အာနာရူးကြီးမှူးကြီးသန်းရွှေဆိုတဲ့ ထိပ်ဆုံးစကားလုံးတွေပါတဲ့ ဖေဖော်ဝါရီ ဆယ့်လေးကဗျာ ရေးသားခဲ့တဲ့ ကဗျာဆရာစောဝေကတော့ လာမယ့် Valentine Day မှာတော့ ဒီလိုကဗျာမျိုး မရေးချင်တော့ဘူးလို့ ပြောပါ တယ်။ စောဝေက ဘယ်အကြောင်းအရာကိုပဲ ရေးချင်နေတာလဲ။
အချစ်ဂျာနယ်မှာ ဖော်ပြခဲ့တဲ့ စောဝေရဲ့ ဖေဖော်ဝါရီဆယ့်လေး ကဗျာကြောင့် စစ်အာဏာရှင်တွေရဲ့ ဖမ်းဆီးထောင်ချတာ ခံခဲ့ရပြီး လူသိများခဲ့ပါတယ်။ ဒီရက်ပိုင်းအတွင်း စောဝေတစ်ယောက် ဘာတွေရေးနေ လဲ။
“ကျနော့်သမီးတွေလည်း အရွယ်ရောက်လာပြီဆိုတော့ ဒီခေတ်အမျိုးသမီးတွေဘက်ကနေ ခံစားရေးဖွဲ့တဲ့ ကဗျာတစ်ပုဒ်ကို ဒီရက်ပိုင်းအတွင်းမှာ ရေးဖြစ်ပါတယ်။ ဒီကဗျာကို တိတ်တခိုးလို့ နာမည်ပေးထားပါတယ်။
ဆရာ မောင်စိန်ဝင်း(ပုတီးကုန်း)ကဗျာနဲ့ ခေါင်းစဉ်တူတာတော့ ဖြစ်နိုင်ပါတယ်။ ဒါပေမယ့် ကဗျာရဲ့ အကြောင်း အရာကတော့ ကွဲပြားခြားနားမှာပါ”လို့ ဆိုပါတယ်။ ကဗျာဆရာ စောဝေဟာ လူချစ်လူခင်ပေါများ သူဖြစ်ပေ မယ့် နာမည်ကြီးသူတွေကို သူငယ်ချင်းတော်ရကောင်းလားဆိုပြီး မောင်သာချိုက မြားနတ်မောင် မဂ္ဂဇင်းကနေ ထိုးနှက်ရေးသားဖူးပါတယ်။
ဒါပေမယ့် သူရဲ့ဖေဖော်ဝါရီဆယ့်လေးကဗျာနဲ့ သူ့သမိုင်းကိုသူ လှအောင်ရေးပြီး သူ့ရဲ့ပင်ကျရည် ကဗျာတွေ ဟာ လူထုကြားမှာ ပျံ့နှံ့ခဲ့ပါတယ်။
(ရွှေညာခိုင်စိုး)
Kamayut Media
No comments:
Post a Comment