သမ္မတဦးသိန်းစိန်နှင့် ဗိုလ်ရှုခံသဘင်အခမ်းအနားလာတက်သည့် တိုင်းရင်းသားပါတီ ၁၂ ခုတို့ နေပြည်တော်ရှိ MICC 2 တွင် ၂၀၁၅ ခုနှစ်၊ ဇန်နဝါရီ ၅ ရက် နံနက်က တွေ့ဆုံအပြီး တွေ့ရစဉ်။ (ဓာတ်ပုံ - မောင်သင်တုန်း၊ မဇ္ဈိမ)
သမ္မတနှင့် ၄၈ ဦး တွေ့ဆုံပွဲတွင် တိုင်းရင်းသားရေးရာ ဝန်ကြီး ၂၉ ဦး ပါဝင်သည့်အပေါ် ဒေါ်အောင်ဆန်း စုကြည်၏ မှတ်ချက်နှင့် ပတ်သက်၍ အချက်သုံးချက်ပါ သဘောထား ထုတ်ပြန်ချက်တစ်ရပ်ကို ဇန်န၀ါရီ ၁၃ ရက် နေ့စွဲဖြင့် ထုတ်ပြန်ကြေညာ လိုက်သည်။
ပြီးခဲ့သည့် ဇန်န၀ါရီလ ၁၂ ရက်က သမ္မတ အိမ်တော်တွင် ကျင်းပသည့် တွေ့ဆုံပွဲအပြီးတွင် ဒေါ်အောင်ဆန်း စုကြည်က “တိုင်းရင်းသား ဝန်ကြီးတွေဆိုတာ တကယ်တော့ အစိုးရအဖွဲ့ကပဲလေ။ တိုင်းရင်းသား ဝန်ကြီးတွေနဲ့ ဆွေးနွေးတယ်ဆိုတာ တစ်မျိုးပေါ့” ဟု ပြောကြားခဲ့ခြင်း ဖြစ်သည်။
ထို့ပြင် တိုင်းရင်းသားရေးရာ ဝန်ကြီးများသည် နိုင်ငံရေးပါတီများ၏ ခေါင်းဆောင်များ မဟုတ်သကဲ့သို့ လွှတ်တော်မှ အဖွဲ့ခေါင်းဆောင်များ လည်း မဟုတ်သည့်အတွက် မည်သည့်အပေါ်အခြေခံ၍ ဖိတ်သည်ကို နားမလည်ကြောင်း ဆက်လက်ပြောကြားခဲ့ခြင်း ဖြစ်သည်။
တိုင်းရင်းသားရေးရာ ဝန်ကြီးများ၏ ထုတ်ပြန်ချက်တွင် ၂၀၀၈ ဖွဲ့စည်းပုံအခြေခံ ဥပဒေအရ သက်ဆိုင်ရာ မဲဆန္ဒရှင်များက ရွေးချယ်ထားခြင်း၊ ရွေးချယ်ခံရသော တိုင်းရင်းသားလူမျိုး လွှတ်တော်ကိုယ်စားလှယ် များသည် ဖွဲ့စည်းပုံအခြေခံဥပဒေအရ သက်ဆိုင်ရာ တိုင်းဒေသကြီးနှင့် ပြည်နယ် အစိုးရအဖွဲ့ဝင် ဝန်ကြီးများ ဖြစ်ရမည်ဟု ပြဋ္ဌာန်းထားသည်။
ယင်းအပြင် တိုင်းရင်းသားရေးရာဝန် ကြီးများသည် သက်ဆိုင်ရာ တိုင်းဒေသကြီး၊ ပြည်နယ်အစိုးရအဖွဲ့ဝင် ဝန်ကြီးများ ဖြစ်သော်လည်း တိုင်းဒေသကြီး၊ ပြည်နယ်အတွင်းရှိ သက်ဆိုင်ရာ တိုင်းရင်းသား လူမျိုးစုများ၏ ကိုယ်စားလှယ်များ ဖြစ်ပါသည်။
ထို့ကြောင့် နိုင်ငံတော် သမ္မတကြီး၏ ဖိတ်ကြားချက်အရ ဇန်န၀ါရီ ၁၂ ရက် ငုဝါ ရွှေဝါခန်းမတွင် ကျင်းပ ပြုလုပ်သော တွေ့ဆုံဆွေးနွေးပွဲသို့ တက်ရောက်လာခြင်းသည် ပြည်သူနှင့် နိုင်ငံတော်၏ အကျိုးစီးပွား အတွက်ဖြစ်ကြောင်း သဘောထားထုတ်ပြန်အပ်ပါသည်ဟု ဖော်ပြထားသည်။
ကရင်ပြည်နယ် အစိုးရအဖွဲ့၊ ပအိုဝ်းတိုင်းရင်းသားရေးရာဝန်ကြီး ဦးခွန်သန်းမြင့်က “အခြေခံဥပဒေအရ အစိုးရအဖွဲ့ ဝန်ကြီးလည်းဖြစ် တယ်၊ ပြည်သူ့ကိုယ်စားလှယ် လည်းဖြစ်တယ်၊ အစိုးရက ခန့်ထားတဲ့ ၀န် ကြီး မဟုတ်ဘူး။ ပြည်သူက ရွေးလို့ ဖြစ်တာပါ” ဟု ပြောကြားသည်။
Mizzima - News in Burmese
No comments:
Post a Comment