ပဲခူးတိုင်း လယ်ဧက ၁ သိန်းကျော် ရေလွှမ်း

သြဂုတ်လဆန်းပိုင်းက တွေ့ရသော ပဲခူးတိုင်းအတွင်း ရေနစ်မြုပ်နေသည့် လယ်မြေများ(ဓာတ်ပုံ – မေစစ်ပိုင် / ဧရာဝတီ)

ပဲခူးတိုင်းဒေသကြီး၌ သြဂုတ်လအတွင်း မိုးအဆက်မပြတ် ရွာသွန်း၍ ရေကြီးရေလျှံဖြစ်သောကြောင့် လယ်မြေဧက ၁ သိန်းကျော် ရေလွှမ်းမိုးခံရပြီး ဧက ၁၁၀၀၀ ခန့် ထိခိုက်ပျက်စီးခဲ့ကြောင်း သိရသည်။

“လုံးဝ ပြန်စိုက်လို့မရနိုင်လောက်အောင် ပျက်စီးသွားတာက ဧက ၈၆၀၀ လောက် ရှိနေပါတယ်”ဟု ပဲခူးတိုင်းဒေသကြီး ၀န်ကြီးချုပ် ဦးဉာဏ်ဝင်းက ပြောသည်။

မိုးအဆက်မပြတ် ရွာသွန်းမှုကြောင့် သြဂုတ်လ ၁ ရက်နေ့မှစတင်ပြီး  ပဲခူးတိုင်းအရှေ့ပိုင်း ဒေသ များဖြစ်သည့် ပဲခူး၊ သနပ္ပင်၊ က၀ အစရှိသည့် မြို့နယ်များတွင် ရေလွှမ်းမိုးမှုများ ဖြစ်ပေါ်ခဲ့သည်။

ပဲခူးတိုင်းဒေသကြီးကို ဖြတ်စီးသည့် စစ်တောင်းမြစ်တွင် အိုမီဂါ ပုံသဏ္ဍန်အကွေ့ပေါင်း ၂၃ ကွေ့ရှိနေသည့် အတွက် ပင်လယ်ဝ အထိ သဲနှုန်း မသယ်ဆောင်သွားနိုင်ဘဲ မြစ်ကြမ်းပြင် မြင့်တက် လာခြင်းနှင့်အတူ ရေကြီးရေလျှံမှုများ တနှစ်ထက် တနှစ်ပိုမိုဆိုးရွားလာခြင်းဖြစ်ကြောင်း ၀န်ကြီးချုပ် က ပြောဆိုသည်။

ထို့အပြင် ပဲခူး မြစ်အတွင်းစီးဝင်သည့် ရေများကို ဆည်နှင့် ဆည်မြောင်း များဆောက်လုပ်တား ဆီးမှ သာ ရေလွှမ်းမိုးမှုကို ကာကွယ်နိုင်မည်ဖြစ်ကြောင်းလည်း ၎င်းက ဆိုသည်။

ဝန်ကြီးချုပ် ဦးဉာဏ်က“ပဲခူး ဧရိယာထဲမှာရှိနေတဲ့ ရေတွေ ပင်လယ်ပြင်ထဲကို မြန်မြန်ဆန်ဆန် ထွက်သွားနိုင်ဖို့အတွက်ကို ရေစီးရေ လာကောင်းတဲ့ တူးမြောင်းတွေ လိုတယ်။ ဒိုက်ဦး၊ ညောင်လေးပင် လွင်ပြင်ထဲမှာလည်းပဲ မုက္ခမူ ချောင်းဟာ စစ်တောင်းမြစ်ထဲကို စီးဝင်တဲ့အခါ အိုင်နေပြီးတော့ ရွှေကျင်ချောင်း ကနေ စီးဝင်တဲ့ရေနဲ့ပေါင်းပြီး လာအိုင်နေတာရှိတယ်။ ဒီချောင်းတွေကိုလည်း ပြန်ဖော်ပြီးတော့ ပြန်လည် တည်ဆောက်ဖို့ လိုနေတယ်”ဟု ဆက်လက် ပြောဆို သည်။

ပဲခူးတိုင်းဒေသကြီး၌ ယမန်နှစ်ကလည်း ရေကြီးရေလျှံမှုများဖြစ်ပေါ်ခဲ့ပြီး စပါးပေါ်ချိန်ကာလတွင် လယ်သမားများ စိုက်ပျိုးစရိတ်ချေးငွေများ ပြန်လည် မပေးဆပ်နိုင်သည်အထိ အခက်အခဲများ တွေ့ကြုံခဲ့ရ သည်။

ယခုနှစ်က ရေနစ်မြုပ်ခံထားရသော လယ်မြေများတွင် ပြန်လည်စိုက်ပျိုးနိုင်ရန် မျိုးစပါးများ လိုအပ် လျက်ရှိပြီး လယ်မြေများကို ပြင်ဆင်မှုများ ပြုလုပ်ရန်လည်း လိုအပ်လျက်ရှိကြောင်း လယ်သမားများ က ပြောဆိုကြသည်။

“ကျနော်စိုက်ပြီး သုံးရက်သားလောက်မှာပဲ ရေလွှမ်းခံရတာပါ။ ဘယ်လိုမှ ပြန်မရနိုင်ပါဘူး။ ကျနော်တို့မှာ မျိုးစပါးက ၁ နှစ်ဆို ၁ နှစ် စာ အကန့်အသတ်နဲ့ ချန်ရတာပါ။ တခြားသူတွေလည်း ကိုယ့်လိုပဲ ရေမြုပ်ခံထား ရတော့ ရွာမှာ သူ့ကို ကိုယ်က မကယ်နိုင်၊ ကိုယ့် ကို သူက မကယ်နိုင် ဖြစ်နေပါတယ်။ မျိုးစပါး အခက်အခဲရှိပါတယ်”ဟု သနပ္ပင်မြို့နယ်မှ လယ်သမား ဦးဉာဏ်စိန်က ပြောပြသည်။

ရေအချိန်မီ မကျပါက စပါးပြန်စိုက်ရန် အခက်အခဲရှိနိုင်ပြီး ပဲစိုက်ရာသီအတွက်ပါ အခက်အခဲရှိနိုင်ကြောင်း ၎င်းက ဆက်ပြော သည်။

“တန်ဆောင်မုန်းလဆန်းမှ ပဲမကျဲနိုင်သေးရင် ကျနော်တို့အတွက် အခြေအနေမကောင်း ပါဘူး။ ရေမြန်မြန်ကျပါစေလို့ပဲ ဆုတောင်း ပါတယ်”ဟုလည်း ဦးဉာဏ်စိန်က ဆိုသည်။

မျိုးစပါးအတွက် ပဲခူးတိုင်းဒေသကြီး အစိုးရအဖွဲ့၊ မြန်မာနိုင်ငံ ဆန်စပါးအသင်းနှင့် အခြားပုဂ္ဂလိက အလှူရှင်များက မျိုးစပါးများ လှူ ဒါန်း ထားပြီး ရေကျသည်နှင့် လယ်သမားများထံ ဖြန့်ဝေပေး မည်ဖြစ်ကြောင်း သိရသည်။

ဧရာဝတီတိုင်း ဒေသကြီး၊ ရန်ကုန်တိုင်း ဒေသကြီး၊ မွန်ပြည်နယ်၊ ရှမ်းပြည်နယ် မြောက်ပိုင်း တို့တွင်လည်း ရေကြီးရေလျှံမှုများ ဖြစ် ပေါ်လျက်ရှိပြီး မြန်မာနိုင်ငံတ၀န်း လယ်မြေဧက ၅ သိန်း ၃ သောင်း နီးပါး ရေနစ်မြုပ်ခဲ့ကြောင်း လယ်ယာစိုက်ပျိုးရေးနှင့် ဆည်မြောင်း ၀န်ကြီး ဌာနမှ သိရသည်။