ပြခန်းတစ်ခုတွင် ပြသထားသည့် ဒယ်ဘယ်ကပ်တစ်စီး ဓာတ်ပုံ − ဂျေမောင်မောင်(အမရပူရ)
တံခါးနှစ်ပေါက်ပါ ပစ်ကပ်နှင့် ဒယ်ဘယ်ကပ်ကားများကို နယ်စပ်လမ်းကြောင်းများမှတစ်ဆင့် တင်သွင်းခွင့်ပြု လိုက်ပြီ ဖြစ်ကြောင်း စီးပွားရေးနှင့် ကူးသန်းရောင်း ဝယ်ရေးဝန်ကြီးဌာန ဒုတိယ ညွှန်ကြားရေးမှူးချုပ် ဦးမင်းမင်းက ပြောသည်။
အဆိုပါ ကားများကို ဆိပ် ကမ်းမှတစ်ဆင့် တင်သွင်းရာတွင် ယခင်က လူစီးနှင့် လုပ်ငန်းသုံးဟူ ၍ အမျိုးမျိုး သတ်မှတ်တင်သွင်း လာကြပြီး အခွန်ဆောင်ရာတွင် လည်း ကွဲလွဲမှုများ၊ အငြင်းပွားမှု များဖြစ်ပွားခဲ့သည်။
ယခုကဲ့သို့ လုပ်ငန်းသုံးကားအဖြစ်သတ်မှတ်ကာ နယ်စပ်မှတင်သွင်းခွင့်ပြုလိုက်သောကြောင့် အခွန် သက်သာ သွားနိုင်ကြောင်း ကားတင်သွင်းသူလုပ်ငန်းရှင်တစ်ဦးက ပြောသည်။
လုပ်ငန်းသုံးကား အမျိုးအစားများဖြစ်သည့် ပစ်ကပ်၊ ဆင်ဂယ်ကပ်၊ အိတ်စတန်းကပ်၊ အိုးပင်းကပ်များကို ကညနက ပြီးခဲ့သည့် ဧပြီ ၁ ရက်မှစတင်ပြီး လုပ်ငန်းသုံးကားစာရင်း ထည့်သွင်းသတ်မှတ်ခဲ့ပြီး အခွန်ကို လည်း ၅ ရာခိုင်နှုန်းသာ ကောက်ခံခဲ့သည်။
ယခင်က FOB ပုံစံဖြင့် သင်္ဘောဖြင့်တင်သွင်းလာသည့် ပစ်ကပ်ကားများကို ယခုအခါ နယ်စပ်ကုန် သွယ်ရေး လမ်း ကြောင်းများမှတစ်ဆင့် တင်သွင်း နိုင်မည်ဖြစ်ရာ သယ်ယူစရိတ် များစွာသက်သာ လာပြီး ဈေးလည်းကျနိုင်ကြောင်း ကားတင်သွင်းသူအချို့က ခန့်မှန်းပြောကြားသည်။
7Day DAILY
No comments:
Post a Comment