ရန်ကုန်မြို့အတွင်းတွင် ပြိုင်ကားများနှင့် ပါဝါအိပ်ဇောတပ်မော်တော်ယာဉ်များ စည်းကမ်းမဲ့စွာ မောင်းနှင် မှုကြောင့် အသံများဆူညံစေပြီး အများပြည်သူ၏ စိတ်နှလုံးကိုထိခိုက်စေသဖြင့် ထိရောက်စွာ အရေးယူ နိုင်ရန် စီမံချက်ချမှတ်၍ ဆောင်ရွက်ခဲ့ရာ ၅.၁၂.၂၀၁၄ ရက်နေ့မှ ၁၃.၁၂.၂၀၁၄ရက်နေ့ထိ စည်းကမ်းမဲ့
ပြိုင်ကားနှင့် ပါဝါအိပ်ဇောတပ် မော်တော်ယာဉ် စုစုပေါင်း(၈၁)စီးအား ဖမ်းဆီးရမိခဲ့ပြီး ဖြစ်ပါသည်။
ရန်ကုန်တိုင်းဒေသကြီးရဲတပ်ဖွဲ့နှင့် ရန်ကုန်တိုင်းဒေသကြီးယာဉ်ထိန်းရဲတပ်ဖွဲ့တို့ ပူးပေါင်း၍ စီမံချက်အား အရှိန်ဟုန်မြှင့်ဖမ်းဆီးလျက်ရှိရာ ၁၄.၁၂.၂၀၁၄ ရက်နေ့ညတွင် ရန်ကုန်မြို့အတွင်း စည်းကမ်းမဲ့စွာ မောင်း နှင် နေသော ပါဝါအိပ်ဇောတပ် မော်တော်ယာဉ် (၃)စီးအား ထပ်မံဖမ်းဆီးရမိခဲ့ပါသည်။
ယခုဖမ်းဆီးရမိသည့် မော်တော်ယာဉ်များအား ယာဉ်စည်းကမ်းလမ်းစည်းကမ်းအရ အရေးယူ ဆောင်ရွက်မည့်အပြင် ယာဉ်မှတ်ပုံတင်လိုင်စင်ရှိ/မရှိစိစစ်ပြီး ယာဉ်မှတ်ပုံတင်မရှိသော မော်တော်ယာဉ် များအား ဥပဒေနှင့်အညီအရေးယူ ဆောင်ရွက်သွားမည်ဖြစ်ပါသည်။
ရန်ကုန်တိုင်းဒေသကြီးရဲတပ်ဖွဲ့မှ စည်းကမ်းမဲ့ယာဉ်များကိုသာ ဖမ်းဆီးအရေးယူ ဆောင်ရွက်ခဲ့ခြင်းဖြစ်ပြီး ယာဉ်မောင်းသူများအနေဖြင့် ယာဉ်စည်းကမ်း လမ်းစည်းကမ်းနှင့်အညီ မောင်းနှင်ကြပါရန် အသိပေး ဖော်ပြအပ် ပါသည်။
Credit : Yangon Police
No comments:
Post a Comment