တရုတ်ဘုံကျောင်းများ ဆောက်လုပ်ခွင့်ပေးထားပြီး တရုတ်လူမျိုး တစ်စထက်တစ်စ များပြားလာလျက်ရှိသော မန္တလေးမြို့တော်တွင် မြန်မာ-တရုတ် ချစ်ကြည်ရေးအသင်းသည် မြန်မာအများစု ဝင်ရောက် လုပ်ကိုင်နေ သည့် တရုတ်လူမျိုးပိုင် လုပ်ငန်းခွင်များတွင် လူမျိုးရေးမုန်းတီးစေမည့် အပြုအမူများကို တရုတ်လူမျိုးများ မပြု လုပ်ကြရန် နှိုးဆော်ထားကြောင်း မြန်မာ-တရုတ် ချစ်ကြည်ရေးအသင်း ဥက္ကဋ္ဌ ဦးပိုမြင့်က ပြောကြားသည်။
မြန်မာလူမျိုးများအကြားတွင် တရုတ်အချင်းချင်း တရုတ်ဘာသာဖြင့် မပြောဆိုရန်၊ မြန်မာလူမျိုးများ အထင် အမြင် လွဲစေမည့် ကိုယ်ဟန်အမူအရာ၊ အပြုအမူများ မပြုလုပ်မိစေရန်နှင့် လုပ်ငန်းခွင်အတွင်း ပြဿနာ ဖြစ်ပေါ် လာလျှင် မြန်မာ-တရုတ် ချစ်ကြည်ရေးအသင်းရှိ တရုတ်ခေါင်းဆောင်များကို အမြန်ဆုံး အသိပေး အကြောင်းကြားပြီး မြန်မာလူမျိုးများ စိတ်ကျေနပ်လောက်သည့် လူမှုကူညီရေး လုပ်ငန်းများကို အမြန် ဆုံး ဆောင်ရွက်ပေးရန် အပါအဝင် ကျုံးဘေးတွင် တရုတ်သီချင်းဖွင့်ပြီး အားကစားလုပ်သည့် ကိစ္စရပ်များကို ဆင်ဆင်ခြင်ခြင်နှင့် ဆောင်ရွက်ရန် မှာကြားထားကြောင်း ၎င်းက ထပ်လောင်းပြောကြားသည်။
“အဲ့ဒီလို လုပ်ရတာကလည်း ဒေသခံမဟုတ်တဲ့ တရုတ်တွေရဲ့အပြုအမူကြောင့် မြန်မာတွေ နဲ့ ရှေးတုန်း ကတည်းက တစ်သားတည်းရှိခဲ့တဲ့ တရုတ်လူမျိုးတွေ နစ်နာမှာစိုးလို့ပါ။ အခုပဋိပက္ခက မြို့သူမြို့သား အား လုံး ကို ထိတ်လန့်စေခဲ့တယ်” ဟု ၎င်းကဆိုသည်။
မြန်မာ-တရုတ် ချစ်ကြည်ရေးအသင်း (ဗဟို) ဥက္ကဋ္ဌ ဖြစ်သူကလည်း ချစ်ကြည်ရေး အသင်းသားများနှင့် တွေ့ ဆုံပြီး မြန်မာ-တရုတ်ကြားတွင် လူမျိုးရေးဆန်သည့် ပဋိပက္ခများ မဖြစ်ပွားစေရန်အတွက် ထိန်း သိမ်းဆောင် ရွက်ကြရန် တရုတ်စီးပွားရေး လုပ်ငန်းရှင်များသို့ လာရောက် မှာကြားခဲ့ကြောင်း မန္တလေးမြို့ပေါ်ရှိ တရုတ် စီးပွားရေး လုပ်ငန်းရှင် အသိုင်းအဝိုင်းထံမှ စုံစမ်းသိရှိရသည်။
“အသင်းက အဲ့ဒီလိုဆောင်ရွက်ဖို့ အစည်းအဝေးပြီးတာနဲ့ အစည်းအဝေး လာမတက်တဲ့ တရုတ်လုပ်ငန်း ရှင်တွေ ကို လုပ်ငန်းရှင် အချင်းချင်းပဲ ချက်ချင်းအသိပေး၍ ဆောင်ရွက်နေကြတယ်” ဟု ဖူကျင့် တရုတ် စကားပြောသင်တန်း ကျောင်းအုပ်ဆရာကြီး ဒေါက်တာဆက်တီက ဆိုသည်။
မန္တလေးမြို့တည် မင်းတုန်းဘုရင်ကို သစ္စာခံသည့် နန်းတွင်းအမှုထမ်း တပ်မင်းဆွန်တာလောရဲကို နန်းတွင်း အပျိုတော်တစ်ဦးနှင့် ဘုရင်ကိုယ်တိုင် ပေးစားခဲ့ဖူးပြီး မူဆလင်ဘာသာဝင် တရုတ်ပန်းသေး လူမျိုးများကို ၃၅ လမ်းနှင့် လမ်း ၈၀ ၀န်းကြားတွင် ပန်းသေးဗလီအဖြစ် ဘုရင်ကိုယ်တိုင် ဆောက်လုပ်ခွင့် ပေးခဲ့ကာ ကိုလိုနီခေတ် နောက်ပိုင်းတွင်လည်း မန္တလေးမြို့၏ မြန်မာမှုသီချင်းများ အများဆုံး ဖျော်ဖြေတီးခတ်နေသည့် မြို့မအသင်း တူရိယာတီးဝိုင်းကို တရုတ်လူမျိုး ဦးတော်လုံးက စတင်တည်ထောင်ပေးခဲ့သည့် သာဓက ရှိခဲ့သည့်အတွက် မြန်မာ-တရုတ်ချစ်ကြည်ရေးသည် ၁၉၈၄ ခုနှစ်နောက်ပိုင်းထိ ခိုင်မြဲနေခဲ့သည်ဟု မန္တလေးမြို့ခံ သမိုင်းပညာရှင်များက ထပ်လောင်းပြောကြားသည်။
“စစ်အစိုးရနောက်ပိုင်းကစပြီး မန္တလေးမြို့ခံ မဟုတ်တဲ့ တရုတ်တွေ ကျောက်စိမ်း၊ မူးယစ်ဆေးဝါး လုပ် ငန်းတွေနဲ့ ကြီးပွားလာတယ်။ မျက်နှာစိမ်းတရုတ်တွေ ဝင်လာတဲ့အချိန်ကစပြီး ကျွန်တော်တို့ မန္တလေး သားတွေ နဲ့ အဆင်မပြေကြတော့ဘူး” ဟု မန္တလေးမြို့ခံ စာရေးဆရာ ဆူးငှက်က ဆိုသည်။
မန္တလေးမြို့တော်တွင် မြန်မာ-တရုတ် ချစ်ကြည်ရေးအသင်းကို ၂၀၁၄ ခုနှစ်တွင် ဖွဲ့စည်းခဲ့ပြီး တရုတ်လုပ် ငန်း ခွင်များအတွင်းရှိ မြန်မာလူမျိုးများအတွင်း လူမျိုးရေးပဋိပက္ခ မဖြစ်စေရန်အတွက် လိုက်နာဆောင်ရွက် ရမယ့် အချက်များကို ဇူလိုင်လ ၇ ရက်နေ့တွင် ဆွေးနွေးခဲ့ကြောင်း ယင်းအသင်းထံမှ စုံစမ်းသိရှိရသည်။
The Voice Weekly
a good thing. people who have something in common can get along much easier such as believing in the same god and eating pork.lol...
ReplyDeleteActually I don't think main land Chinese believe in no god, and many of them are very RUDE, lol...