ထောင်ဒဏ် ၁၃ နှစ် ချမှတ်ခံထားရတဲ့ သာသနာရေး ဝန်ကြီးဟောင်း ဦးဆန်းဆင့်ကို ပြဒ်ဒဏ် လျှော့ပေါ့ တာ မဟုတ်ပဲအပြီးသတ် တရားသေ လွှတ်မြောက်ဖို့ အတွက် ဥပဒေဘောင် အတွင်းကနေ ကြိုးစားသွား မယ်လို့ ဦးဆန်းဆင့်ရဲ့ ရှေ့နေတွေက ပြောပါတယ်။
ဒီနေ့ ရန်ကုန်မြို့မှာ သတင်းမီဒီယာတွေနဲ့ တွေ့ဆုံစဉ်မှာ သာသာနာရေး ဝန်ကြီးဟောင်း ဦးဆန်းဆင့်ရဲ့
ရှေ့နေ ဦးတင်ထွန်းက ဥပဒေကြောင်းအရ ဆက်လက်တင်ပြ သွားမယ်လို့ ပြောခဲ့တာပါ။
"ဝန်ကြီးနဲ့ ကျနော်နဲ့ သဘောတူညီ ထားတဲ့ အချက်တွေ ကျနော်တို့က အယူခံတင်တယ်၊ ပြင်ဆင်မှုတင် တယ်၊ အထူးအယူခံတင်တယ် စသည်အားဖြင့် ဥပဒေက အခွင့်အရေးကို လမ်းဆုံးလျှောက်မယ်၊ လျှောက် တဲ့အတိုင်းအတာမှာ ကျနော်တို့ ဘယ်တော့မှ လျော့ပေးပါမပြောဘူး၊ ဘယ်တော့မှ အသနားမခံဘူး၊ ကျနော်က လွှတ်ကိုလွှတ်ရမယ်၊ ကျနော်ဒီလို သဘောထားတယ်"
ဦးဆန်းဆင့်အမှုကို ပြီးခဲ့တဲ့ ဒီဇင်ဘာလ ၉ ရက်နေ့က မန္တလေးတိုင်းဒေသကြီး တရားလွှတ်တော်မှာ အယူ ခံဝင်ခဲ့ရာ ပယ်ချခံခဲ့ရပါတယ်။
ဦးဆန်းဆင့်ကို ပြီးခဲ့တဲ့ အောက်တိုဘာလ ၁၇ ရက်နေ့က နိုင်ငံတော်အကြည်ညိုပျက်စေမှု ပုဒ်မ ၁၂၄(က)
ပြည်သူပိုင် ပစ္စည်းအလွဲသုံးစားမှု ပုဒ်မ ၄ဝ၉ တို့နဲ့နေပြည်တော် ဒက္ခိဏသီရိ ခရိုင်တရားရုံးကနေ ထောင် ဒဏ် ၁၃ နှစ်နဲ့ ငွေဒဏ်ကျပ် ၁ သိန်းပေးဆောင်ဖို့ အမိန့်ချမှတ်ခဲ့တာဖြစ်ပါတယ်။
ဦးဆန်းဆင့်ဟာ လောလောဆယ်မှာ မန္တလေးတိုင်းဒေသကြီး ရမည်းသင်းအကျဉ်းထောင်မှာ ပြစ်ဒဏ်ကျ ခံနေရတာဖြစ်ပါတယ်။
RFA Burmese
No comments:
Post a Comment