လိုက်ဘေးရီးယားမှာ အီဘိုလာရောဂါနဲ့ကွယ်လွန်သွားသူ အသက် ၂၉ နှစ် အရွယ် လူငယ်တဦးကို ကျန်းမာရေးဝန်ထမ်းများ သယ်ဆောင်လာစဉ်
Sierra Leone နိုင်ငံမှာ အီဘိုလာရောဂါနဲ့ စတုတ္ထမြောက် ဆရာဝန်တဦး သေဆုံးသွားပါတယ်။ အဲဒီ ဆရာဝန် ဟာ Ebola ရောဂါကို တိုက်ဖျက်ရေးမှာ ရည်မှန်း ချက်ထားပြီး ဒီလုပ်ငန်းမှာ ကိုယ်ရော စိတ်ပါ နှစ်မြှုပ်ထားသူ ဖြစ်ပါတယ်။
အီဘိုလာရောဂါကို တိုက်ဖျက်ဖို့ ရည်ရွယ်သံန္နိဌာန်ချထားသူ ဆေးပညာရှင်တဦး ဆုံးရှုံးသွားရတဲ့အပေါ် ဆီယာရာလီယွန်း ကျန်းမာရေးရေးဝန်ကြီးဌာန အနေနဲ့ လွန်စွာမှာ နှမျော ပူဆွေးသောကရောက်ရတဲ့ အကြောင်း ပြင်သစ်သတင်းဌာနကို ဆီယာရာလီယွန်းနိုင်ငံရဲ့ ကျန်းမာရေးဌာန အကြီးအကဲ Brima Karagbo က ပြောဆိုပါတယ်။
အိမ်နီးချင်း လိုက်ဘေးရီးယားနိုင်ငံမှာတော့ တိုင်းပြည်အတွင်းမှာ ကူးစက်ပျံ့နှံ့နေ တဲ့ အီဘိုလာရောဂါ ဖြစ် ပွားနေမှုကို အကူညီပေးဖို့ နိုင်ငံကို ပြန်လာခဲ့ကြဖို့ အမိန့်ပေးထားတာကို ငြင်းဆန်နေကြတဲ့ ထိပ်တန်း အစိုးရတာဝန်ရှိသူ ၁၀ ယောက်ကို သမ္မတ Ellen Johnson Sirleaf က အလုပ်ကနေ ထုတ်ပယ် ပစ်လိုက်ပါတယ်။
လိုက်ဘေးရီးယား ဂီနီနဲ့ ဆီယာရာလီယွန်းနိုင်ငံတို့ဟာ အာဖရိကအနောက်ပိုင်း မှာ အီဘိုလာရောဂါကို အဆိုး ရွားဆုံး ခံစားနေကြရပြီး အခုဆိုရင် သေဆုံးသူ အရေတွက်ဟာ ၂၄၀၀ ကျော်သွားပါပြီ။
ဗွီအိုအေ (မြန်မာဌာန)
No comments:
Post a Comment