အမေရိကန်ပြည်ထောင်စုအနေနဲ့ အာဖရိကတိုက်တွင်း ဒေါ်လာ ၃၃ ဘီလီယံတန်ဖိုး ရင်းနှီးမြှုပ်နှံမှုသစ်နဲ့ အတူ အာဖရိကနိုင်ငံတွေနဲ့ ရေရှည် ပူးပေါင်းလုပ်ဆောင်ဖို့ ပိုင်းဖြတ်ထားတယ်လို့ သမ္မတအိုဘားမား က ပြော လိုက် ပါတယ်။ အခုလို ရင်းနှီးမြှုပ်နှံမှုသစ်တွေနဲ့ ငွေကြေးဆိုင်ရာ အကူအညီတွေဟာ အာဖရိ ကန်တွေရော အမေရိကန်တွေအတွက်ပါ အလုပ်အကိုင်သစ်တွေ ဖြစ်လာစေလိမ့်မယ်လို့ သမ္မတ အိုဘားမား က အင်္ဂါနေ့ ၀ါရှင်တန်ဒီစီမှာလုပ်တဲ့ အမေရိကန်-အာဖရိက စီးပွားရေးဖော်ရမ် မှာ ပြောဆို သွားတာပါ။
GE ကလည်း အာဖရိကတိုက်ရဲ့ လမ်းပန်းဆက်သွယ် တည်ဆောက်ရေးလုပ်ငန်းတွေမှာ ကူညီဖို့ရှိသလို၊ MARRIOTT ဆိုရင်လည်း ဟိုတယ်သစ်တွေ တည်ဆောက်သွားဖို့ ရှိပါတယ် ဆိုပြီး သမ္မတ အိုဘားမား က ပြောသွားတာပါ။ အမေရိကန်ပြည်ထောင်စုဟာ အာဖရိကတိုက်မှာရှိတဲ့ ပေါကြွယ်လှတဲ့ သဘာဝ အရင်းအမြစ်တွေ ကိုပဲ စိတ်ဝင်စားတာ မဟုတ်ဘူးလို့လည်း သမ္မတ အိုဘားမားက အလေးပေး ပြောခဲ့ ပါတယ်။
လက်ရှိအားဖြင့် အာဖရိကတိုက်ဟာ အမေရိကန် ကုန်သွယ်ရေးတစုံလုံးရဲ့ အစိတ်အပိုင်းငယ်ပဲ ရှိသေး တယ်လို့ သမ္မတ အိုဘားမားက ပြောခဲ့ပါတယ်။ ဒါကြောင့် ကုန်သွယ်ရေးလုပ်ငန်းတွေ ပိုပြီး လုပ်ဆောင် သွားရမယ်လို့ ပြောပါတယ်။ ၀ါရှင်တန်ဒီစီမှာ သုံးရက်ကြာပြုလုပ်နေတဲ့ အမေရိကန်-အာဖရိက ထိပ်သီး အစည်းအဝေးတွေကို အခု ဗုဒ္ဓဟူးနေ့မှာ အဆုံးသတ်မှာဖြစ်ပါတယ်။
ဗွီအိုအေ (မြန်မာပိုင်း)
No comments:
Post a Comment