ကင်ညာသမ္မတနဲ့ ဒုသမ္မတ (ဝဲမှယာ)
ICC ခေါ်တဲ့ နိုင်ငံတကာပြစ်မှုဆိုင်ရာတရားရုံးက လူသားထု လူ့အဖွဲ့အစည်းအပေါ် ရာဇ၀တ်မှုကျူးလွန် ကြောင်း ကင်ညာသမ္မတ Uhuru Kenyatta ကို စွဲဆိုထားတဲ့အမှုကို ပလပ်လိုက်ပါတယ်။ သမ္မတ Kenyatta အပေါ် စွဲချက်ကို ပြန်ပြီးရုပ်သိမ်းမလာါ် အမှုပိုခိုင်မာအောင် ဆောင်ရွက်မလားဆိုပြီး တရားရုံးကနေ တရားရုံးရှေ့နေတွေကို အချိန်ပေးပြီး နှစ်ရက်အကြာ အခုသောကြာနေ့မှာ တရားရုံးက ဒီဆုံးဖြတ်ချက် ချမှတ်တာဖြစ်ပါတယ်။
ဒီလို ဆုံးဖြတ်ချက်ကြောင့်မို့လို့ ကင်ညာနိုင်ငံတွင်း Impunity ခေါ်တဲ့ အာဏာရှိသူတွေက အပြစ် ကင်းလွတ်ခွင့်ရနေတဲ့ အစဉ်အလာကို အဆုံးသတ်ဖို့ ဆောင်ရွက်ချက်တွေ နောက်ပြန်လှည့်စေတယ်လို့ အမေရိကန်အခြေစိုက် HRW လူ့အခွင့်အရေးစောင့်ကြည့်မှုအဖွဲ့က ဝေဖန်ပါတယ်။ ကင်ညာကိစ္စ တရား စီရင်မှုမှာ အခုလိုအတားအဆီးဖြစ်မှုဟာ သြဇာအာဏာကြီးတဲ့ ပုဂ္ဂိုလ်တွေကို ICC က ဘယ်လို အရေးယူ နိုင်မလဲဆိုတာ ပြန်တွက်ဆဖို့ အရေးကြီးလာတယ်လို့လည်း ဖော်ပြပါတယ်။
Mr.Kenyatta အမှုဟာ အချိန်မကြာခဏ ရွေ့ဆိုင်းခဲ့ရတာပါ။ သူဟာ ၂၀၀၇ ခုနှစ်နှောင်းပိုင်းနဲ့ ၂၀၀၈ ခုနှစ် အစောပိုင်းက ရွေးကောက်ပွဲဆိုင်ရာ အကြမ်းဖက်မှုတွေမှာ ပတ်သက်တယ်ဆိုပြီး စွတ်စွဲခံရတာပါ။ အဲဒီ မငြိမ်မသက်မှုကြောင့် ကင်ညာမှာ လူပေါင်း ၁၁၀၀ လောက် သေဆုံးခဲ့ပြီး၊ ၆သိန်းကျော် အိုးမဲ့အိမ်မဲ့ ဖြစ်ခဲ့ရပါတယ်။
ဗွီအိုအေ (မြန်မာပိုင်း)
No comments:
Post a Comment