Saturday 13 December 2014

မြန်မာစစ်တပ်ကို သင်တန်းပေးရေး အမေရိကန် လွှတ်တော်အမတ်များဝေဖန်


အမေရိကန် ကွန်ဂရက်လွှတ်တော်မှာ မကြာခင် အတည်ပြုမယ့် ကာကွယ်ရေး အသုံးစရိတ် ဥပဒေအရ မြန်မာနဲ့ အမေရိကန် တပ်မတော်အကြား ဆက်ဆံရေးတိုးမြှင့်ဖို့ရှိပါတယ်။

အဲ့ဒီတိုးချဲ့မှုကြောင့် မြန်မာတပ်မတော်ကို အယူအဆဒွိဟ ဖြစ်အောင် လုပ်ဆောင်ရာကြတယ်လို့ အမေရိ ကန် လွှတ်တော်အမတ်တချို့ နဲ့ လူ့အခွင့် အရေးခေါင်းဆောင်တွေက ဝေဖန်ပြောကြားလိုက် ပါတယ်။

အမျိုးသား လုံခြုံရေးကောင်စီ NSC ပြောခွင့်ရပုဂ္ဂိုလ် Patrick Ventrell က အခုလိုပြုမူခြင်းအားဖြင့် ဒီမို ကရေစီပြုပြင်ပြောင်းလဲရေးလုပ်ငန်းစဉ်တွေ မှာ မြန်မာစစ်တပ်က ပိုမိုပါဝင်ဆောင်ရွက်လာတာနဲ့အမျှ မိမိတို့ကလည်း ဆက်ဆံရေးကို လိုက်လျောညီထွေတိုးမြှင့်ခွင့်ရမှာ ဖြစ်တယ်လို့ပြောပါတယ်။

ဒါပေမယ့် အမေရိကန်နိုင်ငံခြားရေးမူဝါဒ ကြီးကြပ်ကွပ်ကဲရေးမှာ ပါဝင်တဲ့ လွှတ်တော်အမတ်တချို့ကတော့ မြန်မာပြည် မှာ နိုင်ငံရေးပြောင်းလဲမှုတွေ ရပ်တန့်နေပြီး မူဆလင်လူနည်းစုတွေ ဖိနှိပ်ခံနေရတဲ့ အခုလို ကာလမှာ စစ်ရေးဆက်ဆံ မှုတွေ တိုးချဲ့မှု မပြုလုပ်သင့်သေးဖူးလို့ ဝေဖန်နေကြပါတယ်။

ပြီးခဲ့တဲ့လအတွင်း သမ္မတအိုဘားမား မြန်မာပြည်ကိုသွားရောက်ခဲ့စဉ်က လာမယ့် ၂ဝ၁၅ ရွေးကောက်ပွဲ မတိုင် ခင် မြန်မာ့တပ်မတော်နဲ့ ဆက်ဆံရေးတိုးချဲ့ခြင်း မပြုဖို့ ဒေါ်အောင်ဆန်းစုကြည် ကမေတ္တာရပ်ခံခဲ့ပြီး အိုဘားမားကလည်း သဘောတူ ကတိပြုခဲ့တယ်လို့ ခရီးစဉ်မှာလိုက်ပါသွားခဲ့တဲ့ အရာရှိတွေကို ကိုးကားပြီး အမေရိကန်လွတ်တော် အမတ်တွေက ပြောပါတယ်။ နိုင်ငံခြားဆက်ဆံရေးကော်မတီ ဥက္ကဌ ဖြစ်တဲ့ အမေရိကန် အထက်လွှတ်တော်အမတ် Robert Menendez က သမ္မတအိုဘားမားထံ ဒီအပတ်အတွင်း ပေးပို့ခဲ့တဲ့စာမှာ အခုအတည်ပြုမယ့် ကာကွယ်ရေး အသုံးစရိတ် ဥပဒေဟာ ဒေါ်အောင်ဆန်းစုကြည်ကို ပေးခဲ့တဲ့ ကတိကဝတ်တွေနဲ့ လိုက်လျှောညီထွေမရှိဖူးလို့ ဖေါ်ပြ ထားကြောင်း သိရပါတယ်။

RFA

No comments:

Post a Comment