မြန်မာ့ဆက်သွယ်ရေးလုပ်ငန်း (MPT) က မြန်မာတစ်နိုင်ငံလုံးတွင် လွတ်လပ်စွာ စတင်ရောင်းချမည့် ၁၅၀၀ တန် WCDMA 3G ဆင်းမ်ကတ်များကို ပထမအသုတ် အနေနှင့် ဆင်းမ်ကတ်ပေါင်း ခုနစ်သိန်းကျော်ကို ယနေ့ (စက်တင်ဘာလ ၁ ရက်) တွင် စတင်ရောင်းချမည် ဖြစ်ကြောင်း မြန်မာ့ဆက်သွယ်ရေးလုပ်ငန်း (နေပြည်တော်) မှ တာဝန်ရှိသူတစ်ဦးက ပြောကြားသည်။
မြန်မာ့ဆက်သွယ်ရေးလုပ်ငန်းမှ ၁၅၀၀ ကျပ်ဖြင့် ရောင်းချမည့် WCDMA 3G ဆင်းမ်ကတ်များကို အရောင်း ကိုယ်စားလှယ် ယူထားသော Elite မိုဘိုင်းလ် အရောင်းဆိုင်၊ လူကြီးမင်း မိုဘိုင်းလ်၊ Best One၊ Any Call၊ KMD၊ ဆမ်ဆောင်းအရောင်းဆိုင်များ၊ ABC စတိုး အစရှိသော မိုဘိုင်းလ်ဆိုင်များတွင် ဝယ်ယူ ရရှိနိုင်ကြော င်း အဆိုပါ တာဝန်ရှိသူက ရှင်းပြသည်။
အဆိုပါ ဆင်းမ်ကတ်များကို မိမိနေထိုင်ရာ မြို့နယ်အလိုက် အရောင်း ကိုယ်စားလှယ် ဆိုင်များတွင် မှတ်ပုံ တင် မူရင်း ပါရှိမှသာ ဝယ်ယူရရှိနိုင်မည် ဖြစ်ကြောင်း ၎င်းကဆိုသည်။
တန်ဖိုးနည်း ဆင်းမ်ကတ်များကို အကန့်အသတ်မရှိ ရောင်းချနိုင်သော်လည်း ကွန်ရက်များကို တိုးချဲ့ရာတွင် အခက်အခဲများ ရှိခြင်း၊ ဖုန်းလိုင်းများ အကျပ် အတည်းများ ကြုံတွေ့နိုင်ခြင်းကြောင့် ယခုကဲ့သို့ ရောင်း ချရခြင်း ဖြစ်ကြောင်း မြန်မာ့ ဆက်သွယ်ရေးလုပ်ငန်း အကြံပေး ဦးကျော်စိုးဝင်းက ပြောဆိုသည်။
အဆိုပါ ရောင်းချမည့် ဆင်းမ်ကတ် နံပါတ်များမှာ ၄ နှင့်စသော နံပါတ်များနှင့် ၂ နှင့်စသော နံပါတ် များ ဖြစ်ကြောင်း ၎င်းကဆိုသည်။
“ဖုန်းဆိုတဲ့အရာက လူတွေအများကြီး အသုံးပြုနိုင်မှ တန်ဖိုး ပိုရှိတာလေ။ ဒီလိုရောင်းချလာတာ အရမ်းကော င်း ပါတယ်။ ဒါပေမဲ့ ဖုန်းတွေချဲ့ပြီး ရောင်းလာသလို ကွန်ရက်တွေလည်း တိုးဖို့၊ ကောင်းဖို့ လိုတယ်။ ဟိုနေရာမမိ ဒီနေရာမရ ဆိုရင်တော့ အဆင်မပြေနိုင်ဘူး” ဟု မန္တလေး ကွန်ပျူတာ လုပ်ငန်းရှင်များ အသင်း နာယက ဦးရဲမြတ်သူက ဆိုသည်။
နေပြည်တော် အပါအဝင် ပြည်နယ်နှင့်တိုင်း ၁၄ ခု အတွင်းရှိ မြို့များမှ လက်လီအရောင်းဆိုင်များတွင် ဝယ်ယူနိုင် မည် ဖြစ်ကြောင်း ကြေညာထားပြီး တယ်လီဖုန်း ခေါ်ဆိုမှု နှုန်းထားများကို ယခင်အတိုင်း သာ ကောက်ခံ မည် ဖြစ်ကြောင်း မြန်မာ့ဆက်သွယ်ရေးလုပ်ငန်းက ထုန်ပြန်ထားသည်။
The Voice Weekly
No comments:
Post a Comment