Friday, 28 March 2014

သူရဦးရွှေမန်းနှင့် ဒေါ်အောင်ဆန်းစုကြည် မီဒီယာများနှင့်တွေ့ဆုံ


ပြည်ထောင်စုလွှတ်တော်နာယက ပြည်သူ့လွှတ်တော်ဥက္ကဋ္ဌသူရဦးရွှေမန်း နှင့်ပြည်သူ့လွှတ်တော်တရားဥပဒေစိုးမိုး ရေးနှင့်တည်ငြိမ်အေးချမ်းရေးကော်မတီ ဥက္ကဋ္ဌ ဒေါ်အောင်ဆန်းစုကြည်တို့ ယမန် နေ့ညနေက သတင်းမီဒီယာများနှင့် တွေ့ဆုံ စဉ် မေးမြ န်းဖြေကြားခဲ့သည်များ ကို ဆက်လက်ဖော်ပြလိုက်ပါသည်။


မေး။ နိုင်ငံရေးသမားတွေကဒေါ်အောင် ဆန်းစုကြည်နဲ့ ဦးရွှေမန်းကတစ်ဖက်၊ သမ္မတနဲ့ကာကွယ်ရေး ဦးစီးချုပ်ကတစ်ဖက် လို့ပြောနေကြတာရှိသလို တချို့ကျတော့လဲ အဖွဲ့ဝင်၁၁ ဦးပါတဲ့ ကာလုံအစည်းအဝေး ရဲ့ ဆုံးဖြတ်ချက်အတိုင်းလုပ်နေကြတာ၊ ရန်ဖြစ်ချင်ဟန်ဆောင်နေကြတာလို့သုံးသပ် နေကြတာရှိပါတယ်။ ဒီတော့လက်တွေ့ အခြေအနေမှာ ဘယ်လိုသွားနေကြသလဲ သိချင်ပါတယ်။

သူရဦးရွှေမန်း။ နိုင်ငံနဲ့ နိုင်ငံသားအကျိုး စီးပွားအတွက်ဆိုရင် ပါတီစွဲ၊ဝါဒစွဲ၊ဒေသစွဲ၊ လူမျိုးစွဲ၊ ကိုးကွယ်တဲ့ အယူဘာသာစွဲ မထားဘဲ ပါဝင်ပူးပေါင်းကြမယ်။ မိမိတို့ လွှတ်တော်ကိုယ်စားလှယ်တွေ၊ ပါတီတွေ ဒီလိုပဲကျင့်သုံးနေကြပါတယ်။ နိုင်ငံနဲ့နိုင်ငံ သားအကျိုးအတွက်ဆိုရင် ပါဝင်ရုံတင်မက ဘူး။ ဆွေးနွေးညှိနှိုင်းဖို့ အမြဲအသင့်ရှိနေပါ တယ်။ လွှတ်တော်ကိုရောက်နေတဲ့ ပါတီ ခေါင်းဆောင်နှစ်ဦးအနေနဲ့ ဒီလိုပဲ ညှိနှိုင်း ဆောင် ရွက်နေပါတယ်။ ပွတ်တိုက်တယ် ဆိုတာကတော့ ဘေးအမြင်ဖြစ်ပါတယ်။ ဒီကနေ့ လွှတ်တော် ဆိုတာက လွှတ်တော်လို့ မည်ကာမတ္တ လက်ညှိုးထောင်ခေါင်းညိတ် လုပ်နေမယ်ဆိုရင်၊ လွှတ်တော်ကလွှတ် တော်ရဲ့အလုပ်ကိုမလုပ်ဘူး၊ အမိန့်တစ်ခု ညွှန်ကြားမှုတစ်ခုအောက်မှာ လက်ညှိုး ထောင် ဆိုထောင်၊ခေါင်းညိတ်ဆိုညိတ် လုပ်နေရင် ဒီမိုကရေစီလွှတ်တော်မဟုတ်ဘူး။ အစိုးရ အဖွဲ့ ရဲ့ သဘောထားတွေနဲ့ လွှတ် တော်ရဲ့သဘောထားတွေဟာ တိုက်ဆိုင် ချင်မှတိုက်ဆိုင်မယ်။ ဒီလိုသဘောထား မတိုက်ဆိုင်တိုင်းဆန့်ကျင်နေတယ်၊ ပွတ် တိုက်နေတယ်လို့ယူဆလို့မရပါဘူး။ လွှတ် တော် ထဲမှာလဲ လွှတ်တော်နှစ်ရပ်သဘော ထားကွဲလွဲတဲ့အချက်ကို ပြည်ထောင်စု လွှတ်တော် မှာ ဆွေးနွေးရတယ်။ သဘောထား ကွဲလွဲရမှာပဲ။ သဘောထားတစ်ထပ် တည်းကျနေမယ်ဆိုရင် ဒီမိုကရေစီ မဟုတ် ဘူး။ ဒီမိုကရေစီရဲ့သဏ္ဌာန်သရုပ်ကို လွှတ် တော်က ပြန်လည်ဖော်ဆောင်နေတာဖြစ် တယ်။ ပွတ်တိုက်အောင်လုပ်နေတာမဟုတ်ဘဲ လုပ်သင့်တာကိုလုပ်နေတာလို့ပဲပြော ချင်ပါတယ်။ ကာလုံမှာ ဟန်ဆောင်နေ တာ လားဆိုတော့ မိမိဟန်မဆောင်တတ်ပါဘူး။

ဒေါ်အောင်ဆန်းစုကြည်။ အုပ်ချုပ်ရေး မဏ္ဍိုင်တို့၊တပ်မတော်တို့ဆိုတာ ကျွန်မတို့ နိုင်ငံမှာ ပြီးခဲ့တဲ့နှစ် ၅ဝ ကတည်းကရှိခဲ့ တာဖြစ်ပါတယ်။ လွှတ်တော်ဆိုတာသုံးနှစ် လောက်ပဲရှိပါသေးတယ်။ဒါကြောင့် လွှတ် တော် ရဲ့ အလုပ်ကို ကျွန်မတို့အများကြီးပံ့ပိုး ဖို့လိုတယ်။ ကျွန်မကိုယ်တိုင်လဲ လွှတ်တော် ထဲရောက်နေတော့ ပံ့ပိုးလိုစိတ်ရှိတယ်။ ဥပဒေပြုရေးမဏ္ဍိုင်ဖြစ်တဲ့ လွှတ်တော်နဲ့ အုပ်ချုပ်ရေးမဏ္ဍိုင်လွန်ဆွဲတယ် ဆိုတာက ဒီမိုကရေစီနိုင်ငံတိုင်းမှာရှိတယ်။ တစ်ဖက် နဲ့တစ်ဖက် သဘောထား မတူညီတာဟာ ကြောက်စရာ မဟုတ်ဘူး။ ဒီလိုမတူညီတာ တွေ ဘယ်လိုဖြေရှင်းမလဲဆိုတာက အရေး ကြီးပါတယ်။

ဒါကြောင့် ကျွန်မနဲ့နာယကကြီးနဲ့ သဘောထားအမြဲတူညီနေတယ် လို့ ပြောလို့မရပါဘူး။ ဒါပေမယ့် မညှိနှိုင်းနိုင်တာ၊ မပြေလည်ခဲ့တာ မရှိခဲ့ဘူးလို့ထင်ပါတယ်။တစ်ဖက်နဲ့ တစ်ဖက်ဖြစ်တဲ့ အုပ်ချုပ်ရေးမဏ္ဍိုင် ရယ်၊ ကျွန်မတို့ဥပဒေပြုရေးမဏ္ဍိုင် ဖြစ်တဲ့လွှတ်တော်ရယ် မတိုက်ဆိုင် တာရှိမှာပဲ။ ဖြေရှင်းပုံဖြေရှင်းနည်း ကသာ အရေးကြီးပါတယ်။ကျွန်မ အနေနဲ့ကတော့ လွှတ်တော်ဘက် ကနေပြီး ပြတ်ပြတ်သားသားပဲ ရပ် တည်မှာပါ။ ကျွန်မကလွှတ်တော် ကိုယ်စားလှယ်ဖြစ်နေလို့ပါ။ကာလုံ ထဲမှာမပါလို့ ကာလုံမှာ ဟန်ဆောင် နေတာရှိမရှိမသိပါဘူး။ ဒါပေမယ့် ကျွန်မအမြင်ကတော့ နာယကကြီး က ဖြောင့်မတ်ပါတယ်။

မေး။ ဒီမိုကရေစီဖော်ဆောင်ရေးမှာ တပ်မတော်ဆက်လက်ရှိရမယ်လို့ သမ္မတကြီးကပြောသွား ပါ တယ်။ နောက်တစ်ခုကတပ်မတော်ရဲ့အခန်း ကဏ္ဍကို လျှော့ချဖို့ဆိုရင် ငြိမ်းချမ်း ရေးရမှဆိုတဲ့ သဘောမျိုး လဲပြော သွားပါတယ်။ ငြိမ်းချမ်းရေးဆိုတာ က ရေရှည်တည်ဆောက်ရတာဆို တော့ အခုသွားနေတဲ့ ဒီမိုကရေစီ လမ်းကြောင်းနှောင့်နှေးသွားနိုင်တာ မျိုးမဖြစ်နိုင်ဘူးလား။

ဒေါ်အောင်ဆန်းစုကြည်။ ဖွဲ့စည်းပုံ အခြေခံဥပဒေကို ရေးဆွဲခဲ့တဲ့ ညီလာခံဥက္ကဋ္ဌက သမ္မတကြီးပဲဖြစ် ပါတယ်။ ဒီဖွဲ့စည်းပုံအခြေခံဥပဒေ ပါအချက်အလက်တွေကို သမ္မတ ကြီးကလဲထောက်ခံတယ်။ သင့် တော် မှန်ကန်တယ် လို့ ထင်တာလဲ သဘာဝကျပါတယ်။ ကျွန်မတို့ အမျိုးသားဒီမိုကရေစီအဖွဲ့ချုပ်က တော့ ၂ဝဝ၈ခုနှစ် ဒီဖွဲ့စည်းပုံ အခြေခံဥပဒေကို အတည်ပြုဖို့လုပ် ကတည်းက ဒါကိုတစိုက်မတ်မတ် ကန့်ကွက်ခဲ့တာဖြစ်ပါတယ်။ဒါဟာ ကျွန်မတို့ရဲယုံကြည်ချက်အရရော၊ မူအရပါ သဘောမတူဘူးလို့ ပြော ရမှာဖြစ်ပါတယ်။ ဖွဲ့စည်းပုံအခြေခံ ဥပဒေတစ်ခုလုံး ဒီပုံစံအတိုင်းဆို ရင်မဖြစ်ဘူး။ အားလုံကို ခြုံငုံပြီး လက်ခံနိုင်တဲ့ သဘောမရှိခဲ့ဘူး။ တပ်မတော်နဲ့ပတ်သက်ပြီး အမျိုး သားဒီမိုကရေစီအဖွဲ့ချုပ်ရဲ့မူဝါဒက အင်မတန်မှ ရှင်းပါတယ်။ ကျွန်မတို့ တပ်မတော်ကို ပြည်သူကလေးစား၊ အားကိုး၊ ချစ်ခင်တဲ့ တပ် မတော် ဖြစ်စေချင်ပါတယ်။ အဆင့်မြင့် တပ်မတော် ဖြစ်စေချင်ပါတယ်။ ငြိမ်းချမ်းရေးရဖို့ ကိစ္စ ဟာ ရေရှည် မှာတော့နိုင်ငံရေးကိစ္စဖြစ်ပါတယ်။ ဒီမိုကရေစီကို တကယ်ယုံကြည် တယ်ဆို ရင် နိုင်ငံရေးနည်းနဲ့ ငြိမ်း ချမ်းရေးကိုတည်ဆောက်သွားမယ်။ တပ်မတော်ဆိုတာဟာ ပြည်သူ လူထုလိုလားတဲ့ နိုင်ငံရေး စနစ် ရဲ့ နောက် က မားမားမတ်မတ်ရပ်တည် ပေးရမှာဖြစ်ပါတယ်။

မေး။ နံနက်က သမ္မတကြီးပြော သွားတဲ့အထဲမှာ ပါပါတယ်။ ဖွဲ့ စည်းပုံအခြေခံဥပဒေ ကိစ္စ၊ ပြင် ဆင် ရေးကိစ္စ၊ ပြင်ဆင်ရေးကိစ္စမှာ နိုင်ငံရေးအကျပ်အတည်းကို ရှောင် လွှဲပြီးတော့ သိမ်မွေ့စွာနဲ့ကိုင်တွယ် သွားကြ ဖို့၊ နိုင်ငံရေးအင်အားစုတွေ ကို တိုက်တွန်းသွားတာတွေ့ရပါ တယ်။ အခုလတ်တလောဖွဲ့ စည်းပုံ ပြင်ဆင်ရေးက တကယ်တမ်းပြော ရင်တော့ လက်တွေ့ကျကျ ဘာမှ ထွက်မလာသေးဘူး။ ကျွန်တော် သတိထားမိသလောက်ပေါ့။ တစ် ဖက်မှာလဲ ဒီဖွဲ့စည်းပုံနဲ့ပတ်သက် ပြီးဆန္ဒပြနေတယ်။ ဒီအခြေအနေ က နိုင်ငံရေးအကျပ်အတည်းဘက် ကို ဦးတည်သွားနိုင်သလား။

ဒေါ်အောင်ဆန်းစုကြည်။ နိုင်ငံရေး အကျပ်အတည်းတစ်ခုကို ဦးတည် စရာအကြောင်းမရှိ ပါဘူး။ စော စောတုန်းက အန်တီပြောသလို ပြဿနာကအကြောင်းမဟုတ်ဘူး။ ပြဿနာကိုဖြေရှင်းပုံဖြေရှင်းနည်း၊ ဒါကြောင့်မို့ လဲတွေ့ဆုံဆွေးနွေးရေး ဆိုတာအခုမှမဟုတ်ပါဘူး။ မြန်မာ့ နိုင်ငံရေးဖြစ်စဉ်ကိုနှစ်၂ဝ လောက် တစိုက်မတ်မတ်လေ့လာခဲ့တဲ့ပုဂ္ဂိုလ် တွေလဲသိပါတယ်။ဘယ်လိုပြဿနာ ပဲဖြစ်ဖြစ် တွေ့ဆုံညှိနှိုင်းရေးမူကိုပဲ ကိုင်စွဲထားပါတယ်။ အမျိုးသားပြန် လည်ရင်ကြားစေ့ရေးဆိုတာတွေ့ဆုံ ဆွေးနွေးရေးပေါ်မှာအခြေခံရမှာပါ။ မတွေဆုံ၊မဆွေးနွေးဘဲနဲ့ ရင်ကြား စေ့ရေးလုပ်လို့မရသလို မတူညီတဲ့ သဘောထားတွေကိုလဲ ညှိနှိုင်းလို့ မရပါဘူး။ ဒါကြောင့်လေးပွင့်ဆိုင် တွေ့ဆုံမှုကိုတောင်းတာပါ။ဒါကြောင့် မို့ပေါ်လာတဲ့ အခက်အခဲမှန်သမျှကို ညှိနှိုင်းဆွေးနွေးပြီးတော့ ဖြေရှင်း ချင်တယ်။နိုင်ငံကို အကြမ်းဖက်တဲ့ လမ်းပေါ်လုံးဝမရောက်စေချင်ပါ ဘူး။ မလိုအပ်တဲ့ပဋိပက္ခတွေ လုံးဝ မဖြစ်စေချင်ပါဘူး။ လွှတ်တော်ထဲ မှာလဲကျွန်မတို့ပါတီက ပြည်ခိုင်ဖြိုး ပါတီနဲ့စာရင်ဆယ်ပုံတစ်ပုံလောက် ပဲရှိပေမယ့် တစ်ဖက်နဲ့တစ်ဖက် အဆင်ပြေချောမွေအောင်လို့ ညှိနှိုင်း ဆွေးနွေး ပြေလည်အောင်လုပ်နိုင် ပါတယ်။ ဆန္ဒရှိရင်ဆက်ပြီးလုပ် သွားလို့ရပါတယ်။

မေး။ နိုင်ငံတော်တရားဥပဒေစိုးမိုး မှုနဲ့ပတ်သက်ပြီးတော့ လွှတ်တော် အနေနဲ့ရော၊ လွှတ်တော်ကိုယ်စား လှယ်တွေအနေနဲ့ရော ချိတ်ဆက်ပြီး ဘယ်လိုလုပ်ဆောင်ချက်တွေနဲ့လုပ် ဆောင်နေသလဲဆိုတာ သိချင်ပါ တယ်။

ဒီမေးခွန်းနဲ့ပတ်သက်ပြီး တော့ နာယကကြီးရော၊ အန်တီ ဒေါ်အောင်ဆန်းစုကြည်ရော ဖြေ ကြားစေလို ပါတယ်။

သူရဦးရွှေမန်း။ တရားဥပဒေ စိုးမိုးမှုအတွက် အဓိကအခြေခံ အကျဆုံးက ထုတ်ပြန်ထားတဲ့ ဥပဒေတွေပဲ။ ဥပဒေတွေဟာ တရားမျှတမှုရှိတဲ့ ဥပဒေဖြစ်ဖို့လို တယ်။ ပြီးတဲ့အခါမှာ နိုင်ငံသား အားလုံးလိုက်နာနိုင်မယ့် ဥပဒေဖြစ် ရမယ်။ထို့အပြင် တရားမျှတမှုရှိဖို့၊ နိုင်ငံသားတွေလက်တွေ့မလိုက်နာ နိုင်ဘူးဆိုတဲ့ ဥပဒေဖြစ်လို့ ရှိရင် အဲဒီကစပြီးတော့ တရားဥပဒေ စိုးမိုးမှုပျက်ပြားနိုင်တယ်။ ထုတ် ပြန်လိုက်တဲ့ဥပဒေဟာ တရားမျှတ တဲ့ဥပဒေဖြစ်ပြီးတော့ ဒီတရားမျှတ တဲ့ဥပဒေတွေကိုကိုင်တွယ်ကျင့်သုံး မရသေးတဲ့ဌာနတွေကလဲ တကယ် လက်တွေ့မှာကိုင်တွယ်ကျင့်သုံးရ မယ်။ ဒီဥပဒေတွေကို တကယ်လဲ လိုက်နာရမယ်။ လိုက်နာမှုမရှိတာ ကိုသိလျက်နဲ့ လျစ်လျူရှုထားမယ် ဆိုလို့ရှိရင် အဲဒီဌာနတွေသည် ဥပဒေကိုချိုးဖောက်တာပဲဖြစ်ပါ တယ်။ ဒီကိစ္စနဲ့ပတ်သက်ပြီးတော့ ဆက်ပြီးပြောရမယ်ဆိုရင် ဥပဒေ လို့ပြောတဲ့နေရာမှာ မူလဥပဒေ တစ်ခုထဲ မဟုတ်ဘူး။ ဥပဒေက ထပ်ဆင့်ဖြစ်ပေါ်လာမယ့် နည်း ဥပဒေ၊ လုပ်ထုံးလုပ်နည်း၊ ညွှန် ကြားချက်တွေဟာ မူလဥပဒေရဲ့ အဓိပ္ပာယ်ဆင်လဲဆင်တယ်။ ဒီနေ့ အတိအကျမပြောနိုင်သော်လဲ မူလ ဥပဒေနဲ့ ညီသော ဆောင်ရွက်ချက် အောက်မှာရှိနေတယ်။အဲဒါကြောင့် မို့လို့ ဥပဒေစိုးမိုးရေးအတွက် အနှောင့် အယှက်ဖြစ်နေ တယ်လို့လဲ ကြားမိပါတယ်။ ဒါကြောင့်မို့လို့ တရားဥပဒေစိုးမိုးမှုဆိုတဲ့နေရာမှာ စပြီးတော့ ထုတ်လိုက်တဲ့လွှတ်တော် က ထုတ်ပြန်လိုက်တဲ့ဥပဒေတွေနဲ့ လဲသက်ဆိုင်နေတယ်။ဒီဥပဒေတွေ ကို ကိုင်တွယ်ကျင့်သုံးတဲ့လူတွေ၊ လိုက်နာတဲ့လူတွေအားလုံး ပါဝင် ပတ်သက်တဲ့အတွက် ဒီတရား ဥပဒေ စိုးမိုးရေး ဆောင်ရွက်မယ် ဆိုရင် လူတိုင်းလူတိုင်း လိုက်နာ ဆောင်ရွက်မှ တရားဥပဒေ စိုးမိုး နိုင်မယ့် သဘောရှိပါတယ်။

ဒေါ်အောင်ဆန်းစုကြည်။ တရား ဥပဒေစိုးမိုးမှုနဲ့ပတ်သက်ပြီး သိပ် အရေးကြီးတဲ့ ကိစ္စတစ်ခု ကတော့ ပြည် သူ လူထုရဲ့ ဥပဒေအပေါ်မှာ အမြင်ပါပဲ။ဘာလို့လဲဆိုရင်မကြာမီ တုန်းက ဥပဒေကျောင်းသားများနဲ့ လွှတ်တော်မှာတွေ့တဲ့အခါကျတော့ ကျွန်မမေးကြည့်ပါတယ်။ ဥပဒေ ဆိုတာ ဘာအတွက်လဲဆိုပြီး၊ ပြစ် ဒဏ်ခတ်ဖို့ဆိုတဲ့အဓိပ္ပာယ်ပေါ်လွင် တာ သတိပြုမိတယ်။ ပြီးတော့ ဥပဒေပညာသင်နေ တဲ့ကျောင်း သား တွေကကို ဥပဒေဆိုတာ ပြစ်ဒဏ် ခတ်ဖို့ပဲမြင်နေရင် သာမန်ပြည်သူ တွေက ဘယ်လိုမြင်သလဲဆိုတာ စဉ်းစားစရာမလိုတော့ဘူး ဖြစ်ပါ တယ်။သာမန်ပြည်သူတွေအတွက် ဥပဒေဆိုတာ ချုပ်ဖို့ကိုင်ဖို့၊ လူ တွေကိုဒ ဏ်ပေးဖို့ ဒီလိုအမြင်က အင်မတန်မှကျယ်ပြန့်ပါတယ်။ ဒီ ဟာတွေကျွန်မတို့ပြောင်းယူရ မယ်။ ပြောင်းယူ တာကိုမှ နည်းအမျိုးမျိုး ပြောင်းယူရပါ့မယ်။ တစ်နည်း ကတော့ ပြည်သူတွေကိုဖေးမတဲ့ ဥပဒေ များပြ ဋ္ဌာန်းခြင်းဖြင့် ဒီဥပဒေ တွေဟာ ပြည်သူအတွက်ဖြစ်တယ် ဆိုတာ ပြည်သူတွေသိအောင်လို့ ကျယ် ကျယ်ပြန့်ပြန့် သိအောင်လုပ် ပေးရမယ်။ နောက်ပြီးတော့လဲ ဒီ တရားဥပဒေစိုးမိုးမှုနဲ့ပတ်သက်လို့ တာဝန်ယူ ရတဲ့ဌာန အသီးသီးကလဲ မိမိတို့တာဝန်ကိုထမ်းဆောင်တဲ့ အခါမှာပြည်သူတွေရဲ့ အကျိုး စီးပွား၊ ပြည် သူတွေရဲ့လုံခြုံမှုကို အဓိက ထားလုပ်ဆောင်မယ် စသည်ဖြင့် ပေါ့နော်။ အများကြီးလုပ်စရာရှိ ပါတယ်။

The Union Daily

No comments:

Post a comment