အင်းလျားကန်ပေါင်တွင် နာရေးကူညီမှုအသင်းနှင့် လူမှုအဖွဲ့အစည်းများက စည်းကမ်းမဲ့စွန့်ပစ်ထားသည့် အမှိုက်များကို ရှင်းလင်းနေစဉ်
နာရေးကူညီမှုအသင်းနှင့် လူမှုအဖွဲ့အစည်းများမှ အင်းလျားကန်ပေါင်တွင် စည်းကမ်းမဲ့စွန့်ပစ်ထားသော အမှိုက် များအား သြဂုတ် ၃၁ ရက် နံနက်ပိုင်းတွင် ကောက်ယူခဲ့ကြောင်း သိရသည်။
“ကျွန်တော်တို့ သင်္ဘောဆိပ်တွေမှာ ပထမဆုံးကောက်ခဲ့တယ်။ နောက်တော့ မဟာဗန္ဓုလလမ်း မှာကောက်နေ တုန်း စည်ပင်ကလာတားတယ်။ အခုနောက်ပိုင်း နာရေးကူညီမှု အသင်းရှိတဲ့ မြောက်ဒဂုံ ၄၂ ရပ်ကွက်မှာ တနင်္ဂနွေနေ့တိုင်း အမှိုက်ကောက်ဖြစ်ပါတယ်။ ဒီကန်ပေါင်မှာ စနေ၊ တနင်္ဂနွေနေ့တွေ မှာဆို လာတဲ့လူတွေ ပိုများတယ်။ အဲဒီလူတွေချခဲ့တဲ့ အမှိုက်တွေကို ကျွန်တော်တို့ လာကောက်တာပါ။ ရန်ကုန်မြို့ကြီး အမှိုက်တွေကင်းသွားအောင် မြို့နယ်တွေ တစ်ခုနဲ့တစ်ခု အပြိုင်အဆိုင် ကောက်သင့် ပါတယ်။ ပြီးတော့ အမှိုက်ကောက်တဲ့သူကကောက်ရင် အခြားလူတွေကလည်း အမှိုက်မချတော့ရင် မကြာခင် အမှိုက်တွေ ကင်းစင်လာမှာပါ” ဟု နာရေးကူညီမှုအသင်းဥက္ကဋ္ဌ ဦးကျော်သူက ပြောကြားသည်။
နာရေးကူညီမှုအသင်းက ဦးဆောင်၍ အပတ်စဉ် တနင်္ဂနွေနေ့တိုင်း မြောက်ဒဂုံ (၄၂) ရပ်ကွက်တွင် အမှိုက် များ ကောက်ယူလျက်ရှိပြီး အခြားလူမှု အဖွဲ့အစည်းများမှလည်း ပူးပေါင်းပါဝင်ကြကြောင်း သိရသည်။
Eleven Media Group
No comments:
Post a Comment