ကုန်လမ်းပို့ဆောင်ရေး ညွှန်ကြားမှုဦးစီးဌာန၏ မော်တော်ယာဉ်ဟောင်း အပ်နှံခွင့်နှင့် ပတ်သက်၍ အက္ခရာ နံပါတ်သစ်များ လက်ခံမည်ဟု ကြေညာခဲ့ခြင်းကြောင့် မော်တော်ယာဉ် စလစ်ဈေး ကျဆင်းသွားခဲ့ရာမှ ဧပြီလ ဒုတိယပတ်အတွင်းမှ စတင်၍ မော်တော်ယာဉ် တင်သွင်းခွင့် စလစ်တစ်စောင်လျှင် ကျပ်ဆယ်သိန်း နီးပါးခန့် ပြန်လည် မြင့်တက်လာကြောင်း ရန်ကုန် ကားဈေးကွက်အတွင်းမှ သိရသည်။
“စလစ်ဈေးက ထပ်တက်ဖို့ ရှိပါတယ်။ ဘာကြောင့်လဲ ဆိုတော့ စလစ် အရောင်းအဝယ်က အရမ်းကော င်းနေပြီးတော့ ရောင်းမယ့်လူ မရှိဘူး။ အပ်ကားကလည်း နည်းနေတယ်။ တချို့ကလည်း ကညနရဲ့ ပိတ်ရက်တွေကြောင့် မအပ်ကျတာ” ဟု ရန်ကုန်မြို့တော် အခြေစိုက် စလစ်ဝယ်ရောင်း ဦးမောင်မောင်ဇော် က ဆိုသည်။
မော်တော်ယာဉ် ဈေးကွက်အတွင်း စလစ်မော်တော်ယာဉ်များမှာ အရောင်းအဝယ် ကောင်းမွန်လျက် ရှိပြီး စလစ်မော်တော်ယာဉ် အပ်နှံမှုမှာမူ လျော့ကျလျက် ရှိကြောင်း မော်တော်ယာဉ် ဈေးကွက်အတွင်းမှ သိရ သည်။
အဆိုပါ မော်တော်ယာဉ် စလစ် ဈေးနှုန်းများသည် မြန်မာနှစ်သစ်ကူး သင်္ကြန်မတိုင်မီ (ဧပြီ ပထမအပတ် အတွင်း) က ကျပ် သိန်း ၉၀ ကျော်ခန့်သာ ဈေးရှိခဲ့ရာမှ ဧပြီလ တတိယအပတ် အရောက်တွင် စလစ် တစ်စောင် ပေါက်ဈေးသည် ကျပ် ၁၀၂ သိန်းခန့် ဈေးနှုန်းသို့ မြင့်တက်လာခဲ့ကြောင်း ရန်ကုန်မြို့တော် အခြေ စိုက် မော်တော်ယာဉ် ဝယ်ရောင်းများထံမှ သိရသည်။
လတ်တလောတွင် ရန်ကုန်မြို့တော် မော်တော်ယာဉ် ဈေးကွက်အတွင်း၌ စလစ်ဈေးနှုန်းများ မြင့်တက်လျက် ရှိပြီး မော်တော်ယာဉ် အရောင်းအဝယ် များပါ ကောင်းမွန်လျက် ရှိကြောင်း မင်းရဲကျော်စွာ ယာဉ်ရောင်း ဝယ်ရေးစခန်း အခြေစိုက် မော်တော်ယာဉ် ဝယ်ရောင်း ဦးအေးကျော်က ပြောကြားသည်။
ပြီးခဲ့သည့် ၂၀၁၂ ခုနှစ်အတွင်းက စလစ်ကပ်၍ မော်တော်ယာဉ် တင်သွင်းခွင့် စတင် ခွင့်ပြုခဲ့စဉ်က ကျပ် သိန်း ၁၈၀ ဝန်းကျင်ခန့်အထိ စံချိန်တင် မြင့်တက်ခဲ့ပြီး ၂၀၁၄ ခုနှစ် မတ်လတွင် စလစ်တစ်စောင်လျှင် ကျပ်သိန်း ၁၃၀ ဝန်းကျင် ပေါက်ဈေးဖြင့် ဒုတိယမြောက် စံချိန်တင် ဈေးမြင့်တက်ခဲ့သည်။
မြန်မာနိုင်ငံ မော်တော်ယာဉ် လုပ်ငန်းရှင်များအသင်းသည် ယင်းသို့ မော်တော်ယာဉ် တင်သွင်းခွင့် စလစ်ဈေးနှုန်းများ မြင့်တက်နေခြင်းနှင့် ပတ်သက်၍ ညှိနှိုင်း ဆောင်ရွက်ပေးရန်အတွက် မော်တော်ယာဉ် တင်သွင်းမှုဆိုင်ရာ ကြီးကြပ်ရေးကော်မတီထံသို့ ပြီးခဲ့သည့် မတ်လ နောက်ဆုံးပတ် အတွင်းက တင်ပြ ခဲ့သော်လည်း ဧပြီလ တတိယပတ် ရောက်သည်အထိ ပြန်လည် အကြောင်းကြားခြင်း မရှိသေးကြော င်း အဆိုပါအသင်းထံမှ သိရသည်။
The Voice Weekly
No comments:
Post a Comment