မြေပြင်ကနေ ဝေဟင်ပစ်ဒုံးကျည်တစင်း ယူကရိန်းဘက်က စတင်ပစ်လွှတ်နေပုံ
ရုရှားလိုလားတဲ့ ခွဲထွက်ရေးသမားတွေကို တိုက်ခိုက်တဲ့နေရာမှာ အသုံးပြုဖို့အတွက် အနောက်အုပ်စုနိုင် ငံတွေက လက်နက်တွေပို့ပေးနေပြီလို့ ယူကရိန်းကာကွယ်ရေးဝန်ကြီး Valeriy Heletey က ပြောပါတယ်။
သူပုန်တပ်ဖွဲ့တွေ အခိုင်အမာ ခြေကုတ်ယူထားတဲ့ တိုင်းပြည်အရှေ့ပိုင်းက Donetsk မြို့ လေဆိပ်ကို ထိန်းချုပ် ထားတဲ့ အစိုးရတပ်ဖွဲ့တွေနဲ့ ခွဲထွက်ရေး သူပုန်အဖွဲ့တွေအကြား တိုက်ပွဲတွေ အပြင်း အထန် ဖြစ် ပွားပြီး နောက် တနေ့ တနင်္ဂနွေနေ့မှာ တိုက်ပွဲတွေ ဆက်လက် ဖြစ်ပွားနေပါတယ်။
တနင်္လာနေ့မှာ ပြင်သစ်နိုင်ငံ ပဲရစ်မြို့မှာ ပြုလုပ်မယ့် အီရတ်နိုင်ငံအရေး ဆွေးနွေး ပွဲမှာ ယူကရိန်းအရေး ကိုပါ ထည့်သွင်းဆွေးနွေးကြမယ်လို့ မျှော်လင့်ရပါတယ်။
အမေရိကန်နိုင်ငံခြားရေးဝန်ကြီး John Kerry အနေနဲ့ ဆွေးနွေးပွဲကို တက် လာကြ တဲ့ နိုင်ငံခြားရေးဝန်ကြီး တချို့ကို ပြင်ပကို ခေါ်ထုတ်ပြီး ယူကရိန်းအရေး ကို ဆွေးနွေးဖို့ရှိတယ်လို့ အမေရိကန်နိုင်ငံခြားရေးဌာန အရာရှိတွေက ပြောပါ တယ်။
ဗွီအိုအေ (မြန်မာဌာန)
No comments:
Post a Comment