အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ၈၈ မျိုးဆက် ငြိမ်းချမ်းရေးနဲ့ ပွင့်လင်း လူ့ အဖွဲ့အစည်း ခေါင်းဆောင်တွေနဲ့ ဒီကနေတွေ့ဆုံပြီး ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး ပုဒ်မ ၄၃၆ ကို ဘယ်လိုပြင်ဆင် နိုင်မလဲဆိုတဲ့ နည်းလမ်းတွေကို ဆွေးနွေးခဲ့ ကြတယ်လို့ သိရပါတယ်။
" အဓိကကတော့ ဖွဲ့စည်းပုံ အခြေခံ ဥပဒေပြင်ဆင်တဲ့နေရာမှာ ရှေ့ဆက် သွားရမယ့် လုပ်ငန်းစဉ်တွေကို အဓိကထားပြီး ဆွေးနွေးကြ ပါတယ်၊ ဒီအစည်းအဝေးရဲ့ ဆွေးနွေးချက်တွေနဲ့ ပတ်သက်ပြီးတော့ ရရှိလာတဲ့ အချက်အလက်တွေကို အန်တီဘက်ကလည်း သူက လာမယ့် CEC အစည်းအဝေးမှာ တင်ပြပါလိမ့်မယ်၊ အဲ့ဒီ CEC မှာ တင်ပြပြီးတဲ့အခါမှာ အဲ့ကအတည်ပြုချက်ယူပြီးတဲ့အခါမှာ ကျွန်တော်တို့ နောက်တစ်ကြိမ် ထပ်မံတွေ့ဆုံပါမယ်၊ အဲ့လို တွေ့ဆုံပြီးတဲ့အခါမှာပဲ ကျွန်တော်တို့ ရှေ့ဆက်သွားရမယ့် လုပ်ငန်းစဉ် အသေးစိတ်ကို အတည်ပြုနိုင်မှာဖြစ်ပါတယ်"
၂၀၀၈ ဖွဲ့စည်းပုံ ပြဌာန်းချက်အရ ဖွဲ့စည်းပုံ အခြေခံဥပဒေ ပြင်ဆင်ရေးပုဒ်မ ၄၃၆ ကို ပြင်မယ်ဆို ရင် ပြည်ထောင်စု လွှတ်တော် ကိုယ်စားလှယ် ၇၅% ရဲ့ ထောက်ခံမှုရှိရမှာဖြစ်ပြီး မဲဆန္ဒရှင်ပြည်သူတွေရဲ့ ၅၀% ကျော် ထောက်ခံမှ ဖွဲ့စည်းပုံကို ပြင်ဆင်နိုင်မှာ ဖြစ်ပါတယ်။
ဒီနေ့ ဒေါ်အောင်ဆန်းစုကြည်နဲ့ ၈၈ မျိုးဆက်ခေါင်းဆောင်တွေ ဆွေးနွေးပွဲမှာ ဖွဲ့စည်းပုံ ပြင်ဆင်ဖို့ ဆန္ဒပြကြ တဲ့ နည်းလမ်းနဲ့ မဟုတ်ဘဲ တခြားငြိမ်းချမ်းတဲ့နည်းလမ်းနဲ့ ပြင်ဆင်နိုင်ဖို့အတွက် နည်းလမ်း ရှာကြတာလို့ သိရပါတယ်။
အသေးစိတ်ကိုတော့ ထုတ်ပြန်ပြောဆိုခြင်း မရှိသေးပါဘူး။ ဖွဲ့စည်းပုံ အခြေခံဥပဒေပြင်ဆင်ဖို့အတွက် အမျိုးသားဒီမိုကရေစီအဖွဲ့ချုပ်နဲ့ ၈၈ မျိုးဆက် ကျောင်းသားတွေ ပူးတွဲကြေညာချက် ၂ စောင် ထုတ်ပြန်ထား ပြီးဖြစ်ပါတယ်။
RFA Burmese
No comments:
Post a Comment