မန်ချက်စတာယူနိုက်တက် အသင်းရဲ့ ဂန္တ၀င်နည်းပြကြီး " ဖာဂူဆန် " ဟာ မန်ချက်စတာ ယူနိုက်တက် အသင်းအနေနဲ့ နည်းပြဖြစ်သူ ဒေးဗစ်မိုယက်ကို ထုတ်ပယ်ခဲ့မှုနဲ့ ပတ်သက်ပြီး စိတ်ပျက် မိကြောင်း ပြောကြား ခဲ့တယ်လို့ သိရပါတယ်။ အဆိုပါ ဂန္တ၀င်နည်းပြကြီးဟာ ပရိသတ်(၃၀၀)ခန့် တက်ရောက် တဲ့ ရန်ပုံငွေပွဲတစ်ခုမှာ နည်းပြမိုယက် ထုတ်ပယ်ခံရတာနဲ့ ပတ်သက်ပြီး မန်ချက်စတာ ယူနိုက် တက် အသင်းကို စိတ်ပျက် မိကြောင်း ပြောကြားခဲ့သလို နည်းပြ မိုယက်အတွက်လည်း စိတ် မကောင်း ဖြစ်မိကြောင်း ပြောကြား ခဲ့ပါတယ်။
နည်းပြမိုယက်အနေနဲ့ မန်ချက်စတာယူနိုက်တက် အသင်းနဲ့ (၆)နှစ်သက်တမ်းရှိ စာချုပ် ချုပ်ကာ နည်းပြ အဖြစ် ခန့်အပ်ခံခဲ့ရပေမယ့် အသင်းဟောင်း အဲဗာတန်အသင်းကို (၂)ဂိုး၊ ဂိုးမရှိနဲ့ ရှုံးနိမ့်ခဲ့တဲ့ ပရီးမီးယားလိဂ်ပွဲ အပြီးမှာ ရာထူးမှ ထုတ်ပယ်ခံရဖို့ အထူးရေပန်းစားခဲ့တာ ဖြစ်ပြီး ဧပြီလ(၂၂)ရက်နေ့ မှာတော့ တရားဝင်ထုတ်ပယ် ခံလိုက်ရတာ ဖြစ်ပါတယ်။ မိုယက်ဟာ အသင်းနဲ့ (၆)နှစ်သက်တမ်းရှိ စာချုပ် ချုပ်ထားပေမယ့် ရာထူးမှ ထုတ်ပယ်ခံရချိန်မှာ စာချုပ် ပါ အချက်အလက်တွေအရ တစ်နှစ်လစာငွေပေါင် (၄.၅)သန်းသာ လျော်ကြေးရရှိခဲ့တာ ဖြစ်ပါတယ်။ မန်ချက်စတာ ယူနိုက်တက်အသင်းဟာ နည်းပြမိုယက်နဲ့ စာချုပ်ချုပ်ဆိုစဉ်က ချန်ပီယံလိဂ်ဝင်ခွင့် မရရှိပဲ ရာထူးမှ ထုတ်ပယ်ခံရပါ တစ်နှစ်လစာငွေသာ လျော်ကြေးပေး ရ မှာဖြစ်ကာ ချန်ပီယံလိဂ် ၀င်ခွင့်ရပြီး ရာထူးမှ ထုတ်ပယ်ခံရပါက (၂)နှစ်လစာငွေ လျော်ကြေးပေးရမယ် ဆိုတဲ့ အချက်ကို ထည့်သွင်းချုပ်ဆိုခဲ့ကြောင်း သိပါသည်။
MRTV-4
No comments:
Post a Comment