အစ္စရေးလ် ပါလက်စတိုင်း ၇၂ နာရီအပစ်ရပ်မှု အသက်ဝင်နေဆဲ

အစ္စရေးလ်နဲ့ ပါလက်စတိုင်း Hamas အဖွဲ့ကြား ၇၂ နာရီ အပစ်အခတ်ရပ်စဲထားတဲ့ ပထမနေ့ကုန်ခါနီး အင်္ဂါနေ့ညရောက်တဲ့အထိ ဂါဇာဒေသမှာ ပစ်ခတ်မှုတွေမရှိဘဲ တည်ငြိမ်နေပါတယ်။ ၁ လနီးပါးအတွင်း အပြန်အလှန် ပစ်ခတ်မှုတွေ အကြာရှည်ဆုံး ရပ်နေတာဖြစ်ပါတယ်။ ကမ်းရိုးတန်းဒေသဘက်ကနေ အစ္စရေးလ်တပ်တွေကို ရုပ်သိမ်းခဲ့ပြီး  ဒေသစံတော်ချိန် အင်္ဂါနေ့ မနက် ၈ နာရီကစလို့ ၂ ဘက် အပစ် အခတ် ရပ်စဲမှု စတင်ခဲ့ကြပါတယ်။

ဂါဇာဒေသကနေ အစ္စရေးလ်တပ်တွေကို ရုပ်ခဲ့ပေမဲ့ သိပ်အဝေးကြီးကို ဆုတ်ခဲ့တာ မဟုတ်ပါဘူး။ Hamas အဖွဲ့က နယ်စပ်ဖြတ်ကျော် တိုက်ခိုက်မှုအတွက် အသုံးပြုနေတယ်လို့ သိထားတဲ့ထဲက နောက်ဆုံး ၃၂ ခုမြောက် မြေအောက်လှိုဏ်ဂူကို ဖျက်ဆီးခဲ့ပြီးနောက် အစ္စရေးလ်စစ်သားတွေဟာ ဂါဇာဒေသအပြင်မှာ ကာကွယ်ဖို့ အသင့်အနေအထားနဲ့ ရှိနေတယ်လို့ အစ္စရေးလ်စစ်တပ်ပြောခွင့်ရ ဒုတိယဗိုလ်မှူးကြီး PETER Lerner က သတင်းထောက်တွေကို ပြောကြားခဲ့ပါတယ်။

The Hague မှာရောက်နေတဲ့ ပါလက်စတိုင်း နိုင်ငံခြားရေးဝန်ကြီး Riad al-Malki ကတော့ သူ့အဆို ဂါဇာဒေသအပေါ် အစ္စရေးလ်တို့ရဲ့ ရက်စက်တဲ့ လုပ်ရပ်တွေကို နိုင်ငံတကာ ရာဇဝတ်တရားရုံး ICC က တရားလိုရှေ့နေတွေကို အင်္ဂါနေ့ ထပ်ပြီး ပြောကြားခဲ့ပါတယ်။ ပဋိပက္ခဖြစ်နေတဲ့ ၂ ဘက်လုံးအပေါ် အသေအချာ စုံစမ်းစစ်ဆေးမှုလုပ်ဖို့အတွက်လည်း PA ပါလက်စတိုင်း အာဏာပိုင်အဖွဲ့ ကိုယ်စားလှယ် Al-Malki က တောင်းဆိုခဲ့ပါတယ်။

စွပ်စွဲချက်တွေကို နိုင်ငံတကာတရားရုံးက စစ်ဆေးသုံးသပ်နိုင်ဖို့အတွက် ပါလက်စတိုင်းအစိုးရအနေနဲ့ ICC အဖွဲ့ဝင်ဖို့ လိုပါတယ်။ အဖွဲ့ဝင်လျှောက်ထားဖို့ အချိန်ဘယ်လောက်ကြာမယ်ဆိုတဲ့ ကိစ္စတွေကို ICC ရှေ့နေတွေနဲ့ ဆွေးနွေးခဲ့တယ်လို့ Mr. Al-Malki က ဆိုပါတယ်။ ဒါပေမဲ့ ဂျော်ဒန်မြစ်အနောက် ဘက် ကမ်းမှာ အုပ်ချုပ်နေတဲ့ PA ပါလက်စတိုင်း အာဏာပိုင်အဖွဲ့နဲ့ ဂါဇာဒေသကို အုပ်ချုပ်နေတဲ့ နိုင်ငံရေးပြိုင် ဘက် Hamas အဖွဲ့ ၂ ခု ဖြစ်နေတဲ့အတွက် လျှောက်ထားမှု ကြန့်ကြာနိုင်ပါတယ်။

ဗွီအိုအေ (မြန်မာပိုင်း)