Monday 13 July 2015

တည်ဆဲဥပဒေများနှင့်အညီနေထိုင်နိုင်ပါစေ - အပိုင်း(၂)

တပ်မတော်နဲ့ မီဒီယာများကြား ကောင်းမွန်သော မီဒီယာဆက်ဆံရေး၊ တည်ဆောက်မှုအနေနဲ့ တပ်မတော် ကာကွယ်ရေး ဦးစီးချုပ်ဟာ မြန်မာနိုင်ငံစာနယ်ဇင်းကောင်စီ(ယာယီ)နဲ့ တွေ့ဆုံမှု (၂) ကြိမ် အပါအ၀င် သတင်းမီဒီယာများနဲ့ အကြိမ် အရေအတွက်မြောက်မြားစွာတွေ့ဆုံခဲ့ပြီး တပ်မတော်သတင်းမှန် ပြန်ကြားရေးအဖွဲ့ အနေဖြင့်လည်း မြန်မာနိုင်ငံ စာနယ်ဇင်း ကောင်စီ(ယာယီ)နှင့် တွေ့ဆုံဆွေးနွေးမှုများ ပြုလုပ်ခဲ့ကြကာ နှစ်ဖက် နားလည်မှုများ အခိုင်အမာ တည်ဆောက် ထားပြီးဖြစ်ပါတယ်။ တပ်မတော်အနေနဲ့ လတ်တလောဖြစ်ပွားနေတဲ့ လောက်ကိုင်ဒေသဖြစ်စဉ်နှင့် ပတ်သက်ပြီး သတင်းမီဒီယာများနှင့် တွေ့ဆုံမှုပြုလုပ်ကာ ဖြစ်စဉ်အခြေအနေ အရပ်ရပ်ကို ရှင်းလင်းပြောကြားခဲ့ပြီးလည်း ဖြစ်ပါတယ်။ ဒါ့အပြင် ၂၀၀၈ ခုနှစ် ဖွဲ့စည်းပုံအခြေခံဥပဒေပုဒ်မ ၃၅၄ အရ နိုင်ငံသားတိုင်းသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး၊ သို့မဟုတ် ပြည်သူတို့၏ ကိုယ်ကျင့်တရားအကျိုးငှာ ပြဋ္ဌာန်းထားသည့် ဥပဒေများနှင့်မဆန့်ကျင်လျှင် အောက်ပါအခွင့် အရေးများကို လွတ်လပ်စွာသုံးစွဲ ဆောင်ရွက်ခွင့်ရှိပါတယ်လို့ ပုဒ်မခွဲ ၄ ခုဖြင့် ဖော်ပြထားပါတယ်။

ပုဒ်မခွဲ ၄ ခု မှာ (က)မိမိ၏ယုံကြည်ချက်၊ ထင်မြင်ယူဆချက်များကို လွတ်လပ်စွာထုတ်ဖော်ပြောဆိုခွင့်၊ ရေးသားဖြန့်ဝေခွင့်၊ (ခ)လက်နက်မပါဘဲ ငြိမ်းချမ်းစွာစုဝေးခွင့်၊ စီတန်းလှည့်လည်ခွင့်၊ (ဂ) အသင်းအဖွဲ့၊ သို့မဟုတ် အစည်းအရုံးများ ဖွဲ့စည်း ဆောင်ရွက်ခွင့်၊ (ဃ) တိုင်းရင်းသားလူမျိုး တစ်မျိုးနှင့်တစ်မျိုး၊ သို့မဟုတ် တိုင်းရင်းသားလူမျိုး အချင်း ချင်းကိုလည်းကောင်း၊ အခြားဘာသာသာသနာကိုလည်းကောင်း ထိခိုက်နစ်နာမှုမရှိစေဘဲ မိမိချစ်ခင်မြတ်နိုး သည့်စကား၊ စာပေ၊ ယဉ်ကျေးမှု၊ ကိုးကွယ်သည့်ဘာသာသာသနာနှင့် ဓလေ့ထုံးတမ်းများကို လွတ်လပ်စွာ ဆောင်ရွက် ပိုင်ခွင့်ဟုပါရှိပြီး အဲ့ဒီပြဋ္ဌာန်းဥပဒေပါအချက်တွေနဲ့ ဆန့်ကျင်နေတာကြောင့် ယခုကဲ့သို့ တားမြစ်ခဲ့ရခြင်းဖြစ်ကြောင်း သိရပါတယ်။ ယခုလို အခြေတည်ပြီးဖြစ်တဲ့ တပ်မတော်နဲ့သတင်းမီဒီယာများအကြား ကောင်းမွန်သော ဆက်ဆံရေးကို အထိအခိုက်မခံနိုင်တာကြောင့်လည်း ယခုလိုအကြောင်းကြားစာပို့ခဲ့ရတာလည်း ဖြစ်ပါ တယ်။ 

သတင်းမီဒီယာတွေထဲမှာလည်း မီဒီယာကျင့်ဝတ်တွေနဲ့အညီ စတုတ္ထမဏ္ဍိုင်အဖြစ် ခံယူရပ်တည် လုပ်ကိုင် ဆောင်ရွက် နေတဲ့ လူပုဂ္ဂိုလ်၊ အဖွဲ့အစည်းတွေရှိသလို မိမိနိုင်ငံရေးရည်မှန်းချက်၊ ကိုယ်ကျိုးစီးပွား၊ ပုဂ္ဂိုလ်ရေး နာကြည်းမှုတွေအပေါ် အခြေတည်ပြီး အစိုးရကို ဆန့်ကျင်ရရင်ပြီးရောဆိုတဲ့စိတ်နဲ့ တစ်ဖက်လူပုဂ္ဂိုလ်အဖွဲ့ အစည်းရဲ့အသုံးချခံ၊ ၀ါဒဖြန့်ချိရေး ယန္တရားအဖြစ် ပျော်ပျော်ကြီးလုပ်ကိုင်ဆောင်ရွက်ပေးနေတဲ့ သူခိုးဓားရိုးကမ်း သတင်းမီဒီယာသမားတွေလည်း ရှိနေတယ် ဆိုတာ ကိုလည်း ငြင်းလို့မရပါဘူး။ ၄င်းတို့ရဲ့ သတင်းဖော်ပြချက် များကိုကြည့်မည်ဆိုပါကလည်း လက်နက်ကိုင် သောင်းကျန်းသူ သူပုန်များကို အမွှမ်းတင်ပြီး “KIA ကချင် တပ်မတော်၊ TNLA တအာဝ်းပြည်သူ့ လွတ်မြောက်ရေး တပ်မတော်၊ AA ရခိုင်တပ်မတော်၊ MNDAA အမျိုးသား ဒီမိုကရေစီတပ်ပေါင်းစုတပ်မတော်” စသဖြင့် မြှောက်ပင့် ခေါ်ဝေါ်သုံးစွဲရေးသားပြီး ပြည်ထောင်စုတိုင်းရင်းသား လူမျိုးပေါင်းစုံဖြင့် ဖွဲ့စည်းထားတဲ့ “မြန်မာ့တပ်မတော်ကြီးကိုတော့ ဗမာစစ်တပ်ဆိုပြီး လူမျိုးတစ်မျိုးတည်းကိုသာ ကိုယ်စားပြု သယောင်” အခေါ်အဝေါ်ကအစ နှိမ့်ချရေးသားနေတာ တွေကိုလည်း စိတ်မကောင်းစွာ တွေ့မြင်နေရတယ်။ ဒါ့အပြင် “သောင်းကျန်းသူ ခေါင်းဆောင်တွေရဲ့ ရာထူးအဆင့် တွေကိုလည်း မြန်မာ့တပ်မတော် တရားဝင်ရာထူးအဆင့်အခေါ်အဝေါ်တွေကိုသုံးပြီး ဒုတိယဗိုလ်ချုပ်ကြီး၊ ဗိုလ်ချုပ်၊ ဗိုလ်မှူးချုပ် ဆိုပြီး” နိုင်ငံတကာ အသိအမှတ်ပြု ဘယ်စစ်တက္ကသိုလ်၊ ဘယ်ဗိုလ်သင်တန်းကျောင်းက ဆင်းခဲ့တာ မဟုတ်မှန်း သိပါလျှက်နဲ့ ဂုဏ်သိက္ခာမဲ့စွာ အမွှမ်းတင် ၀ါဒဖြန့်ပေးနေတာကို အော့နှလုံးနာဖွယ်တွေ့မြင် ကြားသိ နေရတယ်။ 

ထို့အပြင် သောင်းကျန်းသူတွေဘက်ကရတဲ့ သတင်းနဲ့ထုတ်ပြန်ချက်တွေကိုလည်း စာနယ်ဇင်း ကျင့်ဝတ်နဲ့ အညီ သမာသမတ်ရှိရှိ ရပ်တည်ချင့်ချိန် ဆောင်ရွက်ခြင်းမရှိ အမှားအမှန်ခွဲခြားခြင်းလည်းမရှိဘဲ၊ တည်ဆဲဥပဒေများကို ချိုးဖောက်ပြီး နှပ်ကြောင်းပေး ဘက်လိုက်ဖော်ပြနေတာတွေကိုလည်း လယ်ပြင်မှာဆင်သွားသလို ထင်ရှားစွာ တွေ့မြင် နေရတယ်။ သောင်းကျန်းသူတွေ ဘက်ကဆောင်ရွက်နေတဲ့ တရားဥပဒေမဲ့လုပ်ရပ်တွေ မူးယစ်ဆေးဝါး ထုတ်လုပ်ဖြန့်ဖြူး ရောင်းချနေမှုတွေ စစ်ပွဲအတွင်း/အပြင် ကျူးလွန်တဲ့ရာဇ၀တ်ပြစ်မှုတွေ အခြားမျိုးနွယ်စုတွေအပေါ် လူမျိုးတုံး သတ်ဖြတ်မှုတွေ အဖွဲ့အစည်းအတွင်း ကြီးနိုင်ငယ်ညှဉ်းလုပ်ရပ်တွေနဲ့ပတ်သက်တဲ့ သတင်းတွေ အထောက်အထား ခိုင်ခိုင်လုံလုံနဲ့ရရှိနေသော်လည်း မီဒီယာကျင့်ဝတ်နှင့်အညီဖော်ပြဖို့ ပျက်ကွက်နေမှု အပါအ၀င် အပြည့်အ၀ ဖော်ပြခြင်း မပြုတာတွေကိုလည်း မငြင်းသာတဲ့ အကြောင်းအချက်တွေနဲ့အတူ ထင်ရှားစွာ တွေ့မြင်နေရတယ်။ ဒီလိုသတင်း မီဒီယာသမားတွေရှိနေလို့လည်း နိုင်ငံတော်အစိုးရနှင့် တပ်မတော်အနေနဲ့ သတင်းမီဒီယာဆိုင်ရာ သတိပေးမှုတွေကို ဥပဒေနဲ့ အညီ ဆောင်ရွက်နေရတာသာဖြစ်တယ်။

တကယ်တော့ ကိုးကန့်ဖြစ်စဉ်ကို ဘက်လိုက်မှုကင်းရှင်းစွာဖြင့် ဓမ္မဓိဋ္ဌာန်ကျကျကြည့်ပါက နိုင်ငံတော်ရဲ့ မတရား အသင်း အက်ဥပဒေတွေနဲ့ ငြိစွန်းနေတဲ့ မူးယစ်ရာဇာဖုန်ကြားရှင် ဦးဆောင်တဲ့ MNDAA ကိုးကန့်လက်နက် ကိုင်သောင်းကျန်းသူ အဖွဲ့ဟာ ကိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ကိုဖြုတ်ချပြီး ကိုးကန့်ဒေသကို အာဏာသိမ်းဖို့ဆောင်ရွက်ခဲ့တာ ဖြစ်ပါတယ်။ သူတို့ရဲ့ ရည်ရွယ်ချက်ကတော့ ဖုန်ကြားရှင်ရဲ့ " ဖုန် " အုပ်စု ကိုးကန့်ဒေသမှာ ဆွေစဉ်မျိုးဆက် မတရား အာဏာ ရယူရေးကို အဓိကဦးတည်ခဲ့တာပဲ ဖြစ်ပါတယ်။ တပ်မတော်အနေနဲ့ကတော့ နိုင်ငံတော်ရဲ့ အစိတ်အပိုင်းတစ်ခုကို တိုက်ခိုက်လာပါက ပိုင်နက်နယ်မြေ လုံခြုံရေးနှင့်အချုပ် အခြာအာဏာ တည်တံ့ခိုင်မြဲရေးအတွက် အဓိကတာဝန်ရှိတဲ့ အဖွဲ့အစည်းပီပီ တာဝန်အရ ကာကွယ်တိုက် ထုတ်ရမှာပဲဖြစ်ပါတယ်။ သတင်းမီဒီယာသမားတွေအနေနဲ့ တပ်မတော်ရဲ့ ဆောင်ရွက်မှုများအပေါ် သတင်း မီဒီယာ ကျင့်ဝတ်တွေနဲ့အညီ ဘက်လိုက်မှု ကင်းရှင်းစွာဖြင့် မှန်ကန်စွာရပ်တည်အားပေး ထောက်ခံရေးသား ဖော်ပြရမှာဖြစ်ပြီး ကိုးကန့်သောင်းကျန်းသူအဖွဲ့အပါအ၀င် မတရားအသင်းဥပဒေအရ မတရားအသင်း အဖြစ် သတ်မှတ်ထားတဲ့ သောင်းကျန်းသူအဖွဲ့အစည်းတွေနဲ့ပတ်သက်ရာမှ မတရားအသင်း ဥပဒေနှင့်ငြိစွန်းပြီး ဥပဒေ အရအရေးယူခြင်းမခံရလေအောင် တည်ဆဲဥပဒေများနှင့်အညီ လိုက်နာနေထိုင်ဆောင်ရွက်ခြင်းသည်သာ အကောင်းဆုံး ဖြစ်ကြောင်း အကြံပြုရေးသားလိုက်ရပါတယ်။

#မောင်ဖိုးမှန်
Today Myanmar 

https://www.facebook.com/burmesetreasure/posts/468501033319688:0
တည်ဆဲဥပဒေများနှင့်အညီနေထိုင်နိုင်ပါစေ - အပိုင်း(၁)

No comments:

Post a Comment