မြန်မာ-အိန္ဒိယနယ်စပ်၌ စတုတ္ထမြောက် နယ်စပ် ကုန်သွယ်ရေးစခန်း ဖွင့်လှစ်နိုင်ရန် နှစ်နိုင်ငံ ညှိနှိုင်းမှုများ စတင်ပြုလုပ်နေပြီ ဖြစ် ကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ သိရသည်။
ချင်းပြည်နယ်နှင့် မီဇိုရမ်ပြည်နယ် နယ်စပ်၌ နယ်စပ်ကုန်သွယ်ရေးစခန်း နှစ်ခု ဖွင့်လှစ်ထားရှိရာ အမှတ် (၂) အိန္ဒိယ-မြန်မာ နယ်စပ် ကုန်သွယ်ရေး ရိဒ်စခန်းကို ၂ဝဝ၃ ခုနှစ် ဒီဇင်ဘာလက ဖွင့်လှစ်ခဲ့ပြီး ထန်တလန်မြို့ (ယာယီ) နယ်စပ် ကုန်သွယ်ရေးစခန်းကို ဧပြီလက ဖွင့်လှစ်ခဲ့ခြင်း ဖြစ်ကြောင်း သိရသည်။ နယ်စပ် ကုန်သွယ်ရေး စခန်း၏ ဆက်စပ် လုပ်ငန်းတစ်ခုဖြစ်သည့် ပလက်ဝမြို့နှင့် မြိတ်ဝ ကားလမ်း တည်ဆောက်ရေး လုပ်ငန်းကို မက်စ်မြန်မာ ကုမ္ပဏီလီမိတက်နှင့် အိန္ဒိယနိုင်ငံမှ IRCON ကုမ္ပဏီ ( Indian Railway Construction Company Limited ) တို့ ပူးပေါင်းကာ အကြိုအင်ဂျင်နီယာ လုပ်ငန်းများ အကောင်အထည် ဖော်နေပြီဖြစ်ကြောင်း သိရသည်။
ကျော်ဇေယျ
မြ၀တီ
No comments:
Post a Comment