ရန်ကုန်- မြန်မာ-တရုတ်နယ်စပ် (မူဆယ်-ကြယ်ဂေါင်)ရှိ တရုတ် ဘဏ်များတွင် ဖွင့်လှစ်ထားသည့် မြန်မာ နိုင်ငံသားပိုင် ငွေစာရင်းနှစ် ရာခန့်ကို ယခုရက်ပိုင်းအတွင်း တရုတ်အစိုးရတာဝန်ရှိသူများက ပိတ်လိုက် ကြောင်း သတင်းရရှိ သည်။
‘‘အဓိကက သူတို့ဘက်က ငွေဖြူ၊ ငွေမည်းခ၀ါချမှုနဲ့ တရားမ ၀င်ငွေစီးဆင်းမှုကို ထိန်းချုပ်တာ ဗျ။ အဓိကက ဘိန်း၊ သစ်၊ လောင်း ကစားငွေပေါ့’’ဟု မူဆယ်ဒေသခံ ကုန်သည်တစ်ဦးကဆိုသည်။
‘‘အခုအချိန်က ဘိန်းထွက် ရာသီဖြစ်လို့ မသင်္ကာငွေ Account တွေကို ထိန်းချုပ်တာ။ ပြီးတော့ တရုတ်ပြည်ထဲမှာ ဘိန်း ၁ဒသမ ၆တန်လောက်မိတယ်။ ၂၆ရက် သတင်းထဲမှာ ပါလာတယ်။ အ ကျိုးဆက် ကတော့ ဘိန်းသမား တွေ သိပ်မထိခိုက်ပေမယ့် ကျွန်တော်တို့ ဆန်သမား၊ပြောင်း သမားနဲ့ ဟိုဘက်ကို တရားမ၀င် လယ်ယာထွက်ကုန်တင်ပို့နေတဲ့ သူတွေနဲ့ ငွေလွှဲသမား(ဟွန်ဒီ)တွေ ကတော့ Account အပိတ် ခံရရင် ငွေကြေးဆုံးရှုံးမှုတွေ ဖြစ်ပေါ် မယ်’’ဟု မူဆယ်အခြေစိုက်ဆန် တင်ပို့ရောင်းချသူ ဦးချမ်းသာဦး ကသုံးသပ်ပြောကြားသည်။
ငွေစာရင်းအပိတ်ခံရသူများ အနေဖြင့် အမှုအကြီး၊ အသေး ပေါ်မူတည်၍တရုတ်အစိုးရ၏ ထိန်းသိမ်းခြင်းကို ခံရနိုင်ပြီး ငွေကိုလည်း ခြောက်လမှ တစ်နှစ်ထိန်းသိမ်းထားလေ့ရှိကြောင်း သတင်းရရှိသည်။
ပိတ်ပင်ခံရသော ဘဏ်အ ကောင့်များတွင် ဆန်အရောင်းအ ၀ယ်ပြုလုပ်နေသည့် မြန်မာနိုင်ငံ သားကုန် သည်များ၏ ငွေစာရင်း များပါဝင်နေကြောင်း တရုတ်နိုင် ငံသို့ ဆန်တင်ပို့ ရောင်းချနေသူ တစ်ဦးကလည်း ပြောသည်။
တရုတ်အစိုးရ အနေဖြင့် အဂတိ လိုက်စားမှု တိုက်ဖျက် ရေးကို အထူးကြပ်မတ်ဆောင် ရွက်နေပြီး မြန်မာ နိုင်ငံနှင့် နယ်နိ မိတ်ချင်း ထိစပ်နေသော ယူနန် ပြည်နယ်တွင် အစိုးရ၀န်ထမ်း ထောင်ဂဏန်းအား မကြာ သေးမီ က အရေးယူခဲ့သည်။
ယခုအကြိမ် မြန်မာနိုင်ငံ သားများ ဖွင့်လှစ်ထားသော ဘဏ်စာရင်းများကို ပိတ်ရာတွင် အဆိုပါကိစ္စနှင့် ဆက်စပ်မှုများရှိ နိုင်ကြောင်း မူဆယ်နှင့် နန့်ခမ်းအခြေစိုက်ကုန်သည်အချို့က သုံး သပ်ကြသည်။
ဘဏ်စာရင်းများ ပိတ်ပင် မည်ဟု သတင်းများပေါ်ထွက်ခဲ့ သဖြင့် အချို့က ငွေကြို ထုတ်ခဲ့ခြင်းများရှိခဲ့ပြီး ဘဏ်စာရင်း ပိတ်သည့်နေ့မှစ၍ပိတ်သိမ်းခံရသည့် လူအချို့မှာလည်း ငွေပြန်ထုတ်ယူမှုများရှိနေကြောင်း သတင်းရရှိသည်။
‘‘ပြီးခဲ့တဲ့ ကြာသပတေး၊ သောကြာကမှ ဖြစ်တာဆိုတော့ လာမယ့် တနင်္လာနေ့ကျမှပဲ အခြေ အနေကို ကြည့်ပြီး ဘာတွေဖြစ် လာမလဲဆိုတာပြောလို့ရမယ်’’ဟု မူဆယ်ဒေသခံ ကုန်သည်တစ်ဦးက သုံးသပ်သည်။
7Day DAILY
No comments:
Post a Comment