ကုလအတွင်းရေးမှူးချုပ်နှင့်တွေ့ဆုံနေသော ဗိုလ်ချုပ်မှူးကြီးသန်းရွှေ(ငြိမ်း)ကို ၂၀၀၈ မေ ၂၃ ရက်က တွေ့ရစဉ်(ဓာတ်ပုံ − အီးပီအေ)
မြန်မာနိုင်ငံကို နှစ်ပေါင်း ၂၀ ကျော်ကြာ အုပ်ချုပ်ခဲ့သော တပ်မတော် အစိုးရ အကြီးအကဲ ဗိုလ်ချုပ်မှူးကြီး သန်းရွှေ (ငြိမ်း)မှာကျန်းမာစွာဖြင့် နေပြည်တော် နေအိမ်တွင် နေထိုင်လျက်ရှိကြောင်း မိသားစုဝင်များနှင့် နီးစပ်သူများက ပြောသည်။
လူမှုရေးကွန်ရက်များတွင် ပျံ့နှံ့နေသော ဗိုလ်ချုပ်မှူးကြီး သန်းရွှေကွယ်လွန် သွားသည်ဆိုသော ကောလာ ဟလနှင့် ပတ်သက်၍ ဗိုလ်ချုပ်မှူးကြီးသန်းရွှေ မိသားစုဝင်များနှင့် နီးစပ်သူများသို့ ဆက်သွယ်စုံစမ်း မေးမြန်းခဲ့ရာအားလုံးက ကျန်းမာစွာဖြင့် နေပြည်တော်တွင်ရှိနေကြောင်း ပြောကြသည်။
သို့သော် ဦးသန်းရွှေမှာ ကျန်းမာရေးမကောင်းသည့် ပုံစံမျိုးတွေ့ရပြီး လမ်းလျှောက်ရာတွင် တွဲ၍လျှောက် နေရကြောင်း လွန်ခဲ့သည့် သုံးလခန့်က အခမ်းအနားတစ်ခု၌ ဗိုလ်ချုပ်မှူးကြီး သန်းရွှေကို မြင်တွေ့လိုက် ရသူ တစ်ဦးက ပြောသည်။
အသက် (၈၂) နှစ်အရွယ်ရှိဦးသန်းရွှေသည် နေပြည်တော်ရှိ အိမ်တော်တွင် နေထိုင်လျက်ရှိ ကြောင်း သတင်း ရရှိသည်။
7Day DAILY
No comments:
Post a Comment