Sunday 26 April 2015

တက္ကသိုလ်ဝင်ခွင့် အပြောင်းအလဲ၏ စိန်ခေါ်မှုနှင့် အခွင့်အလမ်းများ

ယခုနှစ် တက္ကသိုလ်ဝင်စာမေးပွဲဖြေဆိုထားသော ကျောင်းသားများသည် တက္ကသိုလ်ဝင်ခွင့်စနစ် အပြောင်းအလဲကို စတင်ကြုံတွေ့ရတော့မည်ဖြစ်သည်။

၂၀၁၅-၁၆ ပညာသင်နှစ်မှ စတင်၍ တက္ကသိုလ်ဝင်ခွင့်စနစ်ကို သက်ဆိုင်ရာ တက္ကသိုလ်၊ ဒီဂရီကောလိပ်၊ ကောလိပ်အလိုက် ပြောင်းလဲကျင့်သုံးဆောင်ရွက်ရန် ပညာရေးဝန်ကြီးဌာနက စီစဉ်နေပြီဖြစ်သည်။ အဆင့်မြင့်ပညာဦးစီးဌာန၏ စီမံဆောင်ရွက်မှုဖြင့် တက္ကသိုလ်ဝင်ခွင့် စိစစ်ရွေးချယ်ရေးအဖွဲ့က ကျောင်းသားများ၏ တက္ကသိုလ်ဝင်စာမေးပွဲရမှတ်ကို အခြေခံ၍ တက္ကသိုလ်ဝင်ခွင့်ပြုသော စနစ်ကို နှစ်ပေါင်းများစွာ ကျင့်သုံးလာခဲ့သည်။

ယခုအခါ တက္ကသိုလ်များသည် ကိုယ်ပိုင်မူဖြင့် တက္ကသိုလ်ဝင်ခွင့်စာမေးပွဲ စစ်ဆေး၍ ကျောင်းဝင်ခွင့်လက်ခံမည့် စနစ်ကို စတင်ပြောင်းလဲကျင့်သုံးရာတွင် ကျောင်းသားများအတွက် အခွင့်အလမ်းသစ်များရှိနေသလို စိန်ခေါ်မှုများလည်းရှိနေသည်။

တက္ကသိုလ်ဝင်စာမေးပွဲတွင် ရမှတ်အားနည်းခဲ့သော ကျောင်းသားများအနေဖြင့် နာမည်ကြီး အသက်မွေးဝမ်းကျောင်းတက္ကသိုလ်များတွင် တက်ရောက်ပညာသင်ယူခွင့်ရရှိရန် ထပ်မံကြိုးစားခွင့်ရရှိမည်ဖြစ်သည်။

မိမိဝါသနာနှင့်ကိုက်ညီသော တက္ကသိုလ်နှင့် ဘာသာရပ်များကို စဉ်းစားရွေးချယ်ရန် အခွင့်အလမ်းပိုမိုရရှိလာမည်ဖြစ်သည်။ သို့သော် တက္ကသိုလ်စာမေးပွဲ ရမှတ်ကတော့ အခြေခံလိုအပ်ချက်အဖြစ် အတိုင်းအတာတစ်ခုထိ အရေးပါနေမြဲဖြစ်သည်။

‘‘ရန်ကုန်တက္ကသိုလ်အနေနဲ့ ပြင်ဆင်ထားတာကတော့ မနှစ်ကဝင်ခွင့်အမှတ်ရဲ့ ၁၀ မှတ်၊ တချို့ဘာသာရပ်တွေဆို အမှတ် ၂၀ အထိ လျှော့ပြီးတော့ အဲဒီအမှတ်ရတဲ့ ကျောင်းသားတွေကို ဝင်ခွင့်စာမေးပွဲတစ်ခုဖြေဖို့ စီစဉ်ထားတယ်။ သူတို့ရဲ့ ဆယ်တန်းအဆင့်နဲ့ သက်ဆိုင်ရာ ဝါသနာပါတဲ့ ဘာသာရပ်အပေါ် Interest (စိတ်ဝင်စားမှု) မေးခွန်းမျိုးမေးသွားမယ်။ ဆယ်တန်းက ဘာသာရပ်တွေကို ပြန်မေးတာမျိုးမဟုတ်တဲ့ CriticalThinking (စဉ်းစားဝေဖန်သုံးသပ်မှု)မေးခွန်းမျိုးကို မေးသွားဖို့ စီစဉ်ထားတယ်။ အခုက အသွင်ကူးပြောင်းရေးကာလဆိုတော့ တက္ကသိုလ်တွေအားလုံး တစ်ပြေးညီဝင်ခွင့်ဖြေရတာမျိုးလည်း ဖြစ်လာနိုင်တယ်။ နောက်ပိုင်း အမျိုးသားပညာရေးဥပဒေ အတည်ပြုပြီးလို့ တက္ကသိုလ်တွေ ကိုယ်ပိုင်လွတ်လပ်ခွင့်ရပြီဆိုရင်တော့ ကိုယ့်အစီအစဉ်နဲ့ကိုယ်ဖြစ်လာမယ်’’ဟု ရန်ကုန်တက္ကသိုလ်ပါမောက္ခချုပ် ဒေါက်တာအောင်သူကပြောသည်။

ပြည်တွင်းရှိ တက္ကသိုလ်၊ ကောလိပ်များသည် တက္ကသိုလ်ဝင်စာမေးပွဲရလဒ်ကိုသာ အခြေခံ၍ ၀င်ခွင့်ပြုသောစနစ်ကို ကျင့်သုံးနေသော်လည်း ရေဆင်းစိုက်ပျိုးရေးတက္ကသိုလ်၊ မွေးမြူရေးဆိုင်ရာဆေးတက္ကသိုလ်နှင့် သစ်တောတက္ကသိုလ်သည် ၀င်ခွင့်အရည်အချင်းစစ်စာမေးပွဲပြုလုပ်၍ ကျောင်းဝင်ခွင့်လက်ခံသောတက္ကသိုလ်များဖြစ်သည်။

ယခုအခါ အသက်မွေးဝမ်းကျောင်းတက္ကသိုလ်များ၊ ရန်ကုန်တက္ကသိုလ်၊ မန္တလေးတက္ကသိုလ်၊ ရန်ကုန်နိုင်ငံခြားဘာသာတက္ကသိုလ်၊ မန္တလေးနိုင်ငံခြားဘာသာတက္ကသိုလ် စသည့်တက္ကသိုလ်များသည် ယင်းကဲ့သို့ တက္ကသိုလ်ဝင်ခွင့် အရည်အချင်းစစ်စာမေးပွဲပြုလုပ်၍ ကျောင်းဝင်ခွင့်လက်ခံရန် စီစဉ်နေကြခြင်းဖြစ်သည်။

‘‘အခုချိန်ကတော့ တက္ကသိုလ်ဝင်ခွင့်မူတွေ လုပ်နေတာပေါ့။ ၀င်ခွင့်စာမေးပွဲက တက္ကသိုလ်အပေါ်မှာပဲ မူတည်ပါလိမ့်မယ်။ ကျွန်တော့အမြင်အရပြောရရင် ၀ိဇ္ဇာ၊ သိပ္ပံ တက္ကသိုလ်တွေထဲမှာဆိုရင်တော့ ရန်ကုန်တက္ကသိုလ်နဲ့ မန္တလေးတက္ကသိုလ်တို့ကတော့ ၀င်ခွင့်စာမေးပွဲရှိနိုင်တာပေါ့။ မေလဆန်းလောက်ဆိုရင်တော့ အများပြည်သူကို တက္ကသိုလ်ဝင်ခွင့်မူဝါဒတွေ ကြေညာနိုင်လောက်ပါတယ်’’ဟု ပညာရေးသုတေသနဦးစီးဌာန၊ ညွှန်ကြားရေးမှူးချုပ် ဒေါက်တာခိုင်မြဲကပြောသည်။

ပြည်နယ်နှင့် တိုင်းဒေသကြီးများရှိ ၀ိဇ္ဇာ၊ သိပံ္ပတက္ကသိုလ်၊ ကောလိပ်များသည် ၀င်ခွင့်အရည်အချင်းစစ်စာမေးပွဲ ပြုလုပ်ဖွယ်မရှိဘဲ ကျောင်းသားများအနေဖြင့် တက္ကသိုလ်၏ သတ်မှတ်အရည်အချင်းနှင့် ပြည့်မီလျှင် တက်ရောက်ခွင့်ရရှိနိုင်ကြောင်း ၎င်းကသုံးသပ်သည်။

ကျောင်းသားများအနေဖြင့် တက္ကသိုလ်ဝင်စာမေးပွဲနှင့်ပတ်သက်၍ ၀န်ထုပ်ဝန်ပိုးလျော့ကျသွားဖွယ်ရှိပြီး မိမိတက်ရောက်လိုသော တက္ကသိုလ်တွင် ပထမအကြိမ် ၀င်ခွင့်ဆုံးရှုံးမည်ဆိုပါက သက်ဆိုင်ရာတက္ကသိုလ်၏ မူအလိုက် ဒုတိယအကြိမ် (သို့မဟုတ်) တတိယအကြိမ်အဖြစ် ပြန်လည်ကြိုးပမ်းခွင့်ရရှိဖွယ်ရှိနေသည်။

‘‘တက္ကသိုလ်တွေအနေနဲ့ သူတို့လိုချင်တဲ့ ကျောင်းသားကို စိတ်ကြိုက်ရွေးချယ်လို့ ရသွားတာပေါ့။ အမှတ်တစ်ခုတည်းကို အခြေခံတာမဟုတ်ဘဲ တကယ်ဝါသနာပါတဲ့သူတွေလည်း ဆွဲယူလို့ရတာပေါ့။ ပထမဆုံးနှစ်မှာတော့ ကတိမ်းကပါးဖြစ်နိုင်တယ်။ မိဘတွေအနေနဲ့ အမှတ်ကောင်းရင် ဆေးကျောင်းဆိုတာမျိုးလည်း စွဲနေသေးတယ်လေ။ အခက်အခဲတွေ အများကြီးရှိနိုင်တယ်’’ဟု တက္ကသိုလ်ဝင်ခွင့်စိစစ်ရွေးချယ်ရေးအဖွဲ့တွင် နှစ်ပေါင်းများစွာ တာဝန်ထမ်းဆောင်ခဲ့သော အရာရှိတစ်ဦးက ပြောသည်။

ယခုတက္ကသိုလ်ဝင်ခွင့်စနစ် အပြောင်းအလဲတွင် ကြီးမားသော သက်ရောက်မှုတစ်ခုမှာ ကျောင်းသားများအနေဖြင့် မိမိနေထိုင်ရာဒေသများရှိ တက္ကသိုလ်များတွင်သာ တက်ရောက်နိုင်ခဲ့ရာမှ မိမိအရည်အချင်းနှင့် ကိုက်ညီသော နှစ်သက်ရာတက္ကသိုလ်တွင် သွားရောက်ပညာသင်ယူခွင့်ရရှိနိုင်ခြင်းဖြစ်သည်။

ကျောင်းသားများအနေဖြင့် မိမိသက်ဆိုင်ရာ ဒေသများရှိ အသက်မွေးဝမ်းကျောင်းတက္ကသိုလ်နှင့် ၀ိဇ္ဇာ၊ သိပံ္ပတက္ကသိုလ်များတွင်သာ ၀င်ခွင့်လက်ခံသော မူဝါဒကို ပညာရေးဝန်ကြီးဌာနက ခေတ်အဆက်ဆက်အသုံးပြုခဲ့သည်။

‘‘နယ်မြေဖြတ်ကျော်ခွင့်ရသွားနိုင်တယ်။ နယ်ကကျောင်းသားတွေက ရန်ကုန်မှာ ကျောင်းဝင်ခွင့်ရရှိနိုင်သလို ရန်ကုန်က ကျောင်းသားတွေကလည်း နယ်မှာသွားတက်ရတာမျိုး ဖြစ်သွားနိုင်တယ်’’ဟု ဒေါက်တာခိုင်မြဲကဆိုသည်။

တက္ကသိုလ်ဝင်ခွင့်စနစ် အပြောင်းအလဲသည် အခွင့်အလမ်းသစ်များ ဖြစ်ပေါ်လာနိုင်သလို စိန်ခေါ်မှုများလည်း ရှိနေသည်။

တက္ကသိုလ်ဝင် အရည်အချင်းစစ်စာမေးပွဲများနှင့် ပတ်သက်၍ မသမာမှုများ ဖြစ်ပေါ်လာမည်ကို စိုးရိမ်မှုများရှိနေသည်။ ကျောင်းသားများအနေဖြင့် ၀င်ခွင့်စာမေးပွဲကို တက္ကသိုလ်တစ်ခုထက်မက ၀င်ရောက်ဖြေဆိုရမည့် အခြေအနေများလည်း ရှိနေသည်။

နှစ်စဉ်တက္ကသိုလ်ဝင်စာမေးပွဲအောင်မြင်သော ကျောင်းသားဦးရေသည် ၃၀ ရာခိုင်နှုန်းကျော်ရှိနေပြီး ကျောင်းသားတစ်သိန်းခွဲကျော်ကို တက္ကသိုလ်ဝင်ခွင့်လက်ခံရန် တက္ကသိုလ်၊ ကောလိပ်များက စီမံကိုင်တွယ်ဆောင်ရွက်ရတော့မည်ဖြစ်သည်။

‘‘ဘာမေးမလဲ ညှိနေကြတုန်း။ ကျူရှင်တွေတော့ ကြော်ငြာနေကြပြီ။ ၀င်ခွင့်က လုပ်လည်းလုပ်သင့်တယ်။ အဲဒါလည်း ရိုးသားမှုပေါ် မူတည်တယ်။ မရိုးသားရင် နာမည်ပျက်ဦးမှာပဲ။ အစကတော့ ကသောင်းကနင်းဖြစ်မှာပဲ။ နောက်ဆိုအထိုင်ကျသွားမှာပါ။ ဆယ်တန်းအမှတ်ကတော့ one of the criteria (သတ်မှတ်ချက်တစ်ခု) ဖြစ်သင့်တယ်။ systematic (စနစ်တကျ) ဖြစ်ရင်၊ ရိုးသားရင်တော့ အဲ့ဒီစနစ်အောင်မြင်မှာပါ’’ဟု တက္ကသိုလ်ဆရာမတစ်ဦးက ပြောသည်။ တက္ကသိုလ်ဝင်ခွင့်အပြောင်းအလဲတွင် လာဘ်ပေးလာဘ်ယူပြဿနာကို ဂရုပြုစောင့်ကြည့်ရန် လိုအပ်မည်ဖြစ်သလို ကျောင်းသားများအနေဖြင့်လည်း အပြောင်းအလဲကာလတွင် အခက်အခဲများဖြစ်ပေါ်နိုင်ကြောင်း တက္ကသိုလ်ပါမောက္ခချုပ်တစ်ဦးကပြောသည်။

‘‘ပါမောက္ခချုပ်တွေ အားလုံးစုံပြီးတော့ မညှိရသေးဘူး။ ၀င်ခွင့်စာမေးပွဲ ထပ်ဖြေရမယ်ဆိုရင် ဆရာတို့ကျောင်းဆို ကျောင်းသားသုံးထောင်ကျော်သွားနိုင်တယ်။ စာမေးပွဲက နှစ်ရက်။ အဲဒီကျောင်းသားတွေကို ဒီမှာလက်ခံစစ်ဆေးဖို့ အခက်အခဲရှိတယ်။ ဘတ်ဂျက်လည်း မရှိဘူး။ ကျောင်းသားတွေလည်း ဆယ်တန်းမှာ ကြိုးစားရ၊ အခုလည်း ထပ်ကြိုးစားရမှာလေ။ နောက်ပြီး ဟိုတက္ကသိုလ်ပြေးဖြေ၊ ဒီတက္ကသိုလ်ပြေးဖြေလိုက်နဲ့ စနစ်ကတော့ အသားမကျလောက်သေးဘူး။ corruption (လာဘ်ပေးလာဘ်ယူ) ပြဿနာလည်း ဖြစ်လာနိုင်တယ်’’ဟု အသက်မွေးဝမ်းကျောင်းတက္ကသိုလ်တစ်ခု၏ ပါမောက္ခချုပ်ကဆိုသည်။

စစ်အုပ်ချုပ်ရေးကာလအတွင်း နိမ့်ကျသွားသော မြန်မာ့ပညာရေးတွင် တက္ကသိုလ်ဝင်ခွင့် လက်ခံသောစနစ် ခေတ်နောက်ကျ ကျန်ရစ်ခဲ့မှုလည်း ပါဝင်ခဲ့သည်။ ယခုကဲ့သို့ တက္ကသိုလ်ဝင်ခွင့်စနစ်ပြောင်းလဲမှုသည် သက်တမ်းနောက်ဆုံးနှစ် ရောက်နေသော ဦးသိန်းစိန်အစိုးရ၏ ပညာရေးပြုပြင်ပြောင်းလဲမှု တစ်စိတ်တစ်ပိုင်းဖြစ်သည်။

တက္ကသိုလ်ဝင်ခွင့်စနစ် အကူးအပြောင်းကာလတွင် တက္ကသိုလ်၊ ကောလိပ်များနှင့် ကျောင်းသားများအတွက် အခွင့်အလမ်းသစ်များ ဖြစ်ပေါ်နေသလို စိန်ခေါ်မှုများကလည်း အခက်အခဲ၊ အတားအဆီးများ ဖြစ်လာဖွယ်ရှိသည်။

7Day DAILY 

No comments:

Post a Comment