိုင်းရင်းသားတွေ တွေ့ဆုံဆွေးနွေးမှု ကနေ နိုင်ငံရေးအပြောင်းအလဲ ကိုဖြစ် ဖို့ ၂၀၀၈ ဖွဲ့စည်းပုံကို ဆွေးနွေးရင်းနဲ့ပြင်သွားဖို့ တိုင်းရင်းသားအားလုံး လက်ခံနိုင်တဲ့ တိုင်းရင်းသား စည်းလုံး ညီညွတ်ရေးနဲ့ ငြိမ်းချမ်းတိုးတက်တဲ့ နိုင်ငံကို အကောင်အထည်ဖော်နိုင်မယ်ဆိုတာကို အားလုံး ရှုမြင်ကြတယ်”ဟု နိုင်ဟံသာက ပြောသည်။
ထို့ပြင် တစ်နိုင်ငံလုံး အပစ်အခတ်ရပ်စဲရေးပေါ်ပေါက်လာရေး ပူးပေါင်းကြိုးပမ်းသွားရန်၊ သုံးပွင့်ဆိုင် ပါဝင နိုင်ရေး ထိုက်သင့်သည့် ပုဂ်္ဂိုလ်များပါဝင်နိုင်ရန်နှင့် နိုင်ငံရေးဆွေးနွေးပွဲ ပေါ်ပေါက်လာရန်၊ အနာဂတ် တွင် ဒီမိုကရေစီရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့်ရှိရေးတို့အတွက် ဖက်ဒရယ်ပြည်ထောင် စုပေါ်ပေါက်ရေး ကြိုးပမ်းသွားရန် မှတ်တမ်းအဖြစ် သဘောတူချမှတ်ထားသည်ဟု လည်း နိုင်ဟံသာ က ပြောသည်။
ယခုဆွေးနွေးမှုတွင် ပြီးခဲ့သည် ဇူလိုင်လအတွင်း UNFC နှင့် ပြည်တွင်း ဒီမိုကရက်တစ်အင်အားစု များ တွေ့ဆုံဆွေးနွေးမှု ဆုံးဖြတ်ချက်များကို ထပ်မံအတည်ပြုခြင်းဖြစ်ပြီး တစ်နိုင်ငံလုံးအပစ်အခတ်ရပ်စဲရေး လက်မှတ်ရေးထိုးရေးနှင့် ပြည်တွင်း နိုင်ငံရေးအခြေအနေနှင့် လက်တွေ့ဆောင်ရွက်ရမည့် အလား အလာများ ဆွေးနွေးနိုင်ခဲ့သဖြင့် များစွာ အကျိုးရှိသည်ဟု ရှစ်လေးလုံး ငွေရတုဆုံးဖြတ်ချက် များ ဖော်ဆောင်ရေးကော်မတီမှ ဦးကိုကိုကြီးက ပြောသည်။
“ဆုံးဖြတ်ချက်ဆိုတာထက်ကို အမြင်သဘောထားတွေ ဖလှယ်နိုင်ခဲ့တယ်။ ဒီမိုကရက်တစ် ပြည်ထောင်စု တည်ထောင်ရေးဆိုတဲ့ ကိစ္စက ဒါက အရေးပါတဲ့ မဟာဗျူဟာမြောက် ဦးတည်ချက်ပဲ”ဟု ၎င်းက မဇ္ဈိမ ကို ပြောသည်။
ထိုင်းနိုင်ငံ ချင်းမိုင်မြို့တွင် သြဂုတ် ၂၉ရက်နှင့် ၃၀ရက်များတွင် တစ်နိုင်ငံလုံးအပစ်အခတ်ရပ်စဲရေး၊ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးနှင့် အင်အားစုအားလုံး ပါဝင်သော နိုင်ငံရေးတွေ့ဆုံဆွေးနွေး ပွဲကြီး ပေါ်ပေါ က်ရေး အပါအ၀င် လက်ရှိနိုင်ငံရေးအခြေအနေများကို ဆွေးနွေး၍ အမြင်ဖလှယ်ခဲ့ကြခြင်းဖြစ် သည်။
Mizzima - News in Burmese
No comments:
Post a Comment