ပွင့်ဖြူမြို့တွင် ဧပြီလ အတွင်းက ပြုလုပ်ခဲ့သည့် မျိုးစောင့်ဥပဒေများ ဆိုင်ရာဟောပြောပွဲနှင့်ပတ်သက်၍ အမျိုး သား ဒီမိုကရေစီအဖွဲ့ချုပ်က စီစဉ်သူအားတရားစွဲဆိုထားသည့်အမှုကိုပွင့်ဖြူမြို့နယ်တရားရုံးက စက်တင်ဘာ ၁ ရက်က စတင်ကြားနာခဲ့သည်။
စက်တင်ဘာ ၁ ရက် ရုံးချိန်း တွင် တရားလိုအဖြစ်ဆောင်ရွက် သည့် ပွင့်ဖြူမြို့နယ် NLD မှ ဦးအောင်ဝင်း အား စတင်စစ်ဆေးခဲ့ကြောင်း တရားခွင်သို့ သွားရောက်ခဲ့သူများက ပြောသည်။‘‘အခင်းဖြစ်တဲ့နေ့က ဖြစ်စဉ် ကို ကျွန်တော့်ကိုမေးတယ်။ နောက်ပြီး တရားစ စွဲဆိုရတဲ့ အကြောင်းအရင်း ကိုလည်း ရှင်းပြခဲ့တယ်’’ဟု ဦးအောင်ဝင်း က ပြောသည်။
ယင်းအမှုနှင့်ပတ်သက်၍ရုံးချိန်းခုနစ်ကြိမ် ချိန်းဆိုခဲ့သော်လည်း အကြောင်း အမျိုးမျိုးကြောင့် အမှုကို ယခု တစ်ခေါက်မှ စတင်စစ်ဆေးခဲ့ခြင်းဖြစ်ကြောင်း ဦးအောင်ဝင်းက ပြောသည်။
အဆိုပါမျိုးစောင့်ဥပဒေ ဟောပြောပွဲတွင် လက်ကမ်းစာ စောင်များနှင့် ဗီနိုင်းများအသုံးပြု ပြီး ဒေါ်အောင် ဆန်း စုကြည်နှင့် NLD ဂုဏ်သိက္ခာကျဆင်း အောင်လုပ်ဆောင်ခဲ့သည်ဟု စွပ်စွဲပြီး အမျိုးသားတစ်ဦးကို ပွင့်ဖြူ NLD မှတရားစွဲဆိုထားခြင်းဖြစ်သည်။
ဟောပြောပွဲတွင် အသုံးပြုသည့် လက်ကမ်းစာစောင်များ နှင့် ဗီနိုင်းများတွင် တစ်ဖက်နှင့် တစ်ဖက် ဘာသာရေး ဆန်ဆန် အဓိကရုဏ်းဖြစ်စေနိုင်သည့် ထိလွယ်ရှလွယ်အရေးအသားများ၊ ရဟန်းတော် များနှင့် ဒေါ်အောင်ဆန်းစုကြည်၏ ပုံရိပ်များကို ယှဉ်တွဲဖော်ပြပြီးမဟုတ်မမှန်ရေးသားမှုများပြုလုပ် ထားကြောင်း တရားလိုဘက်မှစွပ်စွဲထားခြင်းဖြစ်သည်။
အဆိုပါတရားစွဲဆိုမှုမှာ မျိုးစောင့်ဥပဒေနှင့်ပတ်သက်သည့် ဟောပြောမှုများအတွက် တရားစွဲဆိုခြင်း မဟုတ်ဘဲ ပါတီခေါင်း ဆောင်တစ်ဦးနှင့် နိုင်ငံရေးပါတီ တစ်ခုအပေါ် ပုတ်ခတ်တိုက်ခိုက် ခြင်းကြောင့် တရား ဥပဒေကြောင်းအရ ရင်ဆိုင်ဖြေရှင်းခြင်းဖြစ်ကြောင်း မကွေးတိုင်း NLDကပြီးခဲ့သည့်လအတွင်းက ထုတ်ပြန် ခဲ့သည်။
ယင်းအမှုနှင့် ပတ်သက်၍ စက်တင်ဘာ ၉ ရက်တွင် ထပ်မံစစ်ဆေးရန် တရားရုံးက ထပ်မံချိန်းဆို ခဲ့ကြောင်း သတင်းရရှိ သည်။
7Day DAILY
No comments:
Post a Comment