ထိုင်းနိုင်ငံ တောင်ပိုင်း လိပ်ကျွန်း၌ ဗြိတိန်နိုင်ငံသား နှစ်ဦး အသတ်ခံရမှုနှင့်ပတ် သက်၍ ဖမ်းဆီးခံထားရသူ ကိုဝင်းဇော်ထွန်းနှင့် ကိုဇော်လင်းတို့၏ အမှုတွဲကို မနက်ဖြန် ဗုဒ္ဓဟူးနေ့တွင် ရုံးချိန်းထပ်ထုတ်မည်ဟု သိရသည်။
ထိုအမှုအား လိုက်ပါ ဆောင်ရွက် ပေးနေသူ နှင့် မြန်မာသံရုံး အထူး အဖွဲ့မှ ရှေ့နေ ဦးအောင်မျိုးသန့် က “ကျနော်တို့ နောက်ဆုံး သတင်းရတာက လေးကြိမ်မြောက် ရမန် အမှုတွဲကို ဒီလ ၁၉ ရက် သို့မဟုတ် ၂၀ ရက်နေ့မှာ အမှုတင်မယ်လို့ ထိုင်းရဲတပ်ဖွဲ့က အကြောင်းကြားလာပါတယ်၊ ကော့စမွေ တရားရုံးမှာ တင်မှာ ဖြစ်ပါတယ်”ဟု ပြောသည်။
ယခုအကြိမ် တင်မည့် အမှုတွဲသည် လေးကြိမ်မြောက်ဖြစ်ကြောင်း၊ အမှုတွဲတင်ရမည့် နောက်ဆုံးရက်သည် နိုဝင်ဘာလ ၂၀ ရက် ဖြစ်ကြောင်း၊ အကယ်၍ နိုဝင်ဘာ ၂၀ တွင် အမှုတွဲ မတင်နိုင်ပါက ထိုင်းနိုင်ငံ၏ ဥပဒေ အရ တရားခံဟု ဖမ်းဆီးခံထား ရသူများအား တရားရှင် လွှတ်ပေးပိုင်ခွင့် ရှိကြောင်း၊ အသေးစိတ် အချက် အခြေအနေများအား တရားရုံး တင်ပြီးချိန်မှသာ သိရမည် ဖြစ်ကြောင်း ၎င်း က ဆက်လက် ရှင်းပြသည်။
ထိုအမှုသည် သေဒဏ် ကျခံနိုင်သည့်အမှု ဖြစ်ကြောင်း၊ သို့သော် ပြစ်မှု ကျူးလွန် သည်ဟု ခိုင်မာသည့် မျက်မြင် သက်သေ မရှိကြောင်း၊ ထို့ကြောင့် စွပ်စွဲ ဖမ်းဆီး ခံရထားရသူများဘက်မှလည်း ခိုင်မာသည့် သက်သေ ထွက်ဆိုပေးနိုင်မည့် သူများ ရ ရှိရေးကို ကြိုးပမ်းနေ ကြောင်း ရှေ့နေ ဦးအောင်မျိုးသန့် က ပြော သည်။
၎င်းက “ဒီအမှုဟာ သေဒဏ် ကျခံနိုင်တဲ့ အမှုဖြစ်တယ်၊ ဒါပေမယ့် ပြစ်မှုကျူးလွန် တယ်ဆိုတာကို ခိုင်မာတဲ့ အထောက် အ ထား အခုချိန်ထိ မရှိသေးတဲ့ အတွက် ဒီကလေးတွေဟာ ပါဝင် ပတ်သက်ခြင်း မရှိဘူး၊ ဒါကြောင့် သေချာစွာ တင်ပြနိုင် မယ့် သက်သေ၊ အထောက်အထားတွေကို ရှာဖွေနေပါတယ်၊ ပြီးတော့ DNA တူတယ်ဆိုတဲ့ အချက်ဟာလည်းပဲ DNA ရဲ့ လုပ်ထုံး လုပ်နည်းတွေနဲ့ မညီတဲ့ အတွက် ဒါတွေကို တင်ပြနိုင်ဖို့ အထောက်အထားတွေ စုဆောင်းနေပါတယ်”ဟု ဆိုသည်။
လက်ရှိ ရရှိထားသော အထောက်အထား တချို့၌ ကိုဇော်လင်းနှင့် ကိုဝင်းဇော်ထွန်း တို့သည် အခင်းဖြစ်ပွား ခဲ့သည့် စက်တင် ဘာ ၁၅၊ ၁၆ မှ လကုန်သည့်အထိ ၎င်းတို့၏ အလုပ်ကို ပုံမှန်အတိုင်း အေးဆေးစွာ လုပ်ဆောင်နေခဲ့ကြသည် ကိုတွေ့ရှိခဲ့ရသည်ဟု မျက်မြင် သက်သေများက ပြောဆိုထားကြောင်း၊ အကယ်၍ ၎င်းတို့ အနေဖြင့် လူသတ်မှု ကျူးလွန်ခဲ့မည်ဆိုပါက ထိုနေရာ၌ အချိန်ကြာမြင့်စွာ အလုပ်လုပ်ကိုနေရန် မဖြစ်နိုင်ကြောင်း ရှေ့နေ ဦးအောင်မျိုးသန့် က ပြောသည်။
ထိုအမှုနှင့်ပတ်သက်၍ ဖမ်းဆီးခံထားရသူ ကိုဇော်လင်းနှင့်ကိုဝင်းဇော်ထွန်းတို့ ဘက်မှ ခိုင်မာသည့် ထွက်ဆို ချက် ပေးနိုင်ရန် ၎င်းတို့ နေထိုင်လုပ်ကိုင်ခဲ့ကြသည့် လိပ်ကျွန်း၌ အထောက်အထားများ ရှာဖွေ ဆုတောင်း နေကာ၊ ကိုယ်တိုင် သွား ရောက် ၍ အထောက်အထားများ စုဆောင်းမည် ဖြစ်ကြောင်း အမှုအား လိုက်ပါ ကူညီပေးနေသော မြန်မာ သံရုံးအထူးအဖွဲ့ဝင် တဦးဖြစ်သူ ပါဝင်သူ ဦးကျော်သောင်း က လည်း ပြောသည်။
၎င်းက “ကျနော်တို့မှာ အထောက်အထား တော်တော်များများ ရရှိထားပြီးပါပြီ၊ အကောင်းဆုံး ဖြစ်အောင် တော့ ကျနော်တို့ အဖွဲ့က အတတ်နိုင်ဆုံး ဆောင် ရွက်နေကြပါ တယ်”ဟု ဆိုသည်။
လိပ်ကျွန်း လူသတ်မှုသည် အထူးအမှု ဖြစ်နေသည့်အတွက် ၃ လအတွင်း အပြီးသတ် ဆောင်ရွက်သွားမည် ဟုလည်း ထိုင်း တရားရုံး က ပြောဆို ထားကြောင်း သိရသည်။
အမှု၏ အခြေအနေများကို လေ့လာ စစ်ဆေးရန်လည်း နေပြည်တော်မှ အဖွဲ့တခု သည် မကြာမီ လာရောက် မည်ဟု ပြော ဆို ထားကြောင်း၊ အမှုကို လိုက်ပါဆောင် ရွက်နေသူများ က ပြောသည်။
ဧရာဝတီ
No comments:
Post a Comment