ပန်းပန်တဲ့သူ

ဒေါ်အောင်ဆန်းစုကြည်နှင့် မိခင်ဖြစ်သူ ဒေါ်ခင်ကြည်တို့ကိုအတူတွေ့ရစဉ်

ဗိုလ်ချုပ်အောင်ဆန်းကွယ် လွန်ပြီးသည့်နောက်မှာ ဒေါ်ခင်ကြည်က သားသမီးတွေအတွက် အခြေအနေ တွေ ပုံမှန်ပြန်ဖြစ်လာရန် ကြိုးစားအားထုတ်ခဲ့သည်။

သူတို့အနေဖြင့် ဖခင်ဗိုလ်ချုပ်အောင်ဆန်း အကြောင်းကို ဂုဏ်ယူတတ်စေရန်နှင့် သူ၏ သားသမီးများအဖြစ် သူတို့မှာလည်း ဖခင်၏အစဉ်အလာကို ထိန်းသိမ်းရန် တာဝန်ရှိကြောင်း သူကသွန်သင်ဆုံးမခဲ့၏။ လတိုင်းမှာ သူတို့အိမ်အနီး တာဝါလိန်းလမ်း (ယခုနတ်မောက်လမ်း) အနီးတစ်ဝိုက်မှ သံဃာတော်များကို ဖိတ်ကာဗိုလ်ချုပ်အောင်ဆန်းအတွက် ဆွမ်းကပ်လှူပေးသည်။ ထို့ပြင် ဖခင်လုပ်ကြံခံရမှုကို သား သမီးများ စိတ်နာကြည်းမှုများရှိမ နေအောင် ဒေါ်ခင်ကြည်က ဖျောင်းဖျသည်။ သူများကို လက်စားချေ လိုစိတ်၊ ထိခိုက်လိုစိတ်ရှိပါက၊ တုံ့ ပြန်ပါက နောင်ဘ၀တွင် ကိုယ်သာပြန်ခံရလိမ့်မည်ဟု သားသမီးများကို သူက မကြာခဏဆုံးမ၏။ သူကလူတိုင်းသည် နာကြည်းမှု၊ အမုန်းတရားနှင့် ဆန္ဒများကို ထိန်းချုပ်ရမည်။ သို့မဟုတ်ပါက သည်ဘ၀သို့မဟုတ် နောင်ဘ၀တွင် ထိုအကျိုးဆက်ကို ပြန်ခံရမည်ဟူသော ကမ္မခေါ် ကံ၏ အကျိုးတရားကို ကလေးတွေကို သင်ပြ၏။

ဖခင်ကွယ်လွန်အပြီး သား သမီးများ၏ ဘ၀ကို ဒေါ်ခင်ကြည် က တည်ငြိမ်အောင် အားထုတ်ခဲ့ မှုကို ၁၉၅၃ ခုနှစ် နွေဦးတွင်ကြုံခဲ့ ရသော နောက်ထပ်ကြေကွဲစရာ တစ်ခုက နှောင့်ယှက်ဖျက်ဆီးလိုက်ပါသည်။ ဗိုလ်ချုပ်နှင့် ဒေါ်ခင် ကြည်၏ ဒုတိယသားအောင်ဆန်း စုကြည်၏ အရင်းနှီးဆုံးကလေး ဘ၀ကစားဖော် အစ်ကိုအလတ် အောင်ဆန်းလင်းသည် တာဝါ လိန်းအိမ်မှာ ရေနစ်ကွယ်လွန်ခဲ့ ခြင်း ဖြစ်ပါသည်။

အသက် (၈) နှစ်သာရှိသေး သော အောင်ဆန်းလင်းမှာ သူ့ညီ မလေးအောင်ဆန်းစုကြည်နှင့်အ တူ တာဝါလိန်းအိမ်က ရေကန်မှာ ကစားနေခဲ့ခြင်း ဖြစ်ပါသည်။ သူ ၏ ကလေးကစားစရာသေနတ် ကလေးက ရေထဲပြုတ်ကျသွား တာကို သူက ပြန်ဆယ်ခြင်းဖြစ်၏။ သေနတ်ကို ဆယ်တော့ သူ့ဖိနပ် ကလေးမှာ ရွှံ့ထဲမှာနစ်ကျန်နေခဲ့ သည်။ သူက ဖိနပ်ကို ပြန်မဆယ် ခင်မှာ ညီမလေးကို အမီလိုက်ဖို့ သူက အရုပ်သေနတ်လေးကို ညီ မလေးကို ပေးထားခဲ့သေးသည်။ သို့သော် သူကန်ထဲကနေ ပြန် တက်မလာနိုင်ခဲ့တော့ပါ။ ကန်ထဲ က နွံတွေ၊ ရွှံ့တွေကြားမှာ မြုပ်ပြီး ရေနစ်သွားခဲ့၏။

သည်အဖြစ်အပျက်က ဒေါ်ခင်ကြည်ကို အံ့အားသင့်တုန်လှုပ် ကြေကွဲစေခဲ့ပါသည်။ ညီမလေး အောင်ဆန်း စုကြည်၏ ကြေကွဲမှု ကတော့ အဆိုးဆုံးဖြစ်သည်။ နောက်ပိုင်းမှာ ဒေါ်စုက ထိုအကြောင်းကို ပြန်လည် ရေးသားရာတွင် ‘‘တကယ်တော့ ကျွန်မထင်တယ်။ ကျွန်မဘ၀မှာ ကျွန်မအစ်ကိုသေတာက ဖေဖေ သေတုန်းကထက် ကျွန်မကို ပိုစိတ်ထိခိုက်စေခဲ့တယ်။ အဲဒီတုန်းက ကျွန်မအ သက်က (၇) နှစ်ခွဲလောက်ပဲရှိ သေးတယ်။ ကျွန်မတို့နှစ်ယောက်က သိပ်အနေနီးခဲ့ကြတာ။ တစ်ခန်းထဲအိပ်ပြီး အတူတူကစားခဲ့ကြတာ’’

အောင်ဆန်းလင်းကွယ်လွန်အပြီးမှာ ၀န်ကြီးချုပ် ဦးနုက ဒေါ်ခင်ကြည်တို့ မိသားစုကို စိတ်မ ကောင်းစရာ အဖြစ် အပျက်များရှိ နေသော တာဝါလိန်းအိမ်ကနေ ပြောင်းရအောင် စီစဉ်ပေးခဲ့သည်။ ထိုပြောင်းရွှေ့ ပေး လိုက်သည့် အိမ်ကတော့ ယခုအခါ အမှတ် (၅၄) တက္ကသိုလ်ရိပ်သာလမ်းဟု နာမည်ကြီးလူသိ ထင်ရှား နေသည့် အိမ်ပင်ဖြစ်၏။ နေရာထိုင်ခင်းအ ပြောင်းအလဲက အောင်ဆန်းစု ကြည်တို့ မောင်နှမကို စိတ် ဒဏ်ရာ တွေက သက်သာရာရစေခဲ့သည်။ သူ၏ ခိုင်မာသောစိတ်၊ မိခင်၏ စံနမူနာကောင်းနှင့် အိမ်မှာ အမြဲ လာနေကြသော မိသားစုမိတ်ဆွေ တွေ၏ နှစ်သိမ့်မှုကြောင့် အောင် ဆန်းစုကြည်က ဘ၀ကို ကြေကွဲ မှုတွေမှာ အရှုံးမပေးခဲ့ပါ။

သူတို့ဖခင်ဆုံးသွားပြီးက တည်းက ဖခင်ဘက်ကရော၊ မိခင် ဘက်ကရော နှစ်ဖက်စလုံးက ဆွေမျိုးတွေက သူတို့အိမ်ကို မကြာ ခဏလာနေကြတာမို့ အိမ်မှာ မိ သားစုဝင်တွေက အမြဲလိုလိုရှိနေ ကြ၏။ သူ့အတွက် လေးစားစရာ အကောင်းဆုံးပုဂ္ဂိုလ်တစ်ဦးက ဒေါ်ခင်ကြည်၏ အဖေ ဦးဖိုးနှင်း ဖြစ်သည်ဟု ဒေါ်အောင်ဆန်း စုကြည်က ပြောပြခဲ့သည်။ သူက မြေးမလေး ဒေါ်အောင်ဆန်းစုကြည် ကို သိပ်ချစ်သလို မြေးမကလေး သူ့ကို အရမ်းချစ်ခင်တွယ်တာ၏။ မြေးမလေးအရွယ်ရလာသောအခါ မျက်စိမမြင်သည့် ခရစ်ယာန် ဘာသာဝင်တစ်ဦးဖြစ်သည့် အဘိုးက သူ့ကို ခရစ်ယာန်ကျမ်းစာတွေကို ဖတ်ပြခိုင်းသည်။ အောင်ဆန်း စုကြည်က နာရီပေါင်းများစွာ ဖတ် ပြခဲ့ရပြီး တချို့ သူ့အဘိုးအကြိုက် ဆုံးစာပိုဒ်တွေကို အလွတ်ပင်ရ လာခဲ့သည်။

တစ်ချိန်တည်းမှာပင် အမေ ဘက်က အဘွားကလည်း ဒေါ်အောင်ဆန်းစုကြည်ကို ဗုဒ္ဓဘုရား၏ဇာတ် နိပါတ်ဖြစ် သော ဇာတကပုံပြင်တွေကို ပြောပြခဲ့သည်။

‘‘အဘွားကလေ ဗုဒ္ဓ၀င်တွေကို အကုန်လုံးသိတယ်။ သူက ဗုဒ္ဓဘာသာနဲ့ ပတ်သက်ပြီး တော်တော် ကျယ် ကျယ်ပြန့်ပြန့်ကို သိတာ။ ကျွန်မတို့ကို အများကြီးသင် ပေးတာ။ အထူးသဖြင့် မိန်းကလေးဖြစ်တဲ့ ကျွန်မ ကိုပေါ့။ ကျွန်မက ဗုဒ္ဓဘာသာကို အဲဒီလို အလွယ်တ ကူလေ့လာခဲ့ရတယ်’’

တခြားဗုဒ္ဓဘာသာအိမ်တွေ လိုပင် သူတို့အိမ်က ဘုရားစင်ရှိ၏။ မနက်တိုင်းမှာ ဘုရားကိုပန်းကပ်သည်။ သစ်သီးလှူသည်။ အမွှေးတိုင်ထွန်းပူဇော်သည်။ သို့သော် အောက်ထပ်ကစားပွဲပေါ်မှာလည်း ခရစ်ယာန် ကျမ်းစာအုပ်ရှိ၏။ ထို့ကြောင့် အောင်ဆန်းစုကြည်သည် ဘာသာနှစ်ခုစလုံးကို တစ်ပြိုင်တည်း လေ့လာပြီး ကြီးပြင်းခဲ့ရသည်။ ခရစ်ယာန်အယူအဆချစ်ခြင်းမေတ္တာဖြင့် ကြောက်လန့်စိုးရိမ်မှုတွေကို မောင်းထုတ် နိုင်သည်ဆိုသည်ကို လေ့လာခဲ့ရသလို ဗုဒ္ဓဘာသာအယူအဆအနိစ္စ၊ ဒုက္ခ၊ အနတ္တနှင့် မေတ္တာပို့မှုတို့ကို လည်း လေ့လာခဲ့ရသည်။

ထိုကဲ့သို့သင်ယူရမှုက ဒေါ်အောင် ဆန်းစုကြည်၏ တခြားဘာသာဝင်တွေအပေါ် ဘာသာရေးအမြင်ကို သက်ရောက်မှုရှိစေခဲ့ပါသည်။

‘‘ဘာသာပေါင်းစုံက လူတွေအနေနဲ့ သူတို့နည်း သူတို့ဟန်နဲ့ ကောင်းတာကိုလုပ်ဖို့ အခွင့်အ ရေးပေးသင့် ပါတယ်။ ဘာသာရေးဆိုတာ ဒါပဲလို့ ကျွန်မယူဆပါတယ်။ ဘာသာရေးဆိုတာ ကမ္ဘာ ပေါ်မှာ ငြိမ်းချမ်း သာယာ စေဖို့ပဲ မဟုတ်လား။ လူတိုင်းအနေနဲ့သူ တို့နည်းသူတို့ဟန်နဲ့ ငြိမ်းချမ်းသာ ယာအောင် လုပ်ကြဖို့ အခွင့်အရေး တော့ ပေးသင့်ပါတယ်’’

ထို့ပြင် ဒေါ်ခင်ကြည်အိမ်သို့ ၀င်ထွက်နေကြသည့် ဂုဏ်သရေရှိ လူကြီးလူကောင်းများ၏ သြဇာ ကလည်း အရွယ်ရလာသော အောင်ဆန်းစုကြည်တို့ မောင်နှမအပေါ် သက်ရောက်မှုရှိခဲ့ပါသည်။ မိသားစုနှင့် ရင်းနှီး သော မိတ်ဆွေ တစ်ဦးဖြစ်သည့် တရားသူကြီးချုပ် ဦးမြင့်သိန်းနှင့် သံအမတ်ကြီးတာဝန်ထမ်းဆောင်ခဲ့ သည့် ဗိုလ်ချုပ် အောင်ဆန်း၏ မိတ်ဆွေသတင်း စာဆရာ ဦးအုန်းတို့က ဒေါ်အောင် ဆန်းစုကြည်အတွက် စာအုပ်တွေ ယူလာပေးကြသလို ဖတ်ကြည့်ဖို့ အတွက် မြန်မာနှင့် အင်္ဂလိပ်စာ အုပ်စာရင်းများကို ပေးခဲ့ကြ သည်။သူကိုယ်တိုင် စာအရမ်းဖတ် သူမဟုတ်သော်လည်း ဒေါ်ခင် ကြည်က သားသမီးများစာဖတ် သည်ကို အားပေးခဲ့သည်။ အဘယ်ကြောင့်ဆိုသော် သူ့ခင်ပွန်း ဗိုလ်ချုပ်အောင်ဆန်းက စာပေကို ချစ်မြတ်နိုးခဲ့သည့် အတွက် ဖြစ်၏။ ဒေါ်အောင်ဆန်းစုကြည် အသက် (၁၄) နှစ်အရွယ်ရောက်လာသောအခါ စာဖတ်တာကို သိပ်ဝါသနာပါလာပြီး စာရေးဆရာပင် ဖြစ်ချင်လာခဲ့သည်။ ဒေါ်အောင်ဆန်းစုကြည်က ကျောင်းမှာလည်း စာတော်သူကျောင်းသူတစ်ဦးဖြစ်သလို အပြင်စာကိုပါ ကျောင်းစာနှင့်တွဲပြီး ဖတ်ရှုခဲ့သည်။ သူ့အမေနှင့် ဈေးသွားလျှင် ကား ထဲမှာဖတ်ဖို့ စာအုပ်တစ်အုပ်ကိုပါ ယူသွားတတ်၏။ သူက ရှားလော့ဟုမ်းလို စုံထောက် နှင့် သိပ္ပံရော ထွေးထားသော စဉ်းစားရသည့် စုံထောက်ဝတ္ထုများကို သိပ်သဘောကျသည်။

ထို့ပြင် သူက ဂန္ထ၀င်နှင့် ခေတ်ပြိုင်စာရေးဆရာများကိုလည်း သဘောကျသည်။ သူနှင့် တွေ့ဆုံ မေးမြန်း ခန်းများတွင် ဒေါ်အောင် ဆန်းစုကြည်သည် ဆိုဗီယက်က ပြည်ပြေးနိုင်ငံရေးလှုပ်ရှားသူ နာသန်ယာ ယန်စကီ၊ ဗြိတိသျှစာရေးဆရာမေ ရဘက်ကာဝက်စ်၊ မာတင်လူသာကင်းနှင့် ဗီယက်နမ်က ရဟန်းတော် များ၊ ကဗျာဆရာများ၏ စကားများ၊ စာစုများကို ပြောပြကိုးကားတတ်သည်။

ထို့အပြင် သူတို့အိမ်မှာ တိုင်းရင်းသားလူမျိုးပေါင်းစုံတွေလည်း မကြာခဏလာနေလေ့ရှိပါသည်။ ဒေါ်ခင်ကြည် က သူနာပြုဆရာမ တစ်ဦးအဖြစ် အလုပ်လုပ်စဉ်မှာ နိုင်ငံအနှံ့က သူနာပြုဆရာမတွေ က သင်တန်း တက်ဖို့ သူတို့အိမ်မှာ လာနေလေ့ရှိသည်။ ဒေါ်ခင်ကြည် က သူတို့ကို အိမ်မှာလာနေရန် ဖိတ်ခေါ် သလို သူ၏ ခပ်အေးအေး သမီးလေးကလည်း သူတို့ကို ဧည့် ၀တ်ပြုပါသည်။ ထိုစဉ်က ဆံပင် ကျစ်ဆံမြီး အရှည်လေးနှင့် ယဉ် ယဉ်ကျေးကျေးအသက်ငယ်ငယ် ကောင်မလေး ဒေါ်အောင်ဆန်းစုကြည်သည် အိမ်အောက်ထပ်သို့ ဆင်း၍ ဧည့်ခံကာသူတို့ပြောတာတွေ ကို နားထောင်တတ်ကြောင်း ဧည့်သည်တွေက ပြန်ပြောတတ်ပါသည်။

ထို့အပြင် အလုပ်ကနေ အိမ် ကို ပြန်လာသော မိခင်ကို ဒေါ်အောင် ဆန်းစုကြည်က မေးခွန်းတွေမေး တတ်ပါ သည်။ သူ့အမေအိပ်ရာမှ လဲနေသည်ဆိုလျှင်တောင် ဒေါ်အောင်ဆန်းစုကြည်က သည်နေ့ သူသိလာသမျှကို အမေးကို မေးတတ်ပါသည်။ တစ်ခါတလေမှာ ‘‘ရေကိုဘာလို့ ရေလို့ ခေါ်ကြသလဲ မေမေ’’ဆိုသည့် မေးခွန်းမျိုးတွေဖြစ်သည်။ သူ့သမီးက ဂရုစိုက်တာခံချင်လို့ မေးသည်ပဲဖြစ်စေ ဒေါ်ခင်ကြည်က မေးခွန်းတိုင်းကို သေချာဖြေပေးပါသည်။

‘‘ငါမောတယ်လို့၊ ငါ့ကို ဒီလို မျိုး မမေးနဲ့လို့ ဘယ်တော့မှ မေမေ က မငြင်းခဲ့ဘူး’’

သို့ရာတွင် ဒေါ်ခင်ကြည်က သဘောကောင်းပြီး မိတ်ဆွေတွေ ကို ရင်းရင်းနှီးနှီးဖော်ဖော်ရွေရွေရှိ သူဖြစ် သော် လည်း ကလေးတွေကိုတော့ အလိုလိုက်တတ်သူမဟုတ်ပါ။ စည်းစနစ်ကြီး၏။ သားသမီးများကို ညစာ စားပွဲမှာ ကျော မတ်မတ်ထိုင်စားအောင် သင်ပေး ခဲ့ပြီး ထိုင်ခုံကို ကျောနှင့် မှီထိုင်တာကိုလည်း ခွင့်မပြုပါ။ ထို့အပြင် ကလေးတွေကို မြန်မာဓလေ့အ သက်ကြီးသူတွေကို လေးစားရို သေရသည့် ထုံးစံကိုလည်း သင် ပေးခဲ့သည်။ သူ့မိခင် ဒေါ်ခင်ကြည်နှင့် သူ့အကြားမှာ ဆက်ဆံရေး တကယ့်ကို မြန်မာဓလေ့ထုံးစံအ စဉ်အလာအတိုင်းဟု ဒေါ်အောင် ဆန်းစုကြည်က ပြောခဲ့သည်။ သူ့ အမေ ဒေါ်ခင်ကြည်က မြန်မာ အမေ တွေ၏ ထုံးစံအတိုင်း အိမ် တွင်းရေးတွေကို သမီးဖြစ်သူအား ပြောပြလေ့မရှိပေ။

‘‘အဲဒါမျိုးရိုးအစဉ်အလာပဲ။ မေမေတို့ မျိုးရိုးက အမေတွေ အစဉ်အဆက်မှာ သမီးတွေကို ပွင့်ပွင့်လင်းလင်း ပြောပြတယ်ဆိုတာ မရှိခဲ့ဘူး’’

ဒေါ်ခင်ကြည်က သူ့သမီးကို ကိုယ်ကိုယ့်ကိုယ် သပ်သပ်ရပ်ရပ် နေတတ် ၀တ်တတ်စားတတ် အောင် သင်ကြားပေးခဲ့သည်။ ဆံပင်မဖြီး၊ ကိုယ့်ကိုယ်ကိုယ်ကြည့်ပျော်ရှုပျော်ကောင်းအောင်မနေဘဲ အိမ်အောက် ထပ်ကို ဆင်းကာ ဧည့်သည်တွေဆင်းတွေ့ခြင်းနှင့် ကျောင်းသွားခြင်းကို သူ့အမေက လုပ်ခွင့်မပေးခဲ့ဟု ဒေါ်အောင်ဆန်းစုကြည်က ပြန်ပြောပြ၏။ လူတွေက လူတစ်ယောက်၏ အတွင်းစိတ်ကို အပြင်ပန်းကိုသာ အကဲ ခတ်ပြီး ဆုံးဖြတ်တတ်ကြသည်။ ထို့ကြောင့် ကိုယ်ခန္ဓာအပြင်အ ဆင်ကလည်း အရေးကြီးကြောင်း သူ့မိခင်က ပြောခဲ့သည်။

သို့အတွက် သူ့ဖခင် ဗိုလ် ချုပ်အောင်ဆန်းသဘောကျမြတ် နိုးခဲ့သော သူ့မိခင် ဒေါ်ခင်ကြည်၏ မိန်းမဆန် သော ပန်းပန်ခြင်းကို အတုယူပြီး အောင်ဆန်းစုကြည်ကလည်း နောက်ပိုင်းမှာ သူ၏ ထူထဲ နက်မှောင်သော ဆံကေသာတွင် ပန်းတွေကို ပန်ခဲ့ခြင်း ဖြစ်ပါတော့ သည်။

(မကြာသေးမီက ဖြန့်ချိခဲ့ သော နယူးယောက်တိုင်းမ်သတင်းစာဆရာမ Rena Pederson ၏ The Burma Spring စာအုပ်မှ ဒေါ်ခင်ကြည်အမည်ရသော အခန်းကို ထားထားမြင့်က ဘာသာပြန်ဆိုထားခြင်း ဖြစ်ပါ သည်။ ထိုစာအုပ်ကို အမေရိကန်နိုင်ငံမှစတင်လက်မှတ်ထိုးရောင်းချနေပြီဖြစ်သလို အမေဇုန် အင်တာနက် စာမျက်နှာမှာလည်း Ebook အဖြစ် ၀ယ်ယူဖတ်ရှုနိုင်ပါသည်။)

7Day DAILY