အဆိုပါကျောင်းသားမှာ မှော်ဘီနည်းပညာတက္ကသိုလ် လျှပ်စစ်စွမ်းအားအင်ဂျင်နီယာသင်တန်းမှ ဒုတိယနှစ် (2T) ကျောင်းသား မောင်တင့်လွင်ဖြစ်ပြီး နိုဝင်ဘာ ၁၇ ရက် ညနေ ၅ နာရီခန့်က အင်းစိန်မြို့သစ် (က/ခ) ရပ်ကွက်၊ ခ/၅ လမ်းရှိ ၎င်း၏ နေအိမ် အိမ်ရှေ့ ထုပ်တန်းတွင် ဆွဲကြိုးချသေဆုံး သွားခဲ့ခြင်းဖြစ်ကြောင်း ၎င်း၏ မိသားစုဝင်များက ပြောသည်။
‘‘သူ့အမေက ဈေးသွားနေ တဲ့အချိန်မှာ အန်တီနဲ့ သူနဲ့ အိမ်မှာအတူတူရှိတယ်။ ညနေ ၄ နာရီခွဲ လောက်က မီးပြတ်သွားတော့ အန်တီက အိမ်ကို ခဏပြန်သွားတာ။ သူတစ်ယောက်တည်းရှိနေ တဲ့အချိန်မှာ အဲဒီလိုဖြစ်သွားတာ။ ဖြစ်သွားတာက ခဏလေးပဲ။ အန် တီသာ အကြောင်းတစ်ခုခုနဲ့ ပြန် လာဖြစ်ရင်တောင် အဲဒီလိုဖြစ်မှာ မဟုတ်ဘူး’’ဟု အဆိုပါကျောင်း သား သေကြောင်းမကြံစည်မီ ၎င်း နှင့်အတူတူရှိနေခဲ့သည့် အဒေါ် ၀မ်းကွဲဖြစ်သူက ပြောပြသည်။
အသက် (၂၀) အရွယ် အဆို ပါ ကျောင်းသားသည် နေအိမ်တွင်မိခင်နှင့် နှစ်ယောက်တည်းနေထိုင်ကာ ငယ်စဉ်ကတည်းက တစ်နှစ်တစ်တန်း မှန်မှန်အောင်မြင်ခဲ့ပြီး ယခုနှစ်မှ စာမေးပွဲကျရခြင်း ဖြစ်ကြောင်း ၎င်း၏ အဒေါ်ဝမ်းကွဲ ဖြစ်သူက ဆက်လက်ပြောပြသည်။
၎င်းသေဆုံးမှုနှင့် ပတ်သက် ၍ အင်းစိန်မြို့မရဲစခန်းက သေမှု သေခင်း အမှတ်စဉ် ၈၃/၂၀၁၄ ဖြင့် အမှုဖွင့် စစ်ဆေးဆောင်ရွက် လျက်ရှိကြောင်း ယင်းရဲစခန်းမှ ရဲအုပ်သိန်းနိုင်က ပြောသည်။
‘‘သေဆုံးသူကို တွေ့တွေ့ ချင်း ပြင်ပဒဏ်ရာစစ်တယ်။ နောက် အင်းစိန်ဆေးရုံပို့ပြီးတော့ မှုခင်း ဆရာ ၀န်ကြီးက ဓမ္မတာအတိုင်း ဟုတ်၊ မဟုတ်ရင်ခွဲစစ်ဆေးတယ်။ မှုခင်းဆရာဝန်ကြီးရဲ့ ဆေးစာနဲ့ အစီရင်ခံစာ ပေးပြီးရင် သင်္ဂြိုဟ်လို့ ရပါပြီ။ ကြားတာကတော့ စာမေး ပွဲကျလို့ သေကြောင်းကြံတယ် ကြားတယ်’’ဟု ရဲအုပ်သိန်းနိုင်က ပြောသည်။
အဆိုပါ ကျောင်းသား၏ ဈာ ပနအခမ်းအနားကို လှိုင်သာယာ မြို့နယ် ထိန်ပင်သုသာန်တွင် နိုဝင်ဘာ ၁၉ ရက် မွန်းလွဲ ၃ နာရီ၌ ပြုလုပ်မည်ဖြစ်ပြီး ၎င်း၏ နေအိမ်မှ ကားများ မွန်းလွဲ ၂ နာရီတွင် ထွက်ခွာမည်ဖြစ်ကြောင်း ၎င်း၏ မိသားစုဝင်များက ပြောသည်။
သိပ္ပံနှင့် နည်းပညာဝန်ကြီး ဌာန လက်အောက်ရှိ နည်းပညာတက္ကသိုလ်၊ ကောလိပ်များ၏ ၂၀၁၃-၁၄ ပညာ သင်နှစ် မေးခွန်းများကို အရည်အသွေးမြှင့်၍ မေးထားသောကြောင့် နိုဝင်ဘာ ၁၆ ရက်က ထွက်ရှိခဲ့သည့် အောင်စာ ရင်းတွင် အောင်ချက်များနည်းပါးခဲ့ပြီး ကျောင်းသားများ မနစ်နာစေရန် B.E ၀င်ခွင့်စာမေးပွဲများ နှစ်စဉ်ပြုလုပ်ပေးသွား မည်ဖြစ်ကြောင်း စက်မှုနှင့် သက်မွေးပညာဦးစီးဌာနမှ သိရသည်။
7Day DAILY
No comments:
Post a Comment