Spider Man ဇာတ်ကားများဖြင့် နာမည်ကျော် လာခဲ့သူ အမေရိကန် မင်းသမီး ခရစ္စတန်ဒန့်စ် (Kirsten Dunst ) သည် စိတ်ချမ်းသာလျက်ရှိပြီး ကိုယ်အလေးချိန် အနည်းငယ် တက်လာသည်ဟုဆိုသည်။ သူမ သည် နာမည်ကျော် သရုပ်ဆောင် ဂါရက်ဟက်လန် (Garrett Hedlund) နှင့် ချစ်သူဖြစ်ချိန်မှစ၍ ကိုယ် အလေးချိန်အနည်းငယ် တက်လာခဲ့ခြင်း ဖြစ်ကြောင်း (NET-A-PORTER) မဂ္ဂဇင်း ကို၎င်းက ဖွင့်ဟ ပြော ကြား ခဲ့ခြင်း ဖြစ်သည်။
“တကယ်လို့ ကျွန်မ စိတ်ချမ်းသာမှု မရှိဘူးဆိုရင်၊ ပြီးတော့ ချစ်သူလည်း မရှိဘူးဆိုရင် ခုထက်ပိုပိန်နေမှာလို့ ကျွန်မထင်ပါတယ်။ တစ်စုံတစ်ယောက်နဲ့ အတူရှိနေပြီဆိုရင် အများကြီးပို စားသောက်မိမယ့် အပြင် စိတ်လည်း ပိုချမ်းသာနေမှာ ဖြစ်တဲ့အတွက်ပါ” ဟု ၎င်းက ဆိုခဲ့သည်။
အသက် ၃၂ နှစ်အရွယ် မင်းသမီးက သူမသည် အလှအပဆိုင်ရာခွဲစိတ်ပြုပြင်မှု ခံယူလိုသူတစ်ဦး မဟုတ်ကြောင်းလည်း ဆိုခဲ့ပြီး၊ မျက်နှာနုပျိုချောမွေ့စေမည့် Botox ထိုးဆေး ခံယူခြင်းနှင့် မျက်နှာ အရေးအကြောင်းများ ပျောက်စေမည့် ဆေးဝါးများ အသုံးပြုခြင်းတို့သည်၊ ကျက်သရေရှိစွာ အရွယ်ကျ လာရမည့်အစား မင်းသမီးတစ်ယောက်၏ အနုပညာလုပ်ငန်းကို ပိုမိုဆိုးဝါးစေနိုင်သည်ဟု ယုံကြည် ထားကြောင်းလည်း ၎င်းက ပြောပြသည်။
“တကယ်လို့ ရှင်ဟာ အသက်အရွယ်ကြီးလာတဲ့ အချိန်အထိ သရုပ်ဆောင်အလုပ်ကို ကာလကြာရှည်စွာ စွဲစွဲမြဲမြဲလုပ်မယ့် မင်းသမီးတစ်ယောက် ဖြစ်လာဖို့ ရည်ရွယ်တယ်ဆိုရင် အဲလိုဟာတွေ လုပ်လို့မရပါဘူး။ ဘာကြောင့်လည်းဆိုတော့ သဘာဝမကျ ဖြစ်လာပြီးတော့၊ အရင်ခေတ်တွေကို ဖော်ကျူးတဲ့ ရုပ်ရှင်တွေမှာ လည်း ပါနိုင်မှာ မဟုတ်တော့ပါဘူး။ အဲဒါတွေကို အမျိုးသားတွေလည်း လုပ်ကြတယ်လို့ ကျွန်မ ကြားမိပါ တယ်။ အဲလိုကြားရတော့ ကျွန်မ အရမ်းစိတ်ပျက်မိပါတယ်။ ‘သူတို့ မျက်နှာတွေကို သူတို့ ဘာလုပ်လိုက်ကြ တာလဲ' ဆိုတာပဲ ကျွန်မ တွေးမိနေလို့ သူတို့ရဲ့ သရုပ်ဆောင်မှုကိုတောင် ကျွန်မ ဂရုမစိုက် မိတော့ လောက်အောင် ဖြစ်သွားပါတယ်။ မျက်နှာပေါ်မှာ အသားအရေ တွန့်ရှုံ့တာတွေ ပျောက်ဖို့ ဆိုပြီး ဆေးဝါးတွေနဲ့ ပြောင်းလဲပစ်တာဟာ လူတွေ လုပ်လေ့ရှိတဲ့ အဆိုးဝါးဆုံး အရာတစ်ခုပါ။ အဲဒါဟာ လူတိုင်း ကို ဖောသွပ်မို့မောက် သလို ဖြစ်စေပါတယ်” ဟု၎င်း က ရှင်းပြခဲ့သည်။
Ref: TooFab
Mizzima - News in Burmese
No comments:
Post a Comment