Wednesday 30 July 2014

e Government စီမံကိန်း၌ ပါဝင်နိုင်ရန် လုပ်ငန်းငယ်များ ကြိုတင်ပြင်ဆင်ထားသင့်

အစိုးရ၏ e Government စီမံကိန်းသည် မကြာခင်ကာလတွင် စတင်အကောင်အထည်ဖော် ဆောင် ရွက်တော့မည်ဖြစ်ပြီး အဆိုပါ e Government စီမံကိန်း၌ အိုင်စီတီ စီးပွားရေးလုပ်ငန်းငယ်များ ပါဝင် လုပ်ကိုင်နိုင်ရန် ယခုအချိန်မှစတင်၍ ကြိုတင်ပြင်ဆင်မှုများ ပြုလုပ်ထား သင့်ကြောင်း မြန်မာနိုင်ငံ ကွန်ပျူတာအသင်းအချုပ် အထွေထွေအတွင်းရေးမှူး ဦးဇော်မင်းဦးက ပြောသည်။ 

နိုင်ငံတော်သမ္မတဦးသိန်းစိန်က အစိုးရဌာနများကို လပေါင်း ၂၀ စီမံကိန်းရေးဆွဲ၍ e Government လုပ်ငန်းစဉ်များ လုပ်ကိုင်ကြရန် မကြာသေးခင်က တိုက်တွန်း ပြောဆိုခဲ့သည်။ အဆိုပါ e Government စီမံကိန်းအတွက် ဘတ်ဂျက်ရေးဆွဲနေပြီး သြဂုတ်လအတွင်း ဌာနဆိုင်ရာများ အလိုက် စီမံကိန်းအတွက် အသုံးပြုမည့် ဘတ်ဂျက် ထွက်ရှိလာနိုင်ကြောင်း သိရသည်။ ဌာနဆိုင်ရာများအတွက် e Government သတ်မှတ်အသုံးစရိတ် ထွက်ရှိလာသည့်နောက်ပိုင်း လုပ်ငန်းစတင်ရန်အတွက် သတင်းစာများမှ တစ်ဆင့် တင်ဒါခေါ်ယူမှုများ ပြုလုပ်မည်ဟုသိရသည်။ 

“အခုချိန်ကတည်းက ပြင်ဆင်ထားဖို့ လိုပါတယ်။ ကိုယ်က တစ်ဦးတစ်ယောက် တည်းနဲ့ လုပ်နိုင်သလား။ မလုပ်နိုင်ခဲ့ရင် ဘယ်သူနဲ့ပေါင်းမယ် ဆိုတာမျိုး။ ကိုယ်ကဘာလုပ်မယ်ဆိုတာမျိုး၊ လုပ်ငန်းငယ်တွေက ကြို တင်ပြီး စဉ်းစားထား သင့်ပါတယ်” ဟု ဦးဇော်မင်းဦးကပြောသည်။

အဆိုပါ e Government စီမံကိန်းကို အကောင်အထည်ဖော် ဆောင်ရွက် ရန်အတွက် မြန်မာနိုင်ငံ ကွန်ပျူတာအသင်းချုပ်ကို နိုင်ငံတော်သမ္မတက တာဝန်ပေးအပ်ခဲ့ပြီးဖြစ်သည်။ မြန်မာနိုင်ငံကွန်ပျူတာ အသင်းချုပ်သည် e Government စီမံကိန်းအတွက် လိုအပ်သော အခြေခံမူများကို ရေးဆွဲပေးရ မည်ဖြစ်ပြီး အဆိုပါမူများအတိုင်း ဌာနဆိုင်ရာများက လိုက်နာဆောင် ရွက်ရမည်ဖြစ်သည်။ ၁၀ စုနှစ် တစ်ခုကျော်ကာလ အထိ လုပ်ကိုင်ဆောင် ရွက်လာခဲ့သော်လည်း ယနေ့အချိန်အထိ အောင်မြင်ခဲ့ခြင်း မရှိသေးသည့် e Government စီမံကိန်းအတွက် ယခုအကြိမ်၌ အကောင်းဆုံးဖြစ်အောင် လုပ်ဆောင်သွားမည်ဟု သိရပြီး အဆိုပါစီမံကိန်းအတွက် ငွေကြေးသုံးစွဲမှု အခန်းကဏ္ဍကိုလည်း သီခြားသတ်မှတ်ပေးသွားမည်ဟု သိရသည်။

Internet Journal 

No comments:

Post a Comment